నాలుగు రాఫెల్ యుద్ధ విమానాలు, ఇద్దరు సి-17 గ్లోబ్‌మాస్టర్లు మరియు 72 మంది ఐఎఎఫ్ సిబ్బందితో కూడిన వైమానిక యోధుల బృందం ఈరోజు ఫ్రాన్స్‌కు బయలుదేరింది. బాస్టిల్ డే రోజున ఐ ఎ ఎఫ్  వైమానిక యోధుల ఫ్లై పాస్ట్ మరియు మార్చింగ్ రెండు దేశాలు వైమానిక సేన రంగంలో పంచుకునే సుదీర్ఘ అనుబంధాన్ని అనుసరిస్తుంది . వేలింకర్, శివదేవ్ సింగ్, హెచ్‌సి దేవాన్ మరియు జంబో మజుందార్ వంటి చాలా మంది భారతీయులు రెండు ప్రపంచ యుద్ధాల సమయంలో ఫ్రాన్స్ ఆకాశంలో పోరాడారు. జంబో మజుందార్ వంటి కొందరు  రెండవ ప్రపంచ యుద్ధం యొక్క చివరి దశలో ఫలైస్ గ్యాప్‌పై వారి అద్భుతమైన  యుద్ద నైపుణ్యం ప్రదర్శించడం వల్ల అలంకరించబడ్డారు.

 

భారత వైమానిక దళం ఔరాగన్‌తో ప్రారంభించి పలు ఫ్రెంచ్ విమానాలను కూడా నడుపుతోంది. దీని తర్వాత బ్రెగ్యుట్ అలైజ్, మిస్టెరే ఐ వీ ఏ, ఎస్ ఈ పీ ఈ సీ ఏ టీ  జాగ్వార్, మిరాజ్ 2000 మరియు ఇప్పుడు, రాఫెల్ వంటి యుద్ధ విమానాలు వచ్చాయి.  ఔలెట్టే-III మరియు లామ వంటి హెలికాప్టర్లు భారతదేశానికి, ప్రత్యేకించి మారుమూల హిమాలయ ప్రాంతాలలో అనేక సేవలను అందిస్తూనే ఉన్నాయి. వాస్తవానికి ఐ ఎ ఎఫ్ మార్చింగ్ కంటెంజెంట్‌కు స్క్వాడ్రన్ లీడర్ సింధు రెడ్డి నాయకత్వం వహిస్తారు. ఆమె హెలికాప్టర్ పైలట్‌గా పని చేస్తున్నారు. ఆమె తన సేవలో ఔలెట్టే-III హెలికాప్టర్‌ను కూడా విస్తృతంగా నడిపారు.

 

ఎక్స్ డెజర్ట్ నైట్, గరుడ మరియు ఓరియన్ వంటి ఫ్లయింగ్ వ్యాయామాల సమయంలో రెండు వైమానిక దళాల మధ్య వృత్తిపరమైన సంబంధాలు కూడా బలపడ్డాయి. ఐ ఎ ఎఫ్  యొక్క రాఫెల్ ఎయిర్‌క్రాఫ్ట్, ఎఫ్ ఎ ఎస్ ఎఫ్ తో రెక్కలకు రెక్కలు కలిపి ఎగురుతుంది. ఈ వ్యూహాత్మక స్నేహం దశాబ్దాలుగా విస్తరించి ఉంది. ఇది భూమిపై మరియు వైమానిక రంగం లో పరిపక్వం చెందుతూనే ఉంది.

 

***

(Release ID: 1938075) Visitor Counter : 128