انڈیا پوسٹ نے حال ہی میں کینیڈا پوسٹ کے ساتھ ایک معاہدہ کیا ہے تاکہ دونوں ممالک کے درمیان ای کامرس کی برآمدات کو آسان بنانے کے لیے انٹرنیشنل ٹریکڈ پیکٹ سروس (آئی ٹی پی ایس) متعارف کرائی جائے۔ یہ سروس 01 جولائی 2023 سے کام کرے گی جیسا کہ محکمہ ڈاک نے 28 جون 2023 کو گزٹ آف انڈیا میں مطلع کیا ہے۔

آئی ٹی پی ایس  پیکٹوں کی ترسیل اور ترسیل کے لیے ایک مسابقتی سروس ہے اور اسے مقامی ڈاکخانوں کا استعمال کرتے ہوئے اپنی مصنوعات کی برآمدات کو فروغ دینے کے لیے ایم ایس ایم ایز ، چھوٹے کاروباروں، تاجروں وغیرہ سمیت ای کامرس برآمد کنندگان کی سرحد پار ترسیل کی ضروریات کو پورا کرنے کے لیے ڈیزائن کیا گیا ہے۔ انڈیا پوسٹ پہلے ہی 38 پارٹنر ممالک کے ساتھ یہ سروس فراہم کرتا ہے اور کینیڈا 39 ویں نمبر پر ہوگا۔ 01 جون 2023 سے برطانیہ، فرانس، متحدہ عرب امارات، مصر، عمان وغیرہ سمیت 22 نئے شراکت داروں کو شامل کرکے اس سروس کو 16 ممالک سے 38 ممالک تک بڑھا دیا گیا۔آئی تی پی ایس سروس والے ممالک کی تفصیلات ٹیرف کے ساتھ پر دستیاب ہیں۔   https:/ /www.indiapost.gov.in/MBE/Pages/Content/International-Tracked-Packet-.aspx۔

بین الاقوامی ای ایم ایس (اسپیڈ پوسٹ) اور دیگر مارکیٹ پروڈکٹس کے مقابلے میں آئی ٹی پی ایس کی شرحیں بہت کم رکھی گئی ہیں۔ پہلے 50 گرام کے لیے ڈاک 400 روپے اور ہر اضافی 50 گرام کے لیے 35 روپے ہو گی۔ یہ برآمد کنندگان کو 2 کلوگرام تک ایک سستی شپنگ حل فراہم کرے گا اور کنٹریکٹ کے صارفین کو پک اپ اور حجم کی بنیاد پر رعایت فراہم کرے گا۔

 

*************

 

ش ح۔ ح ا ۔ م ش

U. No.6742

(Release ID: 1937240) Visitor Counter : 97