“সিক্কল সেল লাইনা অসি অখন্ননা সমাজগী ত্রাইবেল সেক্সনদা শাফুবা পীবা লাইনা অমনি। সরকারনা লাইনা অসি ২০৪৭দা ভারতকী অমৃত কাল পাংথোক্কদৌরিবা অসিগী মাংওইননা মুত্থৎনবা ৱাশক্লি।” ৱাফম অসি ভারতকী প্রধান মন্ত্রী শ্রী নরেন্দ্র মোদীনা ঙসি মধ্য প্রদেশকী শাহদোলদা নেস্নেল সিক্কল সেল অনেমিয়া এলিমিনেশন মিসন (এন.এস.সি.ই.এম.) হৌদোক্লদুনা ফোংদোকখিবনি। হেল্থ অমসুং ফেমেলী ৱেলফেয়রগী কেন্দ্র মন্ত্রী দা. মানসুখ মান্দবিয়া, মধ্য প্রদেশকী রাজ্যপাল শ্রী মঙ্গুভাই সি. পতেল, মধ্য প্রদেশকী মুখ্য মন্ত্রী শ্রী শিবরাজ সিংহ চৌহান, হেল্থ অমসুং ফেমেলী ৱেলফেয়রগী কেন্দ্রগী রাজ্য মন্ত্রী দা. ভারতি প্রবিন পৱার, হেল্থ অমসুং ফেমেলী ৱেলফেয়রগী কেন্দ্রগী রাজ্য মন্ত্রী প্রোফেসর এস.পি. সিংহ বাঘেল, রুরেল দিবলপমেন্ত অমসুং স্তীলগী কেন্দ্রগী রাজ্য মন্ত্রী শ্রী ফাগন সিংহ কুলাস্তে, ত্রাইবেল এফিয়ার্সকী কেন্দ্রগী রাজ্য মন্ত্রী শ্রীমতী রেনুকা সিংহ সারুতা, অমসুং ত্রাইবেল এফিয়ার্সকী কেন্দ্রগী রাজ্য মন্ত্রী শ্রী বিশ্বেস্বর তুদুসু থৌরমদুদা শরুক য়াখি।

সভাদা ৱা ঙাংলদুনা প্রধান মন্ত্রীনা হায়খি মদুদি ঙসি এন.এস.সি.ই.এম.গী খোংথাং অমসুং অয়ুশ্মান ভারত কার্দশিং য়েন্থোকপগা লোয়ননা শাহদোলদা লেন্দমার্ক অমা মার্ক তৌদুনা লৈবাক অসি ত্রাইবেল কম্যুনিতীগী হশেল প্রায়োরিতাইজ তৌরে। প্রধান মন্ত্রীনা হায়খি মদুদি মহাক্না গুজরাতকী মুখ্য মন্ত্রী ওইদ্রিঙৈ মমাংদগী হৌদুনা ত্রাইবেল কম্যুনিতীশিংগা লোয়ননা থবক তৌরি অমদি লাইনা অসিনা মীওইবগী হকচাংদা পীরিবা শাফু অদু খংঙি।

প্রধান মন্ত্রীনা লাইনা অসি মুথৎপদা সরকার ওইগেরা, হেল্থ ৱার্কর ওইগেরা নত্রগা নাগরিক মশামক ওইগেরা, মীপুম খুদিংগী মথৌ তাবা থৌদাং অদু ফোংদোকখি। মহাক্না মখা তাখি, “নেস্নেল সিক্কল সেল অনেমিয়া এলিমিনেশন মিসন্না লাইনা অসি নাবা মীওই খক্তা নত্তনা ইমুং পুম্বদা শাফু পীরিবা সিক্কল সেল লাইনা থেংনবগী মায়কৈদা মপুং ফাবা থৌদাং লৌরি। এন.এস.সি.ই.এম.দা লাইনা অসি ঙন্না খংদোক্নবা অমসুং লায়েং চত্থনবা স্ক্রীনিং অমসুং এৱারনেস অনিমক য়াওরি।”

প্রধান মন্ত্রীনা ২০১৩দা কালাজারগী মশিং ১১,০০০ ওইরম্বদগী ঙসি ১০০০গী মখাদা পুরকপা নত্রগা ২০১৩দা মেলেরিয়া কেস লাখ ১০ ওইখিবদগী ঙসি লাখ ২গী মখাদা পুরকপা ওইগেরা, লৈবাক অসিদা লাইনাগী শাফু হন্থহন্নবা সরকারনা লৌখৎলিবা খোংথাংশিং ফোংদোকখি। মতৌ অদিম্না লেপ্রোসী কেস লাখ ১.২৫দগী লিশিং ৭০-৭৫দা হন্থরে। ২০২৫ ফাওবদা ত্যুবরক্যুলোসিস শন্দোকপা থিংনবা মতৌ করম্না সরকারনা থবক পায়খৎলিবগে হায়বসু মহাক্না ফোংদোকখি। মহাক্না মখা তাখি, “মসি মমশিং অদু খক্তা নত্তে, অনাবগী শাফু হন্থবা মতমদা, মীয়াম্না মায়োক্নরিবা চৈনা, স্ত্রগল, অকিবা, অশিবসু হন্থৈ।”

প্রধান মন্ত্রীনা নেস্নেল সিক্কল সেল অনেমিয়া এলিমিনেশন মিসন লোঞ্চ তৌখি লোয়ননা সিক্কল সেল অনেমিয়া এলিমিনেশন মিসনগীদমক গাইদলাইনশিং রিলিজ তৌখি। মহাক্না মেদিকেল ওফিসরশিং, স্তাফ নর্সশিং, কম্যুনিতী হেল্থ ওফিসরশিং, ঔজিলরী নর্স মিদৱাইবস অমসুং এক্রিদিতেদ সোসিএল হেল্থ এক্তিবিস্ত ৱার্করশিং য়াওনা প্রাইমারী, সেকেন্দরী অমসুং তর্সরী কেয়রগীদমক ত্রেনিং মোদ্যুলশিং লোঞ্চ তৌখি। মহাক্না নন-হেল্থ ফঙ্কসনরীশিং, পেরেন্তসশিং, ওজাশিংগীদমক সিক্কল সেল দিজিজগী এৱার্নেস মোদ্যুল অমা লোয়ননা পেসেন্ত, কেয়র গিবর্স অমসুং মীরোনবী নুপীশিংগীদমক কাউন্সেল্লিং মোদ্যুল অমসু রিলিজ তৌখি।

থৌরম অদুদা প্রধান মন্ত্রীনা বেনেফিসরীশিংদা সিক্কল সেল জেনেতিক স্তেতস কার্দশিং খুৎশিন্নখি। মহাক্না মধ্য প্রদেশকী বেনেফিসরীশিংদা ফিজিকেল ওইনা কার্দ করোর ১ য়েন্থোকপগা লোয়ননা অয়ুশ্মান ভারত প্রধান মন্ত্রী জন অরোগ্যা য়োজনা (এ.বি.-পি.এম.জে.এ.ৱাই.) বেনেফিসরীশিংদা দিজিতেল কার্দ চাউরাক্না করোর ৩.৫৭ য়েন্থাকপসু হৌদোকখি।

হকশেল অমসুং ফেমেলী ৱেলফেয়রগী কেন্দ্র মন্ত্রী দা. মানসুখ মান্দবিয়ানা নুমিৎ অসি পুৱারী ওইবা নুমিৎ অমনি ফোংদোক্লদুনা হায়খি মদুদি “প্রধান মন্ত্রী শ্রী নরেন্দ্র মোদীগী লমজিং মখাদা হকশেল অমসুং ফেমেলী ৱেলফেয়র মন্ত্রালয় অমসুং ত্রাইবেল এফিয়ার্স মন্ত্রালয়না ঐখোয়গী ত্রাইবেল কম্যুনিতীশিংনা মায়োক্নরিবা হেল্থ রিক্সশিং হন্থহন্নবা নেস্নেল সিক্কল সেল এনেমিয়া এলিমিনেসন প্রোগ্রাম দিবেলপ তৌখি।”

মহাক্না মখা তাখি, “এলিমিনেসন প্রোগ্রাম অসিনা সরকারগী ইন্তেন্ত অমসুং সিক্কল সেল লাইনা শন্দোকপা থিংনবা খোংথাং মমি তারি। ভারতকী জিলা ২৭৮দা লৈরিবা চহি ০-৪০গী মরক্তা লৈরিবা মীওইশিংবু লাইনা অসি মখা তানা শন্দোকপা থিংনবগীদমক স্ক্রীনিং তৌগনি। সিক্কল সেল লাইনা শন্দোকপা অসি মহৌশানা জেনেতিক ওইবনা, মন্ত্রীনা হায়খি মদুদি অচৌবা পোৎলুম পুরিবা রাজ্যশিংগী মীওইশিংনা মথংগী চারোলদা লাইনা অসি শন্দোক্তনবগীদমক মীয়ামনা লুহোংদ্রিঙৈ মমাংদা সিক্কল সেল জেনেতিক স্তেতস কার্দ চানহনগদবনি। মহাক্না মখা তাখি মদুদি প্রোগ্রাম অসি মায় পাকহন্নবগীদমক সমাজগী থৌদাং মথৌ তাই, সবকা সাথ, সবকা প্রয়াসনা সিক্কল সেল লাইনা শন্দোকপা থিংবা ঙমগনি।”

ঙসি অয়ুশ্মান ভারত-পি.এম.জে.এ.ৱাই. কার্দশিং য়েন্থোকখিবগা মরী লৈননা মন্ত্রীনা হায়খি মদুদি “মমাংদদি ইনাক খুনবা খক্তনা ক্বালিতী ত্রিতমেন্ত ফংবা ঙমলম্মি, হৌজিক্তি হেল্থকেয়রদা থোং মানবা পুরকপা ঙম্লে, লাইরবশিংনা চাদিংগী অকিবা লৈতনা ইনাক খুনবা অমনা হেল্থকেয়রগী ক্বালিতী অদুমক ফংবা ঙম্লে।” মহাক্না মখা তানা ফোংদোকখি মদুদি ঙসি খুঙ্গং ২৫,০০০দা অয়ুশ্মান গ্রাম সভা হৌদোকপনা লাইরবশিংদা এফোর্দেবল অমসুং ক্বালিতী হেল্থকেয়রগী মতাংদা এৱার্নেস ফংহন্নবা সরকারগী ৱাফম অদু উৎলে।

নেস্নেল সিক্কল সেল অনেমিয়া এলিমিনেশন মিসনগী মরমদা:

য়ুনিয়ন বজেত ২০২৩দা পুথোকখিবা নেস্নেল সিক্কল সেল অনেমিয়া এলিমিনেশন প্রোগ্রামনা লৈবাক অসিগী অখন্ননা ত্রাইবেল পোপুলেসনগী মরক্তা সিক্কল সেল লাইনানা থোকহল্লিবা হকশেলগী শিংনবশিং কোকহনবদা মীৎয়েং থম্লি। সিক্কল সেল দিজিজ (এস.সি.দি.) অসি ক্রোনিক সিঙ্গল জিন দিসওর্দর অমনি। লৈবাক অসিগী হায়-ফোকস স্তেত ১৭দা ইমপ্লিমেন্ত তৌরিবা প্রোগ্রাম অসিনা দিজিজ অসিগী প্রিভলেন্স হন্থহন্দুনা সিক্কল সেল লাইনানা নাহল্লবা পুম্নমক্কী কেয়র অমসুং প্রোস্পেক্ত হেনগৎনবা পান্দম থম্লি। রাজ্য ১৭ অদুদি গুজরাত, মহারাস্ত্র, রাজস্থান, মধ্য প্রদেশ, ঝার্খন্দ, ছত্তিশগর, ৱেস্ত বেঙ্গল, ওরিশা, তমিল নাদু, তেলঙ্গনা, অন্ধ্র প্রদেশ, কর্নাতকা, অসাম, উত্তর প্রদেশ, কেরলা, বিহার, অমসুং উত্তরাখন্দনি।

প্রোগ্রাম অসি নেস্নেল হেল্থ মিসন (এন.ঐচ.এম.)গী শরুক ওইনা মিসন মোদ অমদা পায়খৎতুনা ২০৪৭ ফাওবদা সিক্কল সেল জেনেতিক ত্রান্সমিসন মুত্থৎনবা পান্দম থমদুনা লাইনা অসি লৈহন্দনবা লোং তর্ম কমিতমেন্ত অমা উৎলি।

চহি অহুমগী মতমগী মনুংদা শেনবা চহি ২০২৩-২৪দগী শেনবা চহি ২০২৫-২৬ ফাওবদা প্রোগ্রাম অসিনা চাউরাক্না মীওই করোর ৭ স্ক্রীনিং তৌনবা পান্দম থম্লি।

থৌরম অসি য়েংবা মসিদা য়াগনি: https://www.youtube.com/watch?v=hGvXFSZG59c

****