ಗಣಿ ಸಚಿವಾಲಯ

ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ನಿರ್ಣಾಯಕ ಖನಿಜಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದರು


ತಜ್ಞರ ಸಮಿತಿಯಿಂದ ಗುರುತಿಸಲ್ಪಟ್ಟ ಮೂವತ್ತು ಕಾರ್ಯತಂತ್ರದ ಪ್ರಮುಖ ನಿರ್ಣಾಯಕ ಖನಿಜಗಳು

ಜಿಯೋಲಾಜಿಕಲ್ ಸರ್ವೆ ಆಫ್ ಇಂಡಿಯಾವು ನಿರ್ಣಾಯಕ ಮತ್ತು ಆಳವಾದ ಖನಿಜ ಪರಿಶೋಧನೆಯ ಮೇಲೆ ಹೆಚ್ಚು ಗಮನಹರಿಸಿದೆ- ಸಚಿವ ಪ್ರಹ್ಲಾದ್ ಜೋಶಿ

Posted On: 28 JUN 2023 8:23PM by PIB Bengaluru

ಕೇಂದ್ರ ಕಲ್ಲಿದ್ದಲು, ಗಣಿ ಮತ್ತು ಸಂಸದೀಯ ವ್ಯವಹಾರಗಳ ಸಚಿವ ಶ್ರೀ ಪ್ರಹ್ಲಾದ್ ಜೋಶಿ ಅವರು ಇಂದು ನಡೆದ ಸಮಾರಂಭದಲ್ಲಿ ಗಣಿ ಸಚಿವಾಲಯದ ತಜ್ಞರ ತಂಡವು ಸಿದ್ಧಪಡಿಸಿದ “ಭಾರತದ ನಿರ್ಣಾಯಕ ಖನಿಜಗಳು”ಕುರಿತು ದೇಶದ ಮೊದಲ ವರದಿಯನ್ನು ಅನಾವರಣಗೊಳಿಸಿದರು. ಸಚಿವಾಲಯದ ಪ್ರಯತ್ನಗಳಿಗೆ ಪೂರಕವಾಗಿ, ರಕ್ಷಣಾ, ಕೃಷಿ, ಇಂಧನ, ಔಷಧೀಯ, ದೂರಸಂಪರ್ಕ ಮುಂತಾದ ಕ್ಷೇತ್ರಗಳ ಅಗತ್ಯತೆಗಳನ್ನು ಗಣನೆಗೆ ತೆಗೆದುಕೊಂಡು ಭಾರತವು ಮೊದಲ ಬಾರಿಗೆ ನಿರ್ಣಾಯಕ ಖನಿಜಗಳ ಸಮಗ್ರ ಪಟ್ಟಿಯನ್ನು ಗುರುತಿಸಿದೆ ಎಂದು ಶ್ರೀ ಜೋಶಿ ತಿಳಿಸಿದರು. ಆತ್ಮನಿರ್ಭರಭಾರತದ ಮಾರ್ಗಸೂಚಿಯನ್ನು ಸಚಿವರು ವಿವರಿಸಿದರು.

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿಯವರ ಇತ್ತೀಚಿನ ಯಶಸ್ವಿ ಅಮೆರಿಕ ಭೇಟಿಯನ್ನು ಸ್ಮರಿಸಿದ ಸಚಿವ ಶ್ರೀ ಜೋಶಿ, ನಿರ್ಣಾಯಕ ಖನಿಜ ಪೂರೈಕೆ ಸರಪಳಿಗಳನ್ನು ಹೆಚ್ಚಿಸಲು ಭಾರತವು ಅಸ್ಕರ್ ಮಿನರಲ್ ಸೆಕ್ಯುರಿಟಿ ಪಾಲುದಾರಿಕೆಯಲ್ಲಿ (MSP) ಹೊಸ ಪಾಲುದಾರವಾಗಿದೆ ಎಂದು ಹೇಳಿದರು. ಇಂದು ಬಿಡುಗಡೆ ಮಾಡಿದ ವರದಿಯಲ್ಲಿ 30 ನಿರ್ಣಾಯಕ ಖನಿಜಗಳನ್ನು ಗುರುತಿಸಲಾಗಿದೆ. ಪ್ರಸ್ತುತ ಜಿಯೋಲಾಜಿಕಲ್ ಸರ್ವೆ ಆಫ್ ಇಂಡಿಯಾ (ಜಿಎಸ್ಐ) ನಮ್ಮ ಗಣಿಗಾರಿಕೆ ಕ್ಷೇತ್ರದ ಬೆಳವಣಿಗೆಗೆ ಮತ್ತಷ್ಟು ಪೂರಕತೆಯನ್ನು ಒದಗಿಸಲು ನಿರ್ಣಾಯಕ ಮತ್ತು ಆಳವಾದ ಖನಿಜಗಳ ಅನ್ವೇಷಣೆಗೆ ಹೆಚ್ಚು ಗಮನಹರಿಸಿದೆ. ಇತ್ತೀಚಿನ ವರ್ಷಗಳಲ್ಲಿ ಗಣಿ ಸಚಿವಾಲಯವು ಪ್ರಾರಂಭಿಸಿದ ವಿವಿಧ ಸುಧಾರಣೆಗಳು ಮತ್ತು ಕಾಯಿದೆ ತಿದ್ದುಪಡಿಗಳ ಪ್ರಗತಿಗೆ ಪೂರಕವಾಗಿದೆ ಎಂದರು.
ಗಣಿ ಸಚಿವಾಲಯದ ಕಾರ್ಯದರ್ಶಿ ಶ್ರೀ ವಿವೇಕ್ ಭಾರದ್ವಾಜ್ ಮಾತನಾಡಿ, ಇಂಗಾಲದ ಹೊರಸೂಸುವಿಕೆಯನ್ನು ಕಡಿಮೆ ಮಾಡುವ ನಿಟ್ಟಿನಲ್ಲಿ ಅಂತಾರಾಷ್ಟ್ರೀಯ ಬದ್ಧತೆಗಳು ಶಕ್ತಿ ಪರಿವರ್ತನೆ ಮತ್ತು ನಿವ್ವಳ-ಶೂನ್ಯ ಬದ್ಧತೆಗಳಿಗೆ ಖನಿಜ ಅಗತ್ಯಗಳನ್ನು ತುರ್ತಾಗಿ ಮರುಪರಿಶೀಲಿಸುವ ಅಗತ್ಯವಿದೆ. ಸಚಿವಾಲಯವು ನಿಯಮಿತವಾಗಿ ನಿರ್ಣಾಯಕ ಖನಿಜ ಪಟ್ಟಿಯನ್ನು ಮರುಪರಿಶೀಲಿಸುತ್ತದೆ ಎಂದು ಅವರು ಹೇಳಿದರು.

ಕಾರ್ಯಕ್ರಮದಲ್ಲಿ ವಿದೇಶಿ ಗಣ್ಯರು, ಉದ್ಯಮ ಪ್ರತಿನಿಧಿಗಳು, ವಿಷಯ ತಜ್ಞರು ಮತ್ತು ಹಿರಿಯ ಸರ್ಕಾರಿ ಅಧಿಕಾರಿಗಳು ಸೇರಿದಂತೆ ಪ್ರಮುಖ ಗಣ್ಯರು ಉಪಸ್ಥಿತರಿದ್ದರು. ಕ್ರಿಟಿಕಲ್ ಮಿನರಲ್ಸ್ನ ಮುಖ್ಯಾಂಶಗಳನ್ನು ಕಿರು ಸಾಕ್ಷ್ಯಚಿತ್ರದ ಮೂಲಕ ಪ್ರದರ್ಶಿಸಲಾಯಿತು ಮತ್ತು ಕೆಲವು ಪ್ರಮುಖ ನಿರ್ಣಾಯಕ ಖನಿಜಗಳನ್ನು ಪ್ರದರ್ಶಿಸಲಾಯಿತು.

ಕ್ರಿಟಿಕಲ್ ಮಿನರಲ್ಸ್ ಪಟ್ಟಿಯ ಬಿಡುಗಡೆಯು ಖನಿಜ ಸಂಪನ್ಮೂಲಗಳ ಡೊಮೇನ್ನಲ್ಲಿ ಸ್ವಾವಲಂಬನೆ ಮತ್ತು ಭದ್ರತೆಯ ಅನ್ವೇಷಣೆಯಲ್ಲಿ ಇದು ಮಹತ್ವದ ಮೈಲಿಗಲ್ಲು. ಹೈಟೆಕ್ ಎಲೆಕ್ಟ್ರಾನಿಕ್ಸ್, ದೂರಸಂಪರ್ಕ, ಸಾರಿಗೆ ಮತ್ತು ರಕ್ಷಣೆಯಂತಹ ವಿವಿಧ ಕೈಗಾರಿಕಾ ವಲಯಗಳಿಗೆ ಅಗತ್ಯವಾದ ಖನಿಜಗಳನ್ನು ಗುರುತಿಸಲು ಮತ್ತು ಆದ್ಯತೆ ನೀಡಲು ನಿಖರವಾಗಿ ಕಂಪೈಲ್ ಮಾಡಿದ ಪಟ್ಟಿಯನ್ನು ಬಿಡುಗಡೆ ಮಾಡಲಾಗಿದೆ. ಗಣಿಗಾರಿಕೆ ವಲಯದಲ್ಲಿ ನೀತಿ ನಿರೂಪಣೆ, ಕಾರ್ಯತಂತ್ರದ ಯೋಜನೆ ಮತ್ತು ಹೂಡಿಕೆ ನಿರ್ಧಾರಗಳಿಗೆ ಈ ಪಟ್ಟಿಯು ಪ್ರಮುಖ ಮಾರ್ಗಸೂಚಿಯಾಗಿರಲಿದೆ. ಈ ಉಪಕ್ರಮವು ದೃಢವಾದ ಮತ್ತು ಸ್ಥಿತಿಸ್ಥಾಪಕ ಖನಿಜ ವಲಯವನ್ನು ರಚಿಸುವ ಸರ್ಕಾರದ ಬದ್ಧತೆಯ ಮೂಲಕ ಭಾರತಕ್ಕೆ 'ನಿವ್ವಳ ಶೂನ್ಯ' ಗುರಿಯನ್ನು ಸಾಧಿಸುವ ದೊಡ್ಡ ದೃಷ್ಟಿಯೊಂದಿಗೆ ಹೆಚ್ಚು ಪೂರಕವಾಗಿದೆ.
ವರದಿhttp://: https://sendgb.com/lIF9xANtQCD

***



(Release ID: 1936286) Visitor Counter : 151


Read this release in: English , Urdu , Hindi