চু থাবা লৌমীশিংগী য়াইফনবা খন্দুনা, প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা, চু য়োনবা মতম ২০২৩-২৪ (ওক্তোবর-সেপ্তেম্বর)গী ওইনা চুগী মমল (ফিয়ার এন্দ রিমুনেরেতিপ প্রাইজ) চাদা ১০.২৫গী বেসিক রিকভরি রেত্তা কুইন্তল অমদা লুপা ৩১৫ পীবা অয়াবা পীরে। রিকভরি ওভরদা চাদা ০.১ হেনগত্তুনা কুইন্তল অমদা লুপা ৩.০৭ গী প্রেমিয়ম অমা পীবা অমসুং চাদা ১০.২৫গী মথক্তা, অমসুং এফ.আর.পি হন্থদুনা রিকভরিদা চাদা ০.১ হন্থবা খুদিংগী কুইন্তল অমদা লুপা ৩.০৭ হন্থবা অয়াবা পীরে।

করিগুম্বা চিনিগী মিলশিংদা রিকভরি চাদা ৯.৫কী মখাদা লৈবা মতমদা, লৌমীশিংগী য়াইফনবা খন্দুনা ককথবা অমতা তৌরোই হায়না সরকারনা ৱারেপ লৌরে। হৌজিক ২০২২-২৩গী চু য়োনবা মতমদা পীরিবা কুইন্তল অমদা লুপা ২৮২.১২৫গী মহুত্তা চু য়োনবা মতম ২০২৩-২৪দা লৌমীশিংনা কুইন্তল অমদা লুপা ২৯১.৯৭৫ ফংলগনি।

২০২৩-২৪ গী ওইনা চু পুথোকপদা চঙবা শেনফম অসি কুইন্তল অমদা লুপা ১৫৭ নি। রিকভরি রেত চাদা ১০.২৫ তা কুইন্তল অমদা লুপা ৩১৫গী মমল অসি পোৎথোক পুথোকপদা চঙবা মমলদগী চাদা ১০০.৬ হেল্লবনি। ২০২৩-২৪গী চুগী মমল অসি হৌজিক লৈরিবা ২০২২-২৩গী মমল অসিদগী চাদা ৩.২৮ হেল্লবনি।

অয়াবা পীরবা মমল অসি চিনিগী মিলশিংনা ওক্তোবর ১, ২০২৩দগী লৌমীশিংদগী চু লৈবা মতমদগী চৎনবা হৌগনি। চিনিগী সেক্তর অসি লৌমী করোর ৫ অমসুং মখোয়গী মখা পোন্না হিংলিবশিং অমসুং চিনিগী মিলশিংদা থবক তৌরিবা শিন্মী লাখ ৫ রোমদা হিংনবা লম্বী পীরিবা মরুওইবা সেক্তর অমনি। মসিনা লৌবুকশিং অমসুং পুথোক-পুশিন্দা মীওই কয়াশু থবক পীরি।

কম্মিসন ফোর এগ্রিকলচরেল কোস্তস এন্দ প্রাইজেস (সি এ সি পি)গী ৱারেপশিং মতুংইন্না অমসুং রাজ্য সরকারশিং অমসুং অতোপ্পা মরী লৈনবশিং খন্নরবা মতুংদা চুগী মমল লেপ্পনি। চু য়োনবা মতম ২০১৩-১৪ দগী হৌনা সরকারনা লাউথোকখিবা মমলগী অকুপ্পা মরোলশিং মখাদা লৈরে :

নুঙগীৱারোল

হৌজিক্কী চু লৈবগী মতম ২০২২-২৩দা, চিনিগী মিলশিংনা লুপা করোর ১,১১,৩৬৬ রোমগী চু তন লাখ ৩,৩৫৩ রোম লৈখ্রে, মসি ফৌগী মথংদা মিনিমম সপোর্ত প্রাইজদা খ্বাইদগী য়াম্না লৈবনি। সরকারনা লৌমীশিংগী য়াইফনবা পায়খৎলিবা থবকশিংগী খুৎথাংদা মতম চানা চু থাবা লৌমীশিং মখোয়গী শেনফমশিং ফংহনগনি।

হৌখিবা চহি ৫দা বাইওফুয়েল সেক্তরদা ইথানোল শীজিন্নবা হেনগৎলকপদগী চু থাবা লৌমীশিং অমসুং চিনিগী থবকশিং মপুংফানা শৌগৎলে অমসুং চু/চিনি ইথানোলদা শীজিন্নবদগী চিনিগী মিলশিংগী শেন-থুমগী ফিবম হেন্না ফগৎলক্তুনা শেনফমশিং অথুবা মতমদা পীথোক্লে, ৱার্কিং কেপিতেল দরকার ওইবা হন্থরে অমসুং মিলশিংদা অহেনবা চিনি য়াম্না লৈতবদগী ফন্দশিং পন্দুনা লৈবা হন্থরে, মরম অদুনা চু থাবা লৌমীশিংদা মতম চানা চুগী শেনফমশিং পীথোকপা ঙমহল্লে। ও.এম.সিশিংদা ইথানোল য়োনবদগী চিনিগী মিলশিং/দিস্তিল্লরিশিংনা ২০২১-২২দা লুপা করোর ২০,৫০০গী শেনফম তানবা ঙম্লে।

পেত্রোলদা ইথানোল য়ানশিনবগী থৌরম অসিনা ফোরেন একচেঞ্জশিং কনবা ঙম্লে অমসুং লৈবাক অসিদা ইনর্জি সেকুরিতি মপাঙ্গল কনখৎহল্লে অমসুং মপান্দগী পুশিল্লকপা থাউগী মখা পোনবা হন্থহন্দুনা পেত্রোল সেক্তরদা অত্মানির্ভার ভারতকী পান্দম ফংবদা মতেং পাংলে। ২০২৫ ফাওবদা, অহেনবা চিনি ৬০ এল.এম.তি ইথানোলদা য়ানশিন্নবা, মসিনা চিনি য়াম্না পৈশিনবদগী থেংনবা খুদোংচাদবশিং কোকহন্নবা পান্দম থম্লি। মসিনা মিলশিংনা মতম চানা চু থাবা লৌমীশিংগী শেন মতম চানা পীথোকপা ঙমহনগনি অমসুং খুঙ্গংগী লমশিংদা থবক ফংবগী খুদোংচাবশিং ফংবা হেনগৎহনগনি। পেত্রোলদা ইথানোল য়ানশিনবা অসিনা পোল্লুসন হন্থহনগনি অমসুং নুংশিৎ ফবা হেনগৎহনগনি।

লৌমীশিংগী য়াইফনবা সরকারনা পায়খৎলিবা থৌশিলশিংনা চিনি শীজিন্নরিবশিং অমসুং চিনি পুথোকপগী লমদা থবক তৌরিবশিং মীওই করোর ৫ হেনবগী হিংনবা লম্বী ফগৎহল্লে অমসুং অহোংবা মমলদা চিনি ফংহল্লে। সরকারগী লৌমীশিংগী য়াইফনবা থৌশিলশিংনা মরম ওইদুনা সুগর সেক্তর অসি হৌজিক মশা মরোমদোম লেপচবা ঙম্লে।

মালেমদা চিন মপান্দা থাদোকপা অনিশুবা খ্বাইদগী চাউবা লৈবাক ওইনা, মালেমগী চিনিগী শেন্মিৎলোন্দা হৌজিক ভারতনা মরুওইবা থৌদাং অমা লৌরে। সুগর সিজন ২০২১-২২দা , ভারতনা চিনি খ্বাইদগী য়াম্না পুথোকপা লৈবাক ওইরে। ২০২৫-২৬ তা মালেমদা ইথানোল য়াম্না পুথোকপা অহুমশুবা লৈবাক ভারতনা ওইগনি হায়না পানরি।

*****