اندرا گاندھی نیشنل سینٹر فار آرٹس اپنی نوعیت کی پہلی نمائش ’بینکنگ آن ورلڈ ہیریٹیج‘ یعنی ’عالمی ثقافتی ورثہ پر اعتماد ‘  کے نام سے ایک نمائش کا اہتمام کر رہا ہے۔ اس نمائش میں آئی جی این سی اے میں یونیسکو کے ذریعہ درج عالمی ثقافتی ورثہ کی جگہوں کی تصویر کشی کرنے والے بینک نوٹوں کو ایک منفرد انداز میں دکھایا جائے گا ۔یہ نمائش جمعہ 30 جون تا اتوار 9 جولائی 2023 تک  جاری رہے گی ۔ نمائش کو ایک آزاد اسکالر اور منی ٹاکس  کی  بانی محترمہ رکمنی دہانوکر نے ترتیب دیا ہے۔ نمائش کا افتتاح 30 جون 2023 بروز جمعہ شام 4 بجے وزیر مملکت برائے امور خارجہ اور ثقافت محترمہ میناکشی لیکھی  کے ذریعے کیا جائے گا ۔ افتتاحی تقریب میں جی 20 ممالک کے ہائی کمشنرز اور سفیر شرکت کریں گے۔

جی-20سربراہی اجلاس کی ہندوستان کی صدارت میں جاری تقریبات کو یادگار بنانے کے لیے، نمائش رکن ممالک کے بینک نوٹوں پر مرکوز ہے۔ یہ ایک خاص موقع بھی ہے جو یونیسکو کے عالمی ثقافتی ورثہ کنونشن کے 50 ویں سال کے ساتھ ہندوستان کی آزادی کے 75 ویں سال کے جشن کے ساتھ ہم آہنگ ہے۔ تجویز کردہ تھیم،’ وسودھیو کٹمبکم‘ یا’ایک زمین ،ایک خاندان، ایک مستقبل‘’عالمی ثقافتی ورثہ کی شاندار عالمی اقدار‘سے بالکل میل کھاتا ہے۔

ڈاکٹر سچیدانند جوشی، ممبر سکریٹری، آئی جی این سی اے کے مطابق، اندرا گاندھی نیشنل سینٹر فار دی آرٹس بھی ایک یادگار شائع کرنے کا ارادہ رکھتا ہے۔ ان کا خیال ہے کہ یہ سووینئر اسکالرز اور نمائش میں آنے والوں کے لیے قیمتی ثابت ہوگا۔ اس کے علاوہ یہ مختلف تہذیبوں کے عالمی ورثے کے مقامات کے بارے میں بھی آگاہی پیدا کرے گا۔ یہ مختلف ممالک کے اسکالرز اور محققین کے درمیان خیالات کے تبادلے کا موقع فراہم کرے گا۔ پروفیسر کمار سنجے جھا، آرکائیوسٹ،آئی جی این سی اے کلچرل آرکائیوز نے کہا کہ آئی جی این سی اے  کو اپنی نوعیت کی پہلی نمائش ’بینکنگ آن ورلڈ ہیریٹیج‘ پیش کرنے پر فخر ہے۔ اس سے پہلے دنیا بھر میں یونیسکو کے عالمی ثقافتی ورثے کی جگہوں کی تصویر کشی کرنے والے بینک نوٹ ایسے منفرد انداز میں پیش نہیں کیے گئے اور نہ ہی ان کی یاد منائی گئی۔

اس نمائش کی کیوریٹر محترمہ رکمنی دہانوکر نے کہا کہ یہ نمائش ہزار سالہ اور نوجوانوں کو بینک نوٹوں کے ذریعے اپنی ثقافت اور ورثے کے بارے میں آگاہ کرے گی۔ انہوں نے کہاکہ ’’میں نے پیسے جمع کرنے میں زیادہ رقم خرچ کی ہے‘‘۔ ہمارے ملک کے بینک نوٹوں میں ہندوستان کی 17 زبانیں ہیں، جو کثرت میں  شمولیت اور وحدت کی عکاسی کرتی ہیں۔ انہوں نے اس تناظر میں مزید کہا کہ ہر چیز میک ان انڈیا ہے اور ہر چیز ہندوستان کا پروجیکشن ہے جس کی عکاسی اس نمائش میں ہوگی۔ انہوں نے یہ کہتے ہوئے اپنی بات ختم کی کہ اس نمائش میں بینک نوٹوں کے ذریعے انسانیت اور ثقافت کے تعلق کو بھی دکھایا جائے گا۔

دلچسپ بات یہ ہے کہ ممبر ممالک نے کرنسیاں جاری کی ہیں جو معاشرے کو ان کی اہمیت کے بارے میں آگاہ کرنے کے لیے ہماری تاریخ کی عظیم یادگاروں کو پیش کرنے کا ایک مؤثر ترین طریقہ ہے۔

سکے قدیم ہندوستانی تاریخ کی تشکیل نو کا انمول ذریعہ ہیں۔ وہ ہمارے ماضی کی شاندار تاریخ کی عکاسی کرتے ہیں۔ بہت سے معاملات میں وہ ہمیں بادشاہوں کے دور حکومت، سلطنتوں کی معیشت، سلطنتوں کی وسعت اور اس دور میں تجارت کے بارے میں بتاتے ہیں۔ وہ اس دور کے فن اور مذہب پر بھی روشنی ڈالتے ہیں جس سے وہ تعلق رکھتے ہیں۔ نمائش کی تکمیل کے لیے، آئی جی این سی اے  پینل ڈسکشن کا بھی اہتمام کر رہا ہے اور  اس کے مقررین میں  جناب سدھاکر کازر، سابق منیجنگ ڈائریکٹر، بھارتی ریزرو بینک نوٹ مدرن لمیٹڈ، پروفیسر پونم مہاجن،این سی اے ای آر ، جناب آشیش چندرا، کنٹری ڈائریکٹر، ڈی لا رو انڈیا پرائیویٹ لمیٹڈ، جناب آنند کوٹھاری، اسکالر اور محترمہ روکمنی دہانوکر، نمائش کی کیوریٹر ، شامل ہیں۔

***********

ش ح ۔  م م - م ش

U. No.6571

(Release ID: 1935804) Visitor Counter : 107