উপ-রাস্ত্রপতিগী লোইশঙ

মালবিয়া নেসনেল ইন্সতিতুৎ ওফ তেক্নোলোজি, জয়পুরদা পাংথোকপা ইজুকেসন্নিস্তস ইন্তরেক্সন মীত্তা ফোঙদোকখিবা উপ রাস্ত্রপতিগী ৱারোল

Posted On: 23 JUN 2023 4:56PM by PIB Imphal

ময়াম পুম্নমক খুরুমজরি ! ঐনা তরাম্না ওকচরি অমসুং য়াইফ-পাউজেল পীজরি

एक बहुत पुरानी कहावत है:

गुरु गोविन्द दोऊ खड़े, काके लागू पाय |

बलिहारी गुरु आपने , गोविन्द दियो बताय ||

করিগুম্বা অদোম্না চহি লিশিং কয়া কুইরবা ঐখোয়গী পুৱারি য়েংলবদি, ওজা অমসুং মহৈরোয়গী মরক্তা লৈনবা মরী অসি পুন্সি চুপ্পা অমনি হায়বা অদোম্না খঙগনি। মসি মীওই অমগী পুন্সি অমসুং শীনফমদা মশক থোকপা তাঞ্জা অমনি, অহোংবা পুরকখিবা অমনি। অদোমগী পুন্সিদা অহোংবা পুরকখিবা, অদোমগী পুন্সিদা ইথিল পীখিবা ওজা খর অদোমগী পুন্সিদা মতম পুম্নমক্তা থেংনগনি। মসি ঐগী পুক্নিংদা ফাওরি।

ঐ সৈনিক স্কুলদা মিং চনবা মতমদা, ঐ ইংলিস তমদবা খুঙ্গংগী স্কুল অমদগী লাকপনি অমসুং সৈনিক স্কুলগী মেদিয়ম অসি ইংলিস ওইরমখি। অদোম্না  ইংলিস খঙদ্রবদি অদোমগী লৌশিং অসি মখা তানা তানশিনবা ঙম্লোই অমসুং ঐনা ঐগী ওজাগী মতেং ফংবদগী, ঐ চহি অনিগী মনুংদা ব্রিতান্নিকা ইনসাইক্লোপেদিয়া, পিকাসো অমসুং চহিচা কয়াগী মালেমগী অফাওবা মীওই ১০০গী পুন্সি ৱারিশিং খঙবা ঙমখি।

ওজা অমনা পুক্নিং থৌগৎপা অসি অখন্নবা থৌনা হাপ্পা অমনি। ঐনা নোংচুপ বেঙ্গলগী রাজ্যপাল ওইনা ৱাশক লৌবা মতমদা, কেরলাদগী কোল অমা য়াম্না তোইনা লাক্লে হায়না ঐঙোন্দা খঙহল্লকখি। কেরলাদগী মীওই অমনা ঐগা পাউ ফাউনবা পামখি। অদুবু কোল অসি তোকখি। কোল অদু সৈনিক স্কুলগী ঐগী ওজা নাইরদগী লাকপনি হায়বা ঐ খঙখি। ঐনা মঙোন্দা কোল তৌখি। ভারতকী উপ রাস্ত্রপতি ওইনা, ঐ কেরলাদা চৎখি অমসুং ওজা অমা কাউবা ঙমদবদগী মহাক্কী য়ুমদা চৎখি।

ওজা অমনা অফবা মীওই শেম্মী অমসুং অফবা মীওইনা অতৈ থবকশিং পাংথোকই। খ্বাইদগী লুবা থবক্তি অফবা মীওই শেমগৎপা অসিনি। লৈঙাক অসিনা ঐখোয়গী ওজাশিং মতেং পাংবা মতম অমদা ঐখোয় হিংবা অসি ঐখোয়গী ওজাশিংগী লাইবক ফবনি। ফিবম ফত্ত্রবসু ওজা অমনা থবক তৌবা ঙম্মী। মখোয়না অঙাংশিং শেন্নগনি। সরকারগী থৌশিলশিং, অফবা থবকশিংনা মরম ওইদুনা নহা ওইরবা মীওই অমনা মহাক্কী থৌনা অমসুং হৈশিংবা মপুংফানা ফুদোক্নবা খুদোংচাবা হৌজিক লৈরে। মহৈলোয়শঙ অমা কয়া য়াম্না ফবগে হায়বসি, মদুগী ইনফ্রাস্ত্রকচর, বিল্দিংনা লেপ্পা নত্তে, মহৈলোয়শঙ অদুগী ওজানা লেপ্পনি। ওজাশিং কয়া য়াম্না ফবগে, কয়া য়াম্না কৎথোকপগে হায়বা খঙবদা মতম য়াম্না লৌদে। য়ুনিভর্সিতি নত্ত্রগা কলেজ অমগী রেত্তিং অসি কৈদৌঙৈদা ইনফ্রস্ত্রকচরগী মখা পোন্দে। ইনফ্রাস্ত্রকচরদি য়াম্না ফবা অদুগা ওজাশিং লৈতবা য়ুনিভর্সিতি খর ঐনা অদোমগী মফমদা মমিং হায়বা ঙমগনি। ঐখোয়গী ওজাশিংনা মরম ওইদুনা, হৌজিক ভারতকী ৱাখল্লোন অসি মালেমদা মাঙজিল থারি। হৌজক্কী মতম অসিদা ঐখোয়গী ওজাশিংনা মাংজিল থানা থবক তৌরি। অপনবা অয়েৎপা অমতা লৈতে। ঐখোয়গী ওজাশিংদা পীফম থোকপা ইকায়খুম্নবা অদু ঐখোয়না পীবা ঙমদবনা মরম ওইদুনা ঐখোয়গী খুন্নাই অসি অৱাবা মায়োক্নরি হায়না ঐনা মীয়ামদা হায়জরি।

কনাগুম্বা অমগী অঙাং শেমগৎপা হায়বসি য়াম্না খুদোংথিনিঙাই ওই। কৎথোকপগা লোয়ন্না অতোপ্পগী অঙাংশিং লমজিংবা অমসুং করম্বা নুপামচশিং, নুপীমচাশিং খুদোংচাদবা থেংনরবগে হায়না খঙদোকপা অমসুং মখোয় পুক্নিং থৌগৎপা অসি য়াম্না লুবা অমনি অমসুং মদু ওজা অমনা পাংথোক্লি।

চহি ১০ ভারতকী উপ রাস্ত্রপতি ওইখিবা অমসুং ভারতকী রাস্ত্রপতি ওইখিবা, মালেমদা মমিং লৈরবা ফিলোসোফর দোক্তর রাধাকৃষ্ণন, রাস্ত্রপতি অমা ওইনা মমিং চৎখিদে। মহাক উপ রাস্ত্রপতি নত্ত্রগা ফিলোসোফর অমা ওইবগী মহাক মমিং চৎখিবা নত্তে, ওজা অমা ওইনা মহাক মমিং চৎখিবনি অমসুং মরম অদুনা ঐখোয়না সেপ্তেম্বর ৫ অসি ঐখোয় খুদিংমক্কী নুমিৎ ওইনা থৌরম পাংথোক্লি।

দোক্তর অবদুল কলাম, মহাক ওজা অমা ওইনা মমিং চৎলি। মহৈরোয়শিংগা ৱারি শান্নরিঙৈদা মহাক অৱাং-নোংপোক্তা লৈখিদে। ওজাশিংগী লমন শিংনবা খুন্নাইনা তমগদবনি, ঐখোয়গী মহৈরোয়শিংনা,খুন্নাইগী থবক তৌগদবনি, ওজাগী লমন শিংগদবনি, হৌরকফম ওইরিবা মহৈলোয়শঙগী থবক তৌগদবনি।

মসিগী থবক অসিনা ঐনা রাজ্যপাল ওইনা, য়ুনিভর্সিতিশিংগী ভি.সি ওইনা অমসুং উপ রাস্ত্রপতি ওইনা, রাজ্য সভাগী চিয়ার্মেন ওইনা থবক  ওইনা পাংথোক্লে। ওজাশিংদা খুন্নাইনা পীগদবা ইকায়খুম্নবা অসি ওফিসিএল প্রোতোগোলগী ৱাংমদনি। মসি থম্মোয়দগী হৌরকপা প্রোতোগোল অমনি।

ঐ ঙরাং জম্মু য়ুনিভর্সিতিদা চৎখি। ঐ য়াম্না হরাওখি অমসুং মফম অদুগী ওজাশিং অপেনবা পোকপদগী য়াম্না হরাওখি। ওজাশিংদা ফংহনগদবা খুদোংচাবশিং মরুওইনা লৌবা হায়বসি মমিং লৈরবা মহৈলোয়শঙ খুদিংমক্কী তঙাইফদবা থবক্নি। অনৌবা ৱাখল পুথোক্কদবা মীওই অসি ওজা অমনি। ওজা অমনা অদোম অনৌবা থবক অমদা লমজিংগনি। অদোম ৱাখল চমম্নবা অমসুং অদোম লৈখা তারকপা মতমদা ওজানা অদোমগী থৌনা হাপকনি।

মহৈলোয়শঙ অমা খক নত্তনা, নৎত্রগা খুন্নাই অমা কয়া য়াম্না ফবগে হায়বসি ওজানা লেপকনি। উদোগকী মীওই কয়াদা ঐনা হংখ্রে- নখোয়না থৌরিবা থবক, নখোয়না ফংলিবা শেন্দোং, নখোয়না পুথোক্লিবা পোৎথোক, মদু কনানা শেম্বনো? মখোয়না হায়গনি মসি কলেজ নত্ত্রগা য়ুনিভর্সিতি অমগী লেব অমনা পুথোকপনি। মসি কৈদৌঙৈদা ফেক্তরি অমদা শাবা নত্তে। হৌজিক্কী প্রধান মন্ত্রী অসি রিছার্স অমসুং দিবলপমেন্তদা থৱায় য়াওবা অসিগীদমক ঐ হরাওই, অমসুং রিছার্স অমসুং দিবলপমেন্তগী থবক অসিগী ওজাগী চাদা ১০০গী থবক্নি। রিছার্স, দিবলপমেন্ত অমসুং অনৌবা পুথোকপা অসি পুন্না চৎমিন্নৈ। মহাক্কী ৱাখলদা লৈরিবা অদু মাইপাকহনবা হায়বসি ওজা অমগী ওইনা অরাইবা নত্তে। মখোয়না অকক্নবা হিরম অমদা চহি কয়া চোকথবা লৈতনা থবক তৌখি, থবক অদুদা মখোয় ইকায়খুম্নবা ফংগনি।

ঐ করিগুম্বা মতমদা অৱাবা ফাওই অমসুং ঐগী অৱাবা অদু ঐনা অদোমদা শরুক য়াগনি। মালেমগী মফম খুদিংমক্কী ওজা লৈবা লেমজনিঙাই ওইরবা মহৈলোয়শঙ অমা য়ু.এসতা লৈ, অদুবু মদুদা লৈরিবা ভারতকী ওজা অমনা মশাগী মরৈবাক অদু নোক্নখি, মশাগী লৈবাক খোঙ্গোইনখি, কনাগুম্বা অমনা মসি তৌরোইদবনি।

২০০৯দা মপান লৈবাক্কী য়ুনিভর্সিতিশিংদা য়ু.এস দোল্লর মিল্লিয়ন ৫ থাদবগীদমক ঐনা সরকার চৈখি। অচৌবা য়ুম অমনা মপানগী এজেন্সি অমদা য়ু.এস দোল্লর মিল্লিয়ন ৫০ কৎখি, অতোপ্পা হাওস অমনা মপানগী য়ুনিভর্সিতিশিং মফম অমা পীখি, মসিনা মখোয়না চাউহনগনি-করিগীদমক ?

ঐখোয়গী ওজা ময়ামদগী তাবা নত্তে, করিগীদমক ভারতকী শেন ভারতকী য়ুনিভর্সিতিশিং, ভারতকী অফবা কলেজশিংদা থাদরোইদৌরিবনো ? মসিগী মতাংদা করিগী ঐখোয়না নিংতম্না ইরোইদৌরিবনো ? মহাক্কী মিংচৎ পুরক্নবা ভারত্তগী হৌখিবা প্রোফেসার অমনা য়ু.এসতা ঐখোয়গী লৈবাক চৈবদা কমদৌনা ঐখোয় থেংনগনি।

ঐনা য়ুনাইতেদ কিংদমদা এম.পিশিংগা ৱারি শানবদা, তোঙান-তোঙানবা রাজনিতি দলশিংগী মখোয় ২০ হেনবনা ঐঙোন্দা হায়খি- ঐখোয়না অদোমগী থবক দরকার ওই। মসি য়াম্না চুম্মী, লৈবাক অসিদা করিগুম্বা ঐনা মাইপাক্লবদি, ঐনা ইলেক্সন কম্মিসন থাগৎলি অদুবু করিগুম্বা ঐ মাইথিরবদি মেছিন ফত্তে হায়গনি। হৌজিক  ৱাখল লৈবা অমসুং লৌশিং লৈবা অমনা কমদৌনা লৌশিনগনি ?

অদোম মীচং মীখাই নাইদবা মীওই অমা ওইনা ওজাশিং ৱা ঙাংগদবনি অমসুং খুন্নাইদা মফম অমা কনগদবনি। লৈবাক অসিগী পুৱারি অমসুং মাইপাকপশিং হরাওবা ফোঙদোকপা ঙমদবা মীওই খর থেংনবদা ঐ অঙকপা ফাওই।

ঐ পর্লিয়ামেন্তদা খল্লকপা মতমদগী, ১৯৮৯ দগী হৌনা ঐনা লৈঙাক মশক খঙলক্লে। মতম অদুদা সরকারনা ফোরেক্স রিজার্বশিংগী, য়ু.এস দোল্লর বিল্লিয়নশিং অমসুং মালেমগী শেন-থুমগী থবকশিংদা ঐখোয়গী তৌবা ঙম্বা অদু উৎনবা মপান্দা সনা পীথোকখিবা অদু ঐনা উখ্রে। চহি কয়াগী মতুংদা, ঐনা খ্বাইদগী চাউবা অহুমসুবা ইকোনোমি ওইরগনি। পুম্নমক অসি ওজানা ওইহনবনি।

মরম অদুনা, ঐখোয়না মীওই অনি খক্কী অচুম-অরানগী মতাংদা নৈনরোইদবনি- ওজা অমসুং ইমা। মখোয় ইকায়খুম্নবা নত্তনা ঐখোয়না তৌগদবা অতোপ্পা থবক অমতা লৈতে। মখোয় ইকায়খুম্নবা উৎনবা থৌরম অমসুং লাইবক ফবা অদু ঐখোয়না হরাও-তয়াম্বা ফোঙদোক্কদবনি।

মমাঙদা শক্তি পায়রম্বা, ওজা খরনা লমজিংদুনা, লৈবাক্কী মায়োক্তা থবক তৌরিবশিং অসি থেংন্নবা ওজা কাংলুপ্না থবক তৌগনি হায়না ঐনা থাজবা থম্লি।

ঐ অঙকপা পোকই! মীওই অমা অমসুং ইকোনোমিস্ত অমা লৈবাক অসিদা লাকখি, চীফ ইকোনোমিক এদভাইজর ওইখি, আর.বি.আইগী গভর্নর ওইখি অমসুং মহাক্কী মতম শাংদোকখিদে, মহাক অমুক হনখি। লৈবাক অসিদা করি থোক্লিবগে হায়বা খঙখিদে, করমদা মফমদা শেন থাদগদগে হায়বা খঙখিদে, ঐখোয় খ্বাইদগী য়াংনা চাউখৎলক্লিবা ইকোনোমিনি হায়না মালেমগী লুপশিংনা হায়বা অদু থ ওইখিদে।

পাউখুমশিং ওজাশিং অমসুং অখঙ-অহৈশিংগী কাংলুপ অসিদগী লাক্কদবনি, রাজনিতিৱালাশিংদগী লাক্কদবা নত্তে। ঐ রাজনিতিগা মরী লৈনবা মীওই অমা নত্তে, কনা মাইপাক্লে নত্ত্রগা মাইথিরে হায়বদু মসিগা মরি লৈনদে অদুবু ঐঙোন্দা য়াম্না মরুওইরিবা অমদি রাজনিতিৱালা, রাজনিতিগী থবকশিং অদুনি। মখোয়গী ময়াইদা ভারত লৈগদবনি।

ওজাদা তাকপা অসি কৈদৌঙৈদা অফবা নত্তে হায়বা ঐ থাজৈ। মখোয়দগী পুক্নিং থৌগৎপা ফংবা অসিনা মতম পুম্নমক্তা অফবনি। মসিগী খুদোংচাবা অসি পীবগীদমক অদোম থাগৎচরি। মসিনা ঐখোয়গী মরক্তা মরী অমা শেমগৎলে।

ঐনা মমাঙদা থবক অনিগী মরমদা হায়খ্রে; অহানবদা, ওজা অমসুং মহৈরোয়শিং কান্নবা ফংনবা ইন্দিয়ান কাউন্সিল ওফ ৱার্ল্দ এফেয়ার্সনা এম.ও.য়ু অমা লৈগদবনি অমসুং এম.ও.য়ু খুৎয়েক পীনবা আই.এফ.এস ওফিসিএল অমা মফম অসিদা মশামক লাক্কনি। অনিশুবদা, ওজাশিং অমসুং মহৈরোয়শিংগীদমক অনৌবা পর্লিয়ামেন্ত বিল্দিং য়েংনবা থৌরম অমা শীনগনি।

ঐনা অদোমগী মফমদা হায়রি মদুদি মালেম শীনবা থুংনা ভারত্তা য়েংলি। কমদৌনা মোদী সরকারনা কোবিদ মনুংদা থা ৩০ ফাওবা ফাদনা মসি থবক ওইনা পাংথোকখিবগে ? অদোম্না বিল্দিং উবা মতমদা মালেম অসি লাল্লে হায়না অদোম্না হায়গনি। থা ৩০ অসি বিল্দিং শানবা নত্তে; মনুংদা পাংথোকখিবা থবকশিং অদু মহৌশাদা পাংথোকপদা চহি কয়া চঙগদবা থবক্নি। তশেংনা হায়রবদি, মমাঙদা অমুক্তা ওইখিদ্রিবা মওংদা ভারত চাউখৎলে। ক্বাতর, লন্দন অমসুং মফম কয়াদা ঐগা উনখিবা মালেমগী লুচিংবশিংগী মত মতুংইন্নবা ২০৪৭দা ভারত মালেমগী লুচিংবা ওইরগনি হায়বসি চিংননিঙাই লৈত্রে।

ঐনা অদোমগী মফমদা য়াইফ-পাউজেল পীজরি। মফম শীনবা থুংনা চৎকদৌরিবা, লৈবাক্কী থবক তৌগদৌরিবা অদোমগী মহৈরোয়শিং লমজিংবীয়ু।

অদোম থাগৎচরি।

*****



(Release ID: 1935099) Visitor Counter : 72


Read this release in: English , Urdu , Hindi