ওন্তপ্রিনোর্শিপকী লমদা ৱেল-ইনফোর্ম কেরিয়র চোইসশিং লৌনবা নুপীশিংবু শক্তি পীনবা পান্দমদা য়ুনাইতেদ নেসন্স দিবেলপমেন্ত প্রোগ্রাম (য়ু.এন.দি.পি.) অমসুং দীনদয়াল অন্ত্যোদয়া য়োজনা – নেস্নেল অর্বান লাইবলিহুদস মিসন (দি.এ.ৱাই.-এন.য়ু.এল.এম.)না কোল্লাবোরেতিব পার্তনরশিপ অমা তৌখ্রে।

পার্তনরশিপ অসিনা মরু ওইনা কিয়র ইকনোমী দিজিতেল ইকনোমী, ইলেক্ত্রিক মোবিলিতী, ৱেস্ত মেনেজমেন্ত, ফুদ পেকেজিং অমসুং অতোপ্পা অসিগুম্বা সেক্তরশিংদা মখোয় মশাগী এন্তর্প্রাইসশিং হৌদোক্নবা অমসুং পাকথোক চাউথোক্নবা হোৎনরিবা নুপীশিংদা তেংবাং পীগনি। ওন্তপ্রিনোর্শিপ দিবেলপমেন্ত থৌগৎনবা অমসুং এন্তর্প্রাইস গ্রোথ খোঙজেল য়াংখৎহনবদা মীৎয়েং চংখিবা চহি অহুমগী প্রোজেক্ত, ২০২৫দগী এক্সতেন্দ তৌবা য়াবা, অসিনা অহানবা তাঙ্কক্তা সহর নিপান কোনশিনগনি।

খুৎয়েক পীনবা অসিদা ৱা ঙাংলদুনা জি.ও.আই.গী হাউসিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.)গী দি.এ.ৱাই-এন.য়ু.এল.এম. অমসুং পি.এম. স্বানিধিগী জোইন্ত সেক্রেতরী অমসুং মিসন দিরেক্তর, শ্রী রাহুল কাপুরনা হায়খি, “দি.এ.ৱাই-এন.য়ু.এল.এম. অসিনা সহরদা লৈরিবা মীয়ামদা শক্তি পীনবা য়াম্না মরু ওইবা পান্দম অমা থমখি। য়ু.এন.দি.পি.গা লোয়ননা পার্তনরশিপ তৌবগী খুত্থাংদা ঐখোয়গী খোঙথাংশিং হেন্না ফবা অমসুং মিসন অসিগী মখাদা হেন্না কান্নবা পীবা ঙম্লগনি হায়না ঐখোয়না থাজবা থম্মি”।

য়ু.এন.দি.পি.গী রেসিদেন্ত রিপ্রজেন্তেতিব, মিস শোকো নোদানা হায়খি, “লায়রবা কোকহনবা, শেল-থুমদা মীপাল তাংদবা অমসুং জেন্দর নোর্মশিং নৌনা শেমদোক্নবগীদমক নুপীগী ওন্তপ্রিনোর্শিপ অসি মাইপাক্লবা লালোং অমনি। ঙসি ভারত্তা লৈরিবা অপুনবা ওন্তপ্রিনোরশিংগী চাদা ১৫ খক্তা নুপীশিংনা ওইরি। মসিগী মশিং অসি হেনগৎহনবনা ঐখোয়না নুপীশিংবু শক্তি পীবতা নত্তনা ইকনোমিক গ্রোথ খোঙজেল য়াংশিনহনগনি অমসুং নুংঙাইবা অমদি মশা মউ ফবা খুন্নাই অমা ওইহনবা ঙমগনি। য়ু.এন.দি.পি. অমসুং দি.এ.ৱাই-এন.য়ু.এল.এম.না ইনক্লুসিব ওন্তপ্রিনোরশিপ ইকোসিস্তেম অমা শেম্নবা অমত্তা ওইনা পুনশিল্লি”।

থবক্কী খুদোংচাবশিং হেন্না পীনবা নুপী ২,০০,০০০ হেন্না লিঙ্ক তৌবগী মাগী লৈজরিবা এক্সপরিয়েন্স অদু শীজিন্নরদুনা য়ু.এন.দি.পি.না দি.এ.ৱাই-এন.য়ু.এল.এম.দা নেস্নেল-লেবেল কেপাসিতী বিল্দিং সপ্পোর্ত পীগনি। মসিগী সপ্পোর্ত অসিনা নেস্নেল-লেবেল স্কিমশিং ইমপ্লিমেন্তেসন তৌবা হেনগৎহন্নবা সহরদা লৈরিবা লায়রবশিংগা মরী লৈনবা খ্বাইদগী ফবা কম্পেন্দিয়মশিং কমপ্লাইল তৌবা অসিগুম্বা নোলেজ জেনরেসন অমসুং মেনেজমেন্তদা মীৎয়েং চংগনি। মখোয়গী পাকচাউরবা সেক্তোরেল এক্সপর্তিস অসি শীজিন্নদুনা য়ু.এন.দি.পি. অমসুং দি.এ.ৱাই-এন.য়ু.এল.এম.না মরু ওইনা কিয়র ইকনোমী দোমেন্দদা ইন্নোবেতিব সোল্যুসনশিংদা পাইলোতিং তৌবদা চুংশিন্নগনি।

য়ু.এন.দি.পি. অমসুং দি.এ.ৱাই-এন.য়ু.এল.এম.না সহরগী লায়রবা অমসুং পোতেন্সিএল ওন্তপ্রিনোরশিংগী পোক্কেৎশিং মশক খঙদোকপা লোয়ননা বিজিনেস দিবেলপমেন্ত সর্ভিসেস এক্সেস তৌহনবা য়াওনা ওন-গ্রাউন মোবিলাইজেসন এক্তিবিতীশিংদা পুন্না থবক তৌগনি। মখোয়গী বিজিনেসশিং ফোর্মেলাইজ তৌনবা, বেঙ্ক লিঙ্কেজ এস্তাব্লিশ তৌনবা, ফাইনান্স অমসুং মার্কেৎশিং সেক্যুর ওইনা এক্সেস তৌনবা হেন্দহোল্দিং সপ্পোর্ত পীগনি। য়ু.এন.দি.পি.না অখন্নবা প্রোজেক্ত লোকেসনশিংদা বিজ-সাখিস কৌবা কম্ম্যুনিতী বিজিনেস মেন্তরশিং দিবেলপ তৌদুনা থৌশিল অসিদা শরুক তমগনি। মমল য়াম্লবা বিজিনেস নোলেজ লৈবা মেন্তরশিংনা অনৌবা অমসুং হান্নগী এন্তর্প্রাইসশিং সপ্পোর্ত তৌগনি অমসুং মতুং তারকপা তাঙ্কক্তা দি.এ.ৱাই-এন.য়ু.এল.এম.গী রিসোর্স অমা ওইনা মথৌ তৌবা য়াগনি।

দি.এ.ৱাই-এন.য়ু.এল.এম.না স্কিল দিবেলপমেন্তগী খুত্থাংদা তুং কোইনা চৎকদবা হিংনবগী খুদোংচাবশিং পীদুনা সহরগী লায়রবা কোকহন্নবা পান্দম অমা থমখি। স্কিম অসিনা স্তেচুতরী সিতী অমসুং তাউন ৪,০৪১দা কবরেজ তৌখ্রে, মসিনা ভারতকী অয়াম্বা অর্বান পোপুলেসন কবর তৌরি। মখোয়গী আউৎরীচকী খোঙথাংশিংগী খুত্থাংদাং দি.এ.ৱাই-এন.য়ু.এল.এম.না ভারত্তা লৈরিবা সহরগী লায়রবা নুপী মিলিয়ন ৮.৪ হেন্না মোবিলাইজ তৌদুনা তাউন ৪,০০০ হেনবদা সেল্ফ-হেল্প গ্রুপ (এস.ঐচ.জি.) ৮,৩১,০০০ হেন্না শেম্মি। মখোয়গী শীংথানীংঙাই ওইবা গ্রাসরুৎ ইনিসিএতিবশিং অসিনা ইকনোমিক এম্পাৱরমেন্ত পীবদা অমসুং এস.সি./এস.তি., মশিং য়ামজদবা কাংলুপ, নুপীনা লমজিংবা য়ুমথোং, স্ত্রীৎ ভেন্দর অমসুং অমোৎ অকাই খোম্লিবশিং য়াওনা অর্বান পোপুলেসনগী মর্জিনেলাইজ সেক্সনশিংগী ভোইসশিং হেনগৎহনবদা মতেং পাংলি।

*******

(Release ID: 1934716) Visitor Counter : 114