সরকারনা হৌখিবা চহি ৯দা হোলিস্তিক এপ্রোচ অমগা লোয়ননা ত্রাইবেল হ্যুমেন রিসোর্স দিবলপ তৌবদা মীৎয়েং থম্লি। ঙসি নই দিল্লীদা ত্রাইবেল এফিয়ার্স মন্ত্রালয়গী চহি ৯গী এচিবমেন্তশিং অমসুং ত্রান্সফোর্মেস্নেল ইনিসিয়েতিবশিংদা পীউমীশিংদা পাউদম্লদুনা ত্রাইবেল এফিয়ার্সকী কেন্দ্র মন্ত্রী শ্রী অর্জুন মুন্দানা হায়খি মদুদি মিসন মোদতা পার্তিকুলরলী ভলনরেবল ত্রাইবেল গ্রুপস (পি.ভি.তি.জি.শিং) দিবেলপ তৌববু হৌজিক ফাওবগী অহানবা ওইনা ফোকস এরিয়া ওইনা হৌদোক্লি।

মন্ত্রীনা ফোংদোকখি মদুদি প্রধান মন্ত্রী পি.ভি.তি.জি. দিবলপমেন্ত মিসননা পি.ভি.তি.জি. ইমুং-মনুংশিং অমসুং হেবিতেসনশিংবু বেসিক ফেসিলিতীশিং ফংহনগনি অমসুং পি.ভি.তি.জি.গী এজুকেসনদা অকনবা ৱাফম থমখি। গ্রুপকী সোসিও-ইকোনোমিক দিবলপমেন্তগীদমক মথংগী চহি অহুমগী ওইনা লুপা করোর ১৫,০০০গী ফন্দ অমা কায়থোক্লে। মহাক্না হায়খি মদুদি পি.ভি.তি.জি. গ্রুপশিংগীদমক দেতা সেন্ত্রিক হ্যুমেন দিবলপমেন্ত ইন্দেক্সিং অমগা লোয়ননা হোলিস্তিক দিবলপমেন্ত লৈনবা পি.ভি.তি.জি.শিংগীদমক অখন্নবা স্কিম অমা থৌরাং তৌবা অসি মসিনা অহানবনি।

শ্রী অর্জুন মুন্দানা হায়খি মদুদি মসি পুৱারী ওইবা তাঞ্জা অমা ওইখি মদুদি হন্দক্তা জুন ১২ অমসুং ১৩দা ভারতকী রাস্ত্রপতি শ্রীমতী দ্রৌপদী মুর্মুনা রাস্ত্রপতি ভবনদা পি.ভি.তি.জি. কম্যুনিতী ৭৫দগী মেম্বর কুন-কুন বার্তন তৌখি অমসুং লোক সভা স্পিকর শ্রী ওম বির্লানা মখোয়বু পার্লিয়ামেন্তগী সেন্ত্রেল হোলদা ৱা ঙাংখি। মখোয়গী ত্রেদিস্নেল দ্রেসশিং শেৎতুনা পি.ভি.তি.জি.শিংনা মখোয়গী কলচর লৈবাক্কী কোনুংদা পুদুনা লাকখি অমসুং মখোয়গী লৈবাক্কী কোনুংদা অহানবা লাকপগী নুংঙাইবা অদু ফাওখি। মহাক্না হায়খি মদুদি নিংতম্লবা মতুং চহি ৭৫দা অহানবা ওইনা লৈবাক্কী রাস্ত্রপতিনা মখোয়বু রাস্ত্রপতি ভবনদা উনখি।

ত্রাইবেল মীয়ামগী এজুকেসনদা হোৎনরিবশিংগী অকুপ্পা ৱারেল পীরদুনা শ্রী অর্জুন মুন্দানা হায়খি মদুদি সরকারনা এক্লব্য রেসিদেন্সিয়েল মোদেল স্কুল (ই.এম.আর.এস.) ৭৪০ লিংখৎলে মদুনা ত্রাইবেল মহৈরোই লাখ ৩.৫বু ক্বালিতী এজুকেসন ফংহনগনি। মথংগী চহি অহুমদা ই.এম.আর.এস. ৭৪০গীদমক ওজা অমসুং সপোর্ত স্তাফ ৩৮,৮০০ সেন্ত্রেল্লি রিক্রুইত তৌরগনি। মহাক্না মখা তাখি মদুদি স্কুলশিং অসিনা মহৈরোইশিংবু মখোয়গী হৌরকফমদগী তোখায়দনবা মফমদুগী লোনশিংদসু পুক্নিং থৌগৎকনি।

মন্ত্রীনা হায়খি মদুদি ত্রাইবেল এফিয়ার্স মন্ত্রালয়না স্কোলরশিপ স্কিম ৫ ইমপ্লিমেন্ত তৌরে মদুগী মখাদা লুপা করোর ২৫০০ হেনবগী চহিগী বজেত অমগা লোয়ননা চহি খুদিংগী মহৈরোই লাখ ৩০ হেনবদা স্কোলরশিপ পীরি। স্কোলরশিপশিং অসি ত্রান্সপরেন্সী লৈহন্নবা অমসুং মতম চানা য়ৌহন্নবা দি.বি.তি. মোদতা য়েন্থোক্লি।

শ্রী অর্জুন মুন্দানা হায়খি মদুদি নেস্নেল হেল্থ মিসনগী মখাদা ত্রাইবেল এরিয়াশিংদা লাইরবা অমসুং শোত্থরবা মীওইশিংদা অহোংবা মমলগী হেল্থকেয়র ফংহন্নবা হেল্থ কেয়র সিস্তেম হেনগৎহন্নবা ফাইনান্সিএল অমসুং তেক্নিকেল সপোর্ত পায়খৎলে। ২০৪৭ ফাওবদা মিসন তি এলিমিনেত সিক্কল সেল এনেমিয়াগী মখাদা ২০৪৭ ফাওবদা সিক্কল সেল এনেমিয়া লৈহন্দনবা সরকারনা তার্গেৎ তৌরি।

শ্রী অর্জুন মুন্দানা হায়খি মদুদি ত্রাইবেল এফিয়ার্স মন্ত্রালয়না প্রধান মন্ত্রী অদি অদর্শ গ্রাম য়োজনাগী মখাদা লৈবাক পুম্বদা য়ামদ্রবদা চাদা ৫০ ত্রাইবেল পোপুলেসন লৈবা খুঙ্গং ৩৬০০০ হেনবা অমসুং এস.তি ৫০০বু ত্রাইবেল খুঙ্গংশিংদা বেসিক এমেনিতীজ ফংহন্নবা মোদেল ত্রাইবেল ভিলেজদা দিবেলপ তৌনবা থবক তৌরি, অমসুং মদুগী মখাদা তোঙান তোঙানবা মন্ত্রালয়শিংনা হৌজিক মসিগী মশক খংদোক্লবা খুঙ্গংশিংদা মখোয়গী স্কিমশিং ইমপ্লিমেন্ত তৌবদা মীৎয়েং চংবা মথৌ তাই।

 

কেন্দ্র মন্ত্রী শ্রী অর্জুন মুন্দানা খংহনখি মদুদি প্রধান মন্ত্রী জনজাতিয়া বিকাস মিসন (পি.এম.জে.ভি.এম.)না লৈবাক পুম্বদা বন ধন বিকাস কেন্দ্রশিং/ বন ধন প্রদ্যুসর এন্তরপ্রাইজেস লিংখৎপগা লোয়ননা ফোরৱার্দ অমসুং বেকৱার্দ লিঙ্কেজ ফংহন্দুনা লাইবলিহুদ দ্রাইবন ত্রাইবেল দিবলপমেন্ত ফংবা পাম্লি। মসিদা নত্তনা রাজ্যশিংবু মিনিমম সপোর্ত প্রাইস (এম.এস.পি.)দা মাইনর ফোরেস্ত প্রদ্যুস (এম.এফ.পি.) লৈনবগীদমক মতেং পীরি। মসি ইমপ্লিমেন্ত তৌবগী মেন্দেত ত্রাইফেদকী নাক্তা লৈরি। মসিগী হোৎনবগী মহৈ অমা ওইনা ২০১৪-১৫দা এম.এফ.পি. স্কিমগীদমক এম.এস.পি.গী মখাদা কোন্সিনগদবা এম.এফ.পি. ৭৭ হাপচিল্লে। হৌজিক ফাওবদা এম.এস.পি.গী মখাদা কোন্সিনবা অপুনবা এম.এফ.পি. অসি ৮৭নি।

মন্ত্রীনা হায়খি মদুদি ত্রাইফেদনা চহি ২০১৭-১৮দা লৈবাক পুম্বগী মরুওইবা শহর পুম্বদা ‘আদি মহোৎসব’ – ফেস্তিবেল ওফ ক্রাফ, কলচর, ক্যুইজিন অমসুং কমর্স পাংথোক্নবা অনৌবা কন্সেপ্ত অমসু হৌদোক্লে। “বি ভোকেল ফোর লোকেল”গী মিসনদা পুক্নিং চংদুনা ত্রাইফেদনা ২০২৩গী ফেব্রুৱারী ১৬দগী ২৭ ফাওবা মেজর ধ্যান চান্দ নেস্নেল স্তেদিয়ম, নই দিল্লীদা আদি মহোৎসব পাংথোকখি, মদু প্রধান মন্ত্রী শ্রী নরেন্দ্র মোদীনা হৌদোকখি অমসুং লৈবাক পুম্বদা চাউনা মায় পাকপা অমা ওইখি।

মহাক্না হায়খি মদুদি ত্রাইবেল মীয়ামগীদমক অতোপ্পা পুৱারী ওইবা থৌরমদা, ত্রাইবেল ফ্রীদম ফাইতরশিংদা ইকায় খুম্নবা উৎনবা অমসুং ত্রাইবেল প্রাইদ পাংথোক্নবা ভগবান বির্সা মুন্দাগী মপোক নুমিৎতা নবেম্বর ১৫বু “জনজাতিয়া গৌরব দিবস” হায়না লাউথোকখ্রে।

ফোরেস্ত রাইতস এক্ততা ৱা ঙাংলদুনা কেন্দ্র মন্ত্রীনা খংহনখি মদুদি হৌজিক ফাওবদা মীওই লাখ ২১.৯৯দা অধিকার পত্র অমসুং কম্যুনিতী পুন্না লাখ ১.০৮দা অধিকার পত্র য়েন্থোকখ্রে।

লৈবাক পুম্বদা লৈরিবা এস.তি. কম্যুনিতীশিংগী দিবলপমেন্তগীদমক ত্রাইবেল এফিয়ার্স মন্ত্রালয়গী চহিগী বজেত মখা তানা হেনগৎলি। ২০২৩-২৪দা মিনিস্ত্রীদা লুপা করোর ১২৪৬১.৮৮গী বজেত অমা কায়থোক্লে, মদু ২০১৩-১৪দা লুপা করোর ৪২৯৫.৯৪গী বজেতকা চাংদম্নবদা শরুক ৩ ওইরে।

সেদ্যুল ত্রাইব কম্পোনেন্ত ফন্দগী মখাদা বজেত এলোকেসনদা চাউনা শরুক ৫ হেনগৎখ্রে। ২০১৩-১৪দা এলোকেসন অসি লুপা করোর ২৪,৫৯৮ ওইখি মদু ২০২৩-২৪দা য়ুনিয়ন মিনিস্ত্রীশিং/ দিপার্তমেন্তশিংদা লুপা করোর ১,১৯,৫০৯দা হেনগৎলে।

শ্রী অর্জুন মুন্দানা হায়খি মদুদি তোঙান তোঙানবা স্কিমশিংগী মখাদা প্রোজেক্ত ৫০০০ হেনবগীদমক হৌখিবা চহি ৯দা আর্তিকল ২৭৫(১)গী মখাদা রাজ্যশিংদা লুপা করোর ২৫,০০০ হেনবগী শেনফম রিলিজ তৌখ্রে অমদি মতিক চাবা প্লানিং অমসুং মোনিতরিংগা লোয়ননা মসিগী মখাদা স্কিমশিং/ প্রোজেক্তশিং ইমপ্লিমেন্ত তৌবা শোইহন্দনবা রাজ্যশিংদা পাউতাক পীখ্রে।

অহেনবা অকুপ্পা ৱারোলগীদমক মফম অসিদা ক্লিক তৌবীয়ু

*******

(Release ID: 1933928) Visitor Counter : 94