ভারতকী রাস্ত্রপতি শ্রীমতী দ্রৌপদী মুর্মুনা ঙসি রাস্ত্রপতি ভবন, প্রসিদেন্ত ইস্তেতকী স্পোর্তস গ্রাউন্দদা পি.ভি.তি.জি (পার্তিকুলরলী ভলনরেবল ত্রাইবেল গ্রুপশিং)গী মীফমদা শরুক য়াখ্রে। অসিগুম্বা মখলগী অহানবা খোংথাংদা রাস্ত্রপতিনা এক্সতেন্সিব ইন্তরেক্সন অমগীদমক পি.ভি.তি.জি.গী মীহুৎ ৭৫বু রাস্ত্রপতি ভবনদা লাক্নবগীদমক বার্তন তৌখি অমসুং মখোয়বু ত্রাইবেল এফিয়ার্স মন্ত্রালয়গী তোঙান তোঙানবা স্কিমশিং অমসুং খোংথাংশিংগী মরমদা খংহনখি।

পি.ভি.তি.জি. মেম্বরশিংবু অমৃৎ উদ্যান অমসুং রাস্ত্রপতি ভবনসু য়েংহনখি।

বিহারগী মল পহারিয়া, গুজরাতকী সিদ্দী, কেরলাগী ইরুলা, রাজস্থানগী সহরিয়া, মধ্য প্রদেশকী বৈগা পরধৌনী অমসুং ওরিশাগী বুদিগলীনা থৌরম মফমদা নিংথিজরবা পর্ফোমেন্স উৎতুনা সভাগী স্পিরিৎ হেনগৎহনখি।

সভাদা ৱা ঙাংলদুনা রাস্ত্রপতিনা হায়খি মদুদি পি.ভি.তি.জি. ৭৫মক্কী মীহুৎশিংগা পুন্না উন্নবদা মহাক নুংঙাইবা ফওই। মহাক্না মখোয়বু রাস্ত্রপতি ভবনদা তরাম্না ওকখি। মহাক্না ফোংদোকখি মদুদি মখোয়গী মরক্তগী কয়া অমদি অহানবা ওইনা মখোয়গী খুঙ্গংশিংদগী থোরকপা ওইরি। মহাক্না হায়খি মদুদি মখোয়গী মরক্তগী অমমমনা মখোয়গী কম্যুনিতীগী রিপ্রজেন্তেতিব ওইরি। মহাক্না মখোয়দা মখোয়গী এক্সপরিয়েন্সশিং মখোয়গী কম্যুনিতীগী মীওইশিংদা শেয়র তৌনবা অমসুং সরকারগী য়াইফথৌরাং স্কিমশিংগী মরমদা মখোয়দা খংহন্নবা তকশিনখি।

রাস্ত্রপতিনা পি.ভি.তি.জি.শিংগী মেম্বরশিংবু এজুকেসন্দা মরুওইবা পীনবা খংহনখি। মহাক্না হায়খি মদুদি পি.ভি.তি.জি. কম্যুনিতীগী মহৈরোইশিংগীদমক এক্লব্য মোদেল রেসিদেন্সিএল স্কুলশিংদা  অখন্নবা সীতশিং ফংহন্নবা শিল্লে। মসিদসু নত্তনা নেস্নেল ফেল্লোশিপ অমসুং ওভরসিজ স্কোলরশিপ স্কিমদা মখোয়গীদমক সিতশিং রিজর্বসু তৌরে। মহাক্না পি.ভি.তি.জি.গী নুপীশিংবু ত্রাইবেল ৱুমেন এম্পৱারমেন্ত স্কিম য়াওনা তোঙান তোঙানবা স্কিমশিংগী কানবা লৌনবসু খংহনখি।

রাস্ত্রপতিনা হায়খি মদুদি ত্রাইবেল সব-প্লানগী মখাদা, ভারত সরকারগী মন্ত্রালয় অমসুং বিভাগ ৪১না পি.ভি.তি.জি.শিং য়াওনা ত্রাইবেল কম্যুনিতীশিংগী ৱেলফেয়রগীদমক মখোয়গী বজেত্তগী শরুক শেয়র তৌই। মহাক্না নুংঙাইবা ফোংদোকখি মদুদি সরকারনা পি.ভি.তি.জি.শিংগী দিবলপমেন্তগীদমক ‘প্রধান মন্ত্রী পি.ভি.তি.জি. দিবলপমেন্ত মিসন’ হৌদোক্লে।

রাস্ত্রপতিনা হায়খি মদুদি ২০৪৭ ফাওবদা সিক্কল সেল এনেমিয়া লাকশিন্নবা হন্দক্কী বজেত্তা লাউথোকখিবা কেম্পেন অদু য়াম্না মরুওইবা খোংথাং অমনি।  

রাস্ত্রপতিনা হায়খি মদুদি হৌখিবা চহি খরদা ত্রাইবেল কম্যুনিতীদগী তেলেন্ত লৈবা মীওইবু তোঙান তোঙানবা লমশিংদা মখোয়গী মশকনাইবা থৌদাংগীদমক পদ্ম এৱার্দশিং লান্থোকখ্রে।

রাস্ত্রপতিনা পি.ভি.তি.জি. কম্যুনিতীগী খুদিংদগী লাক্লিবা অতিথিশিংবু হরাউবা ফোংদোকখি।

মপুং ফাবা প্রেস রিলিজ : https://presidentofindia.nic.in/press-release-detail.htm?2470

থৌরম অদুদা ত্রাইবেল এফিয়ার্সকী কেন্দ্র মন্ত্রী শ্রী অর্জুন মুন্দানা ফোংদোকখি মদুদি রাস্ত্রপতি দ্রৌপদি মুর্মুনা শরুক য়াবিবদা ঐখোয় ইকায় খুম্নবা ফাওজৈ, মহাক লৈবাক্কী সেদ্যুল ত্রাইবশিংগী থোইদোক হেন্দোকপা পোতেন্সিয়েলগী চাউথোকচনিংঙাই ওইরবা অবতার অমনি।

মহাক্না হায়খি মদুদি ঐখোয়গী পান্দমদি ত্রাইবেল দিবলপমেন্ত অমসুং ৱেলফেয়রগী স্কিমশিং ইমপ্লিমেন্ত তৌবা মতমদা য়ারিবমখৈ বেনেফিসরীশিংদা পি.ভি.তি.জি.শিং য়াওহনবনি। প্রধান মন্ত্রী শ্রী নরেন্দ্র মোদীগী লুচিং মখাদা ত্রাইবেল এফিয়ার্স মন্ত্রালয়না মসিগী তোঙান তোঙানবা স্কিমশিংগী খুত্থাংদা ত্রাইবেল কম্যুনিতীদা মখোয়গী দিবলপমেন্তগীদমক রিসোর্সশিং শিজিন্নবা খুদোংচাবা পীবা খক্তা নত্তনা মখোয়গী হেন্না ফবা হয়েংগীদমক স্কিমশিং অসিগী মতাংদা এৱারনেসসু পীরি।

শ্রী অর্জুন মুন্দানা মখা তাখি মদুদি হৌখিবা চহি মাপলদা সরকারনা রিফোর্ম, পরফোর্ম অমসুং ত্রান্শফোর্মগা লোয়ননা থবক তৌরি। মহাক্না ফোংদোকখি মদুদি মখোয়বু মাংলোমদা পুখৎনবা হোৎনবা অমা ওইনা সিতিজন সেন্ত্রিক পোলিসীশিং অমসুং প্রোগ্রামশিং শেমদুনা সমাজগী শোত্থরবা জিতিজনশিংগীদমক সরকারনা থবক তৌরি।

মহাক্না হায়খি মদুদি ঙসিদি ই.এম.আর.এস. স্কুল ৪০০ হেন্না ত্রাইবেল এরিয়াশিংদা হাংদোক্লে অমসুং স্কুলশিং অসিদা ত্রাইবেল সোসাইতীদগী চাউরাক্না মহৈরোই লাখ অমা লিশিং তরানা ক্বালিতী এজুকেসন ফংলি।

শ্রী হর্শ চৌহান, চিয়রপর্সন, এন.সি.এস.তি., শ্রীমতী রেনুকা সিংহ সারুতা, মিনিস্তর ওফ স্তেত ত্রাইবেল এফিয়ার্স, শ্রী বিশ্বেস্বর তুদু, জল শক্তি অমসুং ত্রাইবেল এফিয়ার্সকী মিনিস্তর ওফ স্তেত, অমসুং শ্রী রামসিনহ রাথৱা, চিয়ারমেন, ত্রাইফেদনা অখন্নবা থৌরম অসিদা শরুক য়াখি।

রাস্ত্রপতিনা পি.ভি.তি.জি. কম্যুনিতী খুদিংদগী মীথুংলেন অনি অনি ফেলিসিতেদ তৌরবা মতুং গ্রুপ ফোতো সেসন অমসু পাংথোকখি।

নুমিদাংৱাইরম পি.ভি.তি.জি. মীথুংলেনশিংনা রাস্ত্রপতি ভবনগী স্পোর্তস গ্রাউন্দদা চা অমসুং চাকলেন থক চাখি।  

পি.ভি.তি.জি. ৭৫ অসিনা ঙসি পুৱারী ওইরবা থৌরম অসিদা চাউরাক্না ত্রাইবেল ১৩৫০না রিপ্রজেন্ত তৌরি।

*******

(Release ID: 1933364) Visitor Counter : 92