وزارت خزانہ
ڈی آر آئی نے 26.5 کروڑ روپے مالیت کی 1.92 کلو گرام کوکین ضبط کی ہے جسے تھرموکول گیندوں کے اندر چھپا کر درآمد کیا گیا تھا
Posted On:
15 JUN 2023 9:01PM by PIB Delhi
ڈائریکٹوریٹ آف ریونیو انٹیلی جنس (ڈی آر آئی) نے کورئیر کے ذریعے بھارت میں نشہ آور دوا (کوکین) کی اسمگلنگ کے ایک نئے طریقہ کا پردہ فاش کیا ہے، جس میں کوکین کو جان بوجھ کر تھرموکول کی گیندوں میں چھپایا گیا تھا۔
ڈی آر آئی کو موصول ہونے والی مخصوص خفیہ معلومات کی بنیاد پر، ڈی آر آئی حکام نے نئی دہلی کے نیو کورئیر ٹرمینل پر درآمدی سامان کی ایک کورئیر کنسائنمنٹ کو روکا اور اس کا معائنہ کیا، جس کے دوران 1922 گرام کوکین، جس کی بین الاقوامی مارکیٹ قیمت تقریباً 26.5 کروڑ روپے ہے، ضبط کی گئی۔
یہ کورئیر کی کھیپ دو ڈبوں میں برازیل کے ساؤ پالو سے آئی تھی اور اسے "ٹیبل سینٹر (آرائشی)" قرار دیا گیا تھا۔ سامان کے ابتدائی معائنے سے یہ بات سامنے آئی کہ دونوں ڈبوں میں شیشے کے کرسٹل کے پیالے کے ساتھ ساتھ تقریباً دو سینٹی میٹر قطر کی ہزاروں تھرموکول بالز تھیں، تاکہ شیشے کے برتن کو کسی قسم کا نقصان نہ پہنچے۔
تھرموکول کی گیندوں کو قریب سے دیکھنے سے معلوم ہوا کہ کچھ گیندیں باقی کی نسبت تھوڑی بھاری (صرف 1 سے 2 گرام) تھیں۔ اس کے مطابق، بھاری تھرموکول گیندوں کو وزن کے لحاظ سے الگ کیا گیا تھا، جو کہ کل تھرموکول گیندوں کا تقریباً 10 فیصد تھا۔ بھاری تھرموکول کی ان 972 گیندوں کو جب کھولا گیا تو ان میں سفید پاؤڈر کی چھوٹی چھوٹی گیندیں شفاف اور انتہائی پتلی پولی تھین سے چھپائی گئی تھیں۔
کرسٹل شیشے کے پیالے پر مشتمل باکس تھرموکول کی گیندوں میں ڈھکا ہوا ہے۔
کوکین کی گیندیں، پتلی شفاف پولی تھین سے ڈھکی ہوئی، تھرموکول کی گیندوں کے اندر چھپی ہوئی۔
گیندوں سے کوکین نکالنا۔
مذکورہ سفید رنگ کے پاؤڈر نے کوکین کے لیے مثبت تجربہ کیا۔ اس کے نتیجے میں، مجموعی طور پر 1922 گرام کوکین برآمد کی گئی ہے اور اسے ان ڈی پی ایس ایکٹ 1985 کے تحت ضبط کیا گیا ہے۔
مزید تفتیش جاری ہے۔
۔۔۔۔
ش ح۔ا س۔ ت ح ۔
15.06.2023
U–6192
(Release ID: 1932744)
Visitor Counter : 107