হকশেল অমসুং য়াইফ-য়ুম্বাল মন্ত্রালয়
কোৱিন দেতা ব্রীচ
হকশেল মন্ত্রালয়গী কো-ৱিন পোর্তেল দেতা প্রাইভেসী ঙাক্না মপুং ফানা শাফনা লৈরি
ৱেব এপ্লিকেসন ফাইয়রৱাল, এন্তি-দি.দি.ও.এস.ও এস.এস.এল./তি.এল.এস., চাং নাইনা খুদোংথিনিংঙাই ওইবশিং য়েংশিনবা, আইদেন্তিতী অমদি এসেস মেনেজমেন্তনচিংবা কয়াগা লোয়ননা কো-ৱিন পোর্তেলদা মতিক চাবা সিক্যুরিতী থৌরাংশিং পায়খৎলি
ও.তি.পি. ওথেন্তিফিকেসন্দা য়ুম্ফম ওইবা দেতা এক্সেসখক্তমক ফংহল্লি
হকশেল মন্ত্রালয়না সি.ই.আর.তি.-ইনদা হীরম অসিগী মতাঙদা য়েংশিন্দুনা রিপোর্ত অমা থাগৎলক্নবা হায়খ্রে
Posted On:
12 JUN 2023 4:30PM by PIB Imphal
সোসিএল মেদিয়া প্লেৎফোর্ম খরদা লৈবাকসিদা কোবিদ ভেক্সিনেসন ফংখ্রবা বেনিফিসরীশিংগী দেতা লীক ওইরকপগী মেদিয়া রিপোর্ত খরা থেংনরে। রিপোর্তশিং অসিনা কোবিদ-১৯গী ভেক্সিন কাপখ্রবা বেনিফিসরী পুম্নমক্কী রিপোজিতরী ওইরিবা কেন্দ্রগী হকশেল মন্ত্রালয়গী কো-ৱিন পোর্তেলদগী দেতা ব্রীচ তৌখ্রে হায়না পল্লি।
সোসিএল মেদিয়া প্লেৎফোর্ম ত্বিত্তরদা অকক্নবা পোস্ত খরনা তেলিগ্রাম (ওনলাইন মেসেঞ্জর এপ্লিকেসন) বোৎ অমা শীজিন্নদুনা ভেক্সিন কাপখ্রবা মীওইশিংগী লনাই দেতা লৌথোক্লি হায়না ক্লেম তৌরি। বোৎ অসিনা বেনিফিসরী অমগী মোবাইল নম্বর নৎত্রগা আধার নম্বর থারগা বোৎ অসিনা লনাই মীওইশিংগী দেতা লৌথোকপা ঙম্মি হায়রি।
অসিগুম্বা রিপোর্ত পুম্নমক য়ুম্ফম য়াওদবা অমদি চরাংনবা পোকহন্নবা ৱাফম্নি হায়না শেংদোক্লি। হকশেল মন্ত্রালয়গী কো-ৱিন পোর্তেল দেতা প্রাইভেসীগী মতিক চাবা ঙাকশেল থৌরাংশিংগা লোয়ননা মপুং ফানা শাফনা লৈরি। মসিগী মথক্তা ৱেব এপ্লিকেসন ফাইয়রৱাল, এন্তি-দি.দি.ও.এস.ও এস.এস.এল./তি.এল.এস., চাং নাইনা খুদোংথিনিংঙাই ওইবশিং য়েংশিনবা, আইদেন্তিতী অমদি এসেস মেনেজমেন্তনচিংবা কয়াগা লোয়ননা কো-ৱিন পোর্তেলদা সিক্যুরিতী থৌরাংশিং পায়খৎলি। ও.তি.পি. ওথেন্তিফিকেসন্দা য়ুম্ফম ওইবা দেতা এক্সেসখক্তমক ফংহল্লি। কোৱিন পোর্তেলদা লৈরিবা দেতাশিং ঙাক্তুনা থম্নবগীদমক খোঙথাঙ পুম্নমক লৌখৎখি অমদি লৌখৎলি।
মোৱিন অসি এম.ও.ঐচ.এফ.দব্লিউ.না শেমদুনা, মপু ওইনা মেনেজ তৌবনি। কোৱিন শেমগৎপদা মমায় চুম্নবা অমদি পোলিসী ইসুশিং লেপথোক্নবগীদমক ইম্পৱার্দ গ্রুপ ওন ভেক্সিন এদমিনিস্ত্রেসন (ই.জি.ভি.এ.সি.) অমা শেমখি। এম.ও.ঐচ.এফ.দব্লিউ. অমদি মৈতীদগী মেম্বরশিং য়াওবা ই.জি.ভি.এ.সি. অসি নেস্নেল হেল্থ ওথোরিতীগী (এন.ঐচ.এ.) হান্নগী সি.ই.ও.না লুচিংবনি।
কো-ৱিন দেতা এক্সেস – হৌজিক্কী ওইনা লনাইগী থাক্তা ভেক্সিন কাপখ্রবা বেনিফিসরীশিংগী দেতা এক্সেস মখাদা পীরিবা থাক অহুমসিদা ফংলি:
- বেনিফিসরী দেসবোর্দ – ভেক্সিন কাপখ্রবা মীওইনা রেজিস্তর তৌখিবা মোবাইল নম্বরগা লোয়ননা ও.তি.পি. ওথেন্তিফিকেসনগী খুত্থাঙদা কো-ৱিন দেতা এক্সেস তৌবা য়াগনি।
- কো-ৱিন ওথোরাইজ য়ুজর – ভেক্সিনেতরনা মখোয়দা পীরিবা ওথেন্তিক লোগইন ক্রিদেন্সিএল শীজিন্নদুনা ভেক্সিন কাপখ্রবা বেনিফিসরীগী লনাই থাক্কী দেতাশিং এক্সেস তৌবা য়াগনি। অদুম ওইনমক, কোৱিন সিস্তেম্না ওথোরাইজ য়ুজর অমনা কোৱিন সিস্তেমদা চঙবা খুদিংগী ত্রেক তৌদুনা রেকোর্দশিং থম্লি।
- এ.পি.আই.দা য়ুম্ফম ওইবা এক্সেস – কো-ৱিন এ.পি.আই.শিংগী ওথোরাইজ এক্সেস পীখিবা থর্দ পার্তী এক্লিকেসনশিংনা বেনিফিসরী ও.তি.পি. ওথেন্তিফিকেসনখক্তগী খুত্থাঙদা ভেক্সিন কাপখ্রবা বেনিফিসরীশিংগী লনাই থাক্কী দেতাশিং এক্সেস তৌবা য়াগনি।
তেলিগ্রাম বোৎ -
- ও.তি.পি. য়াওদনা ভেক্সিন কাপখ্রবা বেনিফিসরীশিংগী দেতাশিং বোৎ অমত্তদা ফংহনবা ঙমদে।
- এদল্তশিংগী ভেক্সিন কাপ্পদা পোকপগী চহি (ৱাই.ও.বি.) খক্তমক কেপচর তৌবনি অদুবু মেদিয়া পোস্তশিংদা বোৎ অসিনা পোকপগী তাং (দি.ও.বি.) য়ু য়াওনা পল্লি হায়রি।
- বেনিফিসরীগী লৈফম কেপচর তৌবগী ৱাফম অমত্তা লৈতে।
কোৱিন শেমখিবা কাঙবুনা ও.তি.পি. য়াওদনা দেতা লৌথবা ঙম্বা পব্লিক এ.পি.আই. অমত্তা লৈতে হায়না কনফর্ম তৌরক্লে। মসিগী মথক্তা, আই.সি.এম.আর.গুম্বা থর্দ পার্তীশিংদা দেতা শেয়র তৌননবা পীখিবা এ.পি.আই. খরা লৈরি। অসিগুম্বা এ.পি.আই. অমদি মোবাইল নম্বর নৎত্রগা আধার নম্বর শীজিন্নরগা দেতা লৌথোকপা য়াবগী ফীচর লৈ হায়রি। অদুম ওইনমক, হায়রিবা এ.পি.আই. অসিমকসু য়াম্না অকক্নবা ওই অমদি লাক্লিবা রিক্বেস্তশিং কো-ৱিন এপ্লিকেসন্না হ্বাইত-লিস্ত তৌরবা থাজবা য়াবা এ.পি.আই.দগী লাকপা খক্তমক অয়াবা পীবনি।
কেন্দ্রগী হকশেল মন্ত্রালয়না হীরম অসিগী মতাঙদা য়েংশিন্নবা অমদি রিপোর্ত অমা থাগৎনবা ইন্দিয়ন কম্প্যুতর ইমর্জেন্সী রেসপোন্স তীম (সি.ই.আর.তি.-ইন)দা হায়খ্রে। মসিগী মথক্তা, কোৱিনগী লৈরিবা সিক্যুরিতী থৌরাংশিং অমুক হন্না য়েংশিন্নবা মনুংগী ওইবা থৌরাং অমসু পায়খৎপা হৌখ্রে।
সি.ই.আর.তি.-ইন্না মাগী হৌরকপগী রিপোর্ত্তা তেলিগ্রামগী বেকএন্ত দেতাবেজ অসি কোৱিন দেতাবেজকী এ.পি.আই.শিং হকথেংননা এক্সেস তৌবা লৈতে হায়বা ৱাফমসু পুথোরকখ্রে।
******
(Release ID: 1932210)
Visitor Counter : 110