দি.এ.আর.পি.জি. অমসুং অরুনাচল প্রদেশকী সরকারগা নোলেজ পার্তনর সি.জি.জি. হাইদ্রবাদকা পুন্না ২০২৩গী জুন ৮দা অরুনাচল প্রদেশকী অহানবা দিস্ত্রিক্ত গুদ গোবর্নেন্স ইন্দেক্স ফোংখ্রে।

দি.জি.জি.আই. অরুনাচল প্রদেশ অসি দি.এ.আর.পি.জি., অরুনাচল প্রদেশকী সরকার, জিলাগী ওফিসিয়েলশিং অমসুং অতোপ্পা স্তেকহোল্দরশিংগী মরক্তা মীফম রাউন্দ ৭ পাংথোক্তুনা য়াম্না মুন্না তাথোক-তাশিন তৌনরবা মতুংদা দিজাইন অমসুং দেবেলপ তৌখি।

অরুনাচল প্রদেশকী জিলাশিং অসি ইস্ত, ৱেস্ত অমসুং সেন্ত্রেল দিভিজনশিংদা ওইনা দিভিজনগী মতুং ইন্না রেঙ্ক খাইদোকখ্রে।

দি.জি.জি.আই. অসিনা জিলাগী থাক্তা গোবর্নেন্সকী বেঞ্চমার্কিং তৌবদা পুরক্লিবা মথংগী জেনরেশনগী এদমিনিস্ত্রেতিব রিফোর্মশিংগী মশক তাক্লি। ইন্দেক্স অসিনা সেক্তর ৮ শিনবা থুংনা শন্দোক্লিবা ইন্দিকেতর ৬৫গী মখাদাদেতা পোইন্ত ১৩৬দা য়ুমফম ওইরগা অরুনাচল প্রদেশকী জিলা ২৫দা গোবর্নেন্সকী বেঞ্চমার্ক থম্মি। গোবর্নেন্সকী স্তেতস অমসুং কেন্দ্র সরকার অমসুং রাজ্য সরকারশিংনা পাইখৎলকপা খোংথাংশিং অদুগী ইমপেক্ত অদুবু য়েংশিন্নবা অরুনাচল প্রদেশকী জিলা খুদিংমক্তা চপ মান্নবা তুল অমনি।  মসিনা রাজ্য সরকার অমসুং জিলাগী এদমিনিস্ত্রেশন্না লৈরিবা গেপশিং অসিবু য়েংশিন্নবা, মসিগী গেপশিং অসিবু লৈহন্দনবা প্লান তৌবদা মখোয়না হোৎনরিবশিং অদুবু লমজিং-লমতাক পীবীরগনি অমসুং দিসিজন লৌনবগী তুল অমা ওইনা মতেং পাংলগনি। রেঙ্কিং অসিনা সিতিজন সেন্ত্রিক এদমিনিস্ত্রেশন অমসুং গুদ গোবর্নেন্স পীনবা হোৎনবদা জিলাশিংগী মরক্তা হেল্থী কমপিতিশন লৈহল্লগনি।

দি.জি.জি.আই. অরুনাচল প্রদেশকী মরু ওইবা হাইলাইতশিং অদুদি:

183. জিলাশিং অদুগী ৫০% হেন্বনা সেল্ফ-এমপ্লোইমেন্ত লোনশিং থাদোকপা হেনগৎলকপা থেংনখি।
183. জিলা তরামাপল (১৯)না এগ্রিকলচর ক্রেদিত্তা পোজিতিব ক্যুমুলেতিব এন্যুৱল গ্রোথ রেত (সি.এ.জি.আর.)কী রিপোর্ত তৌরকখি।
183. জিলা অনিখক নত্তনা অতৈ পুম্নমক্না ঝুম কল্তিবেশন তৌবা মফমশিং হন্থরকপা নত্রগা মেন্তিনেন্সতৌবগী রিপোর্ত লাকখি।
183. জিলা অয়াম্বদা ফৌ-চেং লোকপগী চাং হেনগৎলকপা।
183. স্কুল অয়াম্বদা নিংথিনা মথৌ তৌরিবা নুপীশিংগী তোইলেতশিং।
183. জিলা মাপলনা ইম্যুনাইজেশনগী চাং ৮৫% হেন্না ফংবা ঙমখি।
183. জিলা ২২না ইনস্তিত্যুস্নেল দিলিবরী ৭০%দগী হেন্না ফংবা ঙমখি
183. জিলা অয়াম্বদা সেক্স রেসিও ফগৎলকখি।
183. জিলা ২১না য়ুমথোং ৫০% হেন্না হেল্থ স্কীম নত্রগা হেল্থ ইন্সুরেন্স কোভর তৌখি।

হৌখিবা মতমশিংদা, দি.এ.আর.পি.জি.না গুদ গোবর্নেন্স ইন্দেক্স ২০১৯, গুদ গোবর্নেন্স ইন্দেক্স ২০২১, নেস্দা ২০১৯, নেস্দা ২০২১, দি.জি.জি.আই. জম্মু অমসুং কাস্মির, দি.জি.জি.আই. গুজরাত অমসুং হৌজিক্না অরুনাচল প্রদেশ ফোংদুনা গোবর্নেন্সকী বেঞ্চমার্কিং তৌবদা মথংগী জেনরেশনগী রিফোর্মশিং মাইপাক্না হৌদোকখ্রে।

পর্সোনেল, পব্লিক গ্রীভান্সেস অমসুং পেন্সন্সকী রাজ্য মন্ত্রী, দা. জিতেন্দ্র সিংনা মহাক্কী পাউজেলদা অসুম্না হায়খি “কেন্দ্র অমসুং রাজ্য সরকারশিংনা অরুনাচল প্রদেশপু ইস্ত এসিয়াগী মরু ওইবা গেতৱে অমা ওইহন্নবা খুশম্নদুনা য়াম্না কন্না হোৎনরি। হৌখিবা চহি নিপালদগী অরুনাচল প্রদেশকী চাউখৎ-থৌরাং থবকশিং খোংজেল য়াংখৎনবা হাইনিংঙাই লৈতনা থবক কয়ামরুম অমা পাইখৎলকখ্রে। ‘মেক্সিমম গোবর্নেন্স, মিনিমম গোবর্নমেন্ত’কী মন্ত্র অসি ইন্দুনা,সবকা সাথ, সবকা ৱিকাস, সবকা বিস্বাস অমসুং সবকা প্রয়াসকী লম্বি অসিনা অরুনাচল প্রদেশকীদমক্তা হেন্না ফবা তুংলমচৎ অমা পুরক্লগনি”।

অরুনাচল প্রদেশকী মুখ্য মন্ত্রী, শ্রী পেমা খান্দুনা মহাক্কী পাউজেলদা অসুম্না হায়খি “দি.জি.জি.আই. অরুনাচল প্রদেশনা অরুনাচল প্রদেশকী জিলাশিংবু ফ্যুচরিস্তিক রোদমেপ অমা শেম্বদা অমসুং মখোয়গী ইমপ্লিমেন্তেশন স্ত্রেতেজীশিং অদুবু রিওরিয়েন্ত তৌবদা শোইদনা মতেং পাংগনি”।

থৌরম অসিদা, দি.এ.আর.পি.জি.না দোক্যুমেন্ত অসিবু শেম্বদা মতেং পাংখিবা অমসুং লৈবাক অসিগী “মেক্সিমম গোবর্নেন্স – মিনিমম গোবর্নমেন্ত”কী গোবর্নেন্স মোদেল মাং লোমদা পুখৎপদা মতেং পাংখিবা ওফিসিয়েল খুদিংমকপু থাগৎপা ফোংদোকখি।

                   <><><><>