فوجی عملے کے جنرل منوج پانڈے نے آج انڈین ملٹری اکیڈمی(آئی ایم اے)، دہرادون میں جنٹلمین کیڈٹس کی پاسنگ آؤٹ پریڈ (پی او پی) کا جائزہ لیا۔ 152 ریگولر کورس اور 135 ٹیکنیکل گریجویٹ کورس کے کل 374 جنٹلمین کیڈٹس، آئی ایم اے کے پورٹلز سے کامیابی کے ساتھ پاس آؤٹ ہوئے، جن میں سات دوست بیرونی ممالک کے 42 جنٹلمین کیڈٹس (جی سی) شامل ہیں۔ پاسنگ آؤٹ جنٹلمین کیڈٹس کے والدین اور کنبہ کے افراد نے بھی اس تقریب میں شرکت کی اور ان کے وارڈز کو ہندوستانی فوج میں مستقل کمیشن دیے جانے کے اس اہم موقع کا مشاہدہ کرنے کے لیے پپنگ کی تقریب کا انعقاد کیاگیا۔

پی او پی، آئی ایم اے میں سخت تربیت کی انتہا کو نشان زد کرتا ہے، جو ایک اہم ادارہ ہے جو قیادت، ذاتی نظم و ضبط اور جنگ کے فن کی تربیت دیتا ہے۔ آئی ایم اے میں تربیت کا مقصد اسلحے کے پیشے میں قیادت کے لیے ضروری فکری، اخلاقی اور جسمانی خصوصیات کی بہترین نشوونما ہے۔ آئی ایم اے میں تربیت، حب الوطنی، کردار، حرکیات، پہل اور سمجھ بوجھ کو جنم دیتی ہے جو ہندوستانی فوج میں قیادت کی بنیاد ہیں۔

فوجی عملے کے سربراہ نے پریڈ کمانڈر اور شرکاء کی بے مثال ٹرن آؤٹ کے ساتھ ساتھ چستی اور ہم آہنگی والی مشقوں کی تعریف کی جو نوجوان لیڈروں کی تربیت اور نظم و ضبط کے اعلیٰ معیار کی نشاندہی کرتی ہے۔ انہوں نے آئی ایم اے کے انسٹرکٹرز اور عملے کی فوج کے مستقبل کے لیڈروں کو دی جانے والی تربیت کے اعلیٰ معیار کے لیے بھی تعریف کی۔

فوجی عملے کے سربراہ نے پاسنگ آؤٹ کورس سے اپنے خطاب میں کہا کہ” سپاہی کا پیشہ تمام پیشوں میں بہترین پیشہ ہے، جو آپ کو یونیفارم پہننے اور بے لوث لگن کے ساتھ اپنے مادر وطن کی خدمت کرنے کا منفرد موقع فراہم کرتا ہے۔ یہ ایک کیریئر ہے، جو مقصد کے احساس سے چلتا ہے اور فرض سے ہٹ کر آپ سے قربانیوں کا مطالبہ کرتا ہے۔ آنے والے سالوں میں، آپ کی لچک، عہد اور غیر متزلزل عزم، وہ بنیاد بنے گا جس پر ہندوستانی فوج اپنی تمام تر کوششوں میں ترنگے کو سربلند کرتی رہے گی‘‘۔

جنٹلمین کیڈٹس کے والدین کی تعریف کرتے ہوئے سی او اے ایس نے کہا کہ’’میری قابل تعریف خواہشات ان قابل فخر والدین اور سرپرستوں کے لیے، جنہون نے ان عمدہ کردار کے حامل افراد کی پرورش کی ہے، جو آج ہندوستانی فوج کے ذریعے برقرار رکھے گئے مضبوط ا قداری نظام کے محافظ بننے کے لیے تیار ہیں۔ آپ کے کردار، حصہ رسدی اور مسلسل تعاون کا اعتراف کیا جاتا ہے، جس کے بغیر یہ کارنامہ سر انجام نہ پاتا۔ ان نوجوان لڑکوں کو جنگی لیڈروں میں تبدیل کرنا، ہمارا مشترکہ وژن رہا ہے اور آج، ہم اسے اپنے سامنے پورا ہوتا دیکھ رہے ہیں۔ قوم آپ کے گراں قدر تعاون کی مقروض رہے گی‘‘۔

آرمی چیف نے دوستانہ غیر ملکی ممالک کے جنٹل مین کیڈٹس کو بھی شاباشی دی اور کہا کہ ‘‘میں مختلف دوست غیر ملکی ممالک کے تمام بیالیس (42) جنٹلمین کیڈٹس کو اکیڈمی میں تربیت مکمل کرنے پر مبارکباد دیتا ہوں۔ مجھے یقین ہے کہ آپ اپنے ملک کے سفیر کی حیثیت سے اس جگہ اور تربیت کی اچھی یادوں کا خزانہ اپنے ساتھ لے کر جائیں گے اور ہمیشہ ان کی قدر کریں گے۔ انڈین ملٹری اکیڈمی نے آپ کو تربیت فراہم کی ہے جو پیشہ ورانہ اور ذاتی طور پر آپ کی ترقی کے لیے ایک بنیاد ہے اور یقینی طور پر ہمارے ممالک کے درمیان دوستانہ تعلقات کو مضبوط کرے گی‘‘۔

جائزہ لینے والے افسر نے درج ذیل ایوارڈز پیش کیے:

• اکیڈمی کے انڈر آفیسر مہر بنرجی کو باوقار سورڈ آف آنر سے نوازا گیا۔
• آرڈر آف میرٹ میں پہلے نمبر پر آنے والے جنٹلمین کیڈٹ کے لیے گولڈ میڈل سینئر انڈر آفیسر ابھیمنیو سنگھ کو دیا گیا۔
• آرڈر آف میرٹ میں دوسرے نمبر پر آنے والے جنٹلمین کیڈٹ کے لیے چاندی کا تمغہ اکیڈمی کے انڈر آفیسر مہر بنرجی کو دیا گیا۔
• آرڈر آف میرٹ میں تیسرے نمبر پر آنے والے جنٹلمین کیڈٹ کے لیے کانسی کا تمغہ بٹالین انڈر آفیسر کمل پریت سنگھ کو دیا گیا۔
• ٹیکنیکل گریجویٹ کورس سے آرڈر آف میرٹ میں اول آنے والے جنٹلمین کیڈٹ کے لیے چاندی کا تمغہ جونیئر انڈر آفیسر سوری بھان سنگھ کو دیا گیا۔
• غیر ملکی جی سیز کی طرف سے آرڈر آف میرٹ میں پہلے نمبر پر آنے والے جنٹلمین کیڈٹ کے لیے 'بنگلہ دیش ٹرافی اور میڈل' جی سی کنگا لینڈوپ (بھوٹانی آرمی) کو دیا گیا۔
• اسپرنگ ٹرم 2023 کے لیے 12 ٹریننگ کمپنیوں میں مجموعی طور پر پہلے نمبر پر آنے پر چیف آف آرمی اسٹاف کا بینر کیسینو کمپنی کو دیا گیا۔

پاسنگ آؤٹ پریڈ کے بعد سب سے زیادہ انتظار کی جانے والی ’’پِپنگ تقریب‘‘ ہوئی، جس میں چمکتے ہوئے پیتل کے ستارے جو ہندوستانی فوج کے نئے کمیشنڈ افسران کے قابل فخر والدین کی طرف سے پیش کیے گئے تھے۔ یہ نئے کمیشن یافتہ نوجوان لیفٹیننٹ، شمالی اور مغربی سرحدوں سمیت پورے ملک میں اپنے متعلقہ یونٹوں میں شامل ہوں گے۔

*****

U.No.6013

(ش ح - اع - ر ا)