ಕೇಂದ್ರ ಜವಳಿ, ವಾಣಿಜ್ಯ ಮತ್ತು ಕೈಗಾರಿಕೆ ಮತ್ತು ಗ್ರಾಹಕ ವ್ಯವಹಾರಗಳು, ಆಹಾರ ಮತ್ತು ಸಾರ್ವಜನಿಕ ವಿತರಣಾ ಸಚಿವ ಶ್ರೀ ಪಿಯೂಷ್ ಗೋಯಲ್ ಅವರು, ಭಾರತದಲ್ಲಿ ತಾಂತ್ರಿಕ ಜವಳಿಗಳಲ್ಲಿ ಸಂಶೋಧನೆ ಮತ್ತು ನಾವೀನ್ಯತೆಯನ್ನು ವೇಗವರ್ಧಿಸಲು ಹೆಚ್ಚಿನ ಮೌಲ್ಯದ ಮತ್ತು ಹೆಚ್ಚಿನ ಪ್ರಮಾಣದ ಸಂಭಾವ್ಯ ಉತ್ಪನ್ನಗಳನ್ನು ಗುರುತಿಸಲು ಅಂತಾರಾಷ್ಟ್ರೀಯ ಮಾನದಂಡ, ಉದ್ಯಮದೊಂದಿಗಿನ ಚರ್ಚೆಗಳು ಮತ್ತು ಬೇಡಿಕೆ ಮೌಲ್ಯಮಾಪನ ನಿರ್ಣಾಯಕವಾಗಿದೆ ಎಂದು ಹೇಳಿದರು. 

ನವದೆಹಲಿಯಲ್ಲಿ ಇಂದು ನಡೆದ ರಾಷ್ಟ್ರೀಯ ತಾಂತ್ರಿಕ ಜವಳಿ ಮಿಷನ್ ನ 6 ನೇ ಮಿಷನ್ ಸ್ಟೀರಿಂಗ್ ಗ್ರೂಪ್ (ಎಂಎಸ್ ಜಿ) ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಕೇಂದ್ರ ಸಚಿವರು ಈ ವಿಷಯ ತಿಳಿಸಿದರು.

ಜಿಯೋಟೆಕ್, ಪ್ರೊಟೆಕ್, ಇಂದೂಟೆಕ್, ಸುಸ್ಥಿರ ಜವಳಿ, ಸ್ಪೋರ್ಟೆಕ್, ಬಿಲ್ಡ್ ಟೆಕ್ ವಿಭಾಗಗಳು ಮತ್ತು ಸ್ಪೆಷಾಲಿಟಿ ಫೈಬರ್ಸ್ (ಕಾರ್ಬನ್ ಫೈಬರ್ ಮತ್ತು ಅಲ್ಟ್ರಾ ಹೈ ಮಾಲಿಕ್ಯುಲರ್ ವೇಟ್ ಪಾಲಿ ಎಥಿಲೀನ್) ಪ್ರಮುಖ ಕಾರ್ಯತಂತ್ರದ ಕ್ಷೇತ್ರಗಳಲ್ಲಿ 61.09 ಕೋಟಿ ರೂಪಾಯಿ ಮೌಲ್ಯದ 20 ಸಂಶೋಧನೆ ಮತ್ತು ಅಭಿವೃದ್ಧಿ ಯೋಜನೆಗಳಿಗೆ ಜವಳಿ ಸಚಿವಾಲಯ 6 ನೇ ಎಂಎಸ್ ಜಿ  ಸಭೆಯಲ್ಲಿ ಅನುಮೋದನೆ ನೀಡಿತು.

ಈ 20 ಸಂಶೋಧನೆ ಮತ್ತು ಅಭಿವೃದ್ಧಿ ಯೋಜನೆಗಳಲ್ಲಿ, ಜಿಯೋಟೆಕ್ ನ 3 ಯೋಜನೆಗಳು, ಪ್ರೊಟೆಕ್ ನ 6, 1 ಇಂದೂಟೆಕ್, 1 ಸ್ಪೋರ್ಟೆಕ್, 2 ಸುಸ್ಥಿರ ಜವಳಿ, 2 ಬಿಲ್ಡ್ ಟೆಕ್, 2 ಕಾರ್ಬನ್ ಫೈಬರ್ ಗಳು, 2 ಸ್ಪೆಷಾಲಿಟಿ / ಫಂಕ್ಷನಲ್ ಫೈಬರ್ ಮತ್ತು 1 ಅಲ್ಟ್ರಾ ಹೈ ಮಾಲಿಕ್ಯುಲರ್ ವೇಟ್ ಪಾಲಿ ಎಥಿಲೀನ್ (ಯುಎಚ್ಎಂಡಬ್ಲ್ಯೂಪಿಇ) ಯೋಜನೆಗಳಿಗೆ ಅನುಮೋದನೆ ನೀಡಲಾಯಿತು.

ಸಭೆಯನ್ನುದ್ದೇಶಿಸಿ ಮಾತನಾಡಿದ ಶ್ರೀ ಪಿಯೂಷ್ ಗೋಯಲ್ ಅವರು, ದಕ್ಷತೆ, ಪ್ರಗತಿ ಮತ್ತು ಸುಸ್ಥಿರತೆಯನ್ನು ಹೆಚ್ಚಿಸಲು ಆಟೋಮೊಬೈಲ್, ವಾಯುಯಾನ, ಮೂಲಸೌಕರ್ಯ ಮತ್ತು ವೈದ್ಯಕೀಯ ಕ್ಷೇತ್ರಗಳಲ್ಲಿ ಹೆಚ್ಚಿನ ಸಾಮರ್ಥ್ಯದ ಹಗುರವಾದ ತಾಂತ್ರಿಕ ಜವಳಿಗಳನ್ನು ಪರ್ಯಾಯ ವಸ್ತುವಾಗಿ ಬಳಸಬಹುದಾದ ಕ್ಷೇತ್ರಗಳನ್ನು ಗುರುತಿಸುವುದು ಅವಶ್ಯಕ ಎಂದು ಹೇಳಿದರು.

ಎನ್ ಟಿಟಿಎಂ ಅಡಿಯಲ್ಲಿ ಆದ್ಯತೆಯ ಕ್ಷೇತ್ರಗಳಲ್ಲಿ ಹೆಚ್ಚಿನ ಸಂಶೋಧನೆ ಮತ್ತು ಅಭಿವೃದ್ಧಿ ಪ್ರಸ್ತಾಪಗಳನ್ನು ಆಕರ್ಷಿಸಲು ಬೃಹತ್ ಜನಸಂಪರ್ಕ ಅಭ್ಯಾಸದ ಸಮಯದ ಅಗತ್ಯವಾಗಿದೆ, ಇದರಲ್ಲಿ ಜವಳಿ ಸಚಿವಾಲಯ, ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯ ಮತ್ತು ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯ ಸಹಕರಿಸಬಹುದು ಎಂದು ಸಚಿವರು ಗಮನಿಸಿದರು.

ಎನ್ ಟಿಟಿಎಂ ಯೋಜನೆಯ ವ್ಯಾಪಕ ಜಾಗೃತಿ, ಪ್ರಯೋಜನಗಳು ಮತ್ತು ಗರಿಷ್ಠ ಬಳಕೆಗಾಗಿ ಮತ್ತು ಭಾರತದಾದ್ಯಂತ ಸಂಶೋಧನೆ ಮತ್ತು ನಾವೀನ್ಯತೆ ಪರಿಸರ ವ್ಯವಸ್ಥೆಯನ್ನು ಉತ್ತೇಜಿಸಲು ಜವಳಿ ಸಂಶೋಧನಾ ಸಂಘಗಳು (ಟಿಆರ್ ಎಗಳು) ಅಥವಾ ಹೆಸರಾಂತ ಸರ್ಕಾರಿ ಸಂಸ್ಥೆಗಳೊಂದಿಗೆ ಒಟ್ಟಾಗಿ ಕೆಲಸ ಮಾಡಲು ಉತ್ತಮ ಖ್ಯಾತಿಯ ಖಾಸಗಿ ಎಂಜಿನಿಯರಿಂಗ್ ಕಾಲೇಜುಗಳನ್ನು ಪ್ರೋತ್ಸಾಹಿಸಬೇಕು ಎಂದು ಶ್ರೀ ಗೋಯಲ್ ಹೇಳಿದರು.

2023 ರ ಫೆಬ್ರವರಿ 22 ರಿಂದ 24 ರವರೆಗೆ ಮುಂಬೈನಲ್ಲಿ ನಡೆದ ಟೆಕ್ನೋಟೆಕ್ಸ್ 2023 ರ 10 ನೇ ಆವೃತ್ತಿಯ ಟೆಕ್ನೋಟೆಕ್ಸ್ 2023, ಜಿಯೋಟೆಕ್ಸ್: ಜಿಯೋ-ಟೆಕ್ಸ್ ಟೈಲ್ಸ್ ಕುರಿತ ರಾಷ್ಟ್ರೀಯ ಸಮ್ಮೇಳನ - ಪಿಎಂ, 2023ರ ಮಾರ್ಚ್ 24 ರಂದು ಸಿಐಐನೊಂದಿಗೆ ದೆಹಲಿಯಲ್ಲಿ ಗತಿ ಶಕ್ತಿ ಯೋಜನೆ, 2023 ರ ಏಪ್ರಿಲ್ 21 ರಂದು ರಾಜ್ ಕೋಟ್ ನಲ್ಲಿ ಚಿಂತನ್ ಶಿಬಿರ ಅಡಿಯಲ್ಲಿ ಹೋಮ್ ಟೆಕ್ ಮತ್ತು ಕ್ಲೋಟೆಕ್ - ‘ಸೌರಾಷ್ಟ್ರ ತಮಿಳು ಸಂಗಮ್’ ದಲ್ಲಿ ತಾಂತ್ರಿಕ ಜವಳಿ ಬೆಳವಣಿಗೆಯ ಅವಕಾಶಗಳು ಮತ್ತು 2023 ರ ಜೂನ್ 2 ರಂದು ಐಟಿಟಿಎಯೊಂದಿಗೆ ದೆಹಲಿಯಲ್ಲಿ ಭಾರತದಲ್ಲಿ ಕ್ರೀಡಾ ಜವಳಿ ಮತ್ತು ಪರಿಕರಗಳ ಉದ್ಯಮದ ಭವಿಷ್ಯ ಕುರಿತ ಅವಕಾಶಗಳ ಅನ್ವೇಷಣೆ ಮುಂತಾದ ಕಾರ್ಯಕ್ರಮಗಳನ್ನು ಸಚಿವರು ಪರಿಶೀಲಿಸಿದರು.

ಶ್ರೀ ಪಿಯೂಷ್ ಗೋಯಲ್ ಅವರು ಎನ್.ಟಿ.ಟಿ.ಎಂ. ಅಡಿಯಲ್ಲಿ ವಿವಿಧ ತಾಂತ್ರಿಕ ಜವಳಿ ವಸ್ತುಗಳ ಕಡ್ಡಾಯ/ ಅಳವಡಿಕೆಗಾಗಿ ನಡೆಸಲಾದ ಅಂತರ ಸಚಿವಾಲಯದ ವ್ಯಾಯಾಮ ಮತ್ತು ತಾಂತ್ರಿಕ ಜವಳಿಗಳ ಬಳಕೆಯನ್ನು ಹೆಚ್ಚಿಸಲು ರೈಲ್ವೆ ಸಚಿವಾಲಯ ಮತ್ತು ರಕ್ಷಣಾ ಸಚಿವಾಲಯದೊಂದಿಗೆ ನಡೆಸಿದ ಸಭೆಗಳನ್ನು ಪರಿಶೀಲಿಸಿದರು. 2023 ರ ಏಪ್ರಿಲ್ 10 ರಂದು 31 ತಾಂತ್ರಿಕ ಜವಳಿ - 19 ಜಿಯೋಟೆಕ್ಸ್ ಟೈಲ್ಸ್ ಮತ್ತು 12 ರಕ್ಷಣಾತ್ಮಕ ಜವಳಿಗಳಿಗೆ ಕ್ಯೂಸಿಒಗಳನ್ನು ಬಿಡುಗಡೆ ಮಾಡಲಾಗಿದೆ.

ನೀತಿ ಆಯೋಗದ ಹಿರಿಯ ಅಧಿಕಾರಿಗಳು, ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯ, ಭಾರಿ ಕೈಗಾರಿಕಾ ಸಚಿವಾಲಯ, ರೈಲ್ವೆ ಸಚಿವಾಲಯ, ಜಲಶಕ್ತಿ ಸಚಿವಾಲಯ, ವೆಚ್ಚ ಇಲಾಖೆ, ಉನ್ನತ ಶಿಕ್ಷಣ ಇಲಾಖೆ, ಕೈಗಾರಿಕೆ ಮತ್ತು ಆಂತರಿಕ ವ್ಯಾಪಾರ ಉತ್ತೇಜನ ಇಲಾಖೆ ಮತ್ತು ಇತರ ಸಚಿವಾಲಯಗಳ ಸದಸ್ಯರು ಮತ್ತು ಉದ್ಯಮದ ಪ್ರಮುಖ ಸದಸ್ಯರು ಸಭೆಯಲ್ಲಿ ಭಾಗವಹಿಸಿದ್ದರು.

****

(Release ID: 1930912) Visitor Counter : 103