কেন্দ্রগী স্কিল দেবেলপমেন্ত অমসুং এন্ত্রপ্রেনরশিপ অমসুং ইলেক্ত্রোনিক্স অমসুং আই.তি.গী রাজ্য মন্ত্রী, শ্রী রাজীৱ চন্দ্রসেখরনা ঙসি হায়খি মদুদি প্রধান মন্ত্রী, শ্রী নরেন্দ্র মোদীগী “সেৱা, সুশাসন আমসুং গরিব কল্যানগী খুত্থাংদা গোবর্নেন্সকী অনৌবা মোদেল” (মীয়ামদা সেবা তৌবা, অফবা গোবর্নেন্স অমসুং লাইরবশিংগী য়াইফ-থৌরাং) অসিনা নোর্থ-ইস্তর্ন রিজনদা য়াম্লবা চাউখৎ-থৌরাংগী থবকশিং পাইখৎলকখ্রে, মসিনা মরম ওইরগ আইনভেস্তরশিংগীদমক্তা য়াম্না পুক্নিং চিংশিন্নিংঙাই ওইবা মফম অমা ওইহল্লে।

“২০১৪গী মমাংদা নোর্থ-ইস্ততা চাউকৎ-থৌরাং অমত্তা লৈরমদে অমসুং লম্বি-থোংশিং, রেলৱে নেতৱার্ক নত্রগা প্লেনগী কেনেক্তিবিতী নিংথজনা লৈরমদবনা মরম ওইরগা ইনভেস্তরশিং লাক্নিংঙমদে। ঙসিদি লমদম অসি লৈবাক অতোপ্পা মফমশিংগুম্না নিংথিনা কনেক্ত তৌরে। প্রধান মন্ত্রী, নরেন্দ্র মোদীগী গোবর্নেন্স মখাদা চহি মাপল অসিদা য়াম্না কুমাং চাউশল্লকখ্রে অমসুং  মপান লমগী লৈবাকশিংনা ঐখোয়গা থবক তৌমিন্নবা পাম্লি,” হায়না শ্রি রাজীৱ চন্দ্রসেখরনা ত্রিপুরাগী খোৱাই জিলাগী চাকমা ঘাত কম্যুনিতী হোলদা জনজাতি মোর্চা ইনিসিবেতিবনা শিনখিবামীফম অদুদা ৱা ঙাংবা মতমদা হায়খি।

শ্রী নরেন্দ্র মোদীগী লুচিং মখাদা হৌখিবা চহি মাপল অসিদা নিংথিনা মথৌ তৌরমদ্রবা দেমোক্রেসীদগী য়াম্না ভাইব্রেন্ত ওইবা ভারত অমদা করম্না ওন্থোরকখিবগে হায়বসিগী মতাং ৱা ঙাংলদুনা, শ্রী রাজীৱ চন্দ্রসেকরনা হায়খি মদুদি প্রধান মন্ত্রীনা হালেংবা লৈতনা তুম্বা চাবা খঙদবমখৈ “নোংমদা পুং ২৪, চয়োল অমদা নুমিৎ তরেৎনি অমসুং চহি অমদা নুমিৎ ৩৬৫” ৱাখলদা মিসন অমখক – লৈবাক অসিগী চাউখৎ-ধোরাং অমসুং খুমাং চাউশিনহনবগী মতাংদা চপ য়ুংনা লেপ্তুনা থবক তৌখি অমসুং মহাক্কী প্রোএক্তিব ওইবা পোলিসিশিং অমসুং স্কীমশিং অদুনা মরম ওইরগা, ইকোনোমী অসিদা অহোংবা পুরক্তুনা মালেম অসিগী মঙশুবা খ্বাইদগী চাউবা ইকোনোমী ওইবা ঙম্লিবনি।

“ভারতনা চহি ৬৫দা ফংবা ঙমখিদবা অদু প্রধান মন্ত্রি, শ্রী নরেন্দ্র মোদীগী লুচিং মখাদা চই মাপলগী মনুংদা ফংবা ঙমখি। ভারতনা য়াম্না থুনা য়ু.এস. অমসুং চাইনাগী মথংদা মালেম অসিগী অহুমশুবা খ্বাইদগী চাউবা ইকোনোমী অমা ওইরগনি,” হায়না মআক্না হায়খি।

ৱার্ল্দ ওর্দরদা ভারতকী চাউখৎলক্লিবা থাক অসিগী মতাংদা পল্লদুনা, মন্ত্রী অসিনা হায়খি, “ঐখোয়না অতোপ্পা লেবাকশিংদা হান্নগুম্না মতেংগীদমক্তা হায়জদ্রে। ঙসিদি, প্রধান মন্ত্রী, শ্রী নরেন্দ্র মোদীগী মখাদা, ভারতনা হেন্না মপাঙ্গল কনখৎলক্লি। অতোপ্পা লৈবাকশিংদগী অমসুং তেরর গ্রুপশিংদগী লাকপা প্রেসরনা নোনগদবা নত্রে। ঐখোয়গী মতিক চাবা পাউখুম অদুনা মখোয়বু ঐখোয়গী মায়োক্তা এতেক্ত অমা থৌরাং তৌদ্রিঙৈগী মাংওইননা অনিরক হন্না খন্থহনখ্রে।”

মন্ত্রী অসিনা ত্রিপুরাগী নুমিৎ হুম্নিগী খোংচত্তা ঙরাং আগর্তলা থুংলরে, মসিগী মনুংদা মআক্না তোঙান-তোঙানবা সেক্সনগী মীশিংগা উনখি অমসুং রাজ্য অসিদা পাংথোক্লিবা স্কিলিংগী থবকশিং অদুবু য়েংশিনখি অমসুং মার্কেত লিঙ্কেজশিং, কেপাসিতী বিল্দিং অমসুং এমপ্লোইমেন্ত জেনরেশনগী মতাংদা মীয়ামগী অৱাবসিং অদুবু য়েংশিনখি।

নুমিৎ অদুগি ঙনবদা, মহাক্না কৃষ্ণপুরগী মনাক্তা লৈবা তেলিবামুরা সব-দিভিজনদা চৎখি অমসুং দি.সি.এম., শ্রী সৌরব দাসনা এজুকেশন অমসুং স্কিলিং ফেসিলিতীশিং অদুগী মতাংদা হায়খি। মহাক্না দি.সি.এম. ওফিসকী মমাংদা উ চারা অমশু থাখি। মন্ত্রী অসিনা ত্রিপুরাগী ত্রাইবল ৱেলফিয়র, হেন্দলুম, হেন্দিক্রাফস অমসুং সেরিকলচর অমসুং স্তেতিস্তিক্সকী মন্ত্রী, শ্রী বিকাস দেববর্মাগা উনখি অমসুং তোঙান-তোঙানবা হিরম কয়া অমা য়াওরগা রাজ্য অসিদা মায়োক্নরিবা শিংনবশিং অমসুং ফংলিবা কুদোংচাবশিং অদুগী মতাংদা খন্নখি।  

মন্ত্রী অসিনা মতুং তারকপদা আগর্তলাদা হনখিগনি অমসুং অতোপ্পা এনগেজমেন্ত কয়া অমগী মনুংদা আগর্তলা – বংগ্লাদেশ রেল প্রোজেক্ত, ৱিকাস তির্থতা চৎকনি।

মসি রাজীৱ চন্দ্রসেখরনা পি.এম. মোদীগী কেবিনেত্তা মন্ত্রী ওইরবা মতুংদা মসিনা ত্রিপুরাদা মহাক্কী অনিশুবা ওফিসিয়েল ওইবা খোংচৎনি। মহাক অসি মমাংদা ২০২২গী ওগস্ততা লাক্লম্মি অমসুং তিরঙগা রেলীদা শরুক য়াখি। 

*****

(Release ID: 1930718) Visitor Counter : 105