ہاؤسنگ اور شہری امور اور پیٹرولیم اور قدرتی گیس کے مرکزی وزیر، جناب ہردیپ سنگھ پوری کے ذریعہ 15 مئی 2023 کو شروع کی گئی، ملک گیر مہم، ’میری لائف، میرا سوچھ شہر‘ مہم، ملک گیر سطح پر غیر معمولی تیزی کےساتھ اپنا احاطہ بڑھا رہی ہے۔ اس مہم میں بنیادی طور پر کمی کرنے، دوبارہ استعمال کرنے، دوبارہ قابل استعمال بنانے (آر آر آر) کا اصول کارفرماہے۔ اس کا مقصد شہروں کو ون اسٹاپ آر آر آر’سینٹرز‘ قائم کرنے پر قائل کرنا ہے تاکہ شہریوں کو کپڑے، جوتے، پرانی کتابیں، کھلونے اور استعمال شدہ پلاسٹک کو دوبارہ استعمال یا ری سائیکل کرنے کے لیےعطیہ کرنے کا موقع فراہم کیا جا سکے۔

ردی کی ٹوکری سے پاک شہروں کے ایس بی ایم-یو 2.0 کے وژن کے مطابق اور شہروں کو مؤثر طریقے سے ری سائیکلنگ اور مواد کو دوبارہ تیار کرنے اور ان کے آگے روابط کو مضبوط بنانے میں مدد کرنے کے لیے، ہاؤسنگ اور شہری امور کی وزارت (ایم او ایچ یو اے)نےجرمن ڈیولپمنٹ کوآپریشن (جی آئی زیڈ) کی شراکت میں یکم جون 2023 کو سٹی-ری سائیکلر کنیکٹ ورکشاپ کا اہتمام کیا۔

ورکشاپ نے شہروں، ریاستوں اور ڈیجیٹل اسپیس میں کام کرنے والی ایجنسیوں کے ساتھ ساتھ ری سائیکلرز اور ری سائیکلنگ ایسوسی ایشنز کو بھی یکجا کیا جن کے پاس شہروں سے قابلِ استعمال اشیاء کو جمع کرنے کا بہت مضبوط نیٹ ورک ہے۔ یہ ایجنسیاں اور انجمنیں پلاسٹک، گلاس، ربڑ اور ٹائر اور کاغذ کی ری سائیکلنگ سے متعلق ہیں۔ پینلسٹس میں ٹی ای آر آئی، جی آئی زیڈ اور کباڑوالا کنیکٹ، ری سائیکل اور دیگر جیسے نجی کھلاڑیوں کے ماہرین اور اہلکار شامل تھے۔ بات چیت میں ری سائیکلرز کے لیے شہروں کے ساتھ کام کرنے کے لیے حالات اور ممکنہ مواقع اور شہر کے آر آر آراور ایم آر ایف مراکز سے مواد کی فراہمی کے لیے آگے روابط قائم کرنے کی غرض سے لائح عمل پر توجہ مرکوز کی گئی۔

ورکشاپ کے دوران، ایم او ایچ یو اےکےسکریٹری جناب منوج جوشی نے کہا کہ ’’ہمیں ری سائیکلنگ کے لیے بہتر آلات کی ضرورت ہے اور ری سائیکلرز اور منظم اور غیر منظم کباڑجمع کرنے والوں، دونوں کی زیادہ منظم شمولیت کی ضرورت ہے۔ پیدا ہونے والے فضلے کی مقدار اتنی زیادہ ہے کہ فضلے سے دولت پیدا کرنے کے زیادہ مواقع ہیں۔ آئیے آر آر آرکے سلسلے کو مکمل کرنے میں مشغول ہوں‘‘۔

مہم کے اہم مواصل شہروں کے پاس ہیں اور اب تک 15000 سے زیادہ آر آر آرمراکز قائم ہو چکے ہیں اور اب بھی ان کی گنتی می اضافہ جاری ہے۔ 20 لاکھ سے زیادہ شہریوں نے فعال طور پر حصہ لیا ہے، رضاکارانہ طور پر اپنی غیر استعمال شدہ اشیاء، پرانی کتابیں، کپڑے، جوتے، کھلونے وغیرہ عطیہ کر دیے ہیں۔ ان اشیاء کو شہروں میں ری سائیکل اور/یا دوبارہ استعمال کے لیے ری فربش کیا جانا ہے۔ اب تک شہروں میں 188 ٹن پلاسٹک، 315 ٹن کپڑا اور تقریباً 200000 پرانی کتابیں جمع ہو چکی ہیں۔

وفاقی جمہوریہ جرمنی کے سفارت خانے کے مالیاتی امور کے کونسلر ڈاکٹر ڈومینک والاؤ نے کہاکہ ’’ہندوستان اور جرمنی کو آج اس پروگرام میں شامل ہونے پر فخر ہے، جس کا مقصد شہروں، نجی شعبے اور ری سائیکلرز کے درمیان پیدا ہونے والے زیادہ سے زیادہ ہونے کے درمیان فرق کو ختم کرنا نیزفضلہ کو موثر ری سائیکلرز تک پہنچانا اور اس طرح سمندری ماحول میں فضلہ کے رساو کو کم کرنا ہے۔ مجھے امید ہے کہ آج کے اجلاس میں سرکلر، ڈیجیٹل، میٹریل ٹریس ایبلٹی جیسے الفاظ واضح اور صاف طور پر ادا کئے گئے۔ دنیا کو ری سائیکلنگ کی مقدار کو تیز کرنے کے لیے بالکل یہی ضرورت ہے،اور ماحول میں فضلہ کے رساو کو کم کریں‘‘۔

شہری ہندوستان تقریباً 1.45 لاکھ ٹن میونسپل سالڈ ویسٹ (ایم ایس ڈبلیو) پیدا کرتا ہے، جس میں سے تقریباً 35 سے 40 فیصد خشک فضلہ ہے۔ خشک فضلہ کے زیادہ تر حصے کو دوبارہ استعمال یا ری سائیکل کیا جا سکتا ہے۔ مثال کے طور پر، مطالعات سے پتہ چلتا ہے کہ ملک میں تقریباً 60 فیصد پلاسٹک کے فضلے کو ری سائیکل کیا جاتا ہے۔ پلاسٹک کا کچرا خشک فضلہ میں سب سے بڑا حصہ ہے۔

ہندوستان کی ری سائیکلنگ کی شرح دوسرے ممالک کے مقابلے میں زیادہ ہے کیونکہ اس کو دوبارہ استعمال کرنے اور دوبارہ قابل استعمال بنانےکی پرانی مشق ہے۔ تاہم، جمع کرنے کے محدود چینلز اور زیادہ ٹرانسپورٹیشن چارجز کی وجہ سے خشک کچرے کی ری سائیکلنگ کی مکمل صلاحیت کو حاصل کرنا باقی ہے۔ سوچھ بھارت مشن-شہری 2.0 (ایس بی ایم-یو 2.0) کے تحت ری سائیکلنگ کے اقداری سلسلے کو بہتر بنانے کے لیے، آر آر آر سینٹرز اور ری سائیکلرز کے ذریعے ضائع شدہ اشیاء کی اپ اسکیلنگ اور ری سائیکلنگ کی جا رہی ہے۔

تین آرز پر ایک بہترین پریکٹس دستاویز - مناسب حکمت عملی بنانے میں شہروں اور ریاستوں کی مدد کرنے کے لیے، کمی کرنے، دوبارہ استعمال کرنے اور دوبارہ قابل استعمال بنانے – کا اجراء، ایم او ایچ یو اےکے سکریٹری جناب منوج جوشی اور ایم او ایچ یو اے کی جوائنٹ سکریٹری محترمہ روپا مشرا کی موجودگی میں کیا گیا۔ ورکشاپ کے دوران شہر اور ری سائیکلنگ مارکیٹ کو مربوط کرنے کے لیے ایک ڈیجیٹل پلیٹ فارم ’’سنسادھن‘‘ کی نمائش بھی کی گئی۔

*****

U.No.5772

(ش ح - اع - ر ا)   

(Release ID: 1929502) Visitor Counter : 201