জল শক্তি মন্ত্রালয়

সেক্রেতরী, দিপার্তমেন্ত ওফ ৱাতর রিসোর্সেসনা নেস্নেল লেবেল স্তীয়রিং কম্মিতী ওফ অতল ভুজল য়োজনাগী মীফম পাঙথোকখ্রে


কম্মিতীনা অতল ভুজল য়োজনাবু ২০২৫গী ৱাংমদা চহি অনি মখা তানা পায়খৎনবা ফিরেপ লৌরে

স্তেতনা হৌজিক্তি ঈশিং মওং চুম্না শীজিন্নবা হেনগৎহন্নবা ইনোবেতিব ওইবা ঈথৈ লৌখোংগী তেক্নোলোজী পুরকপদা মীৎয়েঙ থম্বা মথৌ তাই: সেক্রেতরী, দি.ও.দব্লিউ.আর.

ৱর্ল্দ বেঙ্কনা অতল ভুজল য়োজনাবু ঈশিং ইফিসিএন্ত ওইনা শীজিন্নবগী থৌওংবু মাঙদা পুখৎলকপা অমদি হৌখিবা চহি অহুমদা লৈখিবা খোঙজেলগীদমক থাগৎলক্লি

Posted On: 26 MAY 2023 6:53PM by PIB Imphal

অতল ভুজল য়োজনাগী নেস্নেল লেবেল স্তীয়রিং কম্মিতী (এন.এল.এস.সি.)গী মরিশুবা মীফম ঙসি নই দিল্লীদা সেক্রেতরী, দিপার্তমেন্ত ওফ ৱাতর রিসোর্সেস, আর.দি. এন্দ জি.আর., মিনিস্ত্রী ওফ জল শক্তিনা থৌরম মপু ওইদুনা পাঙথোকখ্রে‍। অতল ভুজল য়োজনা (অতল জল) সেন্ত্রেল সেক্তর স্কীম ওইনা এপ্রিল, ২০২০দগী হৌনা চহি মঙাগী (২০২০-২৫) ওইনা গুজরাত, কর্নাতকা, মধ্য প্রদেশ, মহারাস্ত্র, রাজস্থান অমদি উত্তর প্রদেশ হায়রিবা স্তেত তরেৎসিগী দিস্ত্রিক্ত ৮০দা লৈবা এদমিনিস্ত্রেতিব ব্লোক/তালুকা ২২৯গী ঈশৎং ৱাবা গ্রাম পঞ্চায়ত ৮২২০দা পায়খৎপা হৌখিবনি‍।

কম্মিতী অসিনা স্কীম অসিগী মপুং ওইবা খোঙজেল নৈনদুনা স্তেতশিংদা ৱাতর সিক্যুরিতী প্লান (দব্লিউ.এস.পি.)গী মখাদা প্রপোজ তৌরিবা ইন্তরভেন্সনশিং থবক ওইনা পায়খৎনবগীদমক তৌগদবা প্রোকরমেন্ত অমদি কন্ভরজেন্স য়াওনা থবক থৌওং খুদিংমক খোঙজেল য়াঙখৎহন্নবা পাউতাপ পীখি‍। কম্মিতীনা স্কীম অসি হৌরকপগী চহি অনিদি কোবিদনা মরম ওইরগা অপনবা লৈখ্রে হায়বা ৱাফম থম্লদুনা মীয়ামগী হৌন-লোনচৎ হোংদোকপদা মতম চঙগদবা ওইবনা, স্কীম অসি মশাগী লৈরিবা মতমদুগী ৱাংমদা চহি অনি মখা তানা পায়খৎনবা ফিরেপ লৌখিবনি‍।

সেক্রেতরী, দি.ও.দব্লিউ.আর., শ্রী পঙ্কজ কুমারনা স্কীম অসিগী মপুং ওইবা পর্ফোর্মেন্স পেন্নিংঙাই ওই অমদি দিসবর্সমেন্ত লিঙ্ক ইন্দিকেতরশিংগী মখাদা ফংবা ঙম্লিবশিং শিংথানিংঙাই ওই, অদুম ওইনমক, ঈশিং পরম চুম্না শীজিন্ননবগীদমক স্তেতশিংনা ঈথৈ লৌখোংগী লমদা ইনোবেতিব ওইবা তেক্নোলোজীশিং পুরকপদা মীৎয়েঙ থমগদবনি হায়খি‍। মহাক্না স্তেতশিংগী মফমদা থক্নবা ঈশিং ফংফমশিং মেপ তৌদুনা মখোয়গী সস্তেনেবিলিতী খঙদোক্নবা অমদি হায়রিবা মফমশিং অসিবু কমদৌনা অতল জলগী মখাদা ইন্তরভেন্সন পীদুনা ঙাক্লৌ পীবা য়াগদগে হায়বা খঙদোক্নবা থিজিন হুমজিনবগী থবক তৌননবা ৱাফম থমখি‍।

মীয়ামবু স্কীম অসিগী মাঙদা থম্বা মরম্না, মীয়ামগী কেপাসিতী বিল্দিংগী থবক পায়খৎপগী মরুওইবা ৱাফমশিংসু পুতোক্তুনা নৈনখি‍। স্পিসিএল সেক্রেতরী, দি.ও.দব্লিউ.আর., মিস দেবশ্রী মুখর্জীনা গ্রাম পঞ্চায়তকী থাক্তা পীরিবা ত্রেনিংশিংগী ক্বালিতী য়েংশিনবগী মরুওইবা ৱাফমশিং থমখি‍। মহাক্না শরুক য়ারিবা স্তেতশিংগী মফমদা দব্লিউ.এস.পি.বু গ্রাম পঞ্চায়ত দিভেলপমেন্ত প্লান (জি.পি.দি.পি.)গা পুনশিন্নবা ৱাফমসু থমখি‍। অসুম্না পুনশিনবনা স্কীম অসিনা চঙশিল্লিবা পরিং অসিদা মতম লোইখ্রবা মতুংদা ফাওবা তুং কোইগদবা ফীভম অমা থমহৌগনি হায়খি‍।

প্রাক্তিস মেনেজর, ৱর্ল্দ বেঙ্কনা স্কীম অসিবু ঈশিং পরম চুম্না শীজিন্নবগী থৌওংবু মাঙদা থমদুনা থবক পায়খৎপগীদমক থাগৎখি অমদি হৌখিবা চহি অহুমদা চঙশিনখিবা খোঙজেলবুসু শিংথাখি‍। মহাক্না মীয়াম্না চিংদুনা তুং কোইগদবা মওংদা লৈনুংগী ঈশিং মেনেজ তৌবগী মরুওইবা ৱাফমশিং থমখি অমদি স্কীম অসিদা মহাক্না পাঙবা য়াবা মতেঙ মপুং ফানা পাংগনি হায়খি‍।

মীফম অদুদা স্কীম অসি পায়খৎলিবা স্তেত ৭কী মকোক থোংবা ওফিসরশিং লোয়ননা কম্মিতীগী মেম্বর ওইরিবা লাইন দিপার্তমেন্তকী মীওইশিংনা শরুক য়াখি‍। স্পিসিএল সেক্রেতরী, অমদি জোইন্ত সেক্রেতরী, দি.ও.দব্লিউ.আর.না ৱাতর প্রাক্তিস মেনেজর, সাউথ এসিয়া, ৱর্ল্দ বেঙ্ক অনিসু মীফমদুদা শরুক য়াখি‍। এন.এল.এস.সি. মীফমদুগী মতুংদা বেস্ত প্রাক্তিসেস ওন সস্তেনেবল গ্রাউন্দ ৱাতর মেনেজমেন্তকী মতাঙদা ৱর্কসোপ অমা পাঙথোকখি অমদি মদুদা স্তেত ৭ মক্না গ্রাউন্দ ৱাতর রিচার্জো ইফিসিএন্ত ৱাতর য়ুজ, ঈথৈ লৌখোংগী ইনোবেতিব ওইবা তেক্নোলোজীশিং, পব্লিক দিসক্লোজর ওফ দেতা অসিনচিংবা অতল ভুজল য়োজনাগী মখাদা মখোয় মখোয়গী স্তেতশিংদা পায়খৎলিবা খ্বায়দগী ফবা থৌওংশিং পুথোক্নখি অমদি স্কীম অসিনা কমদৌনা গ্রাউন্দ ৱাতর মেনেজমেন্তকী লমদা দিমান্দ সাইদ ইন্তরভেন্সন য়োকখৎপদা মীৎয়েঙ থমদুনা অহোংবা পুরক্লিবগে হায়বগী মতাঙদা পাউদমখি‍।

অতল জলগী মরুওইবা মশকশিংগী মনুংদা অমদি কম্ম্যুনিতীদা, হৌজিক লৈরিবা শীজিন্নবগী মওং মতৌদগী য়োকশিনবা অমদি স্মার্ত ৱাতর মেনেজমেন্তকী লমদা, লীচৎ শাজৎ হোংদোকপনি‍। গ্রাম পঞ্চায়তকী থাক্তা লৈরিবা মীয়ামদা ঈশিংগা মরী লৈনবা দেতাশিং খোমগৎপদা অমদি ৱাতর বজেৎ অমসুং ৱাতর সিক্যুরিতী প্লান (দব্লিউ.এস.পি.) শেম্বদা মতেং পাংলি‍। প্লানশিং অসিদা মীয়াম্না পাম্লিবশিং দিমান্দ ওইনা হাপ্লি অদুগা মসিদা য়াওরিবা তোঙান তোঙানবা লাইন দিপার্তমেন্তশিংনা পায়খৎকদবা সপ্লাই সাইদ ইন্তরভেন্সনসু য়াওরি‍। স্কীম অসিনা, ফংলিবা মচাকশিং দব্লিউ.এস.পি. থবক ওইনা পায়খৎপদা মতিং লৈনা, পরম চুম্না শীজিন্ননবগীদমক, ঈশিংগী মতাঙদা থবক পায়রিবা লাইন দিপার্তমেন্ত পুম্নমক ফম্পাক অমত্তদা পুরক্লি‍। স্কীম অসিনা ঈথৈ লৌখোংদা ঈশিং দিমান্দ হন্থহন্নবা অমদি ঈথৈ লৌখোং লৈবা লৌফম হেক্তর লাখ ৪.৫বু দ্রিপ/স্প্রিঙ্ক্লর, পাইপলাইনগী খুত্থাঙদা ঈথৈ লৌখোং পীবা, মল্চিং, খেন্নবা মহৈ মরোং থাবনচিংবা ঈশিং মওং চুম্না শীজিন্নবগী তেক্নিকশিংগী মখাদা পুরক্নবা ইন্তরভেন্সনশিংদসু মরুওইবা মীৎয়েঙ থম্লি‍। স্কীম অসি চেলেঞ্জ মেথদতা পায়খত্তুনা হেন্না নীংথিনা থবক পায়খৎপা স্তেতশিংদা ইন্সেন্তিব ফন্দ হেন্না পীরি‍। হায়রিবা পর্ফোর্মেন্সশিং অসি হান্না শেম শাদুনা থম্লবা দিসবর্সমেন্ত লিঙ্ক ইন্দিকেতর্স কৌবা পান্দমশিংগী খুত্থাঙদা ওনবনি অমদি স্তেতশিংদা ইন্সেন্তিব থাদোকপগী য়ুম্ফমসু ওইরি‍।

*****



(Release ID: 1928508) Visitor Counter : 75


Read this release in: English , Urdu , Hindi