ফৌ লৈশিনবগী সরকারগী থৌশিলনা লৌমীশিংদা এম.এস.পি. ফংহনবা অমসুং অহোংবা মমলশিংদা শোত্থরবা শরুকশিংদা চানবা পোৎলম ফংহন্নবা পান্দম থমখি। মসিনা নীংথিনা মার্কেৎ ইন্তর্ভেন্সন তৌদনা মমলশিং ৱাংখৎপা য়েংশিল্লি অমসুং লৈবাক্কী অপুনবা ফুদ সেক্যুরিতীসু হেনগৎহল্লি।

খারিফ মার্কেতিং সেসন (কে.এম.এস.) ২০২২-২৩গী মনুংদা (২০.০৫.২০২৩ ফাওবদা) চেং পুথোকপা অসি ১৩০৮.৩৭ এল.এম.তি. (সেকেন্দ এদভান্স এস্তিমেৎকী মতুং ইন্না) ওইখি, চেংগী এস্তিমেৎ তৌখিবা প্রোক্যুর্মেন্ত অসি ৬২৬.০৬ এল.এম.তি. ওইখি অমসুং প্রোক্যুর তৌখিবা চেংগী চাং অসি ৫২০.৬৩ এল.এম.তি. ওইখি। কে.এম.এস. ২০২২-২৩দা (২২.০৫.২০২৩ ফাওবদা) মসিনা লুপা করোর ১৫৯,৬৫৯.৫৯ পীবা অমসুং লৌমী ১,১২,৯৬,১৫৯দা কান্নবা পীবা ঙমখি।

ভারত সরকারগী নোদেল সেন্ত্রেল এজেন্সী, এফ.সি.আই.না অতোপ্পা স্তেৎ এজেন্সীশিংগা লোয়ননা প্রাইস সপ্পোর্ত স্কিমগী মখাদা ফৌগী প্রোক্যুর্মেন্তগী থবক পাইখৎলি। প্রোক্যুর্মেন্ত ওপরেসনশিং অসি মপুং ওইনা রাজ্য সরকারশিং অমসুং মাগী এজেন্সীশিংনা পাইখৎখি।

লৌরোক মমাংদা রবি/খারিফ ক্রোপ সিজন অমমমগী ওইনা ভারত সরকারনা অতোপ্পা ফেক্তরশিংগা লোয়ননা কম্মিসন ওফ এগ্রিকলচরেল কোস্তস এন্দ প্রাইসেস (সি.এ.সি.পি.)গী রিকম্মেন্দেসনদা য়ুম্ফম ওইরগা প্রোক্যুর তৌনবগী মিনিমম সপ্পোর্ত প্রাইসেস (এম.এস.পি.) লাউথোকখি, তোঙান-তোঙানবা এগ্রিকলচরেল ইনপ্যুশিংগী মমল অমসুং লৌমীশিংগী মখোয়গী পোত্থোক্কী রিজনেবল মার্জিনসু কন্সিদর তৌখি। এম.এস.পি. (মিনিমম সপ্পোর্ত প্রাইস) ওপরেসনশিং অসি পেমফ্লেৎশিং, বেনরশিং, সাইন বোর্দশিং, রেদিও, তি.ভি.গী খুত্থাংদা পব্লিসিতী তৌখি অমসুং প্রিন্ত অমদি ইলেক্ত্রোনিক মেদিয়াগী খুত্থাংদা এদভর্তিসমেন্তশিং তৌখি।

লৌমীশিংদা মখোয়গী পোত্থোক অদু স্পেসিফিকেসনশিংগা চুনহনবদা মতেং  পাংনবা লৌমীশিংদা ক্বালিতী স্পেসিফিকেসনশিং অমসং পর্চেস সিস্তেমশিংগী মরমদা খঙহনখি। মরু ওইবা মফমশিংদা হান্ননা লৈরবা মন্দিশিং অমসুং দিপোৎ/গোদাউনশিংগী মথক্তা লৌমীশিংগী খুদোংচানবগীদমক মশা-মশাগী রাজ্য সরকারগী এজেন্সীশিং/এফ.সি.আই.না লৌমীশিংগী পোত্থোক, মার্কেতেবল সরপ্লস, লৌমীশিংগী খুদোংচানবা অমসুং অতোপ্পা লোজিস্তিক/ইনফ্রাস্ত্রকচর খুদম ওইনা স্তোরেজ অমসুং ত্রান্সপোর্তেসন্নচিংবা ফংবা, তেম্পররী পর্চেস সেন্তর মশিং য়াম্না য়াওনা প্রোক্যুর্মেন্ত সেন্তরশিং হাংখি।

মীশিংনা হকথেংননা ফংবা অসিগুম্বা সিস্তেম হেন্না মপাঙ্গল কনখৎহন্নবা আর.এম.এস. ২০২১-২২দগী লৈবাক শিনবা থুংবদা ইমপ্লিমেন্ত তৌখিবা ভারত সরকারগী “ৱান নেসন, ৱান এম.এস.পি. থ্রু দি.বি.তি.”না এম.এস,পি, লৌমীশিংদা হকথেংননা ফংহনখি। এম.এস.পি.গী পেমেন্ত অসি লৌমীশিংগী একাউন্তশিংদা হকথেংননা ফংহনখি। দি.বি.তি.না লৌমীশিংগী অৱাবা কোকহনখি অমসুং পেমেন্তগী দুপ্লিকেসন লৈহনদে মরমদি মসি লৌমীগী বেঙ্ক একাউন্তদা হকথেংননা চংলি। এম.এস.পি.গী দি.বি.তি.না রেস্পোন্সিবিলিতী, ত্রান্সপরেন্সী অমসুং প্রোবিতী পুরকখি।

এফ.সি.আই. অমসুং রাজ্য সরকার অয়াম্বনা মখোয় মশাগী ওনলাইন প্রোক্যুর্মেন্ত সিস্তেম দিবেলপ তৌখি মসিনা নীংথিনা রেজিস্ত্রেসন তৌহন্দুনা অমসুং তশেংবা প্রোক্যুর্মেন্ত মোনিতর তৌবগী খুত্থাংদা ত্রান্সপরেন্সী অমসুং খুদোংচাবা ফংহল্লি। প্রোক্যুরিং এজেন্সীশিংনা দিপ্লোই তৌবা ই-প্রোক্যুর্মেন্ত মোদ্যুলগী খুত্থাংদা লৌমীশিংনা লাউথোকখিবা এম.এস.পি., খ্বাইদগী মনাক নকপা পর্চেস সেন্তর, প্রোক্যুর্মেন্তগী তাংনচিংবগী মতাংদা খ্বাইদগী নৌবা/অপদেৎ তৌরবা ই-পাউ ফংখি। মসিনা লৌমশিংনা স্তোক্কী দেলিবরী তৌবগী ঙাইবগী মতম হন্থহনবা খক্তা নত্তনা লৌমীদা মখোয়গী খুদোংচাবগী মতুং ইন্না খ্বাইদগী মনাক নকপা মন্দীদা স্তোক দেলিবর তৌবা ঙমহনখি।

অপীবা স্পেসিফিকেসনশিংগী মনুংদা লৈবা পর্চেস সেন্তরশিংদা পুরকখিবা ফৌ অসি লেপখিবা মিনিমম সপ্পোর্ত প্রাইস অমদা লৈখি। করিগুম্বা লৌমীশিংনা সপ্পোর্ত প্রাইস অসিদগী হেন্না মমল ৱাংনা ত্রেদর/মিল্লরনচিংবা অতোপ্পা বায়রশিংদগী ফংলবদি মখোয়না পোৎ অদু হায়রিবশিংদা য়োনবগী অয়াবা পীরি। এফ.সি.আই. অমসুং রাজ্য সরকার/এজেন্সীশিংনা লৌমীশিং অসি সপ্পোর্ত প্রাইসকী মখাদা মখোয়গী পোত্থোক অদু য়োনহল্লোইদবনি।

প্রোক্যুর্মেন্ত তৌবগী সিস্তেমশিং:

সেন্ত্রেলাইজ অমসুং দিসেন্ত্রেলাইজ প্রোক্যুর্মেন্ত সিস্তেমশিংগী মখাদা ফৌ প্রোক্যুর তৌখি।

সেন্ত্রেলাইজ (নন-দি.সি.পি.) প্রোক্যুর্মেন্ত সিস্তেম:

সেন্ত্রেলাইজ প্রোক্যুর্মেন্ত সিস্তেমগী মখাদা সেন্ত্রেল পুলদা চেং হৱাইগী প্রোক্যুর্মেন্ত অসি এফ.সি.আই.না হকথেংননা নত্ত্রগা রাজ্য সরকারগী এজেন্সীশিং (এস.জি.এ.)না পাইখৎখি। এস.জি.এ.শিংনা প্রোক্যুর তৌখিবা ক্বান্তিতী অসি স্তোরেজকীদমক এফ.সি.আই.দা খুৎশিনখি। স্তেৎ এজেন্সীশিংনা প্রোক্যুর তৌখিবা চেং হৱাইগী মমল অসি এফ.সি.আই.দা স্তোকশিং হেক দেলিবর তৌবগা জি.ও.আই.না পীবা প্রোবিজনেল পর কোস্ত-সীৎকী মতুং ইন্না রিইমবর্স তৌরি।

দিসেন্ত্রেলাইজ (দি.সি.পি.) প্রোক্যুর্মেন্ত সিস্তেম:

চেং হৱাইগী দিসেন্ত্রেলাইজ প্রোক্যুর্মেন্ত স্কিম অসি সরকারনা ১৯৯৭-৯৮দা প্রোক্যুর্মেন্ত অমসুং পি.দি.এস.কী ইফিসিএন্সী হেনগৎহন্নবা অমসুং লোকেলগী লৌমীশিংদা এম.এস.পি.গী কান্নবশিং পীদুনা ত্রাঞ্জিৎ কোস্তশিং হন্থহন্নবা পুক্নিং থৌগৎনবা পান্দম থমখি। মসিনা লোকেল তেস্তকা হেন্না চুনবা চেং হৱাই প্রোক্যুর্মেন্ত তৌবা ঙমহনখি। স্কিম অসিগী মখাদা রাজ্য সরকার মশামক্না ফৌ/চেং অমসুং গেহুগী দাইরেক্ত পর্চেস য়াহনখি অমসুং নফসা অমসুং অতোপ্পা য়াইফ থৌরাংগী স্কিমশিংগী মখাদা চেং হৱাই্ অসি য়েন্থোকখি। কেন্দ্র সরকরনা অয়াবা পীরবা মমলদা প্রোক্যুর্মেন্ত ওপরেসনশিংদা রাজ্য সরকারশিংনা তৌখিবা অপুনবা চাদিং অদু থুংহন্নবা কেন্দ্র সরকারনা খোঙথাং পাইখৎখি। কেন্দ্র সরকারনা স্কিম অসিগ মখাদা প্রোক্যুর তৌখিবা চেং হৱাইগী ক্বালিতীসু মোনিতর তৌখি অমসুং প্রোক্যুর্মেন্ত ওপরেসনশিং অপনবা লৈতনা চত্থনবা শিল্লি-লাংলিবা অসি য়েংশিনখি। চেং প্রোক্যুর্মেন্ত তৌনবা দি.সি.পি. মোদ এদোপ্ত তৌনবা ভারত সরকারগা লোয়ননা এম.ও.য়ু. খুৎয়েক পীখিবা রাজ্যশিংগী মমিংশিং মখাদা পীরি।

মিনিমম সপ্পোর্ত প্রাইস:

ফৌগী মিনিমম সপ্পোর্ত প্রাইস (এম.এস.পি.) অসি সি.এ.সি.পি.গী রিকম্মেন্দেসনশিংদা জি.ও.আই.গী দিপার্তমেন্ত ওফ এগ্রিকলচর এন্দ কোওপরেসন্না লেপখি। কে.এম.এস. ২০১৮-১৯দগী কে.এম.এস. ২০২২-২৩দা ফৌগী এম.এস.পি. অসি মখাদা পীরি:

(ক্বিন্তলগী মতুং ইন্না লৈরিবা মমল)

মমাং চহিগী মনুংদা প্রোক্যুর তৌখিবা ফৌগী ক্বান্তিতী (চেংগী চাংদা), এম.এস.পি. পীখিবা অমসুং কান্নবা ফংখ্রবা লৌমিশিংগী মশিং মখাদা পীরি:

*****