دھان کی خریداری کی حکومتی پالیسی کے وسیع مقاصد کسانوں کو کم از کم امدادی قیمت (ایم ایس پی)  اور کمزور طبقوں کو مناسب قیمت پر خوراک کی دستیابی کو یقینی بنانا ہے۔ یہ مارکیٹ کی مؤثر مداخلت کو بھییقینی بناتا ہے جس سے قیمتوں کو کنٹرول میں رکھا جاتا ہے اور  ملک کی مجموعی غذائی تحفظ میں بھی اضافہ ہوتا ہے۔

خریف کے مارکیٹنگ سیزن (کے ایم ایس)2022-23کے دوران (22.05.2023 تک)، چاول کی پیداوار 1308.37لاکھ میٹرک ٹن (دوسرے پیشگی تخمینہ کے مطابق)، چاول کی خریداری کا تخمینہ 626.06 لاکھ میٹرک ٹن  اور خریدے گئے چاول کی مقدار 530.6 لاکھ میٹرک ٹن  ہے۔ خریف کے مارکیٹنگ سیزن2022-23میں (22.05.2023 تک)اس کی وجہ سے 159,659.59 کروڑ روپے کے بقدر کم از کم امدادی قیمت (ایم ایس پی) کی  ادائیگی ہوئی ہے اور 1,12,96,159 کسانوں کو فائدہ ہوا ہے۔

فوڈ کارپوریشن آف انڈیا (ایف سی آئی) ، حکومت ہند کی نوڈل مرکزی ایجنسی ہے، جو  دیگر ریاستی ایجنسیوں کے اشتراک سے امدادی قیمت اسکیم کے تحت دھان کی خریداری کا کام کرتی ہے۔  ویسے خریداری کے کام بڑے پیمانے پر ریاستی حکومتوں اور ان  کی ایجنسیوں کے ذریعہ کئے جاتے ہیں۔

فصل کی کٹائی سے پہلے، ربیع / خریف فصل کے ہر موسم کے دوران، حکومت ہند زرعی لاگت اور قیمتوں کے کمیشن (سی اے سی پی) کی سفارش کی بنیاد پر خریداری کے لیے کم از کم امدادی قیمتوں (ایم ایس پی) کا اعلان کرتی ہے جو دیگر عوامل کے ساتھ ساتھ مختلف زرعی آدانوں کی لاگت اور کسانوں کے لیے ان کی پیداوار کے لیے مناسب مارجن کو مدنظر رکھتے ہوئے ایم ایس پی (کم از  کم  امدادی قیمت) آپریشنکو پمفلٹ، بینر، سائن بورڈ، ریڈیو، ٹی وی اور پرنٹ اور الیکٹرانک میڈیا کےتوسط سے اشتہارات کے ذریعے وسیع پیمانے پر مشتہر کی جاتی ہے۔

کسانوں کو معیار کی تصریحات اور خریداری کے نظام وغیرہ سے آگاہ کیا جاتا ہے تاکہ کسانوں کو ان کی پیداوار کو تصریحات کے مطابق لانے میں سہولت فراہم کی جا سکے۔ خریداری مراکز متعلقہ ریاستی حکومت کے ذریعہ کھولے گئے ہیں۔ ایجنسیاں/ایف سی آئی پیداوار، قابل فروخت اضافہ، کسانوں کی سہولت اور دیگر لاجسٹکس/انفراسٹرکچر کی دستیابی جیسے اسٹوریج اور ٹرانسپورٹیشن وغیرہ کو مدنظر رکھتے ہوئے، موجودہ منڈیوں اور ڈپو/گوداموں کے علاوہ بڑی تعداد میں عارضی خریداری کے مراکز بھی قائم کیے گئے ہیں۔

اس نظام کو مزید مضبوط کرنے کے لیے تاکہ کسانوں کو حکومت ہند کی طرف سے اعلان کردہ ایم ایس پی براہ راست حاصل ہو، "ایک ملک، ایک ایم ایس پی بذریعہ ڈی بی ٹی"پورے ملک میں2021-22 سے نافذ کیا گیا ہے۔ ایم ایس پی کی ادائیگی براہ راست کسانوں کے کھاتوں میںیقینی بنائی گئی ہے۔ ڈی بی ٹی کے ذریعہ فرضی کسانوں کو ختم کر دیا گیا ہے  اور ادائیگی کے غلط شخص کے پاس جانے اور اس کے اعادہ کو کم کر دیا گیا ہے کیونکہاب ادائیگی براہ راست کسان کے بینک اکاؤنٹ میں کی جا رہی ہے۔ ایم ایس پی کی تقسیم  میں ڈی بی ٹی اپنے ساتھ ذمہ داری، شفافیت اورایمانداری لے کر آیا ہے۔

ایف سی آئی اور زیادہ تر ریاستی حکومتوں نے اپنا آن لائن خریداری کا نظام تیار کیا ہے جو حقیقی خریداری کی صحیح رجسٹریشن اور نگرانی کے ذریعہ کسانوں کو شفافیت اور سہولت فراہم کرتا ہے۔خریداری کرنے والی ایجنسیوں کے ذریعہ تعینات کردہ ایخریداری ماڈیول کے ذریعہ، کسانوں کو اعلان کردہ ایم ایس پی، قریبی خریداری مرکز، خریداری کی تاریخ وغیرہ کے بارے میں تازہ ترین/ اپ ڈیٹ شدہ معلومات حاصل ہوتی ہیں۔اس سے نہ صرف کسانوں کی طرف سے اسٹاک کی ترسیل کے انتظار کی مدت میں کمی آئی ہے بلکہ کسان کو اس قابل بناتا ہے کہ وہ قریبی منڈی میں اپنی سہولت کے مطابق اسٹاک پہنچا سکے۔

خریداری مراکز پر لایا گیا دھان جو مقررہ تصریحات کے تحت ہے، مقررہ کم از کم امدادی قیمت پر خریدا جاتا ہے۔ اگر کسانوں کو دیگر خریداروں جیسے تاجروں / مل مالکوں وغیرہ سے امدادی قیمت سے بہتر قیمتیں ملتی ہیں، تو وہ انہیں اپنی پیداوار فروخت کرنے کے لیے آزاد ہیں۔ ایف سی آئی اور ریاستی حکومت/ایجنسیاں اس بات کو یقینی بناتی ہیں کہ کسانوں کو اپنی پیداوار امدادی قیمت سے کم پر فروخت کرنے کے لیے مجبور نہ کیا جائے۔

خریداری  کے نظام:

دھان کی خریداری  کے مرتکز اورغیر مرتکز خریداری نظام کے تحت کی جاتی ہے۔

خریداری کا مرتکز نظام(نان ڈی سی پی) :

خریداری کے مرتکز نظام  کے تحت سینٹرل پول میں اناج کی خریداری براہ راست ایف سی آئییا ریاستی حکومت کے ذریعہ کی جاتی ہے۔ ایجنسیاںایس جی اے کے ذریعہ خریدی گئی مقدار کو ذخیرہ کرنے کے لئے ایف سی آئی کے حوالے کرتی ہیں اور اسی ریاست میں جی او آئی کے مختص کرنے کے خلاف یا دیگر ریاستوں کو اضافی اسٹاک کی منتقلی کے بعد جاری کیا جاتا ہے۔ ریاستی ایجنسیوں کے ذریعہ خریدے گئے اناج کی قیمت ایف سی آئی کے ذریعہ جی او آئی کے ذریعہ جاری کردہ عارضی فی لاگت شیٹ کے مطابق ادا کی جاتی ہے جیسے ہی اسٹاک ایف سی آئی کو پہنچایا جاتا ہے۔

خریداری کا غیر مرتکز  کا نظام (ڈی سی پی)

مرکزی حکومت نے 1997-98 میں اناج کی خریداریکی غیر مرتکز اسکیم متعارف کرائی تھی تاکہ خریداری اور پی ڈی ایس کی کارکردگی کو بڑھایا جا سکے اور زیادہ سے زیادہ حد تک مقامی خریداری کی حوصلہ افزائی کی جا سکے اور اس طرح مقامی کسانوں کو ٹرانزٹ اخراجات پرایم ایس پی کا فائدہ پہنچایا جا سکے۔ اس سے مقامی ذائقے کے مطابق غذائی اجناس کی خریداری بھی ممکن ہو تی ہے۔ اس اسکیم کے تحت، ریاستی حکومت خود دھان/چاول اور گیہوں کی براہ راست خریداری کرتی ہے اور این ایف ایس اے اور دیگر فلاحی اسکیموں کے تحت ان اناج کا ذخیرہ اور تقسیم کرتی ہے۔ مرکزی حکومت منظور شدہ لاگت کے مطابق خریداری کے کاموں پر ریاستی حکومتوں کے ذریعہ کئے جانے والے پورے اخراجات کو پورا کرنے کا عہد کرتی ہے۔ مرکزی حکومت اسکیم کے تحت خریدے گئے اناج کے معیار کی بھی نگرانی کرتی ہے اور اس بات کو یقینی بنانے کے لیے کیے گئے انتظامات کا جائزہ لیتی ہے کہ خریداری کے کاموں کو آسانی سے انجام دیا جائے۔ ان ریاستوں کے نام جنہوں نے چاول کی خریداری کے لیے ڈی سی پی موڈ کو اپنانے کے لیے حکومت ہند کے ساتھ مفاہمتی عرضداشت پر دستخط کیے ہیں:

کم از کم امدادی قیمتیں:

دھان کے لیے کم از کم امدادی قیمت (ایم ایس پی)حکومت ہندکے محکمہ زراعت اور باہمی تعاون کی سفارشات کی بنیاد  پر طے کی جاتی  ہے۔خریف مارکیٹنگ سیزن 2018-19 سے خریف مارکیٹنگ سیزن 2022-23 کے دوران دھان کیکم از کم امدادی قیمتیں  حسب ذیل ہیں:

(روپے فی کوئنٹل)

دھان کی مقدار (چاول کے لحاظ سے) خریدی گئی، ایم ایس پی کی ادائیگی اور گزشتہ سالوں میں مستفید ہونے والے کسانوں کی تعداد درج ذیل ہے:

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ج ا  (

5546