ارضیاتی  سائنس کے مرکزی وزیر جناب  کرن رجیجو نے کہا کہ ہندوستان جلد ہی 900 کروڑ روپے کی مالیت کا اپنا تیز ترین سپر کمپیوٹر حاصل کرلے گا اور یہ اگلے سال مارچ تک کام کرنا شروع کر دے گا۔ چارج سنبھالنے کے بعد وزارت کے تحت کسی تحقیقی مرکز کے اپنے پہلے دورے میں، جناب  رجیجو نے کہا کہ اس کے حصول کے ساتھ ہی ہندوستان ممکنہ پیش گوئی کے اعلیٰ ترین ریزولوشن کے ساتھ موسم کی نگرانی کا میکانزم حاصل کرلے گا۔ وزیرموصوف آج اتر پردیش کے نوئیڈا میں نیشنل سینٹر فار میڈیم رینج ویدر فورکاسٹنگ ( این سی ایم آر ڈبلیو ایف) کے دورے کے دوران میڈیا سے خطاب کر رہے تھے۔

 نیا کمپیوٹر پیش گوئی کو بہتر بنا کر  12 سے 6 کلومیٹر تک کرسکتا ہے۔جناب رجیجو نے کہا کہ اس وقت ہندوستان کے تیز ترین سپر کمپیوٹر 6.8 پیٹا فلاپس (پی ایف ایل او پی ایس) کی کارکردگی کے ساتھ کرے ایکس سی-40  سپر کمپیوٹر 'مہیر' کے مقابلے میں نئے سپر کمپیوٹر میں تقریباً تین گنا صلاحیت یعنی پی ایف ایل او پی ایس18 ہو گی۔ انہوں نے مزید کہا کہ اس عالمی معیار کے مرکز کی سہولیات سے تمام شعبوں، معاشرے کے تمام طبقات کو فائدہ پہنچے گا، درحقیقت ملک کا ہر فرد اس ادارے سے براہ راست فائدہ اٹھائے گا۔

جناب رجیجو نے کہا کہ ہندوستان کی موسم کی پیش گوئی کرنے کی صلاحیت دن بدن بہتر ہو رہی ہے۔  انہوں نے کہا کہ وزیر اعظم جناب نریندر مودی کی قیادت میں، ہندوستان نے سائنس اور ٹیکنالوجی کے میدان میں اہم پیش رفت کی ہے۔ ہم پڑوس اور اس سے باہر کے ممالک تک موسم کی پیش گوئیاں بھی فراہم کر رہے ہیں۔

موسم اور موسمیاتی ماڈلنگ میں مہارت کا مرکز این سی ایم آر ڈبلیو ایف کا احاطہ  علاقائی گروپ 'بے آف بنگال انیشی ایٹو فار ملٹی سیکٹرل ٹیکنیکل اینڈ اکنامک کوآپریشن' (بی آئی ایم ایس ٹی ای سی) کا بمسٹیک سینٹر آن ویدر اینڈ کلائمیٹ (بی سی ڈبلیو سی)، جس میں سات رکن ممالک،  پانچ جنوبی ایشیا سے، بشمول بنگلہ دیش، بھوٹان، ہندوستان، نیپال، سری لنکا، اور دو جنوب مشرقی ایشیا سے، بشمول میانمار اور تھائی لینڈشامل ہیں، کی میزبانی بھی کرتا ہے۔

جناب رجیجو نے کہا کہ این سی ایم آر ڈبلیو ایف دنیا میں اپنی نوعیت کا ایک سرکردہ ادارہ ہے۔ انہوں نے کہاکہ یہ ہندوستان کے لیے بڑے فخر کی بات ہے کہ ہمارا این سی ایم آر ڈبلیو ایف عالمی معیار کا مرکز بننے جا رہا ہے۔

 جناب رجیجو کو ارضیاتی  سائنسز کی وزارت کے سکریٹری ڈاکٹر ایم روی چندرن، این سی ایم آر ڈبلیو ایف کے سربراہ ڈاکٹر وی ایس پرساد اور دیگر سینئر سائنسدانوں نے بریفنگ دی۔

*******

ش ح ۔ ا گ ۔ع ر

U. No.5617