য়ুমলৈ-কৈরৈ মন্ত্রালয়

দিজাস্তর রিস্ক ফাইনান্সিং অসি ফুরুপশিংগী অসোই-অঙাম য়াওদবা, হকশেল অমসুং য়াইফবদা, শেন্মিৎলোনবু লিশাং শিৎনা লৈহন্নবা, অমসুং মহৌশাগী ওইবা অকোইবদা লৈরিবা ফিভমবু নিংথিনা ঙাক-শেন্দুনা থম্বদা তৌবা ইনভেস্তমেন্ত অমনি: দা. ভারতি প্রবিন পাৱর


হকশেল অমসুং য়াইফ-য়ুম্বালগী রাজ্য মন্ত্রীনা মুম্বাইদা জি.-২০গী অনিশুবা দিজাস্তর রেদক্সন ৱার্কিং গ্রুপ মীফম হৌদোকখ্রে

খঙহৌদনা থোরকপা খুদোংথিবনা শোকহনবা অদুবু হন্থহনবদা অমসুং ফুরুপশিংগী রেজিলিয়েন্স হেনগৎহনবদা দিজাস্তর রিস্ক ফাইনান্সিংনা লৌরিবা য়াম্না মরু ওইবা থৌদাং অদুবু শিংথানিংঙাই ওইদে হায়বা য়ারোই: দা. ভারতি প্রবিন পাৱর

Posted On: 24 MAY 2023 3:20PM by PIB Imphal

দিজাস্তর রিস্ক রেদক্সন ৱার্কিং গ্রুপ (দি.আর.আর.দবল্যু.জি.)গী অনিশুবা মীফম অদু ঙসি মুম্বাইদা হৌদোকখ্রে। হৌদোকপগী থৌরমদা হকশেল অমসুং য়াইফ-য়ুম্বালগী রাজ্য মন্ত্রী, দা. ভারতি প্রবিন পাৱর, অমসুং ৱার্কিং গ্রুপকী চিয়র অমসুং নেস্নেল দিজাস্তর মেনেজমেন্ত ওথোরিতী (এন.দি.এম.এ.)গী মেম্বর সেক্রেতরীনা শরুক য়াখি। য়ুমলৈ-কৈরৈ মন্ত্রালয় (এম.ঐচ.এ.), এক্সতর্নেল এফিয়র্স মন্ত্রালয় (এম.ই.এ.) অমসুং মহারাস্ত্র সরকারগী অৱাংবা থাক্কী ওফিসিয়েলশিংশু শরুক য়াখি। য়াম্না শিংথানিংঙাই ওইবা অমনা, য়ুনাইতেদ নেশনগী দিজাস্তর রিস্ক রেদক্সনগী সেক্রেতরী জেনরেলগী স্পেসিয়েল সেক্রেতরী, শুকুমারি মামি মিযুতোরিসু মুম্বাইদা পাংথোকখিবা দি.আর.আর.দবল্যু.জি.গী মীফম অদুদা শরুক য়াখিবা দেলিগেতশিং অদুগী মনুংদা অমা ওইখি।

হৌদোকপগী থৌরম অদুদা ৱা ঙাংলদুনা, দা. পাৱরনা হায়খি মদুদি দিজাস্তর রিস্ক রেদক্সন ফাইনান্সিং তৌবা অসি ঐখোয়গী তুংগী লম্বিগীদমক্তা ইনভেস্তমেন্ত অমনি। মসি ঐখোয়গী ফুরুপশিংগী অসোই-অঙাম য়াওদবা, হকশেল অমসুং য়াইফবদা, শেন্মিৎলোনবু লিশাং শিৎনা লৈহন্নবা, অমসুং মহৌশাগী ওইবা অকোইবদা লৈরিবা ফিভমবু নিংথিনা ঙাক-শেন্দুনা থম্বদা তৌবা ইনভেস্তমেন্ত অমনি। মহাক্না হায়খি মদুদি সরকারশিং, ইন্তর্নেস্নেল ওর্গনাইজেশনশিং অমসুং লনাইগী সেক্তরনা খুৎশম্নদুনা ফন্দশিং থধনবগী অনৌবা লম্বিশিং থিজিনবা হায়বসি য়াম্না তঙাইফদে।

হকশেল অমসুং য়াইফ-য়ুম্বালগী মন্ত্রীনা লাইচৎ লাকশিনবগী মরু ওইবা অমসুং মসিনা পব্লিক হেল্থতা পীরিবা শাফু অদুগী মতাংদশু ঙাংখি। কোবিদ-১৯ লাইচৎ অসিনা ইমর্জেন্সীগীদমক্তা শেম-শাদুনা লৈবা হায়বসিনা চাউখৎ-থৌরাং অমসুং ফাইনান্স পোলিসীশিংগী খ্বাইদগী মরু ওইবা শরুক্তা থম্বগী তঙাইফদবা অদু উৎখি। “ঐখোয়না ঐখোয়গী হেল্থকিয়র সীস্তেমশিং অসিনা তুংদা থোরক্কদবা অমাং-অতা অমসুং খুদোংথিবশিংনা পীরিবা শাফু অদুবু মায়োক্নবা ঙম্বা অমা ওইহনবা হায়বসি য়াম্না তঙাইফদে”, হায়না মহাক্না হায়খি।

দা. ভারতি প্রবিন পাৱরনা মখাতানা হায়রকখি মদুদি মালেম অসিনা ২০৩০গী সস্তেনেবল দেবেলপমেন্তকী এজেন্দা অদুদা থমখিবা দিজাস্তর রিস্ক রেদক্সনগী তার্গেতশিং অদুবু ফংবা ঙমদনা লৈরি। হৌখিবা দেকেদ ২-৩দা মালেমগী শেনমিৎলোন চাউখৎলকপগী চাং অসি  য়াম্না শিংথানিংঙাই ওই, অদুবু মসিগা মরি লৈনবা দিজাস্তর রিস্ককীদমক্তা থাধরিবা ফন্দিং অদুদি মতিক চাদে হায়না মহাক্না হায়খি।

মন্ত্রী অসিনা হায়খি মদুদি খঙহৌদনা থোরকপা খুদোংথিবশিং অসিনা মরম ওইরগা মীওইবগী পুন্সি কয়া অমা মাংহল্লি, ইনফ্রাস্ত্রকচরদা অমাং-অতা থোকপা, মীশিংগী ময়ুম-মকৈ হোংবা, অমসুং শেন্মিৎলোনদা য়াম্না চাউবা পোৎলুম অমা পী। মসিনা মরম ওইরগা চহি খুদিংগী দোলর বিলিয়ন কয়া অমা তিংঙি। মরম অদুনা দিজাস্তর রিস্ক রেদক্সনদা ইনভেস্ত তৌবা হায়বসি ইশাগী ওইনা হিক্তোকপা য়াদ্রবা থৌদাং অমা ওইবদা নত্তনা শেন্মিৎলোনগীদমক্তা তঙাইফদনা মথৌ তাবা অমশুনি।

দা. ভারতি প্রবিন পাৱরনা হায়খি মদুদি দিজাস্তর রিস্ক রেদক্সন ফাইনান্সিং তৌবা হায়বসিদা মল্তি-সেক্তর অমসুং মল্তি-দাইমেনস্নেল এপ্রোচ মথৌ তাই। মসিনা দিজাস্তরশিং মায়োক্নবা ঙম্নবা অর্লী ৱার্নিং সীস্তেমশিং, শেম-শাবগী পাম্বৈশিং, য়াম্না লিংবা ইনফ্রাস্ত্রকচরদা য়াম্না চাউবা ইনভেস্তমেন্ত মথৌ তাই অমসুং পোস্ত-দিজাস্তর রিকোভরী অমসুং অমুক হন্না শেমগৎ-শাগৎনবগীদমক্তা রিসোর্সশিং মতিক চানা লৈবা মথৌ তাই। মন্ত্রী অসিনা মখা তারকখি মদুদি দিজাস্তর মতুংদা লিশাং শিৎনা চৎকদবা অমুক শেমগৎ-শাগৎপগী থৌওংশিংশু চপ মান্ননা মরুওই। অমুক হন্না শেমগৎ-শাগৎপগী থবকশিংদা মতেং পাংনবা অমসুং লোকেল ইকোনোমীশিং অমুক হিংগৎহন্নবা ফাইনা্সিয়েল রিসোর্সশিং মতিক চানা লৈবা মথৌ তাই, মসি অন্তরাস্ত্রিয়গী থাক্তা খুৎশম্নদুনা থবক তৌদুনা অমসুং মতেং পাংনদুনা মাইপাকপা ঙমগনি। 

দা. পাৱরনা মখাতানা হায়খি মদুদি ভারত সরকারনা তেক্নোলোজী অমসুং ইন্নোভেশনবু পাকশন্না শিজিন্নরি, দা. পাৱরনা খুদোংথিবশিং লাকশিন্নবা প্রিপ্যর্দনেস অমসুং রেসপোন্স অদুবু ফগৎহন্নবা লৈবাক অসিদা লৈরিবা এদভান্স ফোরকাস্তিং সীস্তেমশিং অমসুং রিমোত সেন্সিং তেক্নোলোজীশিংগী মতাংদা ৱা ঙাংখি। সরকারনা দেতা এনালিতিক্স, আর্তিফিসিয়েল ইন্তেলিজেন্স, অমসুং সেতলাইত তেক্নোলোজী শিজিন্নবা য়াম্না চাউবা অনৌবা থৌরাংশিং হৌদোকখ্রে হায়না মহাক্না হায়খি। মন্ত্রী অসিনা মখাতানা হায়খি মদুদি ভারত সরকারনা হন্দক্তা লোঞ্চ তৌখিবা সচেত অর্লী ৱার্নিং সীস্তেম অসিনা পান ইন্দিয়া বেসিসতা অর্লী ৱার্নিং পীরি।

দা. পাৱরনা হায়খি মদুদি পি.এম. নরেন্দ্র মোদীনা শোত্থরবা এরিয়াশিং অদুবু মশক খঙদোক্নবা অমসুং খুদোংথিবা ফিভমশিং খুদিংমক মায়োক্নবা ঙম্নবা ঐখোয়না হোৎনরিবশিং অসিদা অওনবা অমা পুরক্নবা দিজাস্তর মেনেজমেন্ততা “রিকোগ্নিশন এন্দ রিফোর্ম”গী মরু ওইবা অদুবু মিৎয়েং থমখি। পি.এম.না থাজরিবা “ৱাসুধৈবা কুতুম্বাকম”গী ফিলোসোফী অদুনা তর্কীদা জুৱার হাবা মতমদা “ওপরেশন দোস্ত”কী মখাদা তেংবাং পীববু ওইরো নত্রগা “ভেক্সিন মাইত্রি”গী মখাদা চাউরাক্না লৈবাক ৯৮দা কোবিদ ১৯ ভেক্সিনশিং পীববু ওইরো, মসিনা লমজিং-লমতাকপদা মতেং পাংলি হায়নসু হায়খি।

মন্ত্রী অসিনা মখাতানা হায়রকখি মদুদি ভারতনা দিজাস্তর রিস্ক হন্থহন্নবা অমসুং হেন্না রেজিলিয়েন্ত ওইবা মালেম অমা শেমগৎনবা জি.২০ অমসুং অতোপ্পা ইন্তর্নেস্নেল পার্তনরশিংগা থবক তৌমিন্নবদা অচেৎপা ফিরেপ লৌরি। “ঐহাক্না থাজৈ মদুদি থবক ঐখোয়না পুন্না তৌমিন্নদুনা দিজাস্তরশিংগীদমক্তা হেন্না নিংথিনা শেম-শারবা অমসুং মসিগী শাফুদগী ঙাকথোকপা ঙম্বা হেন্না লিং অমসুং হেন্না ফবা মালেম অমা শেমগৎপা ঙমগনি”, হায়না হায়খি। মন্ত্রী অসিনা মখাতানা হায়খি মদুদি জি.-২০ লৈবাকশিংনা ফাইনান্সিয়েল সপোর্ত পীদুনা, লৌশিংশিং শিয়র তৌদুনা অমসুং দিজাস্তর রিস্ক রেদক্সনগী মতাংদা ইন্তর্নেস্নেল কোওপরেশন প্রোমোত তৌদুনা ইনতর্নেস্নেলগী থাক্তা খুৎশম্ননা থবক তৌদুনা অৱাংবা থাক্কী খন্ন-নৈনবশিং পাংথোক্তুনা লমজিংদুনা পুনবগী খুদোংচাবা লৈ।

থৌরম অসিদা শরুক য়ারিবা দিগ্নিতরীশিং অদুদা ইন্দোনেসিয়াগী বি.এন.পি.বি.গী দিজাস্তর রিস্ক ইভাল্যুৱেশন অমসুং মেপ্পিংগী দাইরেক্তর, দা. ইর উদ্রেখ; জি.-২০ চিয়র (ভারত) অমসুং এন.দি.এম.এ.গী মেম্বর-সেক্রেতরী, শ্রী কামল কিশোর; এন.দি.এম.এ.গী মেম্বর, লেপ্তনেন্ত জেনরেল (রিতায়র্দ), সৈয়দ অতা হাস্নেন; এন.দি.এম.এ.গী মেম্বর, দা. কৃষ্ণ স্বরুপ ভতসা; য়ুমলৈ-কৈরৈ মন্ত্রালয়গী এদিস্নেল সেক্রেতরী, হিতেশ কুমার মক্বানা; এন.দি.এম.এ.গী এদিস্নেল সেক্রেতরী, অলোক গুপ্তা; অমসুং মহারাস্ত্র সরকারগী রিলীফকী প্রিন্সিপাল সেক্রেতরী, অসীম গুপ্তাশু য়াওখি।

জি.-২০গী চিয়র (ভারত) অমসুং এন.দি.এম.এ.গী মেম্বর-সেক্রেতরী, শ্রী কমল কিশোর

নুমিৎ নিনিগী মতম অসিদা, দেলিগেত ১২২না ফাইনান্সিং দিজাস্তর রিস্ক রেদক্সনগী মতাংদা খন্ন-নৈনবশিংদা শরুক য়ারগনি। তেক্নিকেল সেসনশিং অসিনা খুদম ওইনা অর্লী ৱার্নিং অমসুং অর্লী এক্সনদা ফাইনান্সিং তৌবা, রেজিলিয়েন্ত ইনফ্রাস্ত্রকচরদা ফাইনান্সিং তৌবা, হেন্না ফবা মওংদা শেমগৎ-শাগৎপা, অমসুং ইকোসীস্তেমদা য়ুমফম ওইবা এপ্রোচশিং অমসুং দ.আর.আর. কম্যুনিতীনা লৌবা থৌদাং হায়রিবা হিরমশিং অসি য়াওগনি।

নুমিৎ নিনিগী মীফম অসিগী মাংওইননা নোংমগী ওইবআ ফাইনান্সিং ফোর দিজাস্তর রেদক্সনগী মতাংদা থৌরম অমা পাংথোকখি। মীফম অসিগী মনুংদা নেস্নেল দিজাস্তর মেনেজমেন্ত ওথোরিতীনা য়ু.এন.দি.আর.আর., য়ু.এন.দি.পি., য়ু.এন.আই.সি.ই.এফ., কোলিশন ফোর দিজাস্তর রেজিলিয়েন্ত ইনফ্রাস্ত্রকচর, ও.ই.সি.দি., অমসুং ইন্সু রেজিলিয়েন্সগুম্বা ওর্গনাইজেশনশিংগা খুৎশম্নখি।

লনাইগী সেক্তরশিংগা পাংথোকখিবা রাউন্দ তেবল অসিনা দিজাস্তর রিস্ক রেদক্সনদা ফাইনান্সিং তৌবদা মিৎয়েং থমখি। খন্ন-নৈনবা অসিনা দি.আর.আর. স্পেস লুক্রেতিব থিবদা লনাইগী সেক্তরনা মায়োক্নরিবা শিংনবশিং অদুবু খঙনবগী পান্দম থমখি।

তেক্নিকেল সেসনশিং অসিগী মনুংদা, জি.২০ লৈবাকশিংনা মথংগী চহি অহুমগীদমক্তা দি.আর.আর.দবল্যু.জি.গীদমক্তা রোদমেপ অমা খন্নখি। ভারতকী প্রেসিদেন্সীনা মসিগী আনৌবা থৌরাং অসিবু মাংলোমদা পুখৎনবা ত্রোইকা লৈবাকশিংগী মরক্তা অমসুং সাউথ অফ্রিকাদা ওনরশিপ পীবদা থাজৈ। মসিনা পাম্লিবা অসি দিজাস্তর রিস্ক রেদক্সন অসিবু পোলিসী স্পেসতা মেনস্ত্রীম ওইহনবা অমসুং দি.আর.আর.গীদমক্তা ফাইনান্সিং ইনস্ত্রুমেন্তশিং অমসুং মেকানিজমশিং অসিনা দিজাস্তর রেসপোন্সদগী এন্তিসিপেতরী এক্সন অমসুং রিস্ক রেদক্সনগী পেরাদাইমদা হোংদোকপদা মতেং পাংগনি।

মুম্বাইদা পাংথোক্লিবা জি.২০ মীফমগা ইরোইননা “সেফর মুম্বাই, ফ্যুচর রেদী মুম্বাই- এ ফোতোগ্রাফিক পোর্ত্রেয়ল”গী মতাংদা ফোতো একজিবিশন অমসু হৌদোকখি।

ফোতো একজিবিশন অসি হকশেল অমসুং য়াইফ-য়ুম্বালগী রাজ্য মন্ত্রী, দা. ভারতি প্রবিন পাৱরনা হৌদোকখি।

* * *



(Release ID: 1927126) Visitor Counter : 136


Read this release in: English , Urdu , Marathi , Hindi