خواتین اور بچوں کی ترقیات کی مرکزی وزیر، محترمہ اسمرتی ایرانی نے ریاستی حکومت سے  کام کرنے کی جن جگہوں پر خواتین ملازمین کی تعداد زیادہ ہے، وہاں زیادہ کریچ (چھوٹے بچوں کی دیکھ بھال کے لیے گھر) کھولنے کی درخواست کی ہے۔ مرکزی وزیر، ترو اننت پورم میں شرم-20 کے ایک حصہ کے طور پر بی ایم ایس اسٹیٹ ویمن  کنونشن کا افتتاح کر رہی تھیں۔ وزیر موصوف نے کہا کہ  ٹیکنالوجی کی مدد سے کیرالہ میں آنگن واڑی کو جدید بنانے کی ضرورت  ہے۔ مرکزی وزیر نے کہا کہ پوری ریاست  کی 33 ہزار آنگن واڑیوں میں سپروائزر کے  13 فیصد عہدے خالی ہیں۔ انہوں نے ریاستی حکومت سے ان خالی اسامیوں کو بھرنے کی اپیل کی۔ محترمہ ایرانی نے  مزید کہا کہ  مستفیدین کی شناخت اور انہیں براہ راست فائدہ پہنچانے میں ٹیکنالوجی  کے استعمال کی عمدہ مثال ’پردھان منتری ماتری وندنا یوجنا‘ ہے۔ انہوں نے یہ بھی کہا کہ زیادہ مستفیدین کی  نشاندہی ہونے پر مرکزی حکومت مالی مدد فراہم کرنے کو تیار ہے۔

امور خارجہ اور پارلیمانی امور کے وزیر مملکت جناب  وی مرلی دھرن نے بھی اس موقع پر خطاب کیا۔ انہوں نے ریاستی حکومت سے ریاست کی خواتین کو  کام کرنے کی جگہوں پر تحفظ فراہم کرنے کی اپیل کی۔ انہوں نے یہ بھی کہا کہ  ہندوستان کی جی 20 کی صدارت پورے معاشرہ کو ترقی پذیر بنانے کا ایک وسیع سلسلہ بن رہا ہے۔

*****

ش ح – ق ت – ت ع

U: 5389