ڈائریکٹوریٹ آف ریونیو انٹلی جنس (ڈی آر آئی) نے امبرگریس اسمگلنگ گروہ کا پردہ فاش کیا، جو ملک کے نباتات اور حیوانات کے لیے خطرہ ہے۔ ڈی آر آئی نے توتیکورن کے ساحل پر 18.1 کلوگرام امبرگریس ضبط کیا جس کی غیر قانونی مارکیٹ میں قیمت 31.67 کروڑ روپے (تقریباً) ہے۔

مخصوص اطلاعات کی بنیاد پر کہ ایک گینگ 18.05.2023 کی رات کے اوقات میں ہاربر بیچ، توتیکورن کے ساحل کے قریب سمندری راستے سے ہندوستان سے باہر امبرگریس اسمگل کرنے کی کوشش کرے گا، ڈی آر آئی افسران نے پانچ افراد کے ساتھ ایک گاڑی کو روکا اور گاڑی کی اگلی سیٹ سے 18.1 کلو گرام امبرگریس برآمد کیا۔ ملزمان نے اسمگلنگ کی کوشش کا اعتراف کر لیا۔

امبرگریس سپرم وہیل کی پیداوار ہے، جو کہ وائلڈ لائف تحفظ ایکٹ، 1972 کے شیڈول II کے تحت درج ایک محفوظ پرجاتی ہے اور اس طرح اسے رکھنا/برآمد کرنا/نقل و حمل کرنا ممنوع ہے۔ اس طرح امبرگریس کو ممنوعہ اشیاء کی نقل و حمل کے لیے استعمال ہونے والی گاڑی سمیت ضبط کر لیا گیا۔

ڈی آر آئی نے اسمگلنگ کی اس طرح کی کوششوں سے نباتات اور حیوانات کے تحفظ اور حفاظت کے لیے اپنی کوششوں میں ساحلی علاقوں میں اپنی نگرانی کو تیز کر دیا ہے۔ پچھلے دو سال میں ڈی آر آئی نے تقریباً 40.52 کلو گرام امبرگریس ضبط کی ہے جس کی قیمت بین الاقوامی مارکیٹ میں 54 کروڑ روپے ہے، جسے توتیکورن ساحل سے ہندوستان سے باہر اسمگل کرنے کی کوشش کی گئی۔

امبرگریس کی اسمگلنگ کی اس کوشش میں سرگرم کیرالہ اور تمل ناڈو کے چار افراد کو گرفتار کر کے عدالتی تحویل میں بھیج دیا گیا۔

مزید تحقیقات جاری ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 5333)