సాంస్కృతిక మంత్రిత్వ శాఖ
azadi ka amrit mahotsav g20-india-2023

ఇందిరా గాంధీ నేషనల్ సెంటర్ ఫర్ ది ఆర్ట్స్ ఆధ్వర్యంలో రవీంద్ర జయంతి


"భారతీయులు, భారతదేశానికి పునర్వైభవం, మనం కష్టపడి పని చేయడం ద్వారా మన స్వభావానికి పునరుజ్జీవం... అదే గురుదేవ్‌కు మన నిజమైన నివాళి" శ్రీమతి మీనాక్షి లేఖి

Posted On: 13 MAY 2023 8:46PM by PIB Hyderabad

శ్రీ గురు గోవింద్ సింగ్ ట్రైసెంటెనరీ యూనివర్శిటీ, సంరచన ఫౌండేషన్ సహకారంతో ఇందిరా గాంధీ నేషనల్ సెంటర్ ఫర్ ది ఆర్ట్స్ న్యూఢిల్లీలో మే 12న రవీంద్ర జయంతి వేడుకలను నిర్వహించింది.  

ఈ సందర్భంగా ఐజీఎన్సిఏ అభివృద్ధి చేసిన ‘విజ్ఞాన్ వైభవ్’ పోర్టల్‌ను సాంస్కృతిక, విదేశాంగ శాఖ సహాయ మంత్రి శ్రీమతి మీనాక్షి లేఖి ప్రారంభించారు.  విజ్ఞాన్ వైభవ్ డెబ్బై ఐదు మంది భారతీయ శాస్త్రవేత్తలకు అంకితం అయిన ఒక చొరవ. ఈ సందర్భంగా అతిథిగా విదేశాంగ మంత్రిత్వ శాఖ మాజీ కార్యదర్శి రివా గంగూలీ దాస్ పాల్గొన్నారు. ఈ కార్యక్రమానికి  ఐసీసీఆర్ మాజీ రీజినల్ డైరెక్టర్ గౌతమ్ దే, బెంగాలీ చిత్ర పరిశ్రమకు చెందిన ప్రముఖ నటుడు రుద్రనీల్ ఘోష్, ఎస్ జి టి విశ్వవిద్యాలయం ప్రొఫెసర్ ఓ.పి కల్రా పాల్గొన్నారు. ఈ సందర్భంగా ఐజిఎన్‌సిఎ మెంబర్ సెక్రటరీ డాక్టర్ సచ్చిదానంద్ జోషి, డీన్ అకడమిక్స్,  ఐజిఎన్‌సిఎ సిఐఎల్‌ హెచ్‌ఓడి  ప్రొఫెసర్ ప్రతాపానంద్ ఝా కూడా ఈ కార్యక్రమానికి హాజరయ్యారు. 

 

గురుదేవ్ రవీంద్ర నాథ్ ఠాగూర్ ఆలోచన, తాత్వికత మన చరిత్రలోని చీకటి యుగాలలో భారతదేశానికి మార్గనిర్దేశం చేశాయని  శ్రీమతి మీనాక్షి లేఖి అన్నారు. యునెస్కో ప్రపంచ వారసత్వ ప్రదేశంగా 'విశ్వభారతి' శాసనం నిజానికి దిగ్గజానికి నివాళి, ఎందుకంటే విశ్వవిద్యాలయంలో భవనాలు లేదా కుడ్యచిత్రాలు మాత్రమే కాకుండా, దాని వెనుక ఉన్న ఆలోచన, తత్వం మనలో  విలువ వ్యవస్థను జోడించిందని శ్రీమతి లేఖి తెలిపారు. సంస్కృతి, విజ్ఞాన ఖండనను రవీంద్రనాథ్ ఠాగూర్ అందించారని, ఆ ఆదర్శాలను విశ్వభారతి విశ్వవిద్యాలయం ముందుకు తీసుకువెళ్లిందని చెప్పారు. తక్షశిల స్ఫూర్తి, దాని అభ్యాసం గురుదేవ్ ద్వారా మనకు అందిందని విశ్వభారతి ద్వారా కొనసాగిందని, అందువల్ల జ్ఞానానికి సరిహద్దులు లేవని చెప్పవచ్చని ఆమె పునరుద్ఘాటించారు. ఈ సందర్భంగా ఆమె మాట్లాడుతూ, విద్య మనల్ని మనం మెరుగుపరుచుకోవడమేనని, రవీంద్రనాథ్ ఠాగూర్ మనకు అందించిన విజ్ఞాన వ్యవస్థలో ఇదొక భాగమని అన్నారు. భారతీయులు, భారతదేశం మంచి స్థితికి వెళ్ళడానికి మనం కష్టపడి పని చేయాలని అన్నారు. అదే గురుదేవ్‌కు మన నిజమైన నివాళి అని ఆమె తెలిపారు. భారతదేశం ఎల్లప్పుడూ సైన్స్ సంస్కృతిని కలిగి ఉందని, మహిళ లోకం కూడా దానికి సమానంగా సహకరించారని చెప్పారు.  'విజ్ఞాన్ వైభవ్'  పోర్టల్ స్త్రీలు, పురుషుల సహకారాన్ని సమాన సంఖ్యలో గుర్తిస్తుంది. ఠాకూర్ కవితను చదవడం ద్వారా లేఖి తన ప్రసంగాన్ని ముగించారు...  "ఎక్కడ మనస్సు భయం లేకుండా, తల ఎత్తుగా ఉంటుంది..... ఆ స్వేచ్ఛ స్వర్గానికి, నా తండ్రి, నా దేశం మేల్కొలపండి".

ప్రొఫెసర్ ఓ.పి  కల్రా ప్రేక్షకులను ఉద్దేశించి ప్రసంగిస్తూ గురుదేవ్, ఆల్బర్ట్ ఐన్‌స్టీన్‌ల ఫోటోను ఉటంకిస్తూ సంస్కృతి, విజ్ఞాన సమ్మేళనం ప్రాముఖ్యతను నొక్కిచెప్పారు ప్రపంచంలోని ఇతర దేశాల కంటే వైద్యం, ఇతర శాస్త్రాల రంగంలో మనం ముందున్నామని చెప్పారు.

రివా గంగూలీ దాస్ మాట్లాడుతూ, "ఠాగూర్ ఆలోచనలు మనకు ఆదర్శమని అన్నారు. గీతాంజలి స్పానిష్‌లోకి అనువదించి ఠాగూర్ హిస్పానిక్ ప్రపంచంపై భారీ ప్రభావాన్ని చూపారని, చైనా విషయంలో కూడా అలాగే ఉందని ఆమె తెలిపారు. బెంగాలీ చిత్ర పరిశ్రమకు చెందిన ప్రముఖ నటుడు రుద్రనీల్ ఘోష్ “బెంగాలీ చిత్రాలలో ఠాగూర్ వారసత్వం” అనే అంశంపై ప్రసంగించారు. ఈ సందర్భంగా ఆయన మాట్లాడుతూ ఠాగూర్ రచనలు అన్ని సామాజిక, సమకాలీన అంశాలను ప్రతిబింబిస్తాయని, అందుకే ఠాగూర్ ఆలోచనలకు, తాత్వికతకు గౌరవం ఇచ్చేలా దర్శకనిర్మాతలు ఠాగూర్‌పై సినిమాలు తీస్తున్నారని అన్నారు. ఠాగూర్ ఈ దేశ ప్రజల హృదయాల్లో ఉన్నారని, బెంగాలీ సినిమాలపై ఆయన ప్రభావం ఎప్పుడూ ఉంటుందని అన్నారు. 

డాక్టర్ సచ్చిదానంద్ జోషి స్వాగత ప్రసంగం చేస్తూ భారతీయ సంస్కృతి గురుదేవ్‌ను ప్రజల మనస్సుల్లోకి తీసుకువస్తుందని, ఆయన ఆదర్శాలు, ఉన్నతమైన ఆలోచనలు మన దేశ నిర్మాణానికి ఎంతగానో దోహదపడ్డాయని వ్యాఖ్యానించారు. ఠాగూర్ తత్వశాస్త్రం భారతీయ సంస్కృతిని ప్రోత్సహిస్తుందని ఆయన అన్నారు. 'విజ్ఞాన్ వైభవ్' గురించి మాట్లాడుతూ భారతీయ తత్వశాస్త్రంలో అనుభావిక ఆలోచన. తర్కం లేకుండా ఏదీ లేదని, సైన్స్ రంగంలో సమాన సంఖ్యలో కృషి చేసిన స్త్రీ పురుషులకు 'విజ్ఞాన వైభవ్' నివాళి అని అన్నారు. ప్రొఫెసర్ ప్రతాపానంద్ ఝా ‘విజ్ఞాన్ వైభవ్’ గురించి వివరిస్తూ భారతదేశానికి శాస్త్రీయ విజ్ఞానానికి సుదీర్ఘ సంప్రదాయం ఉందన్నారు.  

***



(Release ID: 1924056) Visitor Counter : 112


Read this release in: English , Urdu , Hindi