ایک اہم پیش رفت میں آیوش کی وزارت اور انڈین کونسل آف میڈیکل ریسرچ (آئی سی ایم آر) کے درمیان جامع صحت کی تحقیق کو فروغ دینے اور اس میں تعاون کرنے کے لیے ایک مفاہمت کی یادداشت پر دستخط کیے گئے۔ یہ تعاون صحت کی دیکھ بھال میں قومی اہمیت کے شناخت شدہ شعبوں پر توجہ مرکوز کرے گا تاکہ جدید سائنسی طریقوں کو بروئے کار لاتے ہوئے اعلیٰ اثرات کی تحقیق کو فروغ دیا جا سکے۔ یہ مفاہمت نامے سے آیوش محققین کی تربیت کے ذریعے تحقیقی صلاحیت کو بھی تقویت ملے گی۔

ایم او یو پر آیوش کی وزارت کے سکریٹری ویدی راجیش کوٹیچا اور ڈاکٹر راجیو بہل، ڈائرکٹر جنرل، آئی سی ایم آر اور سکریٹری، محکمہ صحت تحقیق، وزارت صحت اور خاندانی بہبود، حکومت ہند نے دستخط کیے۔

آیوش اور بندر گاہوں، جہاز رانی اور آبی گزر گاہوں کے مرکزی وزیر جناب سربانند سونووال، صحت اور خاندانی بہبود کے مرکزی وزیر ڈاکٹر منسکھ منڈاویہ اور ایم او ایچ ایف ڈبلیو کے وزیر مملکت ڈاکٹر بھارتی پروین پوار، نیتی آیوگ کے رکن ڈاکٹر وی کے پال، جناب راجیش بھوشن، سکریٹری، صحت اور خاندانی بہبود کی وزارت، جناب پی کے پاٹھک، اسپیشل سکریٹری، آیوش کی وزارت کے ساتھ دونوں وزارتوں کے دیگر سینیئر افسران دستخط کی تقریب کے دوران موجود تھے۔

اس موقع پر جناب سربانند سونووال نے کہا، ”ہمارے وزیر اعظم جناب نریندر مودی نے انسانوں کے فائدے کے لیے روایتی اور جدید دوائیوں کے فوائد کو مربوط کرنے کے لیے ہماری رہنمائی کی ہے۔ آئی سی ایم آر کے تعاون سے، آج آیوش اور صحت کی وزارت دونوں نے اس سمت میں بہت دور رس قدم اٹھایا ہے۔

انہوں نے مزید کہا کہ ہمارے روایتی ادویاتی نظام کو سائنسی شواہد پیدا کرنے کا ایک بڑا چیلنج درپیش ہے۔ انٹیگریٹڈ میڈیسن میں تحقیقی تعاون اس چیلنج کا حل فراہم کرنے اور کثیر تعداد کا اعتماد جیتنے میں ایک آگے کا قدم ہے۔ قریبی تعاون سے عوام بڑے پیمانے پر مستفید ہوں گے۔

ڈاکٹر منسکھ منڈاویہ نے کہا، ”آیوروید ہمارا قدیم علمی نظام ہے، ہماری میراث ہے۔ جدید طب نے آج اپنے لیے ایک جگہ بنائی ہے۔ دونوں نظاموں کے درمیان اس مفاہمت نامے سے روایتی علم کو ایک جگہ بنانے میں مدد ملے گی۔ اس مفاہمت نامے کے ذریعے، ہم آیوروید کو ثبوت پر مبنی سائنس کے طور پر مزید ترقی دینے کے قابل ہو جائیں گے۔ یہ ایم او یو آیوش نظام ادویات کی افزودگی میں بہت اہم ثابت ہوگا۔

ڈاکٹر وی کے پال، رکن، نیتی آیوگ نے کہا، ”یہ سائنسی ثبوت پر مبنی تحقیق کے نقطہ نظر سے ایک اہم قدم ہے۔ نئے ایمس میں موجودہ آیوش محکموں کے کام کاج کو بڑھانے کے لیے اقدامات کیے جائیں گے۔ فی الحال، وہ صرف سروس ڈیپارٹمنٹ کے طور پر کام کر رہے ہیں لیکن آگے جا کر اسے تعلیمی تحقیق پر توجہ دیتے ہوئے جامع طب کا ایک شعبہ بنایا جائے گا۔“

یہ مفاہمت نامہ دونوں فریقوں کو باہمی تعاون کے ساتھ تمام ایمس میں جامع صحت میں ایڈوانسڈ ریسرچ کے لیے آیوش-آئی سی ایم آر سینٹرز مشترکہ طور پر قائم کرنے کا اہل بنائے گا۔ اس کے علاوہ، وہ صحت عامہ کی تحقیق پر کام کرنے کے امکانات تلاش کریں گے، قومی اہمیت کی بیماریوں سے نمٹنے کے لیے اقدامات کریں گے اور آیوش نظام کے امید افزا علاج کے ساتھ قومی اہمیت کے شناخت شدہ علاقوں/ بیماریوں کے حالات پر مشترکہ طور پر اعلیٰ معیار کے کلینیکل ٹرائلز کرنے کے امکانات میں اضافہ ہوگا۔

ایم او یو آئی سی ایم آر-ڈی ایچ آر کی طرف سے ”انسانی شرکا کی شمولیت کے ساتھ بایو میڈیکل اور ہیلتھ ریسرچ کے لیے قومی اخلاقی رہنما خطوط“ میں انٹیگریٹیو میڈیسن پر تحقیق کو شامل کرنے کے امکان کو دیکھنے میں سہولت فراہم کرے گا۔ دونوں جماعتوں نے ایک مشترکہ ورکنگ گروپ کے قیام پر اتفاق کیا ہے جو تعاون کے مزید شعبوں کو تلاش کرنے اور قابل سپردگی امور پر کام کرنے، مشترکہ تحقیقی منصوبوں/پروگراموں کی تشکیل اور ان پر عمل درآمد کے لیے سہ ماہی اجلاس کرے گا اور سرگرمیوں کی مشترکہ نگرانی کی اجازت دے گا۔

اس مفاہمت نامے کا ایک اہم پہلو تحقیقی صلاحیت کو بڑھانے سے متعلق ہے، جس کی قیادت آیوش محققین کے لیے آئی سی ایم آر کرے گی۔ یہ ایک نصاب تیار کرے گا؛ تربیتی ماڈیولز کی ترقی اور ترسیل کو آسان بنائے گا۔ آیوش اور آئی سی ایم آر کی وزارت انٹیگریٹیو ہیلتھ کیئر کے شعبے میں دلچسپی رکھنے والے محققین کی فعال شرکت کے ساتھ مشترکہ طور پر کانفرنسوں/ ورکشاپوں/ سیمیناروں کا ڈیزائن اور انعقاد بھی کرے گی۔

آیوش کی وزارت اور صحت اور خاندانی بہبود کے وزیر کے درمیان تعاون کو مزید بڑھانے کے لیے آج پانچویں بین وزارتی کنورجنس میٹنگ بھی آیوش اور بندرگاہوں، جہاز رانی اور آبی گزرگاہوں کے مرکزی وزیر جناب سربانند سونووال اور ڈاکٹر منسکھ منڈواویہ، مرکزی وزیر صحت اور خاندانی بہبود کی مشترکہ صدارت میں منعقد ہوئی۔ اس ملاقات میں ہم آہنگی اور تعاون سے متعلق امور پر تبادلہ خیال کیا گیا اور دونوں وزارتوں نے کئی اہم امور پر اتفاق کیا۔

**************

ش ح۔ ف ش ع- ک ا

U: 5034

(Release ID: 1923438) Visitor Counter : 160