کشمیریونیورسٹی کی وائس چانسلر پروفیسر نیلوفر خان نے آج اعلان کیا کہ کشمیریونیورسٹی حضرت بل کے اپنے سینٹرل کیمپس میں جمعرات 11 مئی کو یوتھ 20 مشاورتی اجلاس کی میزبانی کرنے جا رہی ہے۔

یہ میٹنگ جس کا موضوع ہے ’’آب و ہوا میں تبدیلی اور آفات کے خطرے میں کمی: پائیداری کو زندگی کا ایک طریقہ بنانا‘‘، ہندوستان کی  جی20 صدارت کے زیراہتمام منعقد کی جائے گی

کشمیریونیورسٹی کے ای ایم ایم آر سی آڈیٹوریم میں تقریب سے قبل پریس کانفرنس سے خطاب کرتے ہوئے وائس چانسلر نے کہا کہ مشاورت  کھلے مباحثوں، پریزنٹیشنز اور انٹرایکٹو سیشنز کے لیے ایک پلیٹ فارم فراہم کرے گی جس میں نوجوانوں کو درپیش چیلنجوں سے نمٹنے اور ان کی ترقی کے لیے ایک روڈ میپ بنانے پر توجہ مرکوز کی جائے گی۔

انہوں نے مزید کہا کہ ان مباحثوں سے حاصل ہونے والی معلومات کی بنیاد پر یوتھ 20 چوٹی کانفرنس 2023 کے نتائج کی دستاویز کے طور پر ایک بیانیہ تیار کیا جائے گا۔

پروفیسر خان نے کہا کہ یونیورسٹی کو اجلاس کی میزبانی کا ایک تاریخی موقع ملا ہے اور اس کی شاندار کامیابی کو یقینی بنانے کے لیے تمام انتظامات مکمل کر لیے گئے ہیں۔

انہوں نے کہا کہ کشمیریونیورسٹی نے تقریب کے انتظامات اور تیاریوں کی نگرانی کے لیے کئی کمیٹیاں تشکیل دی ہیں۔ تقریب میں مرکزی حکومت، مرکزی خطوں کی انتظامیہ کے معززین، جی20 ممالک کے نوجوان لیڈران اور قومی اور بین الاقوامی مقررین شرکت کریں گے۔

وائس چانسلر نے کہا کہ اس تقریب کو مزید جامع اور نتیجہ خیز بنانے کے لیے جموں و کشمیر اور لداخ کے مرکز کے زیر انتظام علاقوں کییونیورسٹیوں سے شرکاء کو مدعو کیا گیا ہے۔

یہ بات قابل ذکر ہے کہ اس تقریب میں مرکزی موضوع سے متعلق اہم پہلوؤں پر چار مجلسی مباحثے ہوں گے۔

پروفیسر خان نے مزید بتایا کہ اجلاس کے لیے مرکزی موضوع کا انتخاب ملک کی خاطر بالعموم اور نوجوانوں کے لیے  بالخصوص اس کی اعلیٰ اہمیت کے پیش نظر کیا گیا ہے۔

انہوں نے کہا کہ یہ میٹنگ نوجوانوں کے لیے ایک موقع ہے کہ وہ آگے آئیں اور اپنے خیالات کا اشتراک کریں کہ وہ کس طرح آب و ہوا میں تبدیلی کے اثرات سے نمٹنے اور ان کو کم کرنے میں اپنا کردار ادا کر سکتے ہیں۔

وائس چانسلر نے مزید کہا کہ سامنے آنے والے خیالات کو بالآخر جی 20 پلیٹ فارم پر لے جایا جائے گا اور اہم شعبوں میں پالیسی سازی میں ان سے استفادہ کیا جائے گا۔

پروفیسر خان نے بتایا کہ یونیورسٹی نے آب و ہوا میں تبدیلی کے موضوع پر بہت زیادہ تحقیق کی ہے اور اس ادارے کو حکومت ہند کے محکمہ سائنس اور ٹیکنالوجی کے ذریعہ مغربی ہمالیہ میں گلیشیل اسٹڈیز میں ایک مرکز کے طور پر نامزد کیا گیا ہے۔

انہوں نے اس بات پر بھی خوشی کا اظہار کیا کہ کشمیریونیورسٹی میں آب و ہوا میں تبدیلی پر ہونے والے تحقیقی کام کو عالمی سطح پر شائع اور تسلیم کیا گیا ہے۔

تقریب کی اہمیت پر روشنی ڈالتے ہوئے پروفیسر خان نے کہا کہ یونیورسٹی میں اجلاس کا انعقاد علمی بہتری کی راہ پر گامزن ہونے کے اس کے گہرے عزم کی ترجمانی کرتا ہے۔ اسی کے ساتھ انہوں نے اس یقین کا اظہار کیا کہ اس تقریب سے ہمارے فیکلٹی، ریسرچ اسکالروں اور طلبا کی مزید حوصلہ افزائی ہو گی تاکہ وہ زیادہ طاقت کے ساتھ اپنے تعلیمی مقاصد کی طرف بڑھیں۔

***

ش ح۔ ع س۔ ک ا

 

(Release ID: 1922635)