بھوگاپورم انٹرنیشنل گرین فیلڈ ہوائی اڈے کو فروغ دینے کے پہلے مرحلے کا کام  شروع ہو گیا

آندھرا پردیش کے وزیر اعلیٰ جگن موہن ریڈی نے 3 مئی 2023 کو بھوگا پورم بین الاقوامی ہوائی اڈے کی تیاری کے منصوبے کا سنگ بنیاد رکھا۔

اس منصوبے کو تین مراحل میں عمل میں لایا جائے گا:

پہلا مرحلہ - سالانہ 60 لاکھ مسافروں (ایم پی پی اے) کی خدمت کے لیے تیار کیا جائے گا

دوسرا مرحلہ - صلاحیت کو 12 ایم پی پی اے تک بڑھایا جائے گا

تیسرا مرحلہ - فروغ کا عمل  18 ایم پی پی اے کی کل صلاحیت کے ساتھ اختتام پذیر ہوگا

اس ہوائی اڈے کو گرین فیلڈ ہوائی اڈے کے طور پر تیار کیا جائے گا اور پہلے مرحلے میں اس پر تخمیناً 4592 کروڑ روپے کی لاگت آئے گی۔

ہوائی اڈے کا کل زمینی رقبہ 2203.26 ایکڑ ہو گا جس میں سی اے ٹی ون سے آراستہ رن وے 3800 میٹر تک پھیلا ہوا اور کارگو ٹرمینل 5000 مربع میٹر میں ہوگا۔

ائیر پورٹ اتھارٹی آف انڈیا (اے اے آئی) اور حکومتِ آندھرا پردیش کے درمیان 12.09.2022 کو مفاہمت کی ایکیادداشت (ایم او یو) پر دستخط کیے گئے جس میں اس بات پر اتفاق کیا گیا کہ ریاستی حکومت ایم او یو پر دستخط کی تاریخ سے 06 ماہ کے اندر کسی اسٹامپ ڈیوٹییا میوٹیشن چارجیزیا کوئی اور چارجیزیا فیس وصول کیے بغیر  پورے ہوائی اڈے کی زمین کو اے اے آئی کے نام پر تبدیل کر دے گی اور وشاکھاپٹنم (آئی این ایس ڈیگا) میں سول انکلیو بھوگاپورم ہوائی اڈے کا کام شروع ہونے کی تاریخ سے 30 سال تک بند رہے گا۔

شہری ہوا بازی کی وزارت اور ہوائی اڈے کے ڈویلپریعنی جی ایم آر وشاکھاپٹنم انٹرنیشنل ایئرپورٹ لمیٹڈ (جی وی آئی اے ایل) کے درمیان ہوائی اڈے پر محفوظ خدمات کے لیے مفاہمت نامے کا تبادلہ 10.03.2023 کو ہوا اور جی وی آئی اے ایل اور بی سی اے ایس کے درمیان معاہدہ 06.04.2023 کو ہوا۔

ریاست کی ترقی کے لیےیہ ہوائی اڈہ ایک ترقیاتی انجن بنے گا اور شمالی آندھرا کے علاقے میں سیاحت کے فروغ میں کلیدی رول ادا کرے گا۔

***

ش ح۔ ع س۔ ک ا

U NO 4832