ایئر مارشل سجو بالاکرشنن اے وی ایس ایم، وی ایم نے یکم مئی 2023 کو انڈمان اور نکوبار کمانڈ (سی آئی این سی اے این) کے 17ویں کمانڈر انچیف کا عہدہ سنبھال لیا۔انڈمان اور نکوبار کمان (اے این سی) ہندوستان میں واحد مشترکہ افواج کی کمان ہے جو فوج، بحریہ اور فضائیہ کی صلاحیتوں کے ملک کے منصوبہ بند تھیٹرائزیشن کے لیے ایک ماڈل کے طور پر کام کرتی ہے۔

ایئر مارشل سجو بالاکرشنن نیشنل ڈیفنس اکیڈمی واقع کھڑک واسلا کے ایک ممتاز سابق طالب علم ہیں جنہوں نے 1986 میں ہندوستانی فضائیہ (آئی اے ایف) کے فائٹر اسٹریم میں اپنی خدمات کا آغاز کیا تھا۔ مختلف اقسام کے مِگ-21 اور کرن طیاروں کی  3200 گھنٹوں سے زیادہ حادثات سے پاک لڑاکا پرواز کے ساتھ وہ ایک ماہر جانباز لڑاکا لیڈر ہیں۔ ائیر مارشل اپنے شاندار کیریئر کے دوران مختلف اہم عہدوں پر فائز رہے۔ ان میں ایک بائسن اسکواڈرن کے سی او، اواکس سکواڈرن کے پہلا کمانڈنگ آفیسر اور جودھ پور کے معزز اے ایف اسٹیشن پر ایئر آفیسر کمانڈنگ کی پوزیشن شامل ہیں۔ اے این سی کی کمان سنبھالنے سے پہلے وہ بنگلورو میں آئی اے ایف ٹریننگ کمانڈ میں سینئر ایئر اسٹاف آفیسر تھے۔

ان کی نمایاں خدمات کے لئے انہیں اتی وششٹ سیوا میڈل اور وایو سینا میڈل کے صدارتی ایوارڈز سے سرفراز کیا جا چکا ہے۔

***

ش ح۔ ع س۔ ک ا

(Release ID: 1921296) Visitor Counter : 126