نیتی آیوگ نے ​​اقوام متحدہ کے ترقیاتی پروگرام کے تعاون سے آج "سماجی شعبے میں بہترین طرز عمل: ایک مجموعہ، 2023" جاری کیا۔ ہندوستان کی آزادی کے 75 سال کی یاد میں اور مرکزی وزارتوں اور ریاستی حکومتوں کی کوششوں کو اجاگر کرنے اور ان کی تعریف کرنے کے لیے، اس مجموعہ میں 14 اہم سماجی شعبوں میں 75 کیس اسٹڈیز شامل ہیں۔ کیس اسٹڈیز تمام ریاستوں/مرکز کے زیر انتظام علاقوں اور حکومت ہند کی 30 وزارتوں اور محکموں سے حاصل کی گئی ہیں۔

"یہ اشاعت ریاستوں کے درمیان ایک دوسرے سے سیکھنے، ریاستوں میں ہونے والی اختراعات کی کوششوں کی تعریف کرنے اور سیاق و سباق کے مطابق بہترین طریقوں کو اپنانے کا ایک موقع ہے،" جناب سمن بیری، وائس چیئرمین، نیتی آیوگ ، نے یہ بات لانچ کے دوران کہی۔ انہوں نے مزید کہا کہ اس دستاویز کو ایک زندہ دستاویز بنایا جانا چاہیے اور جدت اور پیمانے کے لیے ایک فعال ذریعہ ہونا چاہیے۔ نیتی آیوگ کے سی ای او جناب بی وی آر سبھرامنیم نے مشاہدہ کیا کہ "کمپینڈیم کی افادیت ریاستوں اور مرکز کے زیر انتظام علاقوں میں اس کے کیس اسٹڈیز کو نقل کرنے کی صلاحیت میں مضمر ہے۔"

ڈاکٹر یوگیش سوری سینئر مشیر، نیتی آیوگ نے کہا "یہ دستاویز نہ صرف ریاستوں کے درمیان ایک دوسرے سے(پیئر لرننگ)  سیکھنے کے لیے اہم ہے، بلکہ دوسرے ممالک کے لیے ہندوستان کی کامیابیوں سے سیکھنے کا ایک اہم ذریعہ بھی ہے،" محترمہ شوکو نودا، ریذیڈنٹ نمائندہ، یو این ڈی پی انڈیا نے تبصرہ کیا۔ ڈاکٹر یوگیش سوری نے کہا، "جب کہ ہندوستان 'آزادی کا امرت مہوتسو' منا رہا ہے، نیتی آیوگ اور یو این ڈی پی سماجی شعبے میں 75 بہترین طریقوں کی نمائش کرتے ہوئے اس مجموعہ کو منظر عام پر لا رہے ہیں جو کہ بنیادی سطح پر 'Achievements@75' کے موضوع کو صحیح معنوں میں اجاگر کرتے ہیں۔

پچھتر بہترین طرز عمل ایسے ماڈلز کو نمایاں کرتے ہیں جو جدید، پائیدار، قابل نقل اور اثر انگیز ہیں۔ اس مشق کا مقصد نچلی سطح پر زندگی کو وسعت دینے، بڑھانے اور بہتر بنانے کے لیے مستقبل کے لیے اسباق کی ترکیب کرنا ہے۔ اس بات کو یقینی بنانے کے لیے مناسب خیال رکھا گیا کہ جن کیسز کی نشاندہی کی گئی ہے ان میں تعلیم، صحت اور غذائیت، ای گورننس اور ڈیجیٹلائزیشن، زراعت، خواتین کو بااختیار بنانے، کھیلوں اور مالیاتی شمولیت سمیت مختلف موضوعات شامل ہیں۔

نیتی آیوگ کے وائس چیئرمین جناب سمن بیری نے ممبران ڈاکٹر وی کے سرسوت، ڈاکٹر وی کے پال اور ڈاکٹر اروند ورمانی اور سی ای او، نیتی آیوگ جناب بی وی آر سبھرامنیم؛ کی موجودگی میں کمپنڈیم کا آغاز کیا۔ محترمہ شوکو نودا، رہائشی نمائندہ، یو این ڈی پی ہندوستان ، نیتی آیوگ کے سینئر عہدیدار؛ اسکل ڈیولپمنٹ اور انٹرپرینیورشپ کی وزارت، زراعت اور کسانوں کی بہبود کی وزارت، الیکٹرانکس اور انفارمیشن ٹیکنالوجی کی وزارت، صحت اور خاندانی بہبود کی وزارت بھی اس موقع پر موجود تھے۔

نیتی آیوگ دستاویز کا لنک:

https://niti.gov.in/sites/default/files/2023-05/Best-Practices.pdf

ش ح۔   ش ت۔ج

Uno-4709

(Release ID: 1921295) Visitor Counter : 117