چیف الیکشن کمشنر جناب راجیو کمار کی قیادت میں الیکشن کمیشن آف انڈیا نے آج  کرناٹک اور سرحدی ریاستوں گوا، مہاراشٹر، تلنگانہ، آندھرا پردیش، تمل ناڈو اور کیرالہ کے چیف سکریٹریز، پولیس کے ڈائریکٹر جنرلز، نوڈل پولیس افسران، نوڈل آفیسر سی اے پی ایف اور قانون نافذ کرنے والی ایجنسیوں بشمول کوسٹ گارڈ، این سی بی، انکم ٹیکس وغیرہ کے سینئر افسران کے ساتھ ایک  ویڈیو کانفرنس کا انعقاد کیا جس کا مقصد  کرناٹک کی قانون ساز اسمبلی کے لیے  عام انتخابات 2023 کے پیش نظر انتخابی انتظامات، نظم و نسق کے تال میل کا جائزہ لینا تھا۔

 

جائزہ میٹنگ کے دوران سی ای سی راجیو کمار نے ریاستی ٹیموں کو ریاستی سرحدوں پر چوکسی بڑھانے کی ہدایت دی۔ انہوں نے خاص طور پر چھ پڑوسی ریاستوں میں 185 بین ریاستی چیک پوسٹوں پر نظر رکھنے کی ضرورت پر زور دیا، تاکہ یہ یقینی بنایا جا سکے کہ غیر قانونی نقدی، شراب، منشیات، مفت اشیاء کی سرحد پار نقل و حرکت نہ ہو۔ آب تک 305 کروڑ روپے (جبکہ قانون ساز اسمبلی کے  2018  کے عام انتخابات میں 83 کروڑ روپے کی ضبطی کی گئی تھی) سے زیادہ کی ضبطی کا ذکر کرتے ہوئے سی ای سی نے منی پاور کو کنٹرول کرنے میں ناکام مقامی افسران کی ذمہ داری طے کرنے کو کہا۔ سی ای سی نے عہدیداروں سے کہا کہ وہ ملحقہ سرحدی ریاستوں کے تعاون سے ضبطی کے کام کو تیز کریں اور ریاست میں آزادانہ انتخابات کے کمیشن کے عزم کو پورا کرنے کے لیے خلاف ورزی کرنے والوں میں انتظامیہ کا خوف پیدا کریں۔ انہوں نے کوسٹ گارڈ اور نارکوٹکس کنٹرول بیورو کے اہلکاروں کو ہدایت کی کہ وہ سخت نگرانی رکھیں اور منشیات کی لعنت کو روکنے میں مدد کریں۔

سی ای سی نے عہدیداروں کو یہ بھی ہدایت کی کہ وہ انتخابی ماحول کو خراب کرنے والی کسی بھی خلاف ورزی اور فیک بیانات کے لیے سوشل میڈیا پر کڑی نظر رکھیں۔ انہوں نے عہدیداروں سے اپیل کی کہ وہ ووٹ دہندگان کی تعداد ، صنفی شمولیت، نوجوانوں اور شہری رائے دہندگان کی شرکت میں مزید اضافے کے لئے  کوشش کریں۔

 

الیکشن کمشنر جناب  انوپ چندر پانڈے نے عہدیداروں سے سماج دشمن عناصر کے خلاف سخت کارروائی، زیر التوا این بی ڈبلیوز کی پیروی اور خاموشی کے دوران سخت نگرانی کے لیے کہا تاکہ بلا خوف  اور جانبداری  کے انتخابات کو یقینی بنایا جا سکے۔ غیر قانونی شراب کی ضبطی میں بہتری کی گنجائش پر زور دیتے ہوئے، انہوں نے عہدیداروں کو ہدایت دی کہ وہ سرغنوں کے خلاف کارروائی کریں، شراب کے ذخیرہ کو روکیں اور اس بات کو یقینی بنائیں کہ برآمد یا قانون کے ذریعہ بیان کردہ کسی دیگر استعمال کے لیے شیرے کو کسی بہانے سے  نہ لایا   جاسکے۔

الیکشن کمشنر جناب  ارون گوئل نے افسران  سے کہا کہ وہ عوام کو تکلیف پہنچائے بغیر چوکسی کو سخت کریں اور قبضے کے بعد کی کارروائیوں کی مکمل پیروی کو یقینی بنائیں۔ انہوں نے کہا کہ اس جائزے کا مقصد پڑوسی ریاستوں کو بھی حساس بنانا ہے کہ وہ انتخابات کے پرامن انعقاد کے لیے بہترین کوششیں کریں۔

وزارت داخلہ کے ایڈیشنل سکریٹری (پولیس) ، آئی جی (سی آر پی ایف)، ایگزیکٹیو ڈائریکٹر (ٹی ٹی اینڈ کوچنگ) ریلویز، اور کمیشن کے سینئر افسران بھی میٹنگ میں موجود تھے۔

۔۔۔۔۔۔۔۔۔۔۔

 

ش ح۔ا گ۔ن ا۔

U- 4705

                          

(Release ID: 1921245) Visitor Counter : 127