ఈరోజు న్యూఢిల్లీలో పౌర విమానయాన మంత్రిత్వ శాఖ కన్సల్టేటివ్ కమిటీ సమావేశం జరిగింది. సుస్థిర విమానయానపు ఇంధనం (ఎస్ఏఎఫ్) అంశంగా ఈ సమావేశం జరిగింది. ఈ సమావేశానికి పౌర విమానయాన శాఖ మంత్రి శ్రీ జ్యోతిరాదిత్య ఎం సింధియా అధ్యక్షత వహించారు. పలువురు పార్లమెంట్ సభ్యులు ఈ సమావేశానికి హాజరయ్యారు. అంతర్జాతీయ పౌర విమానయాన సంస్థ (ఐసీఏఓ) దృష్టి కేంద్రాలలో ఒకటిగా ఉన్న  అంశం అంతర్జాతీయ పౌర విమానయానం నుండి కార్బన్ ఉద్గారాలను తగ్గించచడం. ఈ బాధ్యత సభ్య దేశాలకు అప్పగించబడింది. ఇది విమానయాన రంగం నుండి కార్బన్ ఉద్గారాలను తగ్గించడానికి మరియు వాతావరణ మార్పులపై దాని ప్రభావాలను తగ్గించడానికి ఇది దోహదం చేస్తుంది. ఐసీఏఓ ఆకాంక్షాత్మక లక్ష్యాలను స్వీకరించింది, అనగా, 2050 నాటికి 2% వార్షిక ఇంధన సామర్థ్యం మెరుగుదల. 2020 నుండి కార్బన్ న్యూట్రల్ వృద్ధి మరియు 2050 నాటికి నికర ఉద్గారాలను సున్నాకు చేరువ చేయడం.  అంతర్జాతీయ ఏవియేషన్ కోసం కార్బన్ ఆఫ్‌సెట్టింగ్ మరియు తగ్గింపు పథకం (సీఓఆర్ఎస్ఐఏ) మరియు లాంగ్ టర్మ్ ఆస్పిరేషనల్ గోల్స్ (ఎల్టీఏజీ) వంటి ఈ లక్ష్యాలను సాధించడానికి ఐసీఏఓ ద్వారా చర్యలు కూడా గుర్తించబడ్డాయి. సీఓఆర్ఎస్ఐఏ  మూడు దశల్లో అమలు చేయబడుతుంది, వీటిలో (2021-2026) మొదటి రెండు దశల్లో పాల్గొనడం స్వచ్ఛందంగా ఉంటుంది. సీఓఆర్ఎస్ఐఏ యొక్క స్వచ్ఛంద దశలలో పాల్గొనకూడదని భారతదేశం నిర్ణయించుకుంది. భారతీయ విమానాల కోసం సీఓఆర్ఎస్ఐఏ కింద ఆఫ్‌సెట్టింగ్ ఆవశ్యకత 2027 నుండి ప్రారంభమవుతుంది. ఇది భారతదేశం వంటి అభివృద్ధి చెందుతున్న దేశాల విమానయాన సంస్థలు మరింత అభివృద్ధి చెందడానికి సమయాన్ని పొందేలా చేస్తుంది. స్వచ్ఛంద దశల్లో చేరడం ద్వారా సీఓఆర్ఎస్ఐఏ కారణంగా ఎటువంటి ఆర్థిక పరిణామాలను ఎదుర్కోదు. సీఓఆర్ఎస్ఐఏ ఒక దేశం నుండి మరొక దేశానికి బయలుదేరే అంతర్జాతీయ విమానాలకు వర్తిస్తుంది. ఆఫ్‌సెట్ చేయడం వల్ల ఆర్థికపరమైన చిక్కులు వ్యక్తిగత విమానయాన సంస్థలు వాటి అంతర్జాతీయ కార్యకలాపాలను బట్టి మరియు వర్తించే సమయంలో పుడతాయి. వాతావరణ మార్పులపై ఐక్యరాజ్య సమితి ఫ్రేమ్‌వర్క్ కన్వెన్షన్ (యుఎన్ఎఫ్సీసీసీ) కి కాప్26 వద్ద 2070 నాటికి నికర సున్నా లక్ష్యాన్ని చేరుకోవడానికి భారతదేశం కట్టుబడి ఉంది. పెట్రోలియం & సహజ వాయువు మంత్రిత్వ శాఖ (ఎంఓపీఎన్జీ) ఏవియేషన్ రంగం యొక్క డి-కార్బనైజేషన్ లక్ష్యాన్ని సాధించడానికి బయో ఇంధనాలపై జాతీయ విధానాన్ని 2018కి తెలియజేసింది. పెట్రోలియం & సహజ వాయువు మంత్రిత్వ శాఖ (ఎంపీఎన్జీ) ఏవియేషన్ రంగం యొక్క డి-కార్బనైజేషన్ లక్ష్యాన్ని సాధించడానికి బయో ఇంధనాలపై జాతీయ విధానాన్ని 2018కి తెలియజేసింది.  ఎంఓపీఎన్జీ ఏవియేషన్‌లో స్వచ్ఛమైన ఇంధనాన్ని ఉపయోగించడాన్ని ప్రోత్సహించడానికి దేశంలో బయో-ఏటీఎఫ్ ప్రోగ్రామ్‌ను ముందుకు తీసుకెళ్లేందుకు బయో-ఏవియేషన్ టర్బైన్ ఫ్యూయల్ ప్రోగ్రామ్ కమిటీని ఏర్పాటు చేసింది. కమిటీ తన నివేదికను సమర్పించింది, అది ఇప్పుడు వివిధ వాటాదారులకు పంపిణీ చేయబడింది. సస్టైనబుల్ ఏవియేషన్ ఫ్యూయెల్స్ ప్రోగ్రామ్ కోసం ఐసీఏఓ యొక్క అసిస్టెన్స్ కెపాసిటీ బిల్డింగ్ & ట్రైనింగ్‌లో చేరడం వంటి అనేక దశలను భారతదేశం కూడా తీసుకుంది. బ్యూరో ఆఫ్ ఇండియన్ స్టాండర్డ్ జనవరి 2019లో బయో-జెట్ ఏటీఎఫ్ కోసం ఇండియన్ స్టాండర్డ్‌ను జారీ చేసింది. తప్పనిసరి దశ ప్రారంభమైన తర్వాత ఎయిర్‌లైన్స్‌పై సీఓఆర్ఎస్ఐఏ ప్రభావం గురించి వారికి అవగాహన కల్పించడానికి భారతీయ విమానయాన సంస్థలతో  అనేక సమావేశాలు నిర్వహించబడ్డాయి మరియు దాని కోసం సిద్ధం కావాలని సూచించడమైంది.

డీజీసీఏ కింది వాటికి ఆమోదం కూడా ఇచ్చింది:

               I.  మెస్సర్స్ స్పైస్‌జెట్ 25% ఎస్ఏఎఫ్ (ఇండియన్ ఇన్‌స్టిట్యూట్ ఆఫ్ పెట్రోలియం, సీఎస్ఐఆర్ ల్యాబ్ ద్వారా జత్రోఫా విత్తనాల నుండి ఉత్పత్తి చేయబడిన జీవ ఇంధనం)తో డెహ్రాడూన్ నుండి ఢిల్లీకి ఏడీఎఫ్తో 2018 ఆగస్టులో ఒక ప్రదర్శన విమానాన్ని నడిపింది. ఈ ఇంధనం ఏఎస్టీఎం ఆమోదం ప్రక్రియలో ఉంది.

2. మెస్సర్స్ ఇండిగో సంస్థ 17.02.2022న టౌలౌస్ నుండి ఢిల్లీకి 10% మిశ్రమ ఇంధనంతో మొదటి అంతర్జాతీయ ఫెర్రీ విమానాన్ని నిర్వహించింది.

3. మెస్సర్స్ విస్తారా మార్చి 2023లో సియాటిల్ నుండి ఢిల్లీకి 30% బ్లెండెడ్ ఎస్ఏఎఫ్ ఫెర్రీ విమానాన్ని నిర్వహించింది.

4. మెస్సర్స్ ఎయిర్ ఏషియా 0.57% ఎస్ఏఎఫ్ బెల్ండెడ్ ఫ్యూయెల్ ఫ్లైట్‌తో మొదటి వాణిజ్య దేశీయ విమానాన్ని నిర్వహించడం ఇంకా ప్రారంభించలేదు.

ఇండియన్ ఆయిల్ కార్పొరేషన్ లిమిటెడ్ (ఐఓఐసీఎల్) లాంజాజెట్ ఏటీజే (ఆల్కహాల్ టు జెట్) టెక్నాలజీని ఉపయోగించి పానిపట్‌లో 86.8 టీఎంటీపీఏ ప్లాంట్‌ను ప్లాన్ చేసింది.

ఏటీజే ఇంధనాలను అభివృద్ధి చేయడానికి ఒక ప్లాంట్‌ను ఏర్పాటు చేయడానికి పూణేకు చెందిన ప్రజ్ ఇండస్ట్రీస్‌తో ఐఓసీఎల్ ఒక అవగాహన ఒప్పందాన్ని కూడా కుదుర్చుకుంది. మంగళూరు రిఫైనరీ అండ్ పెట్రోకెమికల్స్ లిమిటెడ్. సీఎస్ఐఆర్-ఇండియన్ ఇన్‌స్టిట్యూట్ ఆఫ్ పెట్రోలియం యొక్క సాంకేతికతను ఉపయోగించి నాన్ ఎడిబుల్ ఆయిల్స్ మరియు ఉపయోగించిన వంట నూనెలను ఫీడ్‌స్టాక్‌గా ఉపయోగించి మంగళూరులో బయో-ఏటీఎఫ్ పైలట్ ప్లాంట్‌ను నిర్మించాలని యోచిస్తోంది. తమ విలువైన సూచనలకు హాజరైన పార్లమెంటు సభ్యులకు కేంద్ర మంత్రి కృతజ్ఞతలు తెలపడంతో సమావేశం ముగిసింది.

*****