অৱাং নোংপোক্কী চাউখৎ থৌরাং মন্ত্রালয় (MDoNER)না নোর্থ ইস্তর্ন ফাইনান্স কোওপরেসন লিমিতেদ (NEDFi)গা খুৎশম্নদুনা অমসুং স্তেত বেঙ্ক ওফ ইন্দিয়া অমসুং কনফেদেরেন ওফ ইন্দিয়ন ইন্দস্ত্রী (CII)না পার্ত্নর ওইনা শীন লাঙদুনা এপ্রিল 28, 2023দা নই দিল্লীগী কন্সতিত্যুসন ক্লব ওফ ইন্দিয়াদা ‘নোর্থ ইস্ত বেঙ্কর্স কনক্লেব 2023’ পাংথোকখ্রে।

কনক্লেব অসিনা বেঙ্কিং অমসুং ফাইনান্স সেক্তরগী তোঙান-তোঙানবা স্তেকহোলদর, পোলিসী শেম্বা অমসুং রেগ্যুলেতরশিংবু অমত্তা ওইবা প্লেতফোর্মদা পুরক্তুনা অৱাং নোংপোক ভারতকী বেঙ্কিং সেক্তরনা থেংনরিবা শিংনবা কয়াগী মতাংদা খন্ন-নৈনগদবা অমসুং লমদম অসিদা ইক্বেলিতী অমসুং ইকোনোমিক গ্রোথ লৈহন্নবগীদমক্তা পোলিসী শেম্বগী থৌরাং য়াৎপদগী হৌরগা গ্রাস রুত লেভেল ফাওবদা ইমপ্লিমেন্তেসন তৌবা য়াবা খুদক্কী অমসুং অশাংবা মতমগী ৱারোইশিন কয়া থাক কয়াদা পুরক্নবগীদমক্তা খন্ন-নৈনগদবা খ্বাইদগী অহানবা লুচিংবশিংগী মীফম অমা ওইরি।

DoNERগী কেন্দ্র মন্ত্রী শ্রী জি. কিশ রেদ্দীনা অৱাং নোংপোক লমদমদা ইন্নোভেতিব ওইবা প্রেক্তিকেল সোল্যুসন পুরকপগী মথৌ তাবা অখন্নবা শিংনবা খরা লৈরি হায়না কনক্লেব হৌদোক্লদুনা হায়খি। MSMEশিং অসিদি NEগী শেন্মিৎলোনগী য়াংলেন শরুনি অমসুং মসিনা আত্মানির্ভর ভারতকী মঙলান্দা মরু ওইবা মফম অমা কল্লি হায়না মহাক্না মখা তানা হায়খি। বেঙ্কশিংনা অৱাং নোংপোক্কী এগ্রি-হোর্তি সেক্তর, MSME, অমসুং স্তার্তঅপশিংবু শৌগৎপা অমসুং পুক্নিং থৌগৎপদা অহানবা মিৎয়েং চঙফম থোকই হায়না মহাক্না ফোংদোকখি। প্রধান মন্ত্রী শ্রী নরেন্দ্র মোদীজীগী মিৎয়েং শানবা লুচিং মখাদা অৱাং নোংপোক লমদম্না ভারতকী অনৌবা গ্রোথ ইঞ্জিন অমা ওইরক্নবা শেম শাদুনা লৈরে হায়না মহাক্না মখা তানা হায়খি। লমদম অসিদা রেলৱে য়াওনা কন্নেক্তিবিতী অমসুং ত্রান্সপোর্ত ইনফ্রাস্ত্রকচর য়াম্না ফগৎখ্রে হায়না মহাক্না হায়খি। লমদম অসিদা ইন্তর্নেস্নেল এয়রপোর্ত 3 য়াওনা পুন্না এয়রপোর্ত 17 লৈদুনা এয়র ত্রাফিক্না 113% হেনগৎখি। মন্ত্রীনা NERগী মপুং ওইবা চাউখৎ-থৌরাংগীদক্তা মথৌ তাবা স্ত্রেতজিক প্রাইওরিতী 7, হায়বদি, ‘সপ্তারিষি’ – ইনক্লুসিব দিভেলপমেন্ত, লাস্ত মাইলদা য়ৌবা, ইনফ্রাস্ত্রকচর অমসুং ইনভেস্তমেন্ত, গ্রীন গ্রোথকী পোতেন্সিএল ফুদোকপা, নহাশিংগী শক্তি অমসুং ফাইনেন্সিএল সেক্তরদা মিৎয়েং চঙলদুনা প্রাইওরিতী খুদিংদা বেঙ্কিং খুন্নাইনা অচৌবা থৌদাং য়াগদবনি হায়খি।  

কনক্লেব অসিদা ফাইনান্সকী রাজ্য মন্ত্রী, দাঃ ভগ্বত কিশনরাও করাদ অমসুং DoNERগী রাজ্য মন্ত্রী, শ্রী বি.এল. ভর্মাগা লোয়ননা ভারত অমসুং NE সরকারগী সেনিয়র ব্যুরোক্রেত, বেঙ্কিং অমসুং ফাইনান্স সেক্তরগী লুচিংবা কয়া, রেগ্যুলেতর, ইন্দস্ত্রী এক্সপর্ত, পোলিসী শেম্বা ওর্গনাইজেসন অমসুং অতোপ্পা স্তেকহোলদর কয়ানা শরুক য়াখি।

লমদম অসিদা পাক শন্না চাউখৎ থৌরাং লৈরকপদগী শান্তি অমসুং তংদু লৈতাবগী মওং লাক্লে, অমসুং লমদম অসিদা হান্না তৌখিদবা মতৌদা রাজনিতীগী অকনবা মিৎয়েংসু চঙলে হায়না শ্রী কিশন রেদ্দীনা ফোংদোকখি। শ্রী মোদীজী মশামক্না মমাংগী চহি 9দা লমদম অসিদা 60 হেনবা খোঙচৎ চৎখ্রে অমসুং কেন্দ্র মন্ত্রীশিংনা অৱাং নোংপোক্কী শোত্থবা লমদমশিংদা থাখায় খুদিংগী চৎলি হায়না মহাক্না হায়খি। হৌজিক অসিদি মনুং হুৎনা খন্ন-নৈনদুনা মরী লৈনবা ৱারোইশিন পুরকপগী চপ চারবা মতম্নি হায়না মহাক্না হায়খি। অৱাং নোংপোক লমদমদা এগ্রি-হোর্তি কলচর, তুরিজম, হোস্পিতালিতী, মেন্যুফেকচরিংনচিংবা হীরম কয়াদা চাউখৎপগী অচৌবা মতিক লৈবগা লোয়ননা নিংথীনা তেলেন্ত লৈরবা ৱর্কফোর্সসু লৈ হায়না মহাক্না পাউদমখি। লমদম অসিদা স্তার্তঅপকী অচৌবা ইকোসীস্তেম অমা শেমদুনা থবক্কী খুদোংচাবা কয়া লৈহন্নবা হায়রিবা মতিকশিং অসি শিজিন্নবগী মথৌ তাই অমসুং বেঙ্কিং ফ্রেতর্নিতীনা থৌওং অসিদা তেংবাংবা হেনগৎপা তাই হায়না মহাক্না মখা তাখি। বেঙ্কিং সেক্তরনা নৌনা চাউখৎলক্লিবা সেক্তরশিংদা ক্রেদিত ফ্লো হেনগত্তুনা ইন্দস্ত্রীএলাইজেসন, ফাইনেন্সিএল ইনক্লুজন অমসুং ওন্তোপ্রিনর্শিপ পুক্নিং থৌগৎপগী মথৌ তাই অমসুং মসিগী খুদোংচাবসু লৌগদবনি হায়না মহাক্না হায়খি।

লমদম অসিদা MSME অমসুং স্তার্তঅপশিংবু শোইদনা মায় পাকহনগে হায়রবদি ওন্তোপ্রিনরশিংগী মার্কেত লিঙ্কেজ শেম্বা অমসুং ভেল্যু এদেদ সপ্পোর্ত পীবদা তেংবাংবগী মরু ওইবশিংনা শ্রী জি. কিশন রেদ্দীনা মিৎয়েং চঙখি। লমদম অসিগী বেঙ্কিং ফ্রেতর্নিতীগী মতিক হেনগৎহন্নবগীদমক্তা রাজ্য সরকারশিংগা নক্ননা থবক তৌমিন্ননবা থৌওং কয়াসু শেম্লে হায়না মহাক্না মখা তাখি।

কনক্লেব অসিনা মশক নাইবা স্তেকহোলদর কয়াবু পেনেলিস্ত অমসুং তোঙান-তোঙানবা কম্মর্সিএল বেঙ্ক, দিভেলপমেন্ত বেঙ্ক, স্তার্তঅপ, পোলিসী মেকর, থিঙ্ক তেঙ্ক ওর্গনাইজেসন, মাইক্রো লেন্দিং ওর্গনাইজেসন, রেগ্যুলেতরী ওথোরিতী অমসুং ওন্তোপ্রিনরশিংবু পার্তিসিপেন্ত ওইনা প্লেতফোর্ম অমদা অমত্তা ওইনা পুরক্তুনা বেঙ্কিং সেক্তরনা NERগী চাউখৎ থৌরাংগী খোঙজেল মতৌ করম্না হাপকনি হায়বগী মতাংদা খন্ন-নৈনবা অমসুং ৱারোইশিন পুরকপগী খুদোংচাবা অমা পীগনি।

এগ্রি অমসুং মরী লৈনবা সেক্তরদা ক্রেদিত ফ্লো লৈহনবা, MSME অমসুং স্তার্তঅপ, বেঙ্কশিংনা সেন্ত্রেল স্কিম চলায়বা অমসুং অৱাং নোংপোক্তা লৈরিবা বেঙ্কিংগী খুদোংচাদবশিংগী মতাংদা পাংথোকপা পেনেল দিস্কসনশিংনা বেঙ্কিং অমসুং ফাইনেন্সিএল সেক্তরশিংনা অৱাং নোংপোক লমদমদা থেংনবা শিংনবা, মখোয়গী পরফোর্মেন্স অমসুং মখোয়গী কান্নবশিংগী হীরমদা য়াম্না কুপ্না খন্নখি।

মমাংগী চহি 9দা মায় পাকপা য়াম্না ফংখ্রে অমসুং মসিদগী হেনবা মায় পাকপা ফংবগী মতিক কয়াসু লৈরি হায়না পুম্নমক্না য়ানবা পুরকখি। অনৌবা খোঙথাংশিংনা বেঙ্কশিংনা ক্রেদিত অমসুং ক্রেদিত পীবা হেনগৎহনবদা অহেনবা মিৎয়েং চঙফম থোকই হায়না স্তেকহোলদরশিংনা ফোংদোক্নখি। মসিনা NERদা CD রেসিও হেনগৎপদা তেংবাংগনি অমসুং লোকেলগী শেন্মিৎলোন চাউখৎপদা তেংবাংগনি। তুংগী মতমদা পাংথোক্কদবা থবক থৌরমশিংনা এগ্রি ক্রেদিত, MSME ক্রেদিত অমসুং ফাইনেন্সিএল ইনক্লুজনবু ঙমখৈগী খুঙ্গং 2200গীদমক্তা ফগৎহনবা হায়বসিদা মিৎয়েং চঙগনি। 

খন্ন-নৈনবশিং লোইশিল্লকপদা, ফাইনেন্সিএল ইনক্লুজনগী মতৌ হেন্না ফগৎহন্নবা সরকারনা বেঙ্কিং ফ্রেতর্নিতীশিংগা মরী লৈনদুনা মপাঙ্গল লৈবা বেঙ্কিং ইনফ্রাস্ত্রকচর শেম্বা, ফাইনেন্সিএল লিরতরেসী হেনগৎহনবা অমসুং NERদা মপাঙ্গল লৈবা দিজিতেল ইকোসীস্তেম অমা শেম্বদা মিৎয়েং চঙবগী মথৌ তাবদা মিৎয়েং চঙখি। থৌওংশিং অসিদা স্তেকহোলদর – পোলিসী শেম্বশিং, বেঙ্কর, রেগ্যুলেতর, ইন্দস্ত্রী এক্সপর্ত, ওন্তোপ্রিনর অমসুং কারবারগী খুন্নাই অয়াম্বা – খুদিংনা তেংবাংনবা হায়বসি অওনবা অমা পুরকপদা য়াম্না মথৌ তাই হায়বা রাই তাখি।

******

(Release ID: 1920835) Visitor Counter : 153