মুম্বাই, এপ্রিল ২৮, ২০২৩

কেন্দ্রগী ফাইনান্স অমসুং কোর্পোরেত এফিয়র্সকী মন্ত্রী, শ্রীমতি নির্মলা সিতারামন্না ঙসি মুম্বাইদা শক্নাইরবা বেঙ্কর নরায়নন ৱঘুলনা ইবা লাইরিক, ‘রিফ্লেক্সন্স’ ফোংখ্রে। লাইরিক অসিদা শ্রী ৱাগুলনা ভারতকী ফাইনান্সিয়েল লেন্দস্কেপতা দেকেদ কয়াগী এক্সপরিয়েন্স অদুগী ময়েক শেংলবা মমি অমা তাই। থৌরম অদুদা নেস্নেল বেঙ্ক ফোর ফাইনান্সিং ইনফ্রাস্ত্রকচর এন্দ দেবেলপমেন্ত (এন.এ.বি.এফ.আই.দি.)গী চেয়রমেন, কে.ভি. কামথ, শ্রীপিরামল গ্রুপকী চেয়রমেন, শ্রী অজয় পিরামল, জে.পি. মোর্গান সাউথ অমসুং সাউথ ইস্ত এসিয়াগী হান্নগী চিয়রপার্সন, মিস কল্পনা মোর্পারিয়াগা লোইন-লোইননা ফাইনান্সিয়েল ইনস্তিত্যুশনশিংগী শক্নাইরবা বেঙ্করশিং অমসুং মেম্বরশিংনা শরুক য়াখি।

কেন্দ্রগী ফাইনান্স অমসুং কোর্পোরেত এফিয়র্সকী মন্ত্রী, শ্রীমতি নির্মলা সিতারামন্না শ্রী নরায়নন ৱাঘুলবু বেঙ্কিংদা মহাক্কী য়াম্না মমল লৈরবা এক্সপরিয়েন্স অমসুং মহাক্কী লুচিংবা অমা ওইবগী মগুনশিং অদুগীদমক্তা থাগৎখি। মহাক্না লুচিংবশিংবুসু তাকপী-তম্বীবদা লৌখিবা থৌদাং অদুবুসু মশক খঙবীখি, মসিনা কাওঙম্লরোইদবা মমি অমা তাদুনা লৈহৌরে। মহাক্না শ্রী ৱাঘুলগী নুপীশিংবু এমপাৱর তৌনবগী ৱাখল্লোন অমসুং ভিজন অদুবুসু পনখি, হায়রিবা অসি ভারতকীদমক্তা য়াম্না মরু ওইদুনা অমসুং মমল য়াম্না লৈবা অমা ওইদুনা অদুম লৈহৌরগনি মরমদি নুপী কয়া অমনা ফাইনান্সিয়েল সর্বিসশিংদা লুচিংবগী থৌদাং য়াম্না লৌরক্লি।

ভারত্তআ মোদর্ন বেঙ্কিংগী আর্কিতেক অমা ওইনা ময়াম্না খঙনরবা, শ্রী ৱাঘুলগী লাইরিক অদুনা মহাক্কী য়াম্না শিংথানিংঙাই ওইরবা করিয়র অদুগী দ্রামাতিক, হ্যুমরস অমসুং অনম্বা মতমদা য়াম্না নিংশিংনিংঙাই ওইবা থৌদোক কয়া অদুগী পাউদম্লি। য়াম্না নিংথিরবা ৱারিশিংনা থল্লবা লাইরিক অদুদা মহাক্না লাইবক ফদুনা শরুক য়াখিবা অনৌবা থৌরাং কয়া অমগী মতাংদা পল্লি।

শ্রী ৱাঘুলনা শেমগৎলকখিবা প্রোসেসশিং অদুনা ভারতকী ফাইনান্সিয়েল ইকোসীস্তেমদা য়াম্না লিংবা অমসুং তুং কোইনা চৎকদবা প্রক্তিস অমা ওইরক্লি। মহাক্না বেঙ্কিংগী মতাংদা হৈ-শিংলবা কয়া অমগী পাৱরহাউস কয়া অমবু তম্বীবদা য়াম্না মরু ওইবা থৌদাং লৌখি অমসুং বেঙ্কিংদা নুপী সি.ই.ও.শিং কয়া অমসু হকথেংননা শেমগৎলকখি, মসিনা মরম ওইদুনা জেন্দর ন্যুত্রেল মেরিতোক্রেসীগী চৎনবী অদুবুসু য়োকখৎলি।

* * *