انڈمان کے اپنے چار روزہ دورے کے تیسرے دن قبائلی امور کے مرکزی وزیر جناب ارجن منڈا نے کار نکوبار کی قبائلی کونسل کے چیئرمین، سکریٹری اور اراکین سے ملاقات کی۔

قبائل کی مجموعی فلاح و بہبود پر بات چیت کی گئی۔ بات چیت کے دوران قبائلی برادریوں نے سائیکلنگ، فٹ بال اور کیکنگ جیسے کھیلوں کو فعال طور پر فروغ دینے کے بارے میں بھی بات کی۔

مزیدبرآں وزیر موصوف نے قبائلیوں کو جزیرے پر پیدا ہونے والے خالص ناریل کے تیل کی مارکیٹنگ کے لیے قبائلی کوآپریٹو مارکیٹنگ ڈیولپمنٹ فیڈریشن (ٹرائیفیڈ) کے ذریعے تمام اقدامات کرنے کی ترغیب دی۔

مرکزی وزیر نے آج سرکٹ ہاؤس، کیمپ بیل جزیرہ کے احاطے میں رودرکش کا پودا لگایا۔ عظیم نیکوبار جزیرے میں رودرکش کی مقامی آبادی ہے جو ایک بہت ہی مقدس پودا ہے۔

نکوباری قبیلے سے تعلق رکھنے والے جزائر کے نانکوری گروپ کے قبائلی مشاورتی کونسل کے ارکان نے آج انڈمان اور نکوبار جزائر کے 4 روزہ دورے کے دوران جناب ارجن منڈا سے ملاقات کی۔

قبائلی مشاورتی کونسل روایتی طور پر منتخب ادارہ ہے جو مقامی لوگوں کی فلاح و بہبود کا خیال رکھتا ہے۔ قبائلی علاقے کے ہر گاؤں میں ایک ولیج کونسل ہوتی ہے جس کی سربراہی پہلے کپتان کرتا ہے اور جس کی مدد دوسرے اور تیسرے کپتان کرتے ہیں۔

ویلج کونسل روزمرہ کی زندگی میں ایک اہم کردار ادا کرتی ہے۔ وہ مقامی انتظامیہ اور جزیرے کے قبائلی عوام کے درمیان کڑی ہیں۔

قبائلی امور کی وزارت کی ایڈیشنل سکریٹری محترمہ آر جیا کی صدارت میں جائزہ میٹنگ منعقد ہوئی۔

جناب بسواجیت داس، ڈی ڈی جی، قبائلی امور کی وزارت، جناب ویبھو گوئل، ڈائریکٹر، قبائلی امور کی وزارت، مشیر، ایم او ٹی اے اور ضلعی انتظامیہ کے متعلقہ محکموں کے افسران موجود تھے۔ بات چیت کے دوران ٹی ایس پی،ایس ٹی سی کے کام کاج اور پی وی ٹی جی مشن کے نفاذ پر توجہ مرکوز کی۔

انڈمان کے اپنے چار روزہ دورے کے آخری دن اتوار، 30 اپریل کو جناب ارجن منڈا راج نواس میں لیفٹیننٹ گورنر سے ملاقات کریں گے اور راج نواس میں وزیر اعظم جناب نریندر مودی کے ‘من کی بات’ پروگرام کے 100ویں نشریہ کو سنیں گے۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 4655)

(Release ID: 1920826) Visitor Counter : 156