হকশেল অমসুং য়াইফ-য়ুম্বাল মন্ত্রালয়
মীরম লৈবাক্কী হেল্থ ওফিসিএলশিংনা ভারতকী হেল্থকেয়র ইনফ্রাস্ত্রকচর অমসুং হেল্থ প্রোফেস্নেলশিংবু থাগৎখ্রে
অর্মেনিয়ানা হেল্থকেয়র সর্ভিসশিংগী মতাংদা ভারতকা খুৎশম্ননা থবক তৌমিন্নবা পাম্মিঃ অর্মেনিয়াগী হকশেল মন্ত্রী, কুমারী অনাহিত অবানেস্যান
ঐখোয়না হেন্না ফগৎলবা মেদিকেল ভেল্যু ত্রাভেলগীদমক্তা ভারতকা লৈনরিবা মরী হেন্না চেৎশিলহনবা পাম্মিঃ মালদিবকী হকশেলগী রাজ্য মন্ত্রী, শ্রী শাহ অবদুল্লাহ মাহির
Posted On:
28 APR 2023 7:28PM by PIB Imphal
G20গী মমিং লৌদুনা পাংথোক্লিবা ‘ৱান আর্থ, ৱান হেল্থ: এদভান্তেজ হেল্থকেয়র ইন্দিয়া 2023’দা শরুক য়ানবা ভারত্তা লাকখিবা দেলিগেতশিংনা লৈবাক্কী লন্নাই হোস্পিতাল কয়াগা নক্ননা থবক তৌমিন্নবগী MoU কয়াদা খোঙদাখিবদা ভারতকী মগুন লৈবা হেল্থকেয়র ইনফ্রাস্ত্রকচর অমসুং হ্যুমেন রিসোর্সশিংবু থাগৎখি। MoUশিং অসিগী মনুংদা ক্লিনিক কোল্লাবোরেসন, ক্লিনিকেল রিসর্চ, কেপাসিতী বিলদিং, ভারত্তা মেদিকেল ত্রাভেল তৌবা, নর্সিং, তিচিংগী লমদা লৌশিং পীবদা তেংবাংবা অমসুং অতোপ্পা হীরম কয়া য়াওরি।
প্রধান মন্ত্রী শ্রী নরেন্দ্র মোদীনা এপ্রিল 26, 2023দা ‘ৱান আর্থ, ৱান হেল্থ: এদভান্তেজ হেল্থকেয়র ইন্দিয়া 2023’ সম্মিত অসিবু ভিদিও মেসেজ অমগী খুত্থাংদা হৌদোকখিবনি। প্রধান মন্ত্রীনা “ঐখোয়গী নাক্তা তেলেন্ত, তেক্নোলোজী, ত্রেক রেকোর্দ অমসুং ত্রেদিসন” লৈ হায়না পল্লদুনা ভারতকী হোলস্তিক হেল্থকেয়রগী পাঙ্গলদা মীয়ামগী পুক্নিং চিংশিনখি অমসুং ভারতকী নাৎকী ওইনা প্রিভেন্তিব অমসুং প্রোমোতিব হেল্থকী য়োগ অমসুং ধ্যান তৌবগী থৌওংশিং অসি হৌজিক্তি মালেমগী ইহৌ ওইরক্লি হায়নসু মখা তানা ফোংদোকখিবনি। “মালেম্না ৱাখল ৱাবা অমসুং পুন্সি মহিংগা মরী লৈনবা লাইনা কয়াগী লাইয়েং থীনরি। ভারতকী নাৎকী ওইবা হকশেল চেকশিনবগী পথাপ অসিদা ৱারোইশিন কয়া য়াওরি”, মহাক্না মিৎয়েং চঙখি।
ভারতনা মমাংগী চহি খরসিদা মালেমগী থাক্তা লৈবা হেল্থকেয়র অমসুং নুংঙাইনা হিংবগী সেবা কয়াগী শেল চঙদবা পন্থুংফম অমা ওইরক্লিবা অসিনা লৈবাক অসিবু মেদিকেল ভেল্যু ত্রাভেলগী মরু ওইবা হব অমা ওইহল্লে। মেদিকেলগী মতাংদা ভারতনা তৌবা ঙম্বগী মতিক কয়াদা সম্মিত অসিনা মিৎয়েং চঙখি অমসুং শরুক য়ারিবা লৈবাকশিংদা খুৎশম্ননা থবক তৌমিন্নবগী খুদোংচাবা কয়াসু পীখি। মীরম লৈবাক্কী সরকারশিংগী হকশেলগী মীহুৎশিংনা দিল্লীদা লৈবা সরকার অমসুং লন্নাইগী হোস্পিতালশিংদা চৎপগী খুদোংচাবসু লৌনখি।
সোমালিয়াগী হকশেল মন্ত্রী, শ্রী অলি হাজী অদাম অবুবাকরনা “হেল্থকেয়র পাম্বা মীয়াম্না থেংনরিবা খুদোংচাদবশিংগী মতাংদা থবক তৌদুনা ঐখোয়না ভারত অমসুং সোমালিয়াগী সরকারগী মরক্তা লৈনরিবা মরীবু হেন্না চেৎশিলহনবা পাম্মি” হায়না ফোংদোকখি।
আর্মেনিয়াগী হকশেল মন্ত্রী, কুমারী অনাহিত অবানেস্যান্না নিংথীনা শীন-লাঙখিবা AHCI সম্মিত অসিবু থাগৎলদুনা অর্মেনিয়ানা হেল্থকেয়র সর্ভিসশিংগী মতাংদা ভারতকা খুৎশম্ননা থবক তৌমিন্নবা পাম্মি হায়খি।
মালদিব সরকারগী হকশেলগী রাজ্য মন্ত্রী, শ্রী শাহ অবদুল্লাহ মাহিরনা “মালদিবনা ভারতপু ক্বালিতী হেল্থকেয়র সর্ভিস কয়াগী খ্বাইদগী অফবা পন্থুংফম্নি খল্লদুনা ঐখোয়না হেন্না ফগৎলবা মেদিকেল ভেল্যু ত্রাভেলগীদমক্তা ভারতকা লৈনরিবা মরী হেন্না চেৎশিলহনবা পাম্মি” হায়খি।
বাঙ্গলাদেশ মীয়ামদা মেদিকেল ভেল্যু ত্রাভেলগী খুত্থাংদা ক্বালিতী হেল্থকেয়র শোইদনা ফংহল্লিবা অসিগীদমক্তা বাঙ্গলাদেশকী হকশেল অমসুং য়াইফ য়ুম্বাল মন্ত্রী দাঃ জাহিদ মালেকিনা ভারত সরকারবু সম্মিত অসিদা থাগৎপা ফোংদোকখি।
ইজিপ্তকী হেল্থ অমসুং পোপ্যুলেসনগী দেপ্যুতী মন্ত্রী, দাঃ অহমদ হুসেন শাহাতা এলসোবকীনা মেদিকেল ভেল্যু ত্রাভেলগী লমদা ভারতনা চাউখৎলিবা অসিবু থাগৎলদুনা সম্মিত অসিনা হীরম অসিগী মতাংদা লৈনরিবা ভারত অমসুং ইজিপ্তকী মরীবু সম্মিত অসিনা চেৎশিনহনগনি হায়খি।
ইন্দোনেসিয়াগী হকশেল মন্ত্রালয়গী দাইরেক্তর, শ্রী সুগিয়ান্তোনা গুরুগ্রামদা লৈবা হোস্পিতাল অমদা চৎপদা অসুম্না হায়খি, “ভারত্তা চাউখৎলবা হোস্পিতাল অমসুং তেলেন্ত লৈরবা দাক্তর কয়া লৈ হায়না ঐহাক্না ইন্দোনেসিয়াদা লৈবা ঐহাক্কী মরুপশিংদা হায়গনি”।
মীরম লৈবাক্কী দিগ্নিতরীশিংনা পীরিবা পোজিতিব ওইবা ফীদবেকশিং অসিনা ভারতকী মেদিকেল ভেল্যু ত্রাভেল সেক্তরগী মপাঙ্গলগা লোয়ননা ভারতকী হেল্থকেয়র প্রোফেস্নেলশিংনা শেল চঙদনা ক্বালিতী কেয়র পীবা ঙম্বগী মতিক মগুনশিং তাক্লি। ক্বালিতী অমসুং ভেল্যুদা য়ুফম ওইবা হেল্থকেয়র পুক্নিং থৌগৎনবগীদমক্তা ভারৎনা মালেমগী খুন্নাইগা থবক তৌমিন্নগনি হায়না খোঙফম চেৎলি।
****
(Release ID: 1920668)
Visitor Counter : 84