ہندوستانی ہیروں کی صنعت نے آج جی 20 تجارت اور سرمایہ کاری ورکنگ گروپ (ٹی آئی ڈبلیو جی) کے مندوبین کی بھارت ڈائمنڈ صرافہ بازار (بی ڈی بی) میں میزبانی کی۔ بھارت ڈائمنڈ صرافہ بازار، دنیا کا سب سے بڑا ہیروں کا بازار ہے جس میں 2500 سے زیادہ دفاتر ہیں، جو ممبئی کے قلب میں 20 ایکڑ / 0.87 ملین مربع فٹ کے رقبے پر پھیلے ہوئے ہیں۔

ہندوستانی ہیروں کی صنعت کٹ اور پالش شدہ ہیروں میں عالمی رہنما ہے، جو سالانہ 23 بلین امریکی ڈالر کی برآمد کرتی ہے۔ دنیا بھر میں زیورات میں لگائے جانے والے 15 میں سے 14 ہیرے ہندوستان میں پروسیس کیے جاتے ہیں۔ ہندوستان پوری دنیا بشمول امریکہ، یورپ، مشرق وسطیٰ، ایشیا وغیرہ کو ہیرے اور ہیرے سے جڑے زیورات برآمد کرتا ہے۔

کامرس اور صنعت کی وزارت کی قابل قیادت میں، صنعت نے پچھلے کئی سالوں میں بہت تیزی سے ترقی کی ہے۔ آج حکومت کی مسلسل حمایت، رہنمائی اور عملی تجارتی دوستانہ پالیسیوں کے ساتھ، ہندوستان نے عالمی سطح پر کئی جواہرات اور زیورات میں قائدانہ مقام حاصل کر لیا ہے۔ جواہرات اور زیورات کی برآمدات ملک سے مجموعی تجارتی سامان کی برآمدات میں حیران کن طور پر 10 فیصد ہیں۔ یہ بات قابل غور ہے کہ یہ صنعت 85فیصد سے زیادہ ایم ایس ایم ای  پلیئرز پر مشتمل ہے، جو ملک کی معیشت کے لیے اس کی اہمیت کو مزید اجاگر کرتی ہے۔

مندوبین کو بھارت ڈائمنڈ صرافہ بازار کے احاطے میں عالمی معیار کی سہولیات کا دورہ کرایا گیا، جس میں ممبئی ڈائمنڈ مرچنٹس ایسوسی ایشن (ایم ڈی ایم اے) ، انڈیا ڈائمنڈ ٹریڈنگ سینٹر(آئی ڈی ٹی سی) ، جیم اینڈ جیولری ایکسپورٹ پروموشن کونسل(جی جے ای پی سی)،جیمولوجیکل انسٹی ٹیوٹ آف انڈیا (جی آئی آئی)، قیمتی کارگو کسٹمز کلیئرنس سینٹر(پی سی سی سی سی)، نیز سیکیورٹی کمانڈ اینڈ کنٹرول سینٹر کے دفاتر شامل ہیں۔ ہیروں کی تجارت اور آپریشنز کے بارے میں بصیرت حاصل کرنے کے لیے، جی20 کے مندوبین نے موہت ڈائمنڈ، شری رام کرشنا ایکسپورٹ، مہندرا برادرز، وینس جیول، فائنسٹار جیولری اینڈ ڈائمنڈز، انکت جیمز اور دھرمانندن ڈائمنڈز کا دورہ کیا۔

اپنے دورے کے دوران، مندوبین کو ملکی معیشت اور روزگار کے مواقع پیدا کرنے میں ہیروں کی صنعت کی جانب سے کیے گئے اہم کردار کے بارے میں آگاہ کیا گیا۔ بریفنگ نے ان مختلف مواقع پر روشنی ڈالی جو یہ  صنعت نہ صرف ہندوستان کے اندر بلکہ عالمی سطح پر بھی پیش کرتی ہے۔ ہندوستانی ہیروں کی صنعت اپنی ہنر مند کاریگری، جدید ٹیکنالوجی، اور ایک مضبوط ماحولیاتی نظام کے لیے مشہور ہے، جو اسے عالمی ہیروں کی صنعت میں کلیدی کھلاڑی بناتی ہے۔ اس دورے کے ذریعے، جی20  ٹی آئی ڈبلیو جی کو ہیروں کی صنعت کی صلاحیت اور عالمی معیشت میں اس کے ادا کرنے والے کردار کو براہ راست  دیکھنے کا موقع ملا۔

اس موقع پر خطاب کرتے ہوئے بی ڈی بی کے صدر جناب انوپ مہتا نے کہا، ''بھارت ڈائمنڈ صرافہ بازار کو فخر کے ساتھ دنیا کا ہیروں کا مرکز کہا جاتا ہے۔ صرافہ بازار 2500 سے زیادہ ہیروں کے تاجروں کا ایک مجموعہ ہے جس میں کچھ بڑے تاجر بھی شامل ہیں۔ صرافہ بازار نوعیت میں جامع ہے، اور جتنا یہ بڑے کاروبار کو پورا کرتا ہے، اسی طرح چھوٹے ہیروں کے تاجروں کی ضروریات کا بھی خیال رکھا جاتا ہے۔ یہ نہ صرف ہندوستان میں بلکہ جب ہیرے دیگر ممالک کو برآمد کیے جاتے ہیں تو یہ روزگار پیدا کرنے والا بڑا ذریعہ ہے۔

 

انوپ مہتا نے مزید کہا "بالعموم ہندوستانی ہیروں کی صنعت اور خاص طور پر بی ڈی بی میں کارپوریٹ سماجی ذمہ داری کی شاندار روایت ہے۔ ہماری سی ایس آر کوششیں صحت، تعلیم، تندرستی، کھیل اور انسان دوستی کے تقریباً تمام شعبوں کا احاطہ کرتی ہیں۔

اپنے استقبالیہ خطاب کے دوران، جی جے ای پی سی کے چیئرمین، جناب وپل شاہ نے کہا، ’’ہندوستان، ‘‘دنیا کا جوہری’’ کے پاس 5000 سال کی زیورات سازی کی مالا مال میراث ہے۔ یہ ہنر اور مہارت نسل در نسل منتقل ہوتی رہی ہے اور آج ہمارے ہنر مند کاریگر اپنی غیر معمولی کاریگری، شاندار ڈیزائن کے لیے مشہور ہیں اور عالمی سطح پر پہچان حاصل کر چکے ہیں۔ ہندوستان کی زیورات کی صنعت ثقافتوں، قوموں اور لوگوں کے درمیان ایک پل کا کام کرتی ہے، اور دنیا بھر کے لاکھوں صارفین کے لیے خوشی اور مسرت لاتی ہے۔"

 

جناب  وپل شاہ نے مزید کہا "ہندوستانی جواہرات اور زیورات کی صنعت ملک کی معیشت میں ایک اہم شراکت دار ہے، جس میں 50 لاکھ افراد کو روزگار ملتا ہے اور ہندوستان کی کل تجارتی اشیاء کی برآمدات کا 10فیصد حصہ ہے۔ یہاں 390 اضلاع ہیں جن کی شناخت جی اینڈ جے کلسٹرز کے طور پر کی گئی ہے جن کی 10 لاکھ سے زیادہ جواہرات اور زیورات سازی کی یونٹس ہیں۔ ہندوستان کے پاس برآمدات کا ایک فروغ پذیرسیکٹر ہے جس میں سالانہ 40 بلین امریکی ڈالر کی تجارت ہوتی ہے۔یہ ملک امریکہ، یورپ، مشرق وسطیٰ، ایشیا اور بہت سے ممالک سمیت دنیا بھر کے ممالک کو زیورات برآمد کرتا ہے''،

جناب شاہ نے جی20 کے مندوبین کو دعوت دی کہ وہ ہندوستانی جواہرات اور زیورات کی صنعت کے ساتھ کاروبار کرنے کے مواقع تلاش کریں اور جی20 کے ون ارتھ، ون فیملی، ون فیوچر مینڈیٹ کے حصے کے طور پر مل کر ایک روشن مستقبل کی تعمیر کریں۔ جناب شاہ  نے کہا "ایک ملک کے طور پر، ہم دنیا بھر میں اپنے شراکت داروں کے ساتھ اس فعال صنعت کی مزید ترقی کے لیے کام کرنے کے لیے تیار ہیں۔

یہ صنعت تسلیم کرتی ہے کہ پائیداری ایک عالمی ناگزیر ہے اور اسی لیے وہ ہمارے کاربن کے اثرات کو کم کرنے اور وسائل کے تحفظ کے لیے نئی ٹیکنالوجیز اور عمل میں سرمایہ کاری کر رہی ہے۔یہ صنعت اخلاقی طریقوں اور ذمہ دارانہ وسائل کو فروغ دینے پر توجہ مرکوز کرتی ہے، اس بات کو یقینی بنانے کے لیے کہ یہ ان کے کارکنوں، برادریوں اور کرہ ارض کی بہبود میں اپنا  تعاون پیش کرے۔ جواہرات اور زیورات کی صنعت میں بڑے پیمانے پر انسان دوستی کی سرگرمیوں میں حصہ لینے کی ایک دیرینہ روایت ہے۔ اس نے مسلسل سماجی ذمہ داری، تعلیم اور صحت کی دیکھ بھال کے اقدامات کی حمایت، اور قدرتی آفات کے دوران امداد فراہم کرنے کے عزم کا مظاہرہ کیا ہے۔ زیورات کی بہت سی سرکردہ کمپنیوں نے خیراتی فاؤنڈیشنز قائم کی ہیں جو خواتین کو بااختیار بنانے، بچوں کی بہبود اور ماحولیاتی تحفظ سمیت وسیع پیمانے پر اسباب پر توجہ مرکوز کرتی ہیں۔

جی 20 مندوبین کی طرف سے دورہ کئے جانے والے  دفاتر کی تفصیلات

جواہرات  اور زیورات  برآمد فروغ کونسل (جی جے ای پی سی):

حکومت ہند  (جی او آئی ) کی وزارت تجارت کی طرف سے 1966 میں قائم کی گئی جواہرات  اور زیورات  برآمد فروغ کونسل (جی جے ای پی سی) ہندوستانی حکومت کی طرف سے شروع کی گئی متعدد ایکسپورٹ پروموشن کونسلز (ای پی سیز) میں سے ایک ہے۔ جی جے ای پی سی جواہرات اور زیورات کی صنعت کا سب سے بڑا ادارہ ہے اور آج اس شعبے میں 9000 اراکین کی نمائندگی کرتا ہے۔ ممبئی میں ہیڈ کوارٹر کے ساتھ، جی جے ای پی سی کے نئی دہلی، کولکتہ، چنئی، سورت اور جے پور میں علاقائی دفاتر ہیں، یہ سبھی صنعت کے بڑے مراکز ہیں۔ پچھلی دہائیوں کے دوران، جی جے ای پی سی سب سے زیادہ فعال ای پی سیز میں سے ایک کے طور پر ابھرا ہے اور اس نے اپنی پروموشنل سرگرمیوں میں اپنی رسائی اور گہرائی کو بڑھانے کے ساتھ ساتھ اپنے اراکین کے لیے خدمات کو وسیع اور بڑھانے کے لیے مسلسل کوشش کی ہے۔

ممبئی ڈائمنڈ مرچنٹ ایسوسی ایشن:

1906 میں قائم شدہ ممبئی ڈائمنڈ مرچنٹ ایسوسی ایشن (ایم ڈی ایم اے) ڈائمنڈ ٹریڈ آرگنائزیشنز کی دنیا میں ایک قیمتی جواہر کی طرح چمکتا ہے۔ یہ قابل احترام ادارہ انٹرپرینیورشپ کو فروغ دینے اور اپنے ممبران کی مدد کرنے کے لیے وقف ہے، جو واقعی صنعت کے ناہمواری میں ہیرے ہیں۔

انڈیا ڈائمنڈ ٹریڈنگ سینٹر (آئی ڈی ٹی سی):

انڈیا ڈائمنڈ ٹریڈنگ سینٹر (آئی ڈی ٹی سی) خصوصی نوٹیفائیڈ زون (ایس این زیڈ) کا افتتاح 20 دسمبر 2015 کو کیا گیا تھا۔ آئی ڈی ٹی سی کی مسلسل کوشش عالمی کان کنی کمپنیوں کو اپنے سامان کی نمائش کے لیے ایک مناسب پلیٹ فارم فراہم کرنے اور وسیع تر کسٹمر بیس حاصل کرنے میں ان کی مدد کرنا ہے۔ اس کے نتیجے میں، برآمدات میں اضافہ اور جی ڈی پی کو بڑھا کر معیشت کو فائدہ ہوتا ہے۔

جیمولوجیکل انسٹی ٹیوٹ آف انڈیا:

جیمولوجیکل انسٹی ٹیوٹ آف انڈیا (جی آئی آئی) جیم اینڈ جیولری ایکسپورٹرز ایسوسی ایشن، ممبئی کے زیراہتمام قائم کیا گیا تھا۔ یہ ادارہ ایک غیر منافع بخش پبلک خیراتی  ٹرسٹ کے طور پر رجسٹرڈ ہے۔ یہ ہندوستان میں قیمتی پتھروں کے شعبے میں پہلی ریسرچ اینڈ ڈیولپمنٹ لیبارٹری ہے جسے حکومت ہند کے محکمہ سائنس اور ٹیکنالوجی نے ایس آئی آر او کے طور پر تسلیم کیا ہے۔ یہ قیمتی پتھروں اور ہیروں کے لیے ایک قومی تحقیقی مرکز ہے اور اس میں عالمی معیار کی ایک لیبارٹری ہے جو تازہ  ترین اور جدید ترین آلات سے پوری طرح لیس ہے۔

قیمتی کارگو کسٹمز کلیئرنس سینٹر (انڈین کسٹمز):

ڈائمنڈ پلازہ کسٹمز کلیئرنس (ڈی پی سی سی  1§85 سے اوپیرا ہاؤس میں کام کرنا شروع کیا ۔ اسی سہولت کو 2010 میں بھارت ڈائمنڈ صرافہ بازار ، باندرہ کرلا کمپلیکس کے احاطے میں منتقل کیا گیا اور اسے قیمتی کارگو کسٹمز کلیئرنس سینٹر (پی سی سی سی سی) کا نام دیا گیا ۔ پی سی سی سی سی میں 35 کسٹمز اسٹاف تعینات ہیں۔ پی سی سی سی سی ہیروں، قیمتی اور نیم قیمتی پتھروں، موتیوں، سونے یا دیگر قیمتی دھاتوں سے بنے زیورات کی درآمد اور برآمد سے متعلق ہے۔ روزانہ 600-700 برآمدی پارسل اور 100-150 درآمدی پارسل  پرکسٹمز کے ذریعے کارروائی کی جاتی ہے۔ مجموعی طور پر، تقریباً 98فیصد کٹ اور پالش ہیرے پی سی سی سی کے ذریعے برآمد کیے جاتے ہیں اور 52 ممالک کو دیئے جاتے ہیں۔بڑی منزلیں ریاستہائے متحدہ امریکہ، ہانگ کانگ، متحدہ عرب امارات، اسرائیل اور بیلجیم ہیں۔

سیکورٹی کمانڈ اینڈ کنٹرول سینٹر (ایس سی 3)

سیکیورٹی کمانڈ اینڈ کنٹرول سینٹر (ایس سی ایس) ایک ایسی سہولت ہے جو سیکیورٹی سے متعلق سرگرمیوں کی حقیقی وقت کی نگرانی اور کنٹرول فراہم کرنے کے لیے بنائی گئی ہے۔ ایس سی 3 کا بنیادی ہدف ایک مرکزی مقام فراہم کرنا ہے جہاں سیکورٹی اہلکار سیکورٹی کے واقعات کی نگرانی اور ان کا فوری اور مؤثر طریقے سے جواب دے سکیں۔ اس میں مختلف سیکیورٹی سسٹمز جیسے ویڈیو سرویلنس سسٹم، ایکسیس کنٹرول سسٹم، الارم سسٹم، اور آگ کا پتہ لگانے کے نظام شامل ہیں۔

*********

ش ح۔ ا ک ۔ ج

Uno-4605

(Release ID: 1920463) Visitor Counter : 217