নমস্কার! ঐহাক্না পুম্নমকপু ইকায় খুম্নজরি।

ঐহাক্না মন কী বাত প্রোগ্রামগী ইপিসোদ অমা ফাওবা চিত্থদ্রি।

মসিদি লৈবাক্কী পুৱারীগী মশক নাইবা তাঙ্কক অমনি। ঐহাক্না মসিবু ভারতকী চাউখৎপগী মাইকৈদা পুবা, ভারতকী লাইবক লেপ্পা চাউখৎ থৌরাং অমনি হায়না কৌগনি অমসুং হায়রিবা খোঙচৎ অসিদি মমাংদা অমুক্তা থোকখিদ্রি অমসুং ঐখোয়না চাউখৎলক্লিবা অসিসু থিংবা ঙম্লোই।

ভারত্তা চহি 30গী শাংলবা মতমগী মতুংদা ইং 2014দা তংদু লৈতাবা রাজনিতীগী ফিভম লাকখি। ঐহাকসু 1989দগী 1991 ফাওবগী মনুংদা পার্তী কয়া অমদা য়াওদুনা সরকারগী শরুক অমা ওইরম্মি। মদুগুগী চুংশিন্নবা সরকার অদুদা ঐহাকসু পার্লিয়ামেন্তরী এফিয়র্সকী মন্ত্রী ওইরম্মি। চুংশিন্নদবা য়াদবা হায়বা থৌওং অসি য়াম্না শাথী হায়বা ঐহাক খঙই। চুংশিন্নবা হায়বসি ঐখোয়গী চাউখৎপগী খোঙ্কাপকী অয়েৎপা অমনি।

ইং 2014দা লৈবাক অসিদা অহোংবা অমা লাকখি, লোয়ননা, ইং 2014দা অতোপ্পা অহোংবা অমসু লাকখি, মদুনা মরম ওইরগা ঐহানা ঙসি মফম অসিদা লৈরিবনি। বিজয়াদশমীগী শেংলবা মতম, ওক্তোবর 3, 2014গী অয়ুক্কী পুং 11দা প্রধান মন্ত্রী শ্রী নরেন্দ্র মোদীনা মন কী বাত – অনৌবা তাঙ্কক অমা হৌদোকখি।

ঐহাক্না মহাক্কী মন কী বাত অসিবু মীওই পুম্নমক্কী থম্মোইগী ৱাহৈনি হায়না খল্লি। মহাক্কী ৱাফম খুদিংনা মীওই খুদিংগী থম্মোইদা য়ৌই। মহাক্কী মন কী বাতনা রেদিওবু অমুক হন্না হিংগৎহনখিবনি, হৌজিক লৈরিবা দিভেলপমেন্ত অমসুং তেক্নোলোজী অসিনা রেদিওবু য়াম্না মনিংদা থম্লম্লবনি, অদুবু হৌজিক্তি মতিক মপাঙ্গল অমুক লৈরক্লে। ভারতকী চাউখৎপগী খোঙজেলদা মন কী বাতকী অচৌবা থৌদাং য়াওরি, মসিগী মতাংদা ঐহাক্না হায়দ্রবসু য়ারে, ঐখোয়গী মন্ত্রীজীনা লোয়না হায়বীখ্রবনি।

মসিদি য়াম্না নিংথীবা খোঙচৎ অমনি, পুৱারীগী মশক নাইবা মায় পাকপা অমনি, অমসুং মমাংদা অমুক্তা থোকখিদ্রিবা মওংদা মসিনা এপ্রিল 30, 2023দা সেঞ্চ্যুরী য়ৈরগনি। মসিগী সেঞ্চ্যুরী অসিদি লৈবাক্কী প্রধান মন্ত্রী, মীয়াম্না পাম্নবা লুচিংবা, মালেমগী খ্বাইদগী মমিং চৎপা লুচিংবা মহাক্কীনি। মহাক্না মহাত্মা গান্ধীগী ৱাফমশিংবু মালেমগী মাঙদা থমখি, মালেম্না মদুবু য়াহনখি। লান হায়বসিনা শিংনবা অমত্তগী ৱারোইশিন নত্তে, ৱারী শানবা খক্তনা পুম্নমক্কী ৱারোইশিন পুরকপা ঙমগনি। ঐখোয় অসি লম্বু খুদুম চন্দুনা পাকথোক চাউথোকপগী য়ুগতা হিংবা নত্তে হায়বসি য়াম্না মগুন লৈবা ৱাফম অমনি।

মন কী বাত অসিদি ঐখোয়গী সিভিলাইজেসনগী ইথোসশিংবু মশক তাকপা থৌওং অমনি।

ভারতনা কোবিদ-19গী অৱাবা মতম মাইয়োক্নখিবা মতমদা ঐহাক্না নোংচুপ বেঙ্গোলগী রাজ্যপাল ওইরি। মন কী বাতকী মতিক উবদা ঐখোয়না অঙকপা ফাওখি, প্রধান মন্ত্রীগী খোল্লাও অমদা জনতা কর্ফ্যু পাংথোকখি, মহাক্না পাম্লিবা অসি তসেংনা করিনো হায়বা মীয়াম্না খঙবা ঙম্নখিদে। অদুবু, মহাক্কী মিৎয়েং শানবা মতৌদুনা মাঙদা লৈরিবা খুদোংথীবা উরম্মি। মীয়াম্না মপুং ফানা শৌগৎখিবদগী অচৌবা ইহৌ অমা ওইখি।

মন কী বাতনা কাচিন কোয়া খুদিংদা য়ৌখি। উৎ মথক্তা রেদিও অমা য়াল্লগা চৎপা, লবুক্তা হৌবা উ মখোঙদা লৌউ-শিংউ তৌরিবা ইমুং পুম্নমক্না রেদিও তাবগী মতৌ ঐহাক্না ঙসিসু নিংশিংলি। ঐখোয়গী লৈবাক অসিদা ঐখোয়না চেকশিনগদবা শাথীবা হীরম অনি লৈ। অমনা, কেস খুদিংমক সুপ্রীম কোর্ত্তা লোইশিনবা পাম্বা, অমনা হীরম অমদা রাজনিতী হেক য়াওরকপা মতমদা, রাজনিতী অদুমক চলায়দুনা লৈবা। অদুবু, মন কী বাতনা মসিগী হীরম অনি অসিদগী মতম পুম্বদা থাপ্না লৈখি।

মসিগী প্রোগ্রাম অসিগী শরুক মরি লৈ। অহানবনা, নারী শক্তি। নারী শক্তিবু হেক পুক্নিং য়াম্না থৌগৎলি, মসি মমাংদা লৈরমদে, হৌজিক্তি লৈরে। ঐখোয়গী রাস্ত্রপতি অসি নুপীনি, তেলেন্ত য়াম্না লৈবা ত্রাইবেল নুপী অমনি। মহাক্না লোয়ননা রাজ্যপাল ওইবগী খুদোংচাবা ফংজবা অসিদি ঐহাক্কী লাইবক ফবনি। মসিদি হোংলক্লিবা ভারতকী মমিনি। ইচানুপী কনসি, ইচানুপী লাইরিক তমহনসি হায়বগী মহৈ ঐখোয়গী মাঙদা লৈরে। ঐহাক্না করিগুম্বা ৱাহৈ পরেং অমদা হায়রবদি, মসিদি নুপাশিংগী মফমদা লৈরক্লিবা খ্বাইদগী চাউবা শিংনবনি। ঐখোয়না মখোয়গী স্পেস পীবা তাই। মোদী লৈঙাক্নি, মফমসিদা পুম্নমক ওইথোকপা য়াই।

অতোপ্পা অমনা, হেরিতেজ য়োকখৎপা। কদাইদা মাঙখ্রে, কদাইদা লমহাংনরুরে, ঐখোয়না ইশাগী লৈবাকপু নিংথীনা খঙদ্রে। প্রধান মন্ত্রীনা নোংপোক লোমদা য়েংসি হায়বীখি। কয়াদা চাউরবা লন্নো, সংস্কৃতীগী, মহৌশাগী। লৈবাক্না রাজ্য নিপান অসিগী মমিং ফাওবা হান্না খঙলমদে। হৌজিক্তি খঙবা হৌরে। মসি য়াম্না চাউবা অহোংবনি। ঐখোয়গী নাৎ, কুহ্মৈ, হেরিতেজ, ঐখোয়গী জিলা খুদিংগী থৌদাং অসি মন কী বাতকী মমাংদা কনানসু খঙলমদে। অদুবু মহাক্না ঐখোয়দা খঙহল্লে, উহল্লে। হৌজিক্তি ঐখোয়না মসিগী লম্বীসিদা চত্তুনা চাউখৎ থৌরাং পুরকপা তাবনি।

খুন্নাইবু মরোমদোম লেপচবা ঙমহনবা, ঐহাক অনুরাগজীগী ৱারোল শিজিন্নগে। মরুপশিং, ঐহাক্না 1989দা এম.পি. ওইখি, গ্যাস কন্নেক্সন 50 লেম্না পীবা ঙম্বগী অচৌবা পাঙ্গল অমা ঐহাক্কী খুত্তা লাকখি। মদুনা ঐহাক্কী খ্বাইদগী কনবা শক্তিনি। অদুবু, হৌজিক অমুক্তা য়েংবীয়ু। মন কী বাতকী আর্কিতেক্ত অসিনা কন্নেক্সন মিলিয়ন 150 লেম্না পীখ্রে। তঙাই ফদবা লৈবা মীপুম খুদিংদা লোইনা ফংহল্লে।

ঐহাক অসি অয়াম্বা মতমদা মওং মরিল তাদনা লৈবা হাউস ওফ এলদর (অপ্পর হাউস)গী চেয়রমেন্নি। ফ্রীদম ওফ স্পীচ লৈ হায়রবসু লৈতে হায়নরিবা অসিদা ঐখোয়গী ইন্তেল্লিজেন্সশিং অসিনা করি তৌরিবগে খনবদা ঐহাক্না করিগুম্বা মতমদা থৱাই ৱাবসু য়াওদবা নত্তে। ইনফোর্স সাইলেন্সকী মতাংদা শাংল-শাংলবা ৱারোল কয়া ইনরকখি। ভারতকুম্বা লৈবাক অসিদব কদাইদগী ইনফোর্স সাইলেন্স লৈগদৌরিবনো? ঐখোয়গী লৈবাক্কুম্বা দিমোক্রেসী অমসুং নিংতম্বগী মতৌদি মালেমগী লৈবাক অমত্তদা উবা ফংলোই।

ঐহাক্না উকিল ওইবা মতমদা লাইব্রেরী অমা শানবা লুপা 6000গী লোন লৌবা তাখি। সেক্যুরিতী অমত্তা য়াওদনা লোন পীবিরকখিবা মেনেজর অদু ঙসিসু ইমিৎসিদা শঙ-শঙনা উরি। ঐহাক্কী চহি 11গী প্রেক্তিস্তা লিনিএজ অমত্তা য়াওদনা সেনিয়র এদভোকেত ওইখিবা অসি ঐহাক্কী লাইবক ফবনি। মসিগা মান্নবা লৈবরা ঐহাক ঙসিসু য়েংলি, অদুবু অমত্তা থেংনদে। ঙসিগী মতমসিদা য়েংশি, অদোমগী নাক্তা ৱাখল্লোন অমা লৈগদবনি, শেলগী অৱাবা করিসু লৈরোই। মহাক্না মুদ্র য়োজনা হৌদোকপীদুনা মীয়ামদা কয়া য়াম্না চাউনা তেংবাংখি। মসিনা শেন্মিৎলোন্দা পাংলিবা মতেং অসিদি য়াম্না পাক চাউই।

ঐহাক্কনা ASEAN লৈবাকশিংদা খ্বাইদগী অহানবা ওইনা ফোরেন ত্রিপ চৎপা মতমদা, মালেমগী লুচিংবশিংনা ঙকখিবনি। অশুক য়াম্না চাউবা লৈবাক অসিনা মীওই অমগী মোবাইলদা কোবিদ ভেক্সিন দোজ করোর 220গী সর্তিফিকেত ফংহনবা ঙম্বসিদা মখোয়না থাজবা পোক্তবনি। চেগী মথৌ শুক্তা তাদ্রে, খ্বাইদগী চাউখৎপা লৈবাক ফাওবনা মসি পাংথোকপা ঙম্বা নত্তে। মসি মন কী বাতকী মহৈদগী ওইরিবনি।

ফুদ ক্রাইসীস, ঐহাক খঙই, মদন বেদীসু খঙই, মদুগী লুরবা তাঞ্জা অদুদা ঐখোয় অনি ৱারী শানখিবনি। লৈবাক অসিগী মীওই মিলিয়ন 800বু পীজ পীথকপগী থবক অসি এপ্রিল 1, 2020দগী হৌখি। চেং, সিরিএল, ক্বালিতী লৈবা হৱাই পীবগী থবকশিং ঙসি ফাওবা মখা চত্থরি। করোর 80 অসিদদি মালেমগী লৈবাক কয়া অমা মনুং চল্লগনি, মহাদেশ খরসু মনুং চল্লগনি। মীয়ামগী য়াইফ থৌরাংগীদমক্তা পাংথোকখিবা মসিগী থবক অসিদি তসেংনা অঙকপনি।

মীচম মীয়াম্না মখোয় মশাগী হক খঙলে। মন কী বাত@100পু ভারত@100কা পুনশিন্নরগে, ঐখোয়না 2047দা ভারত@100 ওইরগনি। ভারতনা নিংতম্বা ফংবগী চহি 100 মপুং ফাবা, ভারত@100কী অরিংবা ফম্বাক অমা মন কী বাতনা ওইরিবনি।

মন কী বাতনা অতোপ্পা থবক অমগা পাংথোকখি, অদুবু মসিগী মতাংদা মীয়াম্না ৱারী কয়াদি শান্নদে। মন কী বাতনা নেগেতিবিতীদা লান্দাদুনা পোজিতিবিতীবু মাঙজিল থানা পুখৎলকখি।

মালেমদা লৈবা ঐখোয়গী শক্তাক্না খুদোংচাদবা থেংনরিঙৈ মরক্তা মন কী বাতনা মায় পাকপা থবক অমা পাংথোকখি। ঐখোয়গী ফিভম অসিবু করম্বা মতমদা ফগৎলক্কনি খল্লম্বনি। অদুবু হৌজিক্তি মদুগী মতাংদা ঐখোয়না খন্দ্রে। ঐখোয়না খ্বাইদগী মকোক্তা করম্বা মতমদা লৈগনি হায়বা ৱাফম অসিদা ঐখোয়না নৈনবা হৌরে।

ইবেম্মা অমসুং ইবুংঙোশিং, 2022 অসিদা মশক থোকপা চাউখৎ থৌরাং কয়া লৈখি। ভারতনা মালেমগী খ্বাইদগী মঙাশুবা চাউবা শেন্মিৎলোন ওইখি। মসিদা খ্বাইদগী নুংঙাইবা ৱাফম ওইরিবদি, ঐখোয়বু চহি 200 মীখা পোন্দুনা থম্লম্বা লৈবাক্তগী ঐখোয়া হেনগৎখিবা অসিনি। হৌজিক্কী দিকেদ লোইরকপা মতমদা, ঐখোয়না মালেমগী খ্বাইদগী অহুমশুবা চাউবা শেন্মিৎলোন ওইরগনি।

ঐহাক্না মসিগা মন কী বাতকা মরী লৈনহনগে। মন কী বাতনা থবক কয়া য়াম্না পীখিবগে হায়না ঐখোয়না খন্নবা য়াই। স্কিল অপগ্রেদ কয়া য়াম্না তৌখি? মন কী বাতনা অচম্বা শিন্মীশিংগী কৈথেল থিবিখি। মন কী বাতনা লোকেল আর্তিসানশিংবু মমিং লৈহনখি, মখোয়গী তেলেন্ত অমসুং স্কিলশিংবু মীয়ামদা খঙহনখি। ঐখোয়না শুরুংদা লৈদুনা মঙাল থিরিঙৈ মতমদা মন কী বাতনা লমজিং মৈরা ওইনা ঐখোয়বু লমজিংবীখিবনি।

রাজনিতীগী থৌওংনা পুমথন থনবা লৈবাক অসিদা মন কী বাতনা রাজনিতী মরিক অমত্তা তৌখিদে।

মন কী বাতকী খোঙচত্তা শুপ্নগী থা অনি লেপখি। মহাক্না 2019গী জেনেরেল ইলেক্সন মতমদা মসিবু লেপখি।

ইবেম্মা অমসুং ইবুংঙোশিং, পাৱর কোরিদোরশিংবু মরক্তা লৈবা মীয়ামদগী নিংথীনা সেনিতাইজ তৌবা, ঐখোয়গী সরকারবু ফৈ ফত্তে হায়না লাওনরিবা মীওইশিংবু মনুং চলহন্দবা মতম অমদা ঐখোয়না হিংলিবনি। ঐখোয়গী সিভিল সর্ভেন্তশিংদা মপাঙ্গল হাপ্লে, মখোয়বু পুনশিন্দুনা থমদ্রে।

ঐহাক্না লৈবাক পুম্বগী মফমদা অমুক্কা হন্না য়াইফ পাউজেল পীজরি, মন কে বাতকী আর্কিতেক্তকী মফমদা ইকায় খুম্নবা উৎচরি, অমসুং মন কী বাত@100 হায়বা মশক নাইরবা থাক অসি য়ৌবগীদমক্তা ঐহাক্না মহাকপু থাগৎচরি অমসুং ভারত@100কী মতমদা ভারতকী লাইবক শেম্বীনবগীদমক্তা য়াইফ পাউজেল পীজরি।

*****

(Release ID: 1920028) Visitor Counter : 95