অজাদী কা অমৃৎ মহোৎসবকী শরুক অমা ওইনা, দিপার্তমেন্ত ওফ এনিমেল হজবেন্দ্রী এন্দ দেরীইংনা ইনক্লুজিব দিভেলপমেন্তকী কেম্পেনগী মখাদা “পসুধন জাগ্রুতী অভিয়ান”গী এৱ্যারনেস প্রোগ্রাম এপ্রিল ২৪, ২০২৩দা পাঙথোকখ্রে‍। এস্পিরেস্নেল দিস্ত্রিক্তশিং শিনবা থুংনা খুঙ্গংগী থাক্তা কেম্প ২০০০ পাঙথোক্তুনা কম্মন সর্ভিস সেন্তর নেতৱর্ক্কী খুত্থাঙদা দিপার্তমেন্ত অসিগী মখাদা লৈরিবা তোঙান তোঙানবা স্কীমশিং অমদি প্রোগ্রামশিং, মরুওইনা ওন্ত্রপ্রিন্যুরসিপ, ভেক্সিনেসন অমদি অতৈ বেনিফিসরীদা য়ুম্ফম ওইবা স্কীমশিংগী মতাঙদা লৈরিবা ঈ-পাউশিং শুগাইনা খঙহনখি‍। সি.দি.দি.গী এদিস্নেল সেক্রেতরী, মিস বর্সা জোসীনা চেয়র লৌদুনা মীফম অদু পাঙথোকখিবনি‍। শরুক য়াখিবশিংদা স্কীমশিং অমদি ভেতিরিনরী সর্ভিসশিংগী মরমদা, লোয়ননা সি.এস.সি.শিংগী খুত্থাঙদা স্কীম পোর্তেলদা কমদৌনা এপ্লাই তৌবা য়াগনি হায়বনচিংবগী মতাঙদা অকুপ্পা ৱাফমশিং মপুং ফানা খঙহনখি‍। লৌমী লাখ ১ রোম্না এৱ্যারনেস প্রোগ্রাম অদু কম্মস সর্ভিস সেন্তরশিংগী খুত্থাঙদা ভর্চুএল ওইনা শরুক য়াখি‍।

মিস জোসীনা থৌরম অদুদা লৌমীশিংগা ৱারী ৱাতায় শানখি‍। মহাক্কী মচা খায়বা ৱাফমশিং অমদি খঙহৈবা ৱারোলশিংনা লৌমীশিংবু শা-শন লোইবা অমদি শঙ্গোমগী ফার্ম তৌবগী মতাঙদা লৈরিবা তোঙান তোঙানবা শক্লোনশিংগী মরমদা মমুৎ তানা খঙহনবদা মতেঙ ওইখি‍। দি.এ.ঐচ.দি.গী রিএলাইন তৌরবা স্কীমশিংনা খুঙ্গংদা ওন্ত্রপ্রিন্যুরসিপ শেমগৎপদা অমদি থবক ফংদ্রিবা নহাশিং অমদি য়েন ঙানু, য়াউ, হামেং, ওক, শা-য়েনগী মচিঞ্জাক অমদি শজিক্নচিংবগী লমদা থবক তৌরিবা লৌমীশিংগীদমক হেন্না ফবা পুন্সি হিংনবগী খুদোংচাবশিং শেমগৎপদা মতেং পাংদুনা আত্ম নিরভর ভারতকী মায়কৈদা লম্বী য়াৎলি হায়না মহাক্না হৌদোকপগী ৱারোলদা থমখি‍।

থৌরম অদু লৌমীশিংদা শা-শন লোইবা অমদি শঙ্গোমগী ফার্ম তৌবগী মতাঙদা লৈরিবা খ্বায়দগী নৌবা থৌওংশিং অমদি তেক্নিকশিংগী মরমদা হেন্না মমুৎ তানা খঙহন্দুনা মখোয়গী পুন্সি মহিং ফগৎহন্নবগীদমক শেম শাদুনা পাঙথোকখিবনি‍। স্কীমশিং অসিগী শাফুশিং অমদি মায় পাকখিবশিং প্রজেন্তেসন অমদি ভিদিওশিং উত্তুনা শুগাইনা তাকখি‍।

*******