پبلک ٹرانسپورٹ بسوں کو چلاتے ہوئے حفاظت کو یقینی بنانے اور سڑک حادثات کو روکنے میں ڈرائیوروں کی کوششوں کا اعتراف کرننے کے مقصد سے، ایسوسی ایشن آف اسٹیٹ روڈ ٹرانسپورٹ انڈرٹیکنگس (اے ایس آر ٹی یو) نے آج نئی دہلی میں ہیرو آن دی روڈ  کو اعزاز بخشنے کے لئے ایک پروگرام کا اہتمام کیا۔ سڑک ٹرانسپورٹ اور شاہراہوں کی وزارت کی سکریٹری  محترمہ الکا اپادھیائے نے 42 ڈرائیوروں کو سیفٹی ایوارڈز سے نوازا جو کہ  ڈرائیوروں کی بے داغ خدمات کے لیے اظہار تشکر کے واسطے منعقدہ  اس تقریب  میں شرکت کے لئے   ملک کے مختلف حصوں سے اپنے اہل خانہ کے ساتھ  ہوائی سفر کرکے آئے تھے۔ سرفہرست 17 ڈرائیوروں نے اپنی 30 سال کی ریکارڈ شدہ سروس کو  بغیر کوئی حادثہ کئے مکمل کیا ۔

 

فی الحال، میونسپل کارپوریشنز کے تحت 80 اسٹیٹ روڈ ٹرانسپورٹ انڈرٹیکنگز (ایس آر ٹی یو)  / ایس پی ویز،  اے ایس آر ٹی یو کے ممبر ہیں جو مشترکہ طور پر تقریباً 1,50,000 بسیں چلا رہے ہیں اور  لگ بھگ 70 ملین مسافروں کو سستے کرایوں پر   محفوظ موبلیٹی  فراہم کرا رہے ہیں۔ اے ایس آر ٹی یو بنیادی طور پر ملک میں پبلک روڈ ٹرانسپورٹ  کی ترقی اور بہتری  لانے کا کام کرتے ہیں۔ اے ایس آر ٹی یو تازہ ترین پیش رفت پر تبادلہ خیال کرنے، اہم مسائل/چیلنجز کی نشاندہی کرنے اور مختلف میٹنگوں، کانفرنسوں اور سیمیناروں/ورکشاپوں وغیرہ کے انعقاد کے ذریعے ریاستی روڈ ٹرانسپورٹ انڈرٹیکنگس کے بہترین طریقوں پر معلومات کا تبادلہ کرنے کے لیے ایک فورم کے طور پر کام کرتا ہے۔

 

وزارت نے متعلقہ اداروں اور متعلقین  کے ساتھ مل کر تعلیم، انجینئرنگ (سڑکوں اور گاڑیوں دونوں)، نفاذ اور ہنگامی دیکھ ریکھ  پر مبنی روڈ سیفٹی کے مسئلے سے نمٹنے کے لیے ایک کثیر الجہتی حکمت عملی تیار کی ہے۔ جہاں تک ایس آر ٹی یوزکا تعلق ہے، ایسے  سڑک حادثات بہت کم ہیں جن میں  اے ایس آر ٹی یو  کی بسیں  شامل رہی ہوں (0.09 حادثے کی شرح)۔ کچھ اے ایس آر ٹی یونے اربن ٹرانسپورٹ میں 0.09  کے اوسط سے بہت کم حادثے کی شرح کو برقرار رکھا  گیاہے (ہریانہ، راجستھان، تمل ناڈو - سلیم، اتراکھنڈ، انڈمان و نکوبار اور دہلی)۔

 

سڑک حادثات کو کم کرنے کے لیے اے ایس آر ٹی یوزکے ذریعے کیے گئے چند اقدامات یہ ہیں:

اے۔  ڈرائیور سے متعلق

• بھرتی کے مرحلے میں ہی تعلیم یافتہ اور تجربہ کار ڈرائیور کا انتخاب
• منتخب ڈرائیوروں کی انڈکشن ٹریننگ اور ریفریشر ٹریننگ
• ایوارڈز اور انعامات کے ذریعے ڈرائیوروں کی حوصلہ افزائی

بی۔ گاڑی سے متعلق

• شیڈیول کے مطابق بس کی دیکھ ریکھ اور حفاظت سے متعلقہ شعبوں جیسے بریک، اسٹیئرنگ، ہیڈلائٹس، ٹائر وغیرہ پر توجہ دینا
• ڈرائیور سیٹ کا ایرگونومک ڈیزائن
• ہر وقت گاڑی کی فٹنس کو یقینی بنانا

سی۔  آپریشنل شیڈیولنگ

• ڈرائیوروں کو آرام کے مناسب وقفوں کے ساتھ ڈیوٹی شیڈول اور روسٹرس
•  تمام سہولیات کے ساتھ عملے کے ریسٹ رومزز

ڈی۔  تحریک دینے کے اقدامات

• سال میں کم از کم ایک بار تمام ڈرائیوروں کے لیے ریفریشر ٹریننگ پروگرام کو یقینی بنانا
•  ڈپو، علاقہ، زون اور ریاستی سطح پر حادثات سے پاک سروس ڈرائیوروں کو نقد انعامات اور سرٹیفکیٹس سےنوازنا

 

۔۔۔۔۔۔۔۔۔۔۔

ش ح۔ا گ۔ن ا۔

18-04-2023))

U-4256

                          

(Release ID: 1917804) Visitor Counter : 130