پاناجی 18 اپریل 2023

صحت اور خاندانی بہبود کے مرکزی وزیر ڈاکٹر منسکھ منڈاویہ نے مدعو ممالک کے مندوبین، بین الاقوامی تنظیموں اور ترقیاتی شراکت داروں کے ساتھ آج کورلیم، گوا میں آیوشمان بھارت ہیلتھ اینڈ ویلنس سنٹر (اے بی-ایچ ڈبلیو سی) کا دورہ کیا۔ یہ فیلڈ دورہ جی20 ہیلتھ ورکنگ گروپ کے جاری دوسرے اجلاس کے ایک حصے کے طور پر کیا گیا تھا۔

دورے کے دوران، ڈاکٹر منڈاویہ نے صحت کی دیکھ بھال کے شعبے میں گوا کی صلاحیتوں کی تعریف کی۔ انہوں نے کہا، ”گوا میں 201 سے زیادہ آیوشمان بھارت ہیلتھ اینڈ ویلنس سینٹرز (اے بی-ایچ ڈبلیو سی)، جن اوشدھی کیندر، دیگر اقدامات کے علاوہ نوجوان طبی پیشہ ور افراد کی تربیت کے لیے میڈیکل کالج ہیں۔ اے بی-ایچ ڈبلیو سی بنیادی دیکھ بھال کی خدمات اور غیر متعدی امراض کی اسکریننگ کے لیے سہولیات سے لیس ہیں۔ ان کے پاس لیبارٹری کی سہولیات، تشخیصی سہولیات، معمولی طریقہ کار کے لیے سہولیات، جامع انتظام اور آگاہی کی سرگرمیاں بھی ہیں۔

اے بی-ایچ ڈبلیو سی کورلیم نے ریاست گوا میں یونیورسل ہیلتھ کوریج اور ڈیجیٹل ہیلتھ کیئر لینڈ سکیپ کو یقینی بنانے کے ہندوستان کے وژن کے زمینی نفاذ کی نمائش کی۔ مختلف اقدامات جیسے ایچ ایم آئی ایس (ای سشرت) کو اپنانا اور استعمال کرنا بشمول آیوشمان بھارت ڈیجیٹل مشن کے اسکین اور شیئر کے اجزا کے ساتھ سنٹرل رجسٹریشن کا انضمام، او پی ڈی خدمات، فزیو تھراپی، فارمیسی اور ای سشرت پر لیبارٹری، ٹیلی کنسلٹیشن اور ٹیلی میڈیسن سہولیات زائرین کو دکھائی گئیں۔

ٹیلی کنسلٹیشن خدمات کے پہلو پر ریاست کی کوششوں کی تعریف کرتے ہوئے، ڈاکٹر منڈاویہ نے تبصرہ کیا، ”گوا میں ٹیلی کنسلٹیشن کی خدمات ریاست کے دور دراز علاقوں میں بھی شہریوں کی طلب کو پورا کرنے کے لیے اچھی طرح سے مربوط ہیں۔“ یونیورسل ہیلتھ کوریج کو یقینی بنانے کے وژن کو لاگو کرنے کے لیے، ہندوستان نے پورے ملک میں 1.5 لاکھ سے زیادہ آیوشمان بھارت ہیلتھ اینڈ ویلنس سینٹرز (اے بی-ایچ ڈبلیو سی) کھولنے کی پہل کی۔

ڈاکٹر منڈاویہ نے مرکز میں ٹی بی کے مریضوں میں کھانے کی ٹوکریاں بھی تقسیم کیں اور اس بات کا اعادہ کیا کہ حکومت 2030 کے عالمی ہدف سے پانچ سال قبل 2025 تک ہندوستان کو ٹی بی سے پاک بنانے کے لیے انتھک محنت کر رہی ہے۔ اس دورے نے صحت کے نتائج کے تئیں ہندوستان کی وابستگی کو اجاگر کیا اور صحت کی دیکھ بھال میں ہندوستان کی کامیابیوں کو ظاہر کرنے کا موقع فراہم کیا، خاص طور پر ڈیجیٹل صحت کی اختراعات اور حل کے شعبوں میں۔

جی20 ہیلتھ ورکنگ گروپ کی دوسری میٹنگ کی گوا کی میزبانی ایک اہم سنگ میل ہے، اور ملک صحت کی راہ میں شناخت شدہ ترجیحات پر بات چیت کی قیادت کرنے کے لیے اچھی پوزیشن میں ہے۔ ہندوستان کی جی20 صدارت نے صحت کی راہ میں تین ترجیحات کی نشاندہی کی ہے، یعنی صحت کی ہنگامی صورتحال سے بچاؤ اور تیاری؛ فارماسیوٹیکل سیکٹر اور ڈیجیٹل ہیلتھ اختراعات اور حل میں تعاون کو مضبوط بنانا۔

*************

ش ح۔ ف ش ع- ک ا

U: 4250

(Release ID: 1917801)