سی ایس آئی آر - آئی آئی پی  نے "ایک ہفتہ ایک لیب" مہم کے تیسرے دن، اپنی دہرادون میں اپنے لیبارٹری کے احاطے میں اسکول کے طلبا کے لیے نصف روزہ جگیاسا پروگرام کا اہتمام کیا۔ تقریب کا مقصد اسکول کے بچوں میں سائنسی مزاج کو بڑھاوا دینا ہے ۔ اس پروگرام میں سی ایس آئی آر - آئی آئی پی  کے ریسرچ اسکالرز کے ذریعہ انٹرایکٹو سائنسی پیشکشیں شامل تھیں۔ دہرادون اور اس کے آس پاس کے مختلف اسکولوں کے 75 سے زیادہ طلباء نے اس تقریب میں حصہ لیا۔ کے وی – آئی آئی پی دہرادون، ڈی اے وی پبلک اسکول دہرادون، سینٹ کبیر اکیڈمی دہرادون، ایس جی آر آر پبلک اسکول، نہروگرام، دہرادون اور این ایس ایس دوئی والا دہرادون کے طلباء نے اپنے کے لیے منعقد کیے گئے مختلف مقابلوں میں بڑھ چڑھ کر حصہ لیا۔ پروگرام کا آغاز ڈاکٹر آرتی کی طرف سے جگیاسا پروگرام کے تعارف سے ہوا۔ سائنسدان سی ایس آئی آر - آئی آئی پی ۔ ڈائرکٹر سی ایس آئی آر - آئی آئی پی  ڈاکٹر انجن رے نے اپنے استقبالیہ  خطبہ میں طلباء کی حوصلہ افزائی کی اور ہماری روزمرہ کی زندگی میں سائنس کی اہمیت پر زور دیا۔ انہوں نے گلوبل وارمنگ کے مسائل اور توانائی کے زیادہ استعمال کو کم سے کم کرکے اس کو کم کرنے کے لیے کیے جانے والے اقدامات پر بھی توجہ دی۔ مختلف مثالیں دیتے ہوئے ، ڈاکٹر رے نے توانائی اور پانی کے وسائل کے معقول استعمال پر زور دیا۔ پانی اور توانائی کا تحفظ ہمارے مستقبل کو بچانے کی ضرورت ہے۔

پریزنٹیشنز محترمہ ساکشی بھٹ، جناب رمیش این گوسوامی، اور جناب انکت مشرا نے  دیئے ۔ محترمہ ساکشی نے ماحول پر کاربن ڈائی آکسائیڈ کے اثرات پر اظہار خیال کیا۔ جناب رمیش نے کاربن کی اصلیت اور اس کے ایلوٹروپس جیسے گرافین اور ان کے استعمال پر اظہار خیال کیا۔ اس کے برعکس، جناب انکت نے حیاتیاتی ایندھن کی ترکیب کے لیے مختلف قدرتی ذرائع پر اظہار خیال کیا۔

طلباء کے لیے کوئز اور اسکٹس کے مقابلے منعقد کیے گئے تھے۔ اسکٹ مقابلے میں کے وی آئی آئی پی دہرادون نے پہلا انعام،  ڈی اے وی پبلک اسکول نے دوسرا انعام اور دوئی والا اسکول نے تیسرا انعام حاصل کیا۔ کوئز مقابلے میں اسکول کے طلباء اور سامعین نے بھی بڑھ چڑھ کر حصہ لیا۔ کوئز کی تکمیل میں ڈی اے وی اسکول نے پہلی پوزیشن، دوئی والا اسکول نے دوسری پوزیشن اور ایس جی آر آر نہروگرام اسکول اور کے وی-آئی آئی پی نے مشترکہ طور پر تیسری پوزیشن حاصل کی۔ ڈائرکٹر سی ایس آئی آر - آئی آئی پی  نے جیتنے والوں کو انعام دیتے ہوئے طلباء کی حوصلہ افزائی کی۔ ڈاکٹر دیپندر ترپاٹھی نے پروگرام کے لیے شکریے کے کلمات پیش کیے۔ ڈاکٹر جیوتی پوروال اور مس بھاونا شرما نے فعال طور پر پروگرام کی کمپیئرنگ کی جبکہ سی ایس آئی آر - آئی آئی پی  کی جگیاسا ٹیم نے ایونٹ کے انعقاد میں فعال کردار ادا کیا۔

۔۔۔

ش ح۔ا س۔  ت ح ۔                                               

U–4145

(Release ID: 1916961) Visitor Counter : 132