প্রধানমন্ত্রীগী লোইশঙ
প্রধান মন্ত্রী নরেন্দ্র মোদীনা তেলিফোন্দা প্রধান মন্ত্রী রিসি সুনক্কা ৱারি শানখ্রে
ললোন-ইতিক অমসুং শেন-থুমগী হিরমশিং য়াওনা লৈবাক অনিগী ওইবা ৱাফমশিং খুমাঙ চাউশিনবা লুচিংবশিংনা য়েংশিনখি
প্রধান মন্ত্রীনা য়ু.কেদা লৈবা ভারত এম্বেসিগী ওফিসশিং ঙাক-শেনবগী মতাংদা পুখৎখি অমসুং ভারতকী মায়োক্তা লৈবশিংগী মথক্তা অকনবা থবক লৌখৎনবা খঙহনখি
শেন-থুমগী অরানবা তৌবা মীওইশিং ভারত্তা অমুক পুরক্নবা পায়খৎলিবা থবকশিংগী মতাংদা খঙহল্লক্নবা প্রধান মন্ত্রীনা তকশিনখি
হৌজিক ভারতনা জি-২০গী প্রসিদেন্ত ওইরিবা অসিদা য়ু.কেনা মপুংফানা শৌগৎপা অদু প্রধান মন্ত্রী সুনক্না অমুক হন্না ফোঙদোকখি
বৈশাখি লাকপদা প্রধান মন্ত্রী মোদীনা প্রধান মন্ত্রী সুনকতা মহাক্কী য়াইফ-পাউজেল পীখি
Posted On:
13 APR 2023 9:17PM by PIB Imphal
ঙসি প্রধান মন্ত্রী শ্রী নরেন্দ্র মোদীনা য়ুনাইতেদ কিংদমগী প্রধান মন্ত্রী রিসি সুনক্কা তেলিফোন্দা ৱারি শানখ্রে।
ইন্দিয়া-য়ু.কে রোদমেপ ২০৩০গী শরুক অমা ওইনা নাকল অনিগী ওইবা ৱাফমশিংগী হৌজিক ওইরিবা ফিবম লুচিংবশিংনা হন্না খন্নখি। মরুওইনা ললোন-ইতিক অমসুং শেন-থুমগী লমদা হন্দক অৱাংবা থাক্কী ৱারি শানবা অমসুং মতেং পাংনবা হেনগৎলকপদা লুচিংবশিংনা অপেনবা ফোঙদোকখ্রে। লৈবাক অনিগী মরক্তা নাকল অনিমক কান্নবা ফংগদবা ফ্রি ত্রেদ এগ্রিমেন্ত অমা অথুবা মতমদা খুৎয়েক পীনবগী তঙাইফদবা অদু মখোয়না য়ানখি।
প্রধান মন্ত্রী মোদীনা য়ু.কেদা লৈবা ভারত এম্বেসিগী ওফিসশিং ঙাক-শেনবগী মতাংদা পুখৎখি অমসুং ভারতকী মায়োক্তা লৈবশিংগী মথক্তা য়ু.কে সরকারনা অকনবা থবক লৌখৎনবা খঙহনখি। ইন্দিয়ান হায় কম্মিসন্দা খুৎ থাখিবা অদু য়ু.কেনা হকচিন্না লৌই হায়না প্রধান মন্ত্রী রিসি সুনক্না ফোঙদোকখি অমসুং ইন্দিয়ান মিসন অমসুং মসিগী মীওইশিং অশোই-অঙাম থোক্তনবা ঙাক-শেন্নবগী থাজবা পীখি।
য়ু.কেদা লোত্তুনা লৈরিবা শেন-থুমগী অরানবা তৌবা মীওইশিংগী ৱাফমশু প্রধান মন্ত্রীনা পুখৎখি। মখোয় ভারতকী জুদিসিএল সিস্তেমগী মমাঙদা পুথোক্নবা হায়রিবা মীচেলশিং অসি লৈবাক অসিদা পুরক্নবা পায়খৎলিবা থবকশিংগী হৌজিক ওইরিবা ফিবমগী মতাংদা মহাক্না হংখি।
লাক্লিবা সেপ্তেম্বর ২০২৩দা পাংথোক্কদৌরিবা জি-২০ মীফমদা শরুক য়ানবা প্রধান মন্ত্রী মোদীনা প্রধান মন্ত্রী সুনকতা চেবাউ পীখি। হৌজিক ভারতনা জি-২০গী প্রসিদেন্ত ওইরিবা মতমদা খুমাংচাউশিনবা অদু মহাক্না থাগৎপা ফোঙদোকখি অমসুং ভারতকী মাইপাকপশিং অমসং থবকশিং য়ু.কেনা মপুংফানা শৌগৎলি হায়না প্রধান মন্ত্রী সুনক্না অমুক হন্না ফোঙদোকখি।
বৈশাখী লাকপদা প্রধান মন্ত্রী মোদীনা প্রধান মন্ত্রী সুনক অমসুং য়ু.কেদা লৈবা ভারতমচাশিংদা য়াইফ-পাউজেল পীখি।
মখা তানা পাউ ফাউনবা হায়না লুচিংবশিংনা য়ানখি।
*****
(Release ID: 1916561)
Visitor Counter : 80
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam