ইন্দিয়ন আর্মীগী অৱাং নোংপোক কার রেল্লী লোইশিনবগী থৌরম অমা উমরোই মিলিতরী স্তেসন্দা পাংথোকখ্রে। রেল্লী অসিনা নুমিৎ 20নি দা রাজ্য 9 ফাওদুনা চৎলবা মতুংদা মখোয়গী পন্থুংফম উমরোই মিলিতরী স্তেসন্দা য়ৌদুনা লোইশিনখিবনি। রেল্লী অসিবু মেঘালয়গী রাজ্যপাল শ্রী ফাগু চাউহান্না লোইশিনখি। সব মেজর অমসুং হোনোরেরী কেপ্তেন য়োগেন্দ্র সিংহ য়াদব, PVC (রিতাইয়র্দ)সু রেল্লী অসিদা শরুক য়াখি অমসুং মহাক্না অৱাং নোংপোক ভারতকী নহাশিংদা পুক্নিং থৌগৎনিংঙাই ওইবা ৱারোল থমখি অমসুং লৈবাক শেম্বদা য়াওসি হায়না মখোয়গী পুক্নিং থৌগৎখি।

রেল্লী অসি আর্মী কম্মান্দর HQ ইস্তর্ন কম্মান্দ, লেফতেনেন্ত জেনেরেল আর.পি. কলিতা, PVSM, UYSM, AVSM, SM, VSMনা কোলকতাগী ফোর্ত ৱিলিয়মদগী মার্চ ২২দগী ২৩ ফাওবগী মনুংদা লম্থাখিবনি। রেল্লী অসিনা নুমিৎ ২২দা চাউরাক্না মিলোমীতর ৪০০০ চৎখি অমসুং ফজরবা মফম অমসুং খুদোংথীনিংঙাই ওইবা মফম কয়া লান্দুনা চৎখি, ৱার মেমোরিএল কয়াদা চৎখি, অমসুং স্কুল অমদি কোলেজ কয়াদা চঙদুনা পুক্নিং থৌগৎনিংঙাই ওইবা ৱারোল কয়া থম্বগা লোয়ননা অৱাং নোংপোক ভারতকী পুৱারী ওইরবা মফম কয়াদসু চৎখি। রেল্লী অসিবু মফম খুদিংদা তরম্না ওক্নখি অমসুং মখোয়গী অপুনবা খোঙচৎ অসিদা মীয়াম্না নুংশিবা কয়া উৎলকখি। কার রেল্লী অসিনা তোঙান-তোঙানবা রাজ্য কয়া ফাওদুনা চৎপা মতমদা সিভিল দিগ্নিতরী কয়ানা তরাম্না ওকপগা লোয়ননা ৱারী শারকখি অমসুং রেল্লী অসিবু থাগৎনরকখি।

রেল্লী অসিবু লোইশিনবগী থৌরমদা মেঘালয়গী ইকায় খুম্ননিংঙাই ওইরবা রাজ্যপাল শ্রী ফাগু চাউহানসু শরুক য়াখি। মেজর জেনেরেল এস. মুরুগেসন্না রাজ্যপালবু ইকায় খুম্নবা উৎখি। ইকায় খুম্ননিংঙাই ওইরবা রাজ্যপালনা তীম লিদর ব্রিগেদিয়র কে.এম. শেন্দে, শৌর্য়া চক্রা অমসুং সুবেদার মেজর অমসুং হোনোরেরী কেপ্তেন য়োগেন্দ্র সিংহ য়াদব, পরম বির চক্রবু তরাম্না ওকখি অমসুং ইন্দিয়ন আর্মীনা লৈবাক্কী সেবা তৌরিবা অসিগীদমক্তা থাগৎপা ফোংদোকখি। মহাক্না মেঘালয়গী আর্মী অমসুং সিভিল এদমিনিস্ত্রেসনগী মরক্তা লৈরিবা মরীদা মিৎয়েং চঙলদুনা রাজ্যসিগী এক্স-সর্ভিসমেন অমসুং ভেতেরেনশিংবু তেংবাংবগী মতাংদা ইন্দিয়ন আর্মীনা হোৎনরিবশিংবু থাগৎখি।

কার রেল্লী অসিনা লৈবাক অসিনা অমত্তা ওইবা, নুংশি চানবা অমসুং অৱাং নোংপোক মীয়াম মরক্তা লৈবাক্কা অমত্তা ওইবগী ইথিল শন্দোক্তুনা তোঙান-তোঙানবা খুন্নাইবু অমত্তা ওইনা পুরক্তুনা মপাঙ্গল লৈবা অমসুং নুংঙাই য়াইফবা “অনৌবা ভারত” অমা শেম্বগী পান্দম থম্লি। মসিনা ইন্দিয়ন আর্মী অমসুং অগ্নিবীর প্রোগ্রামগী মতাংদা মীয়ামদা হেন্না খঙহনবগী পান্দমসু থম্লি। থৌরম অসিদি অৱাং নোংপোক লমদমগী চাৎশিংগী তোঙানবা মতৌ চেনবা অমসুং তুরিজম পুক্নিং থৌগৎপগী অফবা প্লেতফোর্ম অমা ওইখি।

থৌরম অসি “নিংতম্বগী অমৃত মহোৎসব”কী শরুক অমা ওইনা দোনর মন্ত্রালয়গী মখাদা লৈবা নোর্থ ইস্তর্ন কাউন্সিলগা খুৎশম্ননা শীনবনি।

******

(Release ID: 1916263) Visitor Counter : 101