জল শক্তিগী কেন্দ্র মন্ত্রী, শ্রী গজেন্দ্র সিংহ সেখাৱতনা লুচিংদুনা নমামী গঙ্গেঃ য়ুনিভর্সিতী কন্নেক্ত থৌরম পাংথোকখ্রে অমসুং ঈশিং নিংথীনা শিজিন্নবগুম্বা মীয়ামগী হীরম অমসুং তুরেলশিংবু হান্নগী মতৌদা পুরকপা হায়বা হীরম অসিদা অখন্নবা ওইনা নহাশিংগী মরক্তা এৱিয়র্নেস লৈহন্নবগীদমক্তা য়ুনিভর্সিতী 49গা য়ানচে অমগী খুৎয়েকসু পীনখি। এম.ও.য়ু. অসিনা ঐখোয়গী তুরেলশিংগী তুং কোইনা চৎকদবা ইকোসীস্তেম অমা শেমগৎপগী মীয়ামগী ইহৌদা মহৈরোইশিংবু মাঙ থানা পুথোক্কনি হায়বগী পান্দম থম্লি। থৌরম অসিনা ইহৌ অসিদা মীয়াম্না শরুক য়াবীনবা হায়জবগী মথক্তা, থৌরম অসিদি লৌশিংদা য়ুম্ফম ওইবা অতেনবা মতমগী প্রোগ্রাম, ত্রেনিং সেসন শেম্বা অমসুং ৱাতর সেক্তরগী মতাংদা অহেনবা রিসর্চ পাংথোকহন্দুনা পুৱারীদা নিংশিংহৌরগদবা থৌরম ওইগনি। হাইয়র এজুকেসন ইন্সতিত্যুসন কয়া অমনা NMCG খোঙথাংগী খুত্থাংদা তুরেলবু হান্নগী মতৌদা হঞ্জিলহনবা, ঈশিং নীংথীনা শিজিন্নবগী হীরমদা তেংবাংগনি হায়না ৱাশক লৌনরি অমসুং তুং কোইনা চৎকদবা ইকোসীস্তেম অমা শেম্বদা থৱাই য়াওনা শরুক য়াবা নহাশিংগী প্লেতফোর্ম অমা শেমগনি হায়বগী ৱারেপ কয়াসু লৌনখ্রবনি। থৌরম অসিগী থীম্না ‘নহা ওইরিবা মীওইশিংদা মৈরী চুবা, তুরেলশিংবু মহৌশাগী ফিভমদা হঞ্জিলহনবা’ হায়বসিনি।

কেন্দ্রগী জল শক্তি মন্ত্রী, শ্রী গজেন্দ্র সিংহ সেখাৱতনা তিনখিবা মীয়ামদা ৱা ঙাঙবদা অসুম্না হায়খি, “ঈশিং হায়বসি মরু ওইবা পোৎলম অমখক নত্তে, মসি য়াওদনা পুন্সি অমত্তা লৈরোই, মরম অদুনা ঈশিং নিংথীনা শেন্নবা হায়বসি অসুক য়াম্না তঙাই ফদবা অমা ওইরিবনি”। গঙ্গা তুরেলবু তরু-তনান্না অমসুং শেংনা থম্বগা লোয়ননা তুরেলশিংবু মহৌশাগী ফিভমদা হঞ্জিলহনবা হায়বসিনা নমামী গঙ্গে মিসনগী মরু ওইবা পান্দম্নি হায়না শ্রী শেখাৱতনা হায়খি। “পুন্সি মখা চত্থবা হায়বসিদা ঈশিং অসি য়াম্না মরু ওই। ভারতকী নাৎকী ওইবা পুৱারীশিংনা ঈশিংবু পুন্সি মখল খুদিংমক মখা চত্থহনবা ঙম্বা খ্বাইদগী শেংলবা হৌরকফম্নি হায়না লৌনৈ, অদুবু চৎনবী অসি মতমগী মতুং ইন্না শিথরক্লে। ঐখোয়না খুন্নাই অমা ওইনা চৎনবী অসিবু অমুক হন্না হিংগৎহনবগী থৌদাং লৌগদবনি”।

লৌউ-শিংউগী সেক্তরনা ভারতকী ঈশিং অয়াম্বগী শরুক শিজিন্নৈ হায়বা ৱাফম অসিদা মিৎয়েং চঙলদুনা, মহাক্না দিমান্দ সাইদ মেনেজেমেন্ত হায়বসি হৌজিক মতমগী খ্বাইদগী তঙাই ফদবনি হায়খি। “মালেম্না ঐখোয়বু থাগৎলি অমসুং ভারতনা ঈশিংগী সেক্তরদা বিলিয়ন দোল্লর 240 হেন্না ইনভেস্ত তৌখ্রবনি, অদুবু ঐখোয়গী মাঙদা লৈরিবা শিংনবশিং অসি য়াম্না চাউরি অমসুং ঈশিং নিংথীনা শিজিন্নবগী থৌওংশিংদা ঐখোয়না অচৌবা থৌদাং য়াফম থোকই”, মহাক্না হায়খি অমসুং “ঐখোয়দি মহৌশাগী রিসোর্সশিংগী মপু নত্তে, ঐখোয়দি শুপ্নগী ঙাক শেনবতনি। অদুনা, ঐখোয়না ইপা ইপুদগী ফংহৌবগুম্না মখোয়শিংবু তুংগী চারোন শুরোনশিংগীদমক্তা নিংথীনা থম্লম্বা হায়বসি ঐখোয় পুম্নমক্কী থৌদাংনি” হায়না মহাক্না মখা তাখি।

পোলিতিকেল ৱিল, পব্লিক স্পেন্দিং, পার্ত্নরশিপ পব্লিক পার্তিসিপেসন অমসুং পর্সুএজন য়াওনা  মসিগুম্বা প্রোগ্রামশিংবু মায় পাকহন্নবা অমসুং প্রধান মন্ত্রী শ্রী নরেন্দ্র মোদীনা থম্লিবা 5Pগী ৱাফমগী মরু ওইববু মহাক্না অমুক্কা হন্না পনখি। ঙসিদি, চাউরাকপা য়ুনিভর্সিতী 50না MoUগী খুৎয়েক পীনরি অমসুং মসিদি শুপ্নগী মীওই 50না খুৎশম্নবা নত্তে, মসিদি ইহৌ অসিদা শরুক য়ারক্কদৌরিবা মীওই লিশিং 50না খুৎশম্নবনি হায়না মহাক্না ফোংদোকখি।

শ্রী জি. অশোক কুমারনা মরু ওইবা ৱারোল থম্লদুনা মীপুম খুদিংনা ঈশিংগী মরু ওইবা খঙই অমসুং ঐখোয়না তোঙান-তোঙানবা তেংবাংনবগী থৌওংশিং পাংথোক্লিবা অসিদি ৱাফম অসিবু পাক শন্না শন্দোকপা অমসুং ঈশিং অমসুং তুরেলগী পাউজেল্লোই ঙম্লিবমখৈ শেমগৎপনি হায়খি। “ৱাতর সেক্তরদা চঙফম থোকপা মিৎয়েং চঙবীরমদে অমসুং মখোয়শিং অসিবু শুপ্নগী ঈশিং থোকফম অমনি হায়না য়েংলম্মি। জন আন্দোলনবু জন আন্দোলন ওইহল্লসি হায়বা খোল্লাওগা লোয়ননা প্রধান মন্ত্রীনা মরী লৈনবা পান্দম থমখিবদগীদি মসিদা অহোংবা লাক্লে”, NMCGগী DGনা হায়খি। “ঈশিং ফংদবগী অৱাবা মাইয়োক্নগদৌরিবশিংদি ঐখোয়গী নহারোলগী চারোন-শুরোনশিংনি, মরম অদুনা মখোয়গী মফমদা ঈশিংবু ইকায় খুম্ননবা মৈরী চুবা য়ারে। ঐখোয়গী পুরান অমসুং নাৎকী লৌশিং কয়াদা পল্লম্বগুম্না ঐখোয়না ঈশিং অমসুং তুরেলশিংবু অমুক্কা হন্না ইকায় খুম্নবগী মথৌ তারে”, মহাক্না হায়খি।

নমামী গঙ্গে অমসুং একাদমিক ইন্সতিত্যুসনশিংগী মরক্তা তেংবাংনবগী মতাংদা লাকপদা, NMCGগী DGনা জন ভাগিদারী অসিদি ঙসিদি ‘গ্যান ভাগিদারী’গী মাইকৈদা চঙশিল্লে হায়না ফোংদোকখি। মহাক্না জল শক্তি অমসুং নহাশিংগী শক্তিগী মরক্তা লৈবা মান্নবশিং তাকখি, অনিমক অসি নিংথীনা শেন্নদ্রবদি, পামদবা থৌওংদা চৎখিগনি।

NMCGগী DGনা একাদমিয়াগী মাইকৈদগী লাক্লিবা দিগ্নিতরী অমসুং পার্তিসিপেন্তশিংবু থাগৎখি অমসুং মখোয়গী ইন্সতিত্যুসনশিংগী মহৈরোইশিংগী মরক্তা ঈশিংবু অমুক হন্না ইকায় খুম্নবগী থৌওং পুরক্নবা থবক পায়খৎপা হৌবীরো হায়জখি। জল শক্তি অভিয়ান: কেৎচ দি রেন: হ্বাইর ইত ফোল্স, হ্বেন ইত ফোল্স হায়রিবা প্রধান মন্ত্রী শ্রী নরেন্দ্র মোদীনা মালেমগী ঈশিংগী নুমিৎ 2021দা হৌদোকখিবা কেম্পেন অসিদি মীওইশিংদা ঈশিং ঙাক শেন্নবা তকশিনবগী য়াম্না ফবা থৌওং অমনি হায়না মহাক্না হায়খি। “ৱাতর হার্ভেস্তিং স্ত্রকচর মিলিয়ন 4.7 হেনববু কেম্পেন অসিগী শরুক ওইনা শাখি”, মহাক্না মখা তাখি।

নমামী গঙ্গে অসি য়ুনাইতেদ নেসন্সনা ৱর্ল্দ রেস্তোরেসন ফ্লেগশিপকী খ্বাইদগী মকোক থোংবা তরাগী মনুং চনবা অমা ওইনা শখখঙলবনি অমসুং চহি 40 কান্নরবা মতুংদা ন্যু য়োর্ক্তা লৈবা UNগী ময়াই লোইশঙদা পাংথোকখিবা UN ৱর্ল্দ ৱাতর কনফরেন্স 2023দা ভারতসু শরুক য়াখি হায়না NMCGগী DGনা হায়খি। “ঐখোয়না গঙ্গা শেংবসি ওইথোক্লোই হায়না খল্লম্বা অদুগী ওইনদি মিৎকুপ অসি য়াম্না তাঙবা মিৎকুপ অমনি, অমসুং ঈশিংগী মগুন য়াম্না ফগৎলক্লিবা অমসুং বাইওদাইবর্সিতীগী অফবা ফিভম লৈরক্লিবা, মরু ওইনা গঙ্গাগী দোলফিন, অসিনা গঙ্গা তুরেলগী মপুং ওইবা ইচেল অসিদা ঐখোয়না মায় পাকপা কয়া ফংলে হায়বগী খুদম্নি। ঐখোয়বু মালেমগী লৈবাক 170গী মনুংদগী খনগৎখি। ঐখোয়না হৌজিক মিৎয়েং চঙলিবা অসিদি গঙ্গা তুরেলগী মশাশিংদনি”।

তুরেলবু মহৌশাগী ফিভমদা অমুক হন্না পুরকপগী তোঙানবা হীরম কয়া কোন্দুনা থবক পায়খৎলিবা নমাগী গঙ্গে, স্বচ্ছ ভারত মিসন, জল জীবন মিসনগুম্বা প্রোগ্রামশিং অসি ঙসিদি মালেমগী থাক্তা শখঙনরে হায়না NMCGগী DGনা হায়খি। ভারতনা ৱাতর সেক্তরদা অহেনবা মায় পাকপা ফংনবা অমসুং চঙশিন্নবগীদমক্তা সোসিএল স্কিল, তেক্নোলোজীগী ৱারোইশিন অমসুং দেতা মেনেজমেন্ত হেন্না নিংথীনা পাংথোকপগী মথৌ তারি।  

হীরমশিং অসিগা মরী লৈনবা অমা ওইনা, য়ুনিভর্সিতীশিংগী মালেমগী ওইবা নেতৱর্ক অমা মখা তানা শেমগৎপগী মথৌ তাবগা লোয়ননা নমামী গঙ্গেবু জন আন্দলন অয়া ওইহন্নবগীদমক্তা মরু ওইবা স্তেকহোলদর ওইরিবা মহৈরোই অমসুং য়ুনিভর্সিতীশিংবু অমত্তা ওইহনখিবা পুৱারী ওইরবা নুমিৎ অমদি ঙসিনা ওইরে হায়না মহাক্না হায়খি। MoUগী খুৎয়েক পীনখিবা অসিনা অর্থ গঙ্গাগী কাঙলোনগী মখা পোনবা অকোয়বগী ফিভম অমা শেম্নবগীদমক্তা থাংজিনবা খোঙথাং অমসুং ৱাতর ক্বালিতী, ইভাইরনমেন্তেল্লী সস্তেনেবল দিভেলপমেন্তকী মতাংদা একাদমিক এক্সেলেন্স  পুরক্নবা হোৎনরিবা অসিদা তেংবাংনবগী থৌওং লৈরগনি হায়না তাক্লি। নমামী গঙ্গে মিসন অসি মায় পাকপগী নিংথীরবা ৱারী অমা ওইরিবা অসিনা মসিদগী তম্বা পারাশিং অসি লৈবাক্কী অতোপ্পা তুরেলশিং শেংবদসু শিজিন্নবা য়ারগনি হায়না মহাক্না ৱারোল লোইশিনখি।

নহাশিংনা খঙবা হেল্লিবা অমসুং সস্তেনেবল ওইবা পৃথিবীগী মরু ওইবা খঙলিবা অমসুং মখোয়দগী তম্বা য়াবা কয়া অমা লৈরিবা অসিদা নেস্নেল ৱাতর মিসনগী এদিস্নেল দাইরেক্তর অমসুং মিসন দাইরেক্তর। কুমারী অর্চনা ভর্মানা মিৎয়েং চঙখি। ঈশিং অসিদি মহৌশানা ঐখোয়দা পীবা অখন্নবা খুদোল অমনি, অদুবু মসি য়াম্না অকক্নবা রিসোর্স অমদি ওই হায়না মহাক্না হায়খি। “ঐখোয়গা ঈশিংগা য়াম্না নক্নবা মরী লৈনৈ অমসুং মসিগুম্বা মরী অদুনা মরম ওইরগা ভারতকী নাত অসিনা চহি চা কয়া য়াইফনা লৈরম্লিবনি”, মহাক্না মখা তাখি। “মালেমগী থবক 4গী মনুংদা 3দি ঈশিংগা মরী লৈনৈ, অদুনা ঈশিংনা তাঙবা হেঞ্জিল্লক্লবদি, মীয়ামগী থবক লৈতবগী শিংনবা অমসু শোইদনা লাক্কনি”, হায়না মহাক্না হায়খি। নহাশিংনা ৱাতর সেক্তরদা শরুক য়ারক্নবগীদমক্তা মরু ওইরিবা দাইলোগ অমসুং মীয়াম্না শরুক য়াবগী মতাংদা মহাক্না অহেনবা মিৎয়েং চঙখি।

 ‘কেৎচ দি রেন: হ্বেয়র ইত ফোল্স, হ্বেন ইত ফোল্স’ কেম্পেনগী য়ুম্ফম ওইখিবা ইং 2019গী প্রধান মন্ত্রী শ্রী নরেন্দ্র মোদীগী ‘মন কী বাত’কী ৱারোল অমবু মহাক্না নিংশিংখি অমসুং ঈশিং অসি হৌজিক্তি মীপুম খুদিংগী মিৎয়েং চঙবা হীরম ওইরে হায়খি। নেস্নেল ৱাতর মিসনগী পান্দম মঙা – অইং অশা হোংবগী শিংনবা হন্থহন্নবা মীয়ামদা ৱাতর দেতা ফংহনবা, মরু ওইওবা প্লেয়রশিংগা খুৎশম্নবা, খুদোংথীবা তাবা য়াবা মফমশিং খঙদোকপা, ঈশিং নিংথীনা শিজিন্নবগী মতৌ হেনগৎপা অমসুং রিভর বেসিন মেনেজমেন্তকী থবক মনুং চলহনবা অসিগী মতাংদা মহাক্না হায়খি।

ৱাতর সেক্তরদা লৈরিবা শিজিন্নদ্রিবা মতিকশিংগী কান্নবা লৌনবগীদমক্তা নহাশিংগী থবক হেন্না লৈহন্নবা অমসুং এজুকেত তৌনবগীদমক্তা ইন্দস্ত্রী অমসুং স্তার্তঅপশিংদা ইনভেস্তমেন্ত হেন্না তৌবগী মরু ওইবশিং মহাক্না পুথোকখি। “ঐখোয়গী ৱাতর সেক্তরগী ইন্সতিত্যুসন ওফ এক্সেলেন্স লৈতে। ঐখোয়গী ওদিতরসু লৈতে”, মহাক্না হায়খি অমসুং “য়ুনিভর্সিতীশিংদা ৱাতর দিপার্তমেন্ত লৈবগী মথৌ তাই। মসিনা ঈশিংনা মরু ওইবা হীরম অমা ওইগদবা গ্রোথতা য়ুম্ফম ওইবা লৈবাক্কী চাউখৎ থৌরাংগী খোঙজেল য়াঙখৎহনবদা তেংবাংগনি”, হায়না মহাক্না মখা তাখি।

ওল ইন্দিয়া কাউন্সিল ওফ তেক্নিকেল এজুকেসনগী চেয়রমেন, দাঃ তি.জি. সিতারাম্না গঙ্গানা ইন্দো-গঙ্গেতিক বেল্তকী লাইফলাইন ওইবগী মতাংদা হায়খি। “ভারত্তা ঈশিং ফংলক্তবা নত্তে, ঈশিং অসি ভারত্তা ফংলক্তবনি”, মহাক্না হায়খি। নোং য়াম্না তাবা লৈবাক ওইরিবা ভারত্তা ঈশিং য়োকশিন্দুনা থম্বগী অচৌবা শিংনবা অমা লৈ, মসিগী ৱারোইশিন অথুবা মতমদা পুরকফম থোকই। প্রধান মন্ত্রী শ্রী নরেন্দ্র মোদীগী অমৃত সরোবরগী খোল্লাও অসিদি হৌজিক্কী ফিভম অসিগী ওইনা খ্বাইদগী তঙাই ফদবা খোঙথাংনি অমসুং মসিনা ঈশিং য়োকশিন্দুনা থম্বগী কান্নবা ৱারোইশিন পুরকপা ঙমগনি হায়না মহাক্না হায়খি। কেৎচ দি রেন, রিভর রিজুভিনেসন অমসুং রেনৱাতর হার্ভেস্তিং অসি ভারতকী শেন্মিৎলোন চাউখৎপগী মথৌ তাই। নহা ওইরিবা চারোন শুরোন, মরু ওইনা মহৈরোইশিং অসিনা খোঙমী লান্মী ওইদুনা খুঙ্গংগী মফমশিংদা ঈশিং য়োকশিনবগী লৌশিং শন্দোকপা য়াগনি। “ঐখোয়না ত্রিলিয়ন দোল্লর 5কী শেন্মিৎলোন অমা পাম্লবদি, ঐখোয়গী খুঙ্গশিংনা মরোমদোম লেপচবা ঙম্বা তাই”।

MoU খুৎয়েক পীবগী থৌরম অসিদি NMCGনা য়ুনিভর্সিতীশিংগী চান্সেল্লর, ভাইস চান্সেল্লর, দীন নত্ত্রগা দিসিজন মেকরশিংগা লোয়ননা পাংথোকপা থাগী ৱেবিনার পরিং – ‘ইগ্নাইতিং দি য়ং মাইন্দঃ রিজুভিনেতিং রিভর’ অসিগী অরোইবা মহৈনি। থাগী পাংথোকপা ৱেবিনার অসিগী পান্দমদি রিভর রিজুভিনেসন, ঙাক শেনবা, লু নানবা, লৌউবগী থবক অমসুং ঈশিং অমুক্কা হন্না শিজিন্নবগী মরু ওইবশিংবু নহাশিংগী মফমদা খঙহনবনি। ৱেবিনার পরিং অসিগী মায় পাকপনা খ্বাইদগী ফবা য়ুনিভর্সিতীশিংগী একাদমিক লিদর অমসুং মহৈরোইশিংনা শরুক য়াদুনা খুন্নাইদা অফবা শাফু পীবা ঙমখি।

নমামী গঙ্গে: য়ুনিভর্সিতী কন্নেক্ত হায়রিবা থৌরম অসি নেস্নেল মিসন ফোর ক্লিন গঙ্গা (NMCG) অমসুং APAC ন্যুজ নেতৱর্ক্না নই দিল্লীদা শীনখিবনি। NMCGগী দাইরেক্তর জেনেরেল, শ্রী জি. অশোক কুমার; নেস্নেল ৱাতর মিসন (NWM)গী এদিস্নেল সেক্রেতরী অমসুং মেনেজিং দাইরেক্তর, কুমারী অর্চনা ভর্মা; ওল ইন্দিয়া কাউন্সিল ওফ তেক্নিকেল এজুকেসন (AICTE)গী চেয়রমেন, দাঃ তি.জি. সিতারাম; NMCGগী একজেক্যুতিব দাইরেক্তর (তেক্নিকেল), শ্রী দি.পি. মাথুরিয়াসু থৌরম অসিদা শরুক য়াখি। IVECA ইন্তর্নেস্নেল ভর্চুএল স্কুলিংগী ফাউন্দর অমসুং প্রসিদেন্ত কুমারী য়ুনহী জুংনা ন্যু য়োর্ক্তগী ভর্চুএল ওইনা শরুক য়াখি অমসুং ‘গ্লোবেল সিতিজনশিপ এজুকেসন ফোর ক্লিন আর্থ’কী মতাংদা প্রজেন্তেসন অমা পীখি।

*****

(Release ID: 1916136) Visitor Counter : 96