লৈবাক শীনবা থুংনা খুঙ্গংগী য়ুমথোঙশিং, খুঙ্গংগী স্কুলশিং, অঙ্গনৱাদি সেন্তরশিং, ত্রাইবেল রেসিদেন্সিএল স্কুলশিং, হেল্থ সেন্তরশিং, গ্রাম পঞ্চায়ত বিল্দিংশিংদা অফবা থক্নবা ঈশিং পীনবা রাজ্যশিংগা লোয়ন্না ভারত সরকারনা ২০১৯গী ওগস্ত থাদগী জল জিবন মিসন-হর ঘর জল পায়খৎতুনা লাক্লি। জল জিবন মিসন লাউথোকপা মতমদা য়ুমথোঙ করোর ৩.২৩(চাদা ১৭) তোতি ঈশিং শমখি। মতম অদুদগী হৌনা, খুঙ্গংগী য়ুমথোঙ করোর ৮.৪১দা তোতি  ঈশিং শম্লে। মদুগী ফল ওইনা,ঙসি খুঙ্গংগী য়ুমথোঙ করোর ১১.৬৪(চাদা ৫৯.৯)দা তোতি ঈশিং পীনবা খুদোংচাবা লৈরে। রাজ্যশিংগী খুঙ্গংগী য়ুমথোঙশিংদা তোতি ঈশিং শম্লবশিংগী মশিং মখাদা পীরে।

এপ্রিল ৪,২০২৩ ফাওবদা, লৈবাক অসিগী মী তাবা মফম লাখ ১৬.৯৬গী মনুংদা মী তাবা মফম লাখ ১৬.৭৭গী অনকপা মফমদা থক্নবা ঈশিং ফংফম লৈদুনা অপুনবা মীশিংগী চাদা ৯৯.২৫ থক্নবা ঈশিং ফংলে। 

মিসন অসিগী মখাদা, বিউরো ওফ ইন্দিয়ান স্তেন্দার্দস আই.এস:১০৫০০ অসি অফবা থক্নবা ঈশিং ফংহনবদা শীজিন্নরে। কেমিকেল অমসুং ফিজিকেল পেরামিতরশিং শীজিন্নদুনা চহি অমগী মনুংদা অমুক্তং অমসুং বেক্তোরিওলোজিকেল পেরামিতরশিং শীজিন্নদুনা চহি অমদা অনিরক ঈশিংগী মগুন চাংয়েং তৌনবা রাজ্যশিং/য়ু.তিশিংদা পাউতাক পীখ্রে।

রাজ্যশিং/য়ু.তিশিংনা ঈশিং সেম্পল চাংয়েং তৌনবা অমসুং সেম্পল লৌশিন্নবা, পাউ পীনবা, মোনিতর তৌনবা অমসুং ঈশিং ফংফম য়েংশিন্নবা ওনলাইন জল জিবন মিসন-ৱাতর ক্বালিতি মেনেজমেন্ত ইনফোর্মেসন সিস্তেম(দব্লিউ ক্বিউ এম আই এস) পোর্তেল অমা শেমগৎলে। রাজ্যশিংনা পাউ পীরকপগী মতুংইন্না, ২০২২-২৩ মনুংদা লেবশিংদা ঈশিংগী সেম্পল লাখ ৬১.০১ চাংয়েং তৌখ্রে অমসুং ফিল্দ তেস্তিং কিতশিং শীজিন্নদুনা সেম্পল লাখ ১০৩.৮১ চাংয়েং তৌখ্রে। রাজ্যশিংনা ঈশিং চাংয়েং তৌবগী পাউদমশিং মখাগী অসিদা য়েংবা য়াগনি।

https://ejalshakti.gov.in/WQMIS/Main/report

রাজ্যশিং/য়ু.তিগী রিপোর্ত মতুংইন্না, লৈবাক অসিদা ঈশিং চাংয়েং তৌনবা লেব ২,০৭৮ লৈরে। অফবা থক্নবা ঈশিং ফংহন্নবা ঈশিং চাংয়েং তৌবা পুক্নিং থৌগৎনবা মীয়াম্না মখোয়গী সেম্পলশিং মমল হোংনা চাংয়েং তৌনবা মীয়ামগীদমক ঈশিং চাংয়েং তৌনবা লেবশিং হাংদোক্লে।

ঈশিং চাংয়েং তৌনবা খুঙ্গং অমগী নুপী ৫ মশক খঙদোক্নবা অমসুং ত্রেনিং পীনবা রাজ্যশিংদা খঙহনখ্রে। চাংয়েংদগী ফংলকপা রিপোর্ত অদু দব্লিউ.ক্বিউ.এম.আই.এস পোর্তেলদা পীগনি। হৌজিক ফাওবদা রাজ্যশিংনা নুপী লাখ ২১.৪৫ ত্রেনিং পীখ্রে।

মখোয়গী থক্নবা অমসুং থোঙ-থাক্নবা দরকার ওইবা ঈশিং ফংনবা নোংমদা য়ুমথোঙ অমগী মীওই অমদা লিতর ৮-১০ ফাওবা পীনবা মরুওইনা আর্সেনিক অমসুং ফ্লুওরাইদনা শোকহল্লবা মফমশিংদা কম্মুনিতি ৱাতর পুরিফিকেসন প্লান্তস(সি দব্লিউ পি পি) লিংখৎনবা রাজ্যশিংদা পাউতাক পীখ্রে।

ৱাফম অসি ঙসি লোক সভাদা অইবা ওইনা পীবা পাউখুম অমদা জল শক্তিগী রাজ্য মন্ত্রী শ্রী প্রাহলাদ সিংহ পতেলনা ফোঙদোকখিবনি।

*****

রাজ্য/য়ু.তিদা খুঙ্গংগী য়ুমথোঙশিংদা তোতি ঈশিং শম্বগী মশিং

(০৪.০৪.২০২৩ ফাওবদা লৈখিবা)

(মশিং লাখ)

 

*****

(Release ID: 1914441) Visitor Counter : 109