ਕੇਂਦਰੀ ਨਵੀਂ ਅਤੇ ਅਖੁੱਟ ਊਰਜਾ ਮੰਤਰਾਲਾ, ਖਣਨ ਮੰਤਰਾਲਾ ਅਤੇ ਬਿਜਲੀ ਮੰਤਰਾਲੇ ਨੇ ਅੱਜ (03 ਅਪ੍ਰੈਲ 2023) ਗਾਂਧੀਨਗਰ, ਗੁਜਰਾਤ ਵਿੱਚ ਭਾਰਤ ਦੀ ਜੀ-20 ਦੀ ਪ੍ਰਧਾਨਗੀ ਹੇਠ ਦੂਜੇ ਊਰਜਾ ਵੰਡ ਕਾਰਜ ਸਮੂਹ ਦੀ ਮੀਟਿੰਗ ਦੇ ਹਿੱਸੇ ਵਜੋਂ ਊਰਜਾ ਵੰਡ ਪ੍ਰੋਗਰਾਮ ਨੂੰ ਅੱਗੇ ਵਧਾਉਣ ਲਈ ਅਖੁੱਟ ਊਰਜਾ ਅਤੇ ਮਹੱਤਵਪੂਰਨ ਖਣਿਜ ਸਪਲਾਈ ਲੜੀ' ਵਿਸ਼ੇ 'ਤੇ ਇੱਕ ਅਧਿਕਾਰਤ ਸਮਾਗਮ ਦਾ ਆਯੋਜਨ ਕੀਤਾ। ਇਹ ਸਮਾਗਮ ਊਰਜਾ, ਵਾਤਾਵਰਣ ਅਤੇ ਜਲ ਪ੍ਰੀਸ਼ਦ (ਸੀਈਈਡਬਲਿਯੂ) ਅਤੇ ਏਸ਼ੀਅਨ ਵਿਕਾਸ ਬੈਂਕ (ਏਡੀਬੀ) ਦੇ ਸਹਿਯੋਗ ਨਾਲ ਆਯੋਜਿਤ ਕੀਤਾ ਗਿਆ ਸੀ।

ਸ਼੍ਰੀ ਭੁਪਿੰਦਰ ਸਿੰਘ ਭੱਲਾ, ਸਕੱਤਰ, ਨਵੀਂ ਅਤੇ ਅਖੁੱਟ ਊਰਜਾ ਮੰਤਰਾਲੇ (ਐੱਮਐੱਨਆਰਈ), ਭਾਰਤ ਸਰਕਾਰ ਨੇ ਆਪਣੇ ਮੁੱਖ ਭਾਸ਼ਣ ਵਿੱਚ ਕਿਹਾ, “ਭਾਰਤ, ਆਪਣੀ ਜੀ-20 ਪ੍ਰਧਾਨਗੀ ਦੇ ਤਹਿਤ ਨੇਤਾਵਾਂ, ਮਾਹਿਰਾਂ, ਸਰਕਾਰੀ ਅਧਿਕਾਰੀਆਂ, ਫਾਇਨਾਂਸਰਾਂ ਅਤੇ ਹੋਰਾਂ ਨੂੰ ਇੱਕ ਮੰਚ 'ਤੇ ਇਕੱਠਾ ਕਰਦਿਆਂ ਮਾਣ ਮਹਿਸੂਸ ਕਰਦਾ ਹੈ, ਜਿਸ ਨਾਲ ਵਿਭਿੰਨ ਸਪਲਾਈ ਲੜੀ ਅਤੇ ਨਿਰਮਾਣ ਅਧਾਰ ਰਾਹੀਂ ਸਵੱਛ ਊਰਜਾ ਦੀ ਲਾਗਤ-ਪ੍ਰਭਾਵਸ਼ਾਲੀ ਅਤੇ ਜੋਖਮ-ਮੁਕਤ ਸਕੇਲ-ਅੱਪ ਦੀ ਮਹੱਤਵਪੂਰਨ ਲੋੜ ਵੱਲ ਧਿਆਨ ਦਿੱਤਾ ਜਾ ਸਕੇ। ਉਨ੍ਹਾਂ ਕਿਹਾ "ਸਾਨੂੰ ਉਮੀਦ ਹੈ ਕਿ ਅੱਜ ਦੇ ਵਿਚਾਰ-ਵਟਾਂਦਰੇ ਉਨ੍ਹਾਂ ਸਮੂਹਿਕ ਤਬਦੀਲੀਆਂ ਦੀ ਪਛਾਣ ਕਰਨ ਵਿੱਚ ਮਦਦ ਕਰਨਗੇ, ਜੋ ਵਿਸ਼ਵ ਨੂੰ ਤੇਜ਼ੀ ਨਾਲ ਅਖੁੱਟ ਊਰਜਾ ਦੇ ਵਿਸਥਾਰ ਦੇ ਮਾਰਗ 'ਤੇ ਲੈ ਜਾਣਗੇ, ਊਰਜਾ ਸੁਰੱਖਿਆ, ਕਿਫਾਇਤੀ ਅਤੇ ਸਾਡੇ ਲੋਕਾਂ ਤੱਕ ਪਹੁੰਚ ਨੂੰ ਯਕੀਨੀ ਬਣਾਉਣ ਦੇ ਨਾਲ-ਨਾਲ ਜੀਵਨ ਦੀ ਬਿਹਤਰ ਗੁਣਵੱਤਾ ਨੂੰ ਯਕੀਨੀ ਬਣਾਉਣਗੇ।"

ਖਣਨ ਮੰਤਰਾਲੇ ਦੇ ਸਕੱਤਰ ਸ਼੍ਰੀ ਵਿਵੇਕ ਭਾਰਦਵਾਜ ਨੇ ਆਪਣੇ ਮੁੱਖ ਭਾਸ਼ਣ ਵਿੱਚ ਕਿਹਾ ਕਿ ਜ਼ਿਆਦਾਤਰ ਮਹੱਤਵਪੂਰਨ ਖਣਿਜ ਭੰਡਾਰ 15 ਦੇਸ਼ਾਂ ਕੋਲ ਹਨ। ਉਨ੍ਹਾਂ ਕਿਹਾ, “ਮਨੁੱਖਤਾ ਨੇ ਬਹੁਤ ਸਾਰੇ ਸੰਕਟਾਂ ਦਾ ਸਾਹਮਣਾ ਕੀਤਾ ਹੈ - ਭਾਵੇਂ ਇਹ ਓਜ਼ੋਨ ਪਰਤ ਦਾ ਖੁਰਨਾ ਹੋਵੇ, ਕੋਵਿਡ ਮਹਾਮਾਰੀ ਜਾਂ 1970 ਦੇ ਦਹਾਕੇ ਦਾ ਊਰਜਾ ਸੰਕਟ। ਮੈਨੂੰ ਯਕੀਨ ਹੈ ਕਿ ਅਸੀਂ ਖਣਿਜਾਂ ਦੀ ਮਹੱਤਤਾ ਨੂੰ ਵੀ ਸਮਝ ਸਕਾਂਗੇ ਅਤੇ ਭਾਰਤ ਸਰਕਾਰ ਦੇਸ਼ ਨੂੰ ਸੁਰੱਖਿਅਤ ਬਣਾਉਣ ਲਈ ਕੰਮ ਕਰ ਰਹੀ ਹੈ।"

ਸ਼੍ਰੀ ਭੁਪਿੰਦਰ ਸਿੰਘ ਭੱਲਾ, ਸਕੱਤਰ, ਐੱਮਐੱਨਆਰਈ, 3 ਅਪ੍ਰੈਲ 2023 ਨੂੰ ਗਾਂਧੀਨਗਰ, ਗੁਜਰਾਤ ਵਿੱਚ ਦੂਜੇ ਊਰਜਾ ਵੰਡ ਕਾਰਜ ਸਮੂਹ ਦੀ ਮੀਟਿੰਗ ਦੇ ਹਿੱਸੇ ਵਜੋਂ ਊਰਜਾ ਵੰਡ ਪ੍ਰੋਗਰਾਮ ਨੂੰ ਅੱਗੇ ਵਧਾਉਣ ਲਈ ਅਖੁੱਟ ਊਰਜਾ ਅਤੇ ਮਹੱਤਵਪੂਰਨ ਖਣਿਜ ਸਪਲਾਈ ਲੜੀ' ਵਿਸ਼ੇ 'ਤੇ ਇੱਕ ਅਧਿਕਾਰਤ ਸਮਾਗਮ ਵਿੱਚ ਮੁੱਖ ਭਾਸ਼ਣ ਦਿੰਦੇ ਹੋਏ।

ਸ਼੍ਰੀ ਵਿਵੇਕ ਭਾਰਦਵਾਜ, ਖਣਨ ਮੰਤਰਾਲੇ ਦੇ ਸਕੱਤਰ, 3 ਅਪ੍ਰੈਲ 2023 ਨੂੰ ਗਾਂਧੀਨਗਰ, ਗੁਜਰਾਤ ਵਿੱਚ, ਦੂਜੇ ਊਰਜਾ ਵੰਡ ਕਾਰਜ ਸਮੂਹ ਦੀ ਮੀਟਿੰਗ ਦੇ ਹਿੱਸੇ ਵਜੋਂ ਊਰਜਾ ਵੰਡ ਪ੍ਰੋਗਰਾਮ ਨੂੰ ਅੱਗੇ ਵਧਾਉਣ ਲਈ ਅਖੁੱਟ ਊਰਜਾ ਅਤੇ ਮਹੱਤਵਪੂਰਨ ਖਣਿਜ ਸਪਲਾਈ ਲੜੀ' ਵਿਸ਼ੇ 'ਤੇ ਇੱਕ ਅਧਿਕਾਰਤ ਸਮਾਗਮ ਵਿੱਚ ਮੁੱਖ ਭਾਸ਼ਣ ਦਿੰਦੇ ਹੋਏ।

ਸੀਈਈਡਬਲਿਊ ਦੀ 'ਆਲਮੀ ਸਵੱਛ ਊਰਜਾ ਵੰਡ ਲਈ ਲਚਕੀਲੀ ਅਖੁੱਟ ਊਰਜਾ ਪੂਰਤੀ ਲੜੀਆਂ ਦਾ ਵਿਕਾਸ' ਅਤੇ ਸੀਈਈਡਬਲਿਊ, ਆਈਈਏ, ਆਈਟੀਐੱਸ ਯੂਸੀ ਡੇਵਿਸ ਅਤੇ ਡਬਲਿਊਆਰਆਈਆਈ ਦੀ ਮਹੱਤਵਪੂਰਨ ਖਣਿਜਾਂ ਦੀ ਪੂਰਤੀ ਵਿੱਚ ਅਤਿਸੰਵੇਦਨਸ਼ੀਲਤਾ ਦਾ ਸਾਹਮਣਾ ਕਰਨਾ' ਵਾਲੀ ਰਿਪੋਰਟ ਅਧਿਕਾਰਤ ਪ੍ਰੋਗਰਾਮ ਵਿੱਚ ਜਾਰੀ, 'ਊਰਜਾ ਵੰਡ ਪ੍ਰੋਗਰਾਮ ਨੂੰ ਅੱਗੇ ਵਧਾਉਣ ਲਈ ਅਖੁੱਟ ਊਰਜਾ ਅਤੇ ਮਹੱਤਵਪੂਰਨ ਖਣਿਜ ਪੂਰਤੀ ਲੜੀਆਂ ਵਿੱਚ ਵਿਭਿੰਨਤਾ ਲਿਆਉਣਾ', ਭਾਰਤ ਦੀ ਜੀ-20 ਪ੍ਰਧਾਨਗੀ ਤਹਿਤ ਈਟੀਡਬਲਿਊਜੀ ਦੀ ਦੂਜੀ ਬੈਠਕ, 03 ਅਪ੍ਰੈਲ 2023 ਨੂੰ ਗਾਂਧੀਨਗਰ, ਗੁਜਰਾਤ ਵਿੱਚ ਆਯੋਜਿਤ

ਸ਼੍ਰੀਮਤੀ ਮਮਤਾ ਵਰਮਾ, ਪ੍ਰਮੁੱਖ ਸਕੱਤਰ, ਊਰਜਾ ਅਤੇ ਪੈਟਰੋ ਕੈਮੀਕਲਜ਼, ਗੁਜਰਾਤ ਸਰਕਾਰ ਨੇ ਭਾਰਤ ਦੇ ਅਖੁੱਟ ਊਰਜਾ ਟੀਚਿਆਂ ਨੂੰ ਪੂਰਾ ਕਰਨ ਵਿੱਚ ਗੁਜਰਾਤ ਦੀ ਭੂਮਿਕਾ ਬਾਰੇ ਗੱਲ ਕੀਤੀ। ਉਨ੍ਹਾਂ ਕਿਹਾ, “ਗੁਜਰਾਤ ਆਪਣੀਆਂ ਅਖੁੱਟ ਊਰਜਾ ਨੀਤੀਆਂ ਅਤੇ ਨਿਰਮਾਣ ਸਮਰੱਥਾ ਵਧਾਉਣ ਵਿੱਚ ਬਹੁਤ ਉਤਸ਼ਾਹੀ ਰਿਹਾ ਹੈ। ਉਨ੍ਹਾਂ ਕਿਹਾ, "ਸਾਨੂੰ ਸਪਲਾਈ ਲੜੀ ਨੂੰ ਮਜ਼ਬੂਤ ​​ਕਰਨ, ਖੋਜ ਅਤੇ ਵਿਕਾਸ ਵਿਧੀ ਨੂੰ ਮਜ਼ਬੂਤ ​​ਬਣਾਉਣ ਅਤੇ ਨਿਰਮਾਣ ਹੱਬ ਸਥਾਪਤ ਕਰਨ ਲਈ ਹੋਰ ਅਖੁੱਟ ਊਰਜਾ ਪਾਰਕਾਂ ਨੂੰ ਮਜ਼ਬੂਤ ​​ਕਰਨ ਲਈ ਇੱਕ ਵਧੀਆ ਬੁਨਿਆਦੀ ਢਾਂਚਾ ਵਿਕਸਤ ਕਰਨ ਦੀ ਲੋੜ ਹੈ।”

ਊਰਜਾ ਵੰਡ ਕਾਰਜ ਸਮੂਹ ਦੇ ਚੇਅਰਮੈਨ, ਬਿਜਲੀ ਮੰਤਰਾਲੇ ਦੇ ਸਕੱਤਰ ਸ਼੍ਰੀ ਆਲੋਕ ਕੁਮਾਰ ਨੇ ਕਿਹਾ ਕਿ ਊਰਜਾ ਵੰਡ ਕਾਰਜ ਸਮੂਹ ਦੀਆਂ ਹਾਲੀਆ ਮੀਟਿੰਗਾਂ ਵਿੱਚ ਇਸ ਗੱਲ 'ਤੇ ਆਮ ਸਹਿਮਤੀ ਬਣੀ ਹੈ ਕਿ ਅਖੁੱਟ ਊਰਜਾ ਨੈੱਟ-ਜ਼ੀਰੋ ਤੱਕ ਪਹੁੰਚਣ ਵਿੱਚ ਅਹਿਮ ਭੂਮਿਕਾ ਨਿਭਾਏਗੀ ਅਤੇ ਪਹੁੰਚਯੋਗ ਸਪਲਾਈ ਲੜੀ ਮਹੱਤਵਪੂਰਨ ਹੋਵੇਗੀ। ਉਨ੍ਹਾਂ ਕਿਹਾ, "ਭਾਰਤ ਜਿੰਨੇ ਵੱਡੇ ਦੇਸ਼ ਲਈ, ਸਪਲਾਈ ਲੜੀ ਨੂੰ ਵਿਭਿੰਨ ਬਣਾਉਣ ਦਾ ਮਤਲਬ ਹੈ ਬਹੁਤ ਜ਼ਿਆਦਾ ਸਥਾਨਕ ਨਿਰਮਾਣ ਹੈ, ਜਿਸ ਨਾਲ ਗ੍ਰੀਨ ਰੋਜ਼ਗਾਰ ਦੇ ਮੌਕੇ ਪੈਦਾ ਹੋਣਗੇ। ਇੱਕ ਸਰਕੂਲਰ ਆਰਥਿਕਤਾ ਅਤੇ ਬੈਟਰੀ ਸਟੋਰੇਜ ਲਈ ਵਿਕਲਪਿਕ ਤਕਨੀਕਾਂ ਵੀ ਮਹੱਤਵਪੂਰਨ ਹੋਣਗੀਆਂ।

ਡਾ. ਅਰੁਣਾਭ ਘੋਸ਼, ਸੀਈਓ, ਸੀਈਈਡਬਲਿਊ ਨੇ ਜ਼ੋਰ ਦਿੱਤਾ ਕਿ ਅਖੁੱਟ ਊਰਜਾ ਦੀ ਇੱਕ ਤੇਜ਼, ਲਚਕਦਾਰ ਅਤੇ ਸੰਮਲਿਤ ਸਪੁਰਦਗੀ ਤਾਂ ਹੀ ਸੰਭਵ ਹੋਵੇਗੀ ਜੇਕਰ ਦੇਸ਼ ਕੋਲ ਪ੍ਰਮੁੱਖ ਤਕਨਾਲੋਜੀਆਂ ਦੀ ਨਿਰਵਿਘਨ ਅਤੇ ਕਿਫਾਇਤੀ ਸਪਲਾਈ ਲੜੀਆਂ ਤੱਕ ਪਹੁੰਚ ਹੋਵੇ। ਉਨ੍ਹਾਂ ਕਿਹਾ, "ਭਾਰਤ ਆਪਣੀ ਜੀ-20 ਪ੍ਰਧਾਨਗੀ ਰਾਹੀਂ ਵਿਸਤਾਰ ਅਤੇ ਵਿਭਿੰਨਤਾ ਦੀਆਂ ਰਣਨੀਤੀਆਂ ਨੂੰ ਉਤਸ਼ਾਹਿਤ ਕਰਨ ਅਤੇ ਵਪਾਰਕ ਮੁਕਾਬਲੇ ਨੂੰ ਉਤਸ਼ਾਹਿਤ ਕਰਨ ਲਈ ਆਲਮੀ ਅਖੁੱਟ ਊਰਜਾ ਨਿਰਮਾਣ ਸਮਰੱਥਾ ਅਤੇ ਵਪਾਰ ਪ੍ਰਵਾਹ ਦੀ ਵਿਆਪਕ ਟਰੈਕਿੰਗ ਨੂੰ ਉਤਸ਼ਾਹਿਤ ਕਰ ਸਕਦਾ ਹੈ।"

ਇਸ ਸਮਾਗਮ ਵਿੱਚ ਉਦਯੋਗ, ਅਕਾਦਮਿਕਤਾ ਅਤੇ ਨੀਤੀ-ਨਿਰਮਾਣ ਦੇ ਪ੍ਰਮੁੱਖ ਮਾਹਿਰਾਂ ਨੂੰ ਸ਼ਾਮਲ ਕਰਨ ਵਾਲੀਆਂ ਦੋ ਰਿਪੋਰਟਾਂ ਜਾਰੀ ਕੀਤੀਆਂ ਗਈਆਂ, ਇੱਕ ਸੀਈਈਡਬਲਿਊ 'ਆਲਮੀ ਸਵੱਛ ਊਰਜਾ ਵੰਡ ਲਈ ਲਚਕੀਲੀ ਅਖੁੱਟ ਊਰਜਾ ਪੂਰਤੀ ਲੜੀਆਂ ਦਾ ਵਿਕਾਸ' ਅਤੇ ਦੂਜੀ ਸੀਈਈਡਬਲਿਊ, ਆਈਈਏ, ਆਈਟੀਐੱਸ ਯੂਸੀ ਡੇਵਿਸ ਅਤੇ ਡਬਲਿਊਆਰਆਈਆਈ ਦੀ ਮਹੱਤਵਪੂਰਨ ਖਣਿਜਾਂ ਦੀ ਪੂਰਤੀ ਵਿੱਚ ਅਤਿਸੰਵੇਦਨਸ਼ੀਲਤਾ ਦਾ ਸਾਹਮਣਾ ਕਰਨਾ' ਸ਼ਾਮਿਲ ਹੈ। ਇਸ ਨੇ ਅਖੁੱਟ ਊਰਜਾ ਸਪਲਾਈ ਲੜੀਆਂ ਨੂੰ ਸੁਰੱਖਿਅਤ ਕਰਨ ਅਤੇ ਉਤਪਾਦਨ ਨੂੰ ਵਧਾ ਕੇ ਅਤੇ ਚੱਕਰੀ ਵਿਸਤਾਰ ਨੂੰ ਸ਼ਾਮਲ ਕਰਕੇ ਖਣਿਜ ਮੁੱਲ ਲੜੀ ਨੂੰ ਮਜ਼ਬੂਤ ​​ਕਰਨ 'ਤੇ ਦੋ ਪੈਨਲ ਵਿਚਾਰ-ਵਟਾਂਦਰੇ ਵੀ ਕੀਤੇ।

ਪੈਨਲ 1: ਅਖੁੱਟ ਊਰਜਾ ਸਪਲਾਈ ਲੜੀਆਂ ਨੂੰ ਸੁਰੱਖਿਅਤ ਕਰਨਾ (ਖੱਬੇ ਤੋਂ ਸੱਜੇ: ਅਰੁਣਾਭ ਘੋਸ਼, ਸੀਈਓ, ਸੀਈਈਡਬਲਿਯੂ, ਡਾ. ਵੀ ਅੰਬੂਮੋਜ਼ੀ, ਨਿਦੇਸ਼ਕ, ਖੋਜ ਰਣਨੀਤੀ ਅਤੇ ਨਵੀਨਤਾ, ਈਆਰਆਈਏ, ਸ਼੍ਰੀ ਭੁਪਿੰਦਰ ਸਿੰਘ ਭੱਲਾ, ਸਕੱਤਰ, ਐੱਮਐੱਨਆਰਈ, ਡਾ. ਅਜੈ ਮਾਥੁਰ, ਡਾਇਰੈਕਟਰ ਜਨਰਲ, ਆਈਐੱਸਏ, ਡਾ. ਬ੍ਰਾਇਨ ਮਦਰਵੇ, ਮੁਖੀ, ਊਰਜਾ ਕੁਸ਼ਲਤਾ ਡਿਵੀਜ਼ਨ, ਆਈਈਏ ਅਤੇ ਡਾ. ਪ੍ਰਦੀਪ ਥਾਰਕਨ, ਡਾਇਰੈਕਟਰ, ਊਰਜਾ ਵੰਡ, ਏਡੀਬੀ)

ਪੈਨਲ 2: ਉਤਪਾਦਨ ਵਧਾ ਕੇ ਖਣਿਜ ਮੁੱਲ ਲੜੀ ਨੂੰ ਮਜ਼ਬੂਤ ​​ਕਰਨਾ (ਖੱਬੇ ਤੋਂ ਸੱਜੇ) : ਰਿਸ਼ਭ ਜੈਨ, ਸੀਈਈਡਬਲਿਊ, ਆਰਆਰ ਮਿਸ਼ਰਾ, ਸਹਿ-ਚੇਅਰਮੈਨ, ਸੀਆਈਆਈ ਨੈਸ਼ਨਲ ਕਮੇਟੀ ਔਨ ਪਾਵਰ ਅਤੇ ਐੱਮਡੀ, ਅਪਰਾਓ ਐਨਰਜੀ ਲਿਮਿਟਡ, ਵਿਵੇਕ ਭਾਰਦਵਾਜ, ਸਕੱਤਰ, ਖਣਨ ਮੰਤਰਾਲਾ, ਗੌਰੀ ਸਿੰਘ, ਡਿਪਟੀ ਡਾਇਰੈਕਟਰ ਜਨਰਲ, ਆਈਆਰਈਐੱਨਏ, ਰਾਜਰਸ਼ੀ ਗੁਪਤਾ, ਮੈਨੇਜਿੰਗ ਡਾਇਰੈਕਟਰ, ਓਐੱਨਜੀਸੀ ਵਿਦੇਸ਼ ਲਿਮਟਿਡ, ਮਯੰਕ ਚੌਧਰੀ, ਦੱਖਣੀ ਏਸ਼ੀਆ ਲਈ ਯੂਨਿਟ ਹੈੱਡ, ਪ੍ਰਾਈਵੇਟ ਸੈਕਟਰ ਸੰਚਾਲਨ, ਏਡੀਬੀ)

ਸਮਾਗਮ ਦੀ ਸਮਾਪਤੀ ਡਾ. ਵੀਨਾ ਕੁਮਾਰੀ, ਸੰਯੁਕਤ ਸਕੱਤਰ, ਖਣਨ ਮੰਤਰਾਲਾ ਅਤੇ ਸ਼੍ਰੀ ਦਿਨੇਸ਼ ਡੀ ਜਗਦਲੇ, ਸੰਯੁਕਤ ਸਕੱਤਰ, ਨਵੀਂ ਅਤੇ ਅਖੁੱਟ ਊਰਜਾ ਮੰਤਰਾਲਾ ਨੇ ਕੀਤੀ, ਜਿਨ੍ਹਾਂ ਨੇ ਅੱਗੇ ਵਧਣ ਦੇ ਰਾਹ, ਸਰੋਤਾਂ ਦੀ ਸਾਵਧਾਨੀ ਨਾਲ ਵਰਤੋਂ, ਲਚਕੀਲੀ ਸਪਲਾਈ ਚੇਨ ਅਤੇ ਅਖੁੱਟ ਊਰਜਾ ਟੀਚਿਆਂ ਨੂੰ ਪੂਰਾ ਕਰਨ ਲਈ ਲੋੜੀਂਦੀਆਂ ਤਕਨਾਲੋਜੀਆਂ ਨੂੰ ਯਕੀਨੀ ਬਣਾਉਣ 'ਤੇ ਗੱਲਬਾਤ ਕੀਤੀ।

 

ਸਮਾਗਮ ਨੂੰ ਸੰਬੋਧਨ ਕਰਨ ਵਾਲੇ ਪਤਵੰਤਿਆਂ ਵਿੱਚ ਸ੍ਰੀ ਕੇਨੀਚੀ ਯੋਕੋਯਾਮਾ, ਡਾਇਰੈਕਟਰ ਜਨਰਲ, ਦੱਖਣੀ ਏਸ਼ੀਆ ਖੇਤਰੀ ਵਿਭਾਗ, ਏਸ਼ੀਅਨ ਵਿਕਾਸ ਬੈਂਕ (ਏਡੀਬੀ), ਡਾ. ਬ੍ਰਾਇਨ ਮਦਰਵੇ, ਮੁਖੀ, ਊਰਜਾ ਕੁਸ਼ਲਤਾ ਵਿਭਾਗ, ਅੰਤਰਰਾਸ਼ਟਰੀ ਊਰਜਾ ਏਜੰਸੀ (ਆਈਈਏ), ਡਾ. ਅਜੇ ਮਾਥੁਰ, ਡਾਇਰੈਕਟਰ ਜਨਰਲ, ਇੰਟਰਨੈਸ਼ਨਲ ਸੋਲਰ ਅਲਾਇੰਸ( ਆਈਐੱਸਏ), ਰਿਸ਼ਭ ਜੈਨ, ਸੀਨੀਅਰ ਪ੍ਰੋਗਰਾਮ ਲੀਡ, ਸੀਈਈਡਬਲਿਊ, ਸ਼੍ਰੀਮਤੀ ਗੌਰੀ ਸਿੰਘ, ਡਿਪਟੀ ਡਾਇਰੈਕਟਰ ਜਨਰਲ, ਆਈਆਰਈਐੱਨਏ, ਸ਼੍ਰੀ ਰਾਜਰਸ਼ੀ ਗੁਪਤਾ, ਮੈਨੇਜਿੰਗ ਡਾਇਰੈਕਟਰ, ਓਐੱਨਜੀਸੀ ਵਿਦੇਸ਼ ਲਿਮਿਟਡ, ਸ਼੍ਰੀ ਰਾਜੀਵ ਰੰਜਨ ਮਿਸ਼ਰਾ, ਸਹਿ-ਚੇਅਰਮੈਨ, ਸੀਆਈਆਈ ਨੈਸ਼ਨਲ ਕਮੇਟੀ ਔਨ ਪਾਵਰ ਅਤੇ ਪ੍ਰਬੰਧ ਨਿਦੇਸ਼ਕ, ਅਪਰਾਓ ਐਨਰਜੀ ਲਿਮਿਟਡ, ਮਯੰਕ ਚੌਧਰੀ, ਯੂਨਿਟ ਹੈੱਡ, ਦੱਖਣੀ ਏਸ਼ੀਆ ਲਈ ਪ੍ਰਾਈਵੇਟ ਸੈਕਟਰ ਸੰਚਾਲਨ, ਏਡੀਬੀ, ਡਾ. ਵੀ ਅੰਬੂਮੋਜ਼ੀ, ਆਸੀਆਨ ਅਤੇ ਪੂਰਬ ਲਈ ਖੋਜ ਰਣਨੀਤੀ ਅਤੇ ਨਵੀਨਤਾ ਨਿਦੇਸ਼ਕ ਏਸ਼ੀਆ (ਈਆਰਆਈਏ), ਆਰਥਿਕ ਖੋਜ ਸੰਸਥਾ ਅਤੇ ਡਾ. ਪ੍ਰਦੀਪ ਥਾਰਕਨ, ਡਾਇਰੈਕਟਰ, ਊਰਜਾ ਵੰਡ, ਏਡੀਬੀ ਸ਼ਾਮਲ ਸਨ।

*****

ਏਐੱਲ/ਏਕੇਐੱਨ/ਆਰਕੇਪੀ

(Release ID: 1914284) Visitor Counter : 134