কমর্স অমসুং ইন্দস্ত্রী মন্ত্রালয়
নাগালেন্দগী কোহিমানা এপ্রিল ৪-৬, ২০২৩দা নোর্থইস্ত রিজনগী মরিশুবা বি২০ কনফরেন্স য়ুম্বু ওইগদৌরি
Posted On:
03 APR 2023 5:04PM by PIB Imphal
বিজিনেস কম্ম্যুনিতীশিংগী মরক্তা পার্তনরশিপশিং থীদোক্নবা কনফেদরেসন ওফ ইন্দিয়ন ইন্দস্ত্রীজ (সি.আই.আই.), দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ (দি.পি.আই.আই.তি.), মপাল থৌরম মন্ত্রালয় অমসুং অৱাং নোংপোক থংবা রাজ্য সরকারশিংগা লোয়ননা খুৎশম্নদুনা ভারতকী জি২০ প্রসিদেন্সীগী মখাদা ভারতকী অৱাং নোংপোক লমদমদা বি২০ কনফরেন্স পাঙথোক্লি। কনফরেন্স অসিনা অৱাং নোংপোক্তা শেন্মীৎলোনগী মরু ওইবা সেক্তরশিং শেমগৎপদা মতেং পাংগনি অমসুং শেন্মীৎলোনগী শাহৌ লৈহনগনি।
বি২০ অসি গ্লোবেল বিজিনেস কম্ম্যুনিতী মশক তাক্লি ওফিসিএল জি২০ দাইলোগ ফোরমনি। মসি কম্পনীশিং অমসুং বিজিনেস ওর্গনাইজেসনশিংনা শরুক য়ারিবা জি২০গী খ্বাইদগী মরু ওইবা এঙ্গেজমেন্ত গ্রুপশিংগী মরক্তা অমা ওইরি।
লমদম অসিগী অচৌবা পোতেন্সিএল অমসুং খুদোংচাবশিং উৎনবা লমদম অসিদা কনফরেন্স মরি পাঙথোক্নবা থৌরাং তৌখিবগা লোয়ননা ভারতকী অৱাং নোংপোক লমদম অসি বি২০ ইন্দিয়া ইনিসিএতিবশিংনা মরু ওইবা মীৎয়েং চংখি। অহানবগী কনফরেন্স অহুম অসি ইম্ফাল, আইজোল অমসুং গেংতোক্তা অৱাং নোংপোক্কী অনতেপ পোতেন্সিএলশিং উৎথোক্নবা পান্দমগা লোয়ননা মাইপাক্না পাঙথোকখি।
এপ্রিল ৪-৬, ২০২৩দা নাগালেন্দগী কোহিমাদা পাঙথোক্কদবা কমফরেন্স অসিগী মপুং ওইবা থিম অসি লৌউ-শিংউ অমসুং ফুদ প্রোসেসিং, তুরিজম অমসুং ইনফোর্মেসন তেক্নোলোজীদা লৈরিবা মলতিলেতরেল বিজিনেস পার্তনরশিপশিংগী খুদোংচাবশিংনা ওইরি। থিম অসিদা বিজিনেস তু বিজিনেস (বি২বি) অমসুং বিজিনেস তু গভর্নমেন্ত (বি২জি) মীফমশিংগা লোয়ননা কনফরেন্স অসিদা ৱা ঙাংগনি অমসুং প্লেনরী সেসনশিং পাঙথোক্কনি। রাজ্যগী লৈঙাক্না ইনভেস্তমেন্ত তৌবগী খুদোংচাবশিং উৎপগা লোয়নন লমশিং অসিগী মরু ওইবা দিবেলপমেন্ত অমসুং এক্তিবিতীশিংদা মীৎয়েং চংহনগনি।
নুমিৎ হুমনিগী কনফরেন্সকী অহানবা নুমিৎতা দেলিগেৎশিংনা থুংবগা কেপিতেল কলচরেল হোলদা নুমিদাংগী চাকলেন অমসুং কলচরেল প্রোগ্রাম অমা পাঙথোক্কনি। নিনি শুবা নুমিৎতা বি২০ কনফরেন্স পাঙথোক্কনি মরুংদা বি২বি অমসুং বি২জি মীফমশিংসু পাঙথোক্কনি। রাজ্য সরকারনা এক্সকর্সনশিং অমসুং সাইৎ বিজিৎশিংসু শিল্লি। মসিদা মিনি-হোর্নবিল ফেস্তিবেলগী তুর, দবল্যু.দবল্যু.II ম্যুজিয়মদা এক্সকর্সন অমসুং হেরিতেজ ভিলেজ, কিসামা ভিলেজতা চৎপা য়াওরি। অহুমশুবা নুমিৎতা কোহিমা ৱার সিমিত্রীদা ত্রিপ অমা চৎতুনা লোইশিনগনি অমসুং শরুক য়ারিবশিংনা কোহিমা থাদোক্তুনা চৎখিগনি।
******
(Release ID: 1913455)
Visitor Counter : 167