پردھان منتری  جیون جیوتی بیمہ یوجنا (پی ایم جی جے بی وائی) اور پردھان منتری سورکشا بیمہ یوجنا (پی ایم ایس بی وائی) کے تحت  نقطہ عروج کے حصول کے لئے ، 01.04.2023 سے 30.06.2023 تک  وزارت خزانہ کےمالیاتی خدمات کے محکمے (ڈی ایف ایس)کی طرف سے تین ماہ کی ایک زبردست نقطہ عروج کی مہم چلائی جا رہی ہے۔

ریاستی انتظامیہ اور حکومت ہند کی دیگر وزارتوں کی سرگرم شرکت کے ساتھ بینکوں کے جانب سےملک کے تمام ضلعوں میں گرام پنچایت سطح پر کیمپوں کا اہتمام کیا جائے گاتاکہ یہ یقینی بنایا جا سکے کہ دو جن  سورکشا اسکیمیں پی ایم جے جے بی وائی اور پردھان منتری سورکشا بیمہ یوجنا پی ایم ایس بی وائی کے فائدے عوام تک پہنچیں۔

ریاستوں/ مرکز کے زیر انتظام علاقوں کے چیف سکریٹریوں، پبلک سیکٹر بینکوں  کےچیئرمین/ ایم ڈی اور سی ای اوز کو  مشورہ دیا گیا ہے کہ وہ اس مہم کے دوران مکمل تعاون  دیں ۔ لیڈ ڈسٹرکٹ مینیجرز (ایل ڈی ایم) ریاستوں/ مرکز کے زیر انتظام علاقوں کی ریاستی/ مرکز کے زیر انتظام علاقوں کی بینکرس کمیٹیوں اور اضلاع کے ضلع مجسٹریٹوں/ کلکٹروں کے ساتھ مشاورت سے مہم کی قیادت کریں گے۔ حکومت ہند کی لائن وزارتوں کو مشورہ دیا گیا ہے کہ وہ اندراج کے لیے اسکیم کے استفادہ کنندگان کی شناخت اور متحرک ہونے کے لیے اپنے فیلڈ عہدہ داروں کا استعمال کریں۔

ڈی ایف ایس کے  تمام نوڈل افسروں کو ہدایت دی گئی ہے کہ وہ خصوصی ایس ایل بی سی/ یو ٹی ایل بی سی میٹنگوں میں شرکت کریں اور گرام پنچایت سطح  پر نقطہ عروج کی مہم کی نگرانی کے لیے فیلڈ وزٹ کریں۔

اسکیموں کے بارے میں

حکومت ہند کی دو سماجی تحفظ کی اسکیمیں؛ پردھان منتری جیون جیوتی بیمہ یوجنا (پی ایم جے جے بی وائی) اور پردھان منتری تحفظ بیمہ یوجنا (پی ایم ایس بی وائی) کا مقصد شہریوں، خاص طور پر سماج کے پسماندہ طبقات کو زندگی اور حادثاتی بیمہ کا احاطہ فراہم کرنا ہے۔پی ایم جے جے بی وائی کسی بھی وجہ سے ہونے والی موت کی صورت میں 2 لاکھ روپے کا انشورنس کور فراہم کرتا ہے جبکہ پی ایم ایس بی وائی موت یا مکمل مستقل معذوری کے لیے 2 لاکھ روپے اور جزوی مستقل معذوری کی صورت میں 1 لاکھ روپے کا حادثاتی بیمہ فراہم کرتا ہے۔ دونوں اسکیمیں ایسے حالات میں سبسکرائبرز اور/یا ان کے خاندانوں کو انتہائی ضروری مالی مدد فراہم کرتی ہیں۔

*************

ش ح۔ ح ا ۔ م ش

U. No.3649

(Release ID: 1913214) Visitor Counter : 80