امداد باہمی کی وزارت نے نیشنل کوآپریٹو یونین آف انڈیا (این سی یو آئی) کے ساتھ مل کر ایک قومی کوآپریٹو ڈیٹا بیس بنانے کا عمل شروع کیا ہے، تاکہ مختلف شعبوں کے کوآپریٹیو کے بارے میں معلومات کے ایک نقطہ تک رسائی فراہم کی جاسکے۔ ریاستی حکومتوں، نیشنل کوآپریٹو فیڈریشنز، متعلقہ اداروں اور دیگر اسٹیک ہولڈرز کے ساتھ مشاورت کے کئی دور کے بعد، سیکٹر کے مخصوص ڈیٹا فیلڈز کو نقشہ بنایا گیا ہے۔ ڈیٹا بیس کی توثیق، دیکھ بھال، توسیع اور باقاعدگی سے اپ ڈیٹ کرنے کا بھی انتظام کیا گیا ہے۔ نیشنل کوآپریٹو ڈیٹا بیس کو مرحلہ وار مکمل کیا جائے گا۔ مرحلہ-I کے تحت، تین شعبوں یعنی پرائمری ایگریکلچر کریڈٹ سوسائٹیز (پی اے سی ایس)، ڈیری اور ماہی پروری  میں کام کرنے والی تقریباً 2.63 لاکھ پرائمری کوآپریٹو سوسائٹیز کی میپنگ مکمل ہو چکی ہے۔ توقع ہے کہ ڈیٹا بیس کو جولائی 2023 تک دیگر تمام شعبوں کی کوآپریٹو سوسائٹیز تک بڑھا دیا جائے گا۔ ڈیٹا بیس کوآپریٹو سیکٹر کے لیے مناسب پالیسیوں کی منصوبہ بندی، تشکیل اور نفاذ میں اسٹیک ہولڈرز کو سہولت فراہم کرے گا۔

یہ بات امداد باہمی کے وزیر جناب امت شاہ نے راجیہ سبھا میں ایک سوال کے تحریری جواب میں کہی۔

۔۔۔۔۔۔۔۔۔۔۔۔۔۔۔۔۔۔

 

(ش ح- ا ک- ق ر)

U-3559

(Release ID: 1912506) Visitor Counter : 103